କଳାହାଣ୍ଡି ଜିଲ୍ଲାର ମଦନପୁର ରାମପୁର ଅଞ୍ଚଳରେ ଏକ ଦୁର୍ଘଟଣା ଘଟିଛି, ଯେଉଁଥିରେ ପ୍ରାୟ ୧୦ରୁ ୧୨ ଜଣ ବ୍ୟକ୍ତି ଆହତ ହୋଇଥିବା ସୂଚନା ମିଳିଛି। ରାସ୍ତାର ଅବସ୍ଥା ଭଲ ନଥିବା ଯୋଗୁଁ ଏହି ଦୁର୍ଘଟଣା ଘଟିଛି।

କଳାହାଣ୍ଡି ଜିଲ୍ଲାର ମଦନପୁର ରାମପୁର ଅଞ୍ଚଳରେ ଏକ ଦୁର୍ଘଟଣା ଘଟିଛି, ଯେଉଁଥିରେ ପ୍ରାୟ ୧୦ରୁ ୧୨ ଜଣ ବ୍ୟକ୍ତି ଆହତ ହୋଇଥିବା ସୂଚନା ମିଳିଛି। ରାସ୍ତାର ଅବସ୍ଥା ଭଲ ନଥିବା ଯୋଗୁଁ ଏହି ଦୁର୍ଘଟଣା ଘଟିଛି।

ବୌଦ୍ଧ ଜିଲ୍ଲାର କଣ୍ଟାମାଲ ପୋଲିସ ପକ୍ଷରୁ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଏହି କାର୍ଯ୍ୟାନୁଷ୍ଠାନ ସମୟରେ, ପୋଲିସ ଲକ୍ଷ ଲକ୍ଷ ଟଙ୍କା ମୂଲ୍ୟର ଗଂଜେଇ ଜବତ କରିବାରେ ସଫଳ ହୋଇଛି।

କଳାହାଣ୍ଡି ଜିଲ୍ଲାର କୋକସରା ବ୍ଲକ ଅନ୍ତର୍ଗତ ସାନ ପୋଡ଼ାଗୁଡ଼ା ବିଜୁ ଏକ୍ସପ୍ରେସ ୱେ ନିକଟରେ ବିଳମ୍ବିତ ରାତିରେ ଏକ ଭାଲୁର ମୃତ୍ୟୁ ଘଟିଛି। ରାସ୍ତା ପାର ହେଉଥିବା ସମୟରେ କୌଣସି ଏକ ଅଜଣା ଗାଡ଼ି ଧକ୍କା ଦେବା ଫଳରେ ଭାଲୁଟି ପ୍ରାଣ ହରାଇଛି। ସକାଳୁ ସ୍ଥାନୀୟ ଲୋକମାନେ ରାସ୍ତା କଡ଼ରେ ଭାଲୁର ମୃତଦେହ ପଡ଼ିଥିବା ଦେଖିବା ପରେ ତୁରନ୍ତ ଜଙ୍ଗଲ ବିଭାଗ କର୍ମଚାରୀଙ୍କୁ ଖବର ଦେଇଥିଲେ। ସୂଚନା ପାଇ ଜଙ୍ଗଲ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ମୃତ ଭାଲୁକୁ ଉଦ୍ଧାର କରିଛନ୍ତି ଏବଂ ଏହି ଘଟଣାର ତଦନ୍ତ ଜାରି ରଖିଥିବା ସୂଚନା ମିଳିଛି।

କଳାହାଣ୍ଡି ଜିଲ୍ଲାର ଜୟପାଟଣା ବ୍ଲକ ଅନ୍ତର୍ଗତ ରଣମାଲ ଧାନ ମଣ୍ଡିରେ ଚାଷୀମାନେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ମଣ୍ଡିରୁ ଧାନ ଉଠାଣରେ ବିଳମ୍ବ ଏବଂ ଦାୟିତ୍ୱରେ ଥିବା ମଣ୍ଡି ଅଧିକାରୀଙ୍କ ପାତରଅନ୍ତର ନୀତିକୁ କଡ଼ା ସମାଲୋଚନା କରି ଚାଷୀମାନେ ପ୍ରତିବାଦ କରିଛନ୍ତି।

କଳାହାଣ୍ଡି ଜିଲ୍ଲାର ଲାଞ୍ଜିଗଡ ବ୍ଲକ ଅନ୍ତର୍ଗତ ପୋଖରୀବନ୍ଧ ଉଚ୍ଚ ବିଦ୍ୟାଳୟ ଖେଳପଡିଆ ପରିସରରେ ଶନିବାର ମାଁ ମହାକାଳ ନକଆଉଟ କ୍ରିକେଟ ଟୁର୍ଣ୍ଣାମେଣ୍ଟର ଉଦଯାପନ ହୋଇଯାଇଛି।

Post by Anish k d Anish

ଦୁଇ ବିକଳାଙ୍ଗ ବ୍ୟକ୍ତି ସରକାରୀ ଯୋଜନାରୁ ବହୁ ଦୂରରେ ରହି ସଙ୍ଗୀନ ପରିସ୍ଥିତିର ସମ୍ମୁଖୀନ ହେଉଛନ୍ତି, ଯାହା ସେମାନଙ୍କ ଭାଗ୍ୟକୁ ବିପର୍ଯ୍ୟସ୍ତ କରି ପକାଇଛି। ଏକ ଘର ଏବଂ ଆର୍ଥିକ ସହାୟତା ପାଇଁ ସେମାନଙ୍କ ପରିବାର ପକ୍ଷରୁ ଗୁହାରୀ କରାଯାଇଛି। ସେମାନଙ୍କୁ କେବେ ଭତ୍ତା ଏବଂ ଘର ମିଳିବ, ତାହା ଏକ ପ୍ରଶ୍ନବାଚୀ ସୃଷ୍ଟି କରିଛି, କାରଣ ସରକାରୀ ଯୋଜନାଗୁଡ଼ିକ କେବଳ କଥାରେ ହିଁ ଅଟକି ରହିଥିବା ଅଭିଯୋଗ ହେଉଛି।

ସେବା ଓ ସୁରକ୍ଷାର ବଡ଼ ବଡ଼ ଦାବି କରୁଥିବା ଅଗ୍ନିଶମ ବିଭାଗର ଅସଲ ଚେହେରା ପୁଣି ଥରେ ପଦାରେ ପଡ଼ିଛି। ୬ ନମ୍ବର ରାଜ୍ୟ ରାଜପଥରେ ଘଟିଥିବା ଏକ ଭୟାବହ ସଡ଼କ ଦୁର୍ଘଟଣାରେ ଜଣେ ଚାଳକଙ୍କ ମୃତଦେହ ୧୨ ଘଣ୍ଟା ପର୍ଯ୍ୟନ୍ତ ଗାଡ଼ି ଭିତରେ ଚାପି ହୋଇ ରହିଛି, କାରଣ ଉଦ୍ଧାର ପାଇଁ ଆବଶ୍ୟକୀୟ ସାମଗ୍ରୀ ଅଗ୍ନିଶମ ବିଭାଗ ପାଖରେ ନାହିଁ। ମିଳିଥିବା ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ଭବାନୀପାଟଣା ଓ ରାୟଗଡ଼ାକୁ ସଂଯୋଗ କରୁଥିବା ୬ ନମ୍ବର ରାଜ୍ୟ ରାଜପଥରେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣାରେ ଗାଡ଼ିର ଚାଳକଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା ଏବଂ ଗାଡ଼ିଟି ଏଭଳି ଭାବେ ଚୂରମାର ହୋଇଯାଇଛି ଯେ ମୃତଦେହ ଗାଡ଼ି ଭିତରେ ଚାପି ହୋଇ ରହିଛି। ଲାଞ୍ଜିଗଡ଼ ଅଗ୍ନିଶମ ବାହିନୀ ଘଟଣା ସମ୍ପର୍କରେ ଅବଗତ ଥିଲେ ମଧ୍ୟ, ଗାଡ଼ି କାଟି ମୃତଦେହ ବାହାର କରିବା ପାଇଁ ସେମାନଙ୍କ ପାଖରେ ଆଧୁନିକ କଟର କିମ୍ବା ଆବଶ୍ୟକୀୟ ଉଦ୍ଧାର ସାମଗ୍ରୀ ନ ଥିବାରୁ ଖବର ପ୍ରସାରଣ ପର୍ଯ୍ୟନ୍ତ ଘଟଣାସ୍ଥଳରେ ପହଞ୍ଚି ନଥିବା ଜଣାପଡ଼ିଛି। ବିଭାଗର ଏହି ଚରମ ଅବହେଳା ଯୋଗୁଁ ମୃତଦେହ ଦୀର୍ଘ ୧୨ ଘଣ୍ଟା ଧରି ଗାଡ଼ି ଭିତରେ ପଡ଼ି ରହିଛି। ଏହାକୁ ନେଇ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି ଏବଂ ପ୍ରଶ୍ନ ଉଠିଛି ଯେ, ଯଦି ଜରୁରୀକାଳୀନ ସେବା ଯୋଗାଇବା ପାଇଁ ଉଦ୍ଦିଷ୍ଟ ଅଗ୍ନିଶମ ବିଭାଗ ପାଖରେ ସାଧାରଣ ଉଦ୍ଧାର ସାମଗ୍ରୀ ଟିକକ ନାହିଁ, ତେବେ ଏହି ବିଭାଗ କେଉଁ କାମର? ଜଣେ ମୃତ ବ୍ୟକ୍ତିଙ୍କ ପ୍ରତି ମଧ୍ୟ ପ୍ରଶାସନର ସମ୍ବେଦନଶୀଳତା ନ ଥିବାକୁ ନେଇ ଆଲୋଚନା ଚାଲିଛି।