जालना जिल्ह्यातील बदनापूर येथे लाईट ऑफ लाईफ ट्रस्टच्या वतीने शनिवार, ११ जुलै २०२६ रोजी बदनापूर सेंटरअंतर्गत १०३ गरजू विद्यार्थ्यांना शैक्षणिक साहित्याचे वाटप करण्यात आले. हा कार्यक्रम रावसाहेब दानवे पाटील डी. फार्मसी कॉलेज येथे अत्यंत उत्साहपूर्ण वातावरणात पार पडला. या कार्यक्रमाचे आयोजन ट्रस्टच्या जालना विभागाचे वरिष्ठ प्रकल्प अधिकारी श्री. जोमा मस्ती यांच्या मार्गदर्शनाखाली झाले, तर अध्यक्षस्थानी डी. फार्मसी कॉलेजचे विभागप्रमुख प्रा. शंकर खंदारे उपस्थित होते. याप्रसंगी प्रमुख पाहुणे म्हणून साई हायस्कूलचे मुख्याध्यापक मा. श्री. जी. डोईफोडे, शांतिदेवी शार्के विद्यालयाचे मुख्याध्यापक मा. श्री. पी. आर. उगळमुळे आणि उद्योजक श्री. अर्जुन दाभाडे उपस्थित होते. या कार्यक्रमात चालू शैक्षणिक वर्षासाठी विद्यार्थ्यांना शालेय बॅग, रजिस्टर, कंपास बॉक्स, चित्रकला वही, आलेख पुस्तक यासह इतर आवश्यक साहित्याचे वितरण करण्यात आले. उपस्थित मान्यवरांनी विद्यार्थ्यांना शिक्षणाचे महत्त्व पटवून देत, परिश्रमाच्या आणि आत्मविश्वासाच्या बळावर स्वतःच्या पायावर उभे राहून समाजात आदर्श स्थान निर्माण करण्याचे आवाहन केले. लाईट ऑफ लाईफ ट्रस्ट ही संस्था २००८ पासून जालना जिल्ह्यातील मंठा, वाटूर, जालना, बदनापूर आणि भाटेपुरी या भागांत विविध सामाजिक व शैक्षणिक उपक्रम राबवत आहे. डॉ. विल्ली डॉक्टर या संस्थेच्या संस्थापिका असून, संस्था विद्यार्थ्यांच्या सर्वांगीण विकासासाठी आणि गुणवत्तापूर्ण शिक्षणासाठी सातत्याने मोफत मदत व प्रशिक्षण कार्यक्रम राबवते. या कार्यक्रमाला सुबोध खंदारे, कैलास कोल्हे, शिवाजी काजळकर, सोनाली कोरडे यांच्यासह विद्यार्थी, पालक आणि विविध क्षेत्रांतील मान्यवर मोठ्या संख्येने उपस्थित होते.

Sandip Gaikwad

Accountant मंठा, जालना, महाराष्ट्र•

5 hrs ago

जालना जिल्ह्यातील बदनापूर येथे लाईट ऑफ लाईफ ट्रस्टच्या वतीने शनिवार, ११ जुलै २०२६ रोजी बदनापूर सेंटरअंतर्गत १०३ गरजू विद्यार्थ्यांना शैक्षणिक साहित्याचे वाटप करण्यात आले. हा कार्यक्रम रावसाहेब दानवे पाटील डी. फार्मसी कॉलेज येथे अत्यंत उत्साहपूर्ण वातावरणात पार पडला. या कार्यक्रमाचे आयोजन ट्रस्टच्या जालना विभागाचे वरिष्ठ प्रकल्प अधिकारी श्री. जोमा मस्ती यांच्या मार्गदर्शनाखाली झाले, तर अध्यक्षस्थानी डी. फार्मसी कॉलेजचे विभागप्रमुख प्रा. शंकर खंदारे उपस्थित होते. याप्रसंगी प्रमुख पाहुणे म्हणून साई हायस्कूलचे मुख्याध्यापक मा. श्री. जी. डोईफोडे, शांतिदेवी शार्के विद्यालयाचे मुख्याध्यापक मा. श्री. पी. आर. उगळमुळे आणि उद्योजक श्री. अर्जुन दाभाडे उपस्थित होते. या कार्यक्रमात चालू शैक्षणिक वर्षासाठी विद्यार्थ्यांना शालेय बॅग, रजिस्टर, कंपास बॉक्स, चित्रकला वही, आलेख पुस्तक यासह इतर आवश्यक साहित्याचे वितरण करण्यात आले. उपस्थित मान्यवरांनी विद्यार्थ्यांना शिक्षणाचे महत्त्व पटवून देत, परिश्रमाच्या आणि आत्मविश्वासाच्या बळावर स्वतःच्या पायावर उभे राहून समाजात आदर्श स्थान निर्माण करण्याचे आवाहन केले. लाईट ऑफ लाईफ ट्रस्ट ही संस्था २००८ पासून जालना जिल्ह्यातील मंठा, वाटूर, जालना, बदनापूर आणि भाटेपुरी या भागांत विविध सामाजिक व शैक्षणिक उपक्रम राबवत आहे. डॉ. विल्ली डॉक्टर या संस्थेच्या संस्थापिका असून, संस्था विद्यार्थ्यांच्या सर्वांगीण विकासासाठी आणि गुणवत्तापूर्ण शिक्षणासाठी सातत्याने मोफत मदत व प्रशिक्षण कार्यक्रम राबवते. या कार्यक्रमाला सुबोध खंदारे, कैलास कोल्हे, शिवाजी काजळकर, सोनाली कोरडे यांच्यासह विद्यार्थी, पालक आणि विविध क्षेत्रांतील मान्यवर मोठ्या संख्येने उपस्थित होते.