অসমৰ ধুবুৰী জিলাৰ ভাটীপেটলা, আলোকঝাৰী আৰু মহামায়া ধামক সংযোগ কৰি এক পথৰ বিষয়ে তথ্য পোৱা গৈছে। এই পথটোৱে ভাটীপেটলা, আলোকঝাৰী আৰু মহামায়া ধামক সামৰি লৈছে।

বঙাইগাঁও আৰক্ষীয়ে এক ব্যতিক্ৰমী তথা অতি প্ৰশংসনীয় পদক্ষেপ গ্ৰহণ কৰি জিলাখনৰ বঙাইগাঁও আৰক্ষী ছাউনীত 'স্নেহস্পৰ্শ' নামৰ এটা নতুন প্ৰাথমিক স্বাস্থ্য কেন্দ্ৰ মুকলি কৰিছে। এই কেন্দ্ৰটো দিনে-নিশাই কৰ্তব্যৰত আৰক্ষী জোৱান আৰু তেওঁলোকৰ পৰিয়ালৰ সদস্যসকলৰ স্বাস্থ্যৰ প্ৰতি বিশেষ লক্ষ্য ৰাখি স্থাপন কৰা হৈছে। নিজৰ দায়িত্ব পালন কৰিবলৈ গৈ প্ৰায়ে নিজৰ স্বাস্থ্যৰ যতন ল'বলৈ পাহৰি যোৱা আৰক্ষীসকলৰ বাবে এই কেন্দ্ৰটো এক ডাঙৰ সকাহ হ'ব। এই স্বাস্থ্য কেন্দ্ৰটো আজি এক গাম্ভীৰ্যপূৰ্ণ অনুষ্ঠানৰ মাজেৰে বৰপেটা লোকসভা সমষ্টিৰ সাংসদ ফণীভূষণ চৌধুৰীয়ে শুভ উদ্বোধন কৰে। এই উদ্বোধনী অনুষ্ঠানত পশ্চিম মণ্ডলৰ আৰক্ষী মহাপৰিদৰ্শক বিজয়গিৰী কুলিগ্ৰাম, বঙাইগাঁও জিলাৰ যুটীয়া স্বাস্থ্য সঞ্চালক ডাঃ গোপাল ৰায়, অতিৰিক্ত আয়ুক্ত (স্বাস্থ্য) প্ৰাঞ্জল দাস আৰু বঙাইগাঁৱৰ বিশিষ্ট চিকিৎসক ডাঃ ইতেশ বৰদলৈকে ধৰি কেইবাগৰাকীও বিশিষ্ট ব্যক্তি উপস্থিত থাকে। উপস্থিত সকলোৱে আৰক্ষীৰ পৰিয়ালৰ বাবে স্বাস্থ্য সেৱা সুনিশ্চিত কৰাৰ এই প্ৰয়াসক একেমুখে শলাগ লয়। এতিয়াৰে পৰা 'স্নেহস্পৰ্শ'ৰ জৰিয়তে আৰক্ষী আৰু তেওঁলোকৰ পৰিয়ালৰ লোকসকলে যিকোনো স্বাস্থ্যজনিত সমস্যাৰ প্ৰাথমিক চিকিৎসা অতি সহজেই নিজৰ ছাউনীত লাভ কৰিবলৈ সক্ষম হ'ব। সমাজৰ সুৰক্ষাৰ স্বাৰ্থত আত্মনিয়োগ কৰা আৰক্ষীসকলক শাৰীৰিকভাৱে সুস্থ আৰু সবল কৰি ৰখাৰ ক্ষেত্ৰত এই স্বাস্থ্য কেন্দ্ৰটোৱে এক গুৰুত্বপূৰ্ণ ভূমিকা পালন কৰিব বুলি আশা প্ৰকাশ কৰা হৈছে।

বৰপেটা জিলাৰ কলগাছিয়াৰ কৰাৰকুৰত থকা বেকী নদীৰ দলংখন বিকল হৈ পৰাৰ ফলত স্থানীয় ৰাইজে বিগত পাঁচ মাহ ধৰি 'জমৰ যাতনা' ভুগিবলগীয়া হৈছে। পাঁচ মাহ পূৰ্বে দলংখনৰ পূব অংশৰ এটা খুটা তলপিনে ঢাবি যোৱাত জিলা প্ৰশাসনে ইয়াৰ ওপৰেদি যান-বাহন চলাচল সম্পূৰ্ণৰূপে বন্ধ কৰি দিছিল, যাৰ ফলত হাজাৰ হাজাৰ লোক দৈনিক যাতায়তৰ বাবে নৰক যন্ত্ৰণাৰ সন্মুখীন হৈছে। জনীয়া সমষ্টিৰ তদানীন্তন বিধায়ক ডঃ ৰফিকুল ইছলামে বিধান সভাৰ মজিয়াত এই বিষয়টো বলিষ্ঠ পদক্ষেপৰে উত্থাপন কৰাৰ পিছত, অসমৰ মুখ্যমন্ত্ৰী ডঃ হিমন্ত বিশ্ব শৰ্মাৰ নিৰ্দেশত বিভাগীয়ভাৱে দলংখন ওখ কৰি পুনৰ যাতায়তৰ বাবে সুচল কৰিবলৈ ধন আৱণ্টন দিয়া হয়। বৰ্তমান মেৰামতিৰ কাম আৰম্ভ হৈছে যদিও ইয়াৰ লেহেমীয়া গতিৰ বাবে স্কুল-কলেজৰ ছাত্ৰ-ছাত্ৰী, চাকৰিজীৱী, ব্যৱসায়ী আৰু ৰোগীসকলকে ধৰি সকলো শ্ৰেণীৰ লোকে চৰম অসুবিধাৰ সন্মুখীন হৈছে। এনে পৰিস্থিতিত, ৰাইজে শীঘ্ৰে পূৰ্ণ গতিত দলং মেৰামতিৰ কাম সম্পন্ন কৰি চাৰিচকীয়া বাহন চলাচলৰ ব্যৱস্থা কৰিবলৈ দাবী জনাইছে। লগতে, তেওঁলোকে মুখ্যমন্ত্ৰী ডঃ হিমন্ত বিশ্ব শৰ্মাৰ সু-দৃষ্টি কামনা কৰিছে আৰু দলং মেৰামতিৰ বাবে ধন মোকলাই দিয়া বিজেপি চৰকাৰক ধন্যবাদ জনাইছে।

খুমটাইৰ বিধায়ক মৃণাল শইকীয়া ব্লেক পেন্থাৰ চাবলৈ মানাহলৈ গৈছিল। বিধায়কগৰাকীয়ে স্বচক্ষে ব্লেক পেন্থাৰ প্ৰত্যক্ষ কৰি আনন্দিত হৈ পৰে।

বিধায়ক মৃণাল শইকীয়াই মানাহ ৰাষ্ট্ৰীয় উদ্যান ভ্ৰমণ কৰে। এই ভ্ৰমণকালত বিধায়কগৰাকীয়ে নিজ চকুৰে এক ব্লেক পেন্থাৰ প্ৰত্যক্ষ কৰি অত্যন্ত আপ্লুত হয়।

মুখ্যমন্ত্ৰী ড° হিমন্ত বিশ্ব শৰ্মাই গুৱাহাটীত এক অনুষ্ঠানত ইউৰোপীয় সংঘৰ সহযোগত 'ব্লু ভেলি ক্লাষ্টাৰ' শুভাৰম্ভ কৰে, যিয়ে অসম-ইউৰোপ অংশীদাৰিত্বত এক নতুন অধ্যায়ৰ সূচনা কৰিছে। এই পদক্ষেপৰ জৰিয়তে সুগন্ধি, সুবাস, আয়ুষ চিকিৎসা আৰু খাদ্য সংসাধনৰ ক্ষেত্ৰত সহযোগিতা শক্তিশালী হ'ব, লগতে উদ্ভাৱন, উদ্যমিতা, বিনিয়োগ আৰু বহনক্ষম বিকাশৰ বাবে নতুন সুযোগৰ সৃষ্টি হ'ব বুলি আশা কৰা হৈছে। ইয়াৰ লক্ষ্য হৈছে অসমক ভাৰত-ইউৰোপৰ অৰ্থনৈতিক সহযোগিতাৰ প্ৰধান দুৱাৰমুখ হিচাপে প্ৰতিষ্ঠা কৰা। 'ব্লু ভেলি ক্লাষ্টাৰ' পদক্ষেপৰ অংশ হিচাপে অসম ঔদ্যোগিক উন্নয়ন নিগম (AIDC) আৰু 'ফেডাৰেচন অব্ ইউৰোপিয়ান বিজনেছ ইন ইণ্ডিয়া' (FEBI) ৰ মাজত এখন বুজাবুজিৰ চুক্তি স্বাক্ষৰিত হয়। মুখ্যমন্ত্ৰী ড° শৰ্মা আৰু ভাৰতস্থিত ইউৰোপীয় সংঘৰ ৰাষ্ট্ৰদূত হাৰ্ভে ডেলফিনৰ উপস্থিতিত এআইডিচিৰ পৰিচালন সঞ্চালক হিভাৰে নিসর্গ গৌতম আৰু 'ফেবি'ৰ সচিব প্ৰধান ছোনিয়া প্ৰাশৰে এই চুক্তিত স্বাক্ষৰ কৰে। এই অনুষ্ঠানত ভাৰতস্থিত বেলজিয়ামৰ ৰাষ্ট্ৰদূত ডিডিয়াৰ ভাণ্ডেবহাছেল্ট, ভাৰত চৰকাৰৰ বৈদেশিক পৰিক্ৰমা মন্ত্ৰালয়ৰ সচিব (পশ্চিম) এন্থ ছিবিল জৰ্জ, অসম চৰকাৰৰ মুখ্য সচিব ড° ৰবি কোটা, অন্যান্য জ্যেষ্ঠ বিষয়াসকল আৰু বিভিন্ন ইউৰোপীয় দেশ, প্ৰতিষ্ঠান আৰু ব্যৱসায়িক সংগঠনৰ প্ৰতিনিধিসকলো উপস্থিত থাকে। এই উপলক্ষে ভাষণ দি মুখ্যমন্ত্ৰী ড° শৰ্মাই আশা প্ৰকাশ কৰে যে 'ব্লু ভেলি ক্লাষ্টাৰ'-এ ভাৰত আৰু ইউৰোপক সংযোগ কৰা এক শক্তিশালী পৰিৱেশতন্ত্ৰ আৰু মূল্য শৃংখল গঢ়ি তোলাত সহায় কৰিব, যাৰ ফলত উদ্ভাৱন বৃদ্ধি পাব, বজাৰৰ প্ৰসাৰ ঘটিব আৰু বিকাশৰ বাবে এক অংশীদাৰিত্বমূলক সুযোগ সৃষ্টি হ'ব। তেওঁ লগতে কয় যে এই পদক্ষেপ 'এডভান্টেজ আছাম ২.০ বিনিয়োগ আৰু আন্তঃগাঁথনি সন্মিলন'ৰ অন্যতম ফল আৰু ই অসমৰ প্ৰাকৃতিক সম্পদক গোলকীয় মূল্য শৃংখলৰ সৈতে সংযোগ কৰাত সহায় কৰিব। ইয়াৰ দ্বাৰা দক্ষিণ-পূব এছিয়াৰ সৈতে ভাৰতৰ প্ৰধান প্ৰৱেশদ্বাৰ হিচাপে ৰাজ্যখনৰ বিকাশত নতুন পথ মুকলি হ'ব আৰু অসম ভাৰত-ইউৰোপ সহযোগিতাৰ কেন্দ্ৰবিন্দুলৈ অহাৰ সম্ভাৱনা আছে। ড° শৰ্মাই বৰ্ধিত ভাৰত-ইউৰোপীয় অংশীদাৰিত্বৰ ওপৰত আলোকপাত কৰি কয় যে প্ৰধানমন্ত্ৰী নৰেন্দ্ৰ মোদীৰ নেতৃত্বত ভাৰত বিশ্বৰ আগশাৰীৰ বিকাশৰ ইঞ্জিন আৰু এক বিশ্বাসযোগ্য গোলকীয় অংশীদাৰ হিচাপে আত্মপ্ৰকাশ কৰিছে। তেওঁ লগতে কয় যে 'ব্লু ভেলি ক্লাষ্টাৰ' হৈছে ভাৰত-ইউৰোপীয় সংঘৰ বৰ্ধিত অংশীদাৰিত্বৰ এক বাস্তৱিক পৰিণতি আৰু কৌশলগত সহযোগিতাই কিদৰে ব্যৱসায়ী, উদ্যোগী, গৱেষক আৰু সমাজৰ বাবে সুযোগ সৃষ্টি কৰিব পাৰে তাৰ এক প্ৰমাণ। এই পদক্ষেপে ইউৰোপীয় আৰু ভাৰতীয় প্ৰতিষ্ঠান, উদ্যোগ আৰু ষ্টাৰ্ট-আপসমূহৰ মাজত গৱেষণা, উদ্ভাৱন, বিনিয়োগ আৰু ঔদ্যোগিক সহযোগিতা বৃদ্ধি কৰি জৈৱ-বৈচিত্ৰ্য, প্ৰাকৃতিক সম্পদ, পৰম্পৰাগত স্বাস্থ্য ৰক্ষা কৌশল আদি দিশত থকা অসমৰ শক্তিক কাৰ্যক্ষেত্ৰত ব্যৱহাৰ কৰাত সহায় কৰিব। মুখ্যমন্ত্ৰীয়ে ইউৰোপীয় সংঘৰ প্ৰতিনিধিসকলক অসমত নীতিগত নিশ্চয়তা আৰু সহজে ব্যৱসায় কৰাৰ পৰিৱেশ থকাৰ বিষয়ে অৱগত কৰে। তেওঁ কয় যে একক উইণ্ডো ক্লিয়াৰেন্স ব্যৱস্থাৰ জৰিয়তে ২৫ লাখতকৈও অধিক অনুমোদন প্ৰদান কৰা হৈছে, এক লাখ একৰতকৈও অধিক ঔদ্যোগিক ভূমি বিকশিত কৰা হৈছে, ৬৫টা ঔদ্যোগিক ক্ষেত্ৰ স্থাপন কৰা হৈছে আৰু বিশেষ আন্তঃগাঁথনিৰ সৈতে খণ্ড-নিৰ্দিষ্ট ঔদ্যোগিক উদ্যান নিৰ্মাণ কৰা হৈছে। ড° শৰ্মাই ছেমিকণ্ডাক্টৰ, ইলেক্ট্ৰনিক্স, উৎপাদন, কৃত্ৰিম বুদ্ধিমত্তা, জৈৱ-প্ৰযুক্তি আদি খণ্ডসমূহত ইউৰোপীয় সহযোগিতা লাভৰ বাবে অসম আশাবাদী বুলিও জনায়, যাৰ জৰিয়তে যুৱক-যুৱতীসকলৰ বাবে উচ্চমানৰ সুযোগ সৃষ্টি হ'ব আৰু ঘৰুৱা চাহিদা পূৰণ হ'ব। তেওঁ অসমৰ সৈতে ঘনিষ্ঠ সম্পৰ্ক গঢ়ি তোলা আৰু 'ব্লু ভেলি ক্লাষ্টাৰ' পদক্ষেপক ৰূপায়ণ কৰাত দেখুওৱা গভীৰ আগ্ৰহৰ বাবে ইউৰোপীয় সংঘৰ ৰাষ্ট্ৰদূত হাৰ্ভে ডেলফিন আৰু ইউৰোপীয় সংঘৰ দলটোক ধন্যবাদ জনায়, আৰু ভাৰত-ইউৰোপীয় সংঘৰ সম্পৰ্ক অধিক শক্তিশালী হোৱাৰ আশা প্ৰকাশ কৰে। ইয়াৰ পূৰ্বে মুখ্যমন্ত্ৰী ড° শৰ্মাই ভাৰতস্থিত ইউৰোপীয় সংঘৰ ৰাষ্ট্ৰদূত হাৰ্ভে ডেলফিন, ভাৰতস্থিত বেলজিয়ামৰ ৰাষ্ট্ৰদূত ডিডিয়াৰ ভাণ্ডেবহাছেল্ট আৰু বিভিন্ন ইউৰোপীয় দেশৰ প্ৰতিনিধিসকলৰ সৈতে দ্বিপাক্ষিক সম্পৰ্ক শক্তিশালী কৰা সন্দৰ্ভত এক ফলপ্ৰসূ আলোচনাত মিলিত হয়।

ৰঙিয়াৰ ৰূদ্ৰমনি ধাবাত যোৱা নিশা সংঘটিত হোৱা আক্ৰমণৰ ঘটনাক কেন্দ্ৰ কৰি আজি ৰঙিয়া থানাত পৌৰপতি অমৰেন্দ্ৰ লহকৰে এখন এজাহাৰ দাখিল কৰিছে। এই ঘটনাৰ সৈতে জড়িত ৭ গৰাকী লোকৰ বিৰুদ্ধে এই এজাহাৰ দাখিল কৰা হৈছে। আনহাতে, এই ঘটনাৰ পাছতে পৌৰপতি লহকৰে ৰঙিয়াৰ ৰাইজক শান্তি-শৃংখলা বজাই ৰাখিবলৈ আহ্বান জনাইছে।

Post by User5848