#ହାତୀ_ସୁରକ୍ଷା_ପାଇଁ_ଚିନ୍ତାରେ_ବନ_ବିଭାଗ ଅନୁଗୁଳ ରେ ହାତୀ ସୁରକ୍ଷା ପାଇଁ ବନ ବିଭାଗ ପକ୍ଷରୁ କୋର୍ କମିଟି ବୈଠକ ଅନୁଷ୍ଠିତ ହୋଇଥିଲା।ହାତୀ ସୁରକ୍ଷା ପାଇଁ ଚିନ୍ତାରେ ବନ ବିଭାଗ। ଏହି କିଛି ଦିନ ପୂର୍ବେ ହାତୀ ମୃତ୍ୟୁ ଘଟଣା ବନ ବିଭାଗକୁ ଚିନ୍ତାରେ ପକାଇଥିବା ବେଳେ, ସେପଟେ ହାତୀ ଆକ୍ରମଣରେ ଅନେକ ଲୋକଙ୍କ ପ୍ରାଣହାନି ଘଟିଛି। ଏହି ପରିପ୍ରେକ୍ଷୀରେ ହାତୀ ଓ ମଣିଷ ଙ୍କୁ କିପରି ସୁରକ୍ଷା ମିଳିବ ସେନେଇ ଆଜି ବନ ବିଭାଗ ପକ୍ଷରୁ ଏକ କୋର୍ କମିଟି ବୈଠକ ଅନୁଗୁଳର ସ୍ଥାନୀୟ ସର୍କିଟ ହାଉସ ଠାରେ ଅନୁଷ୍ଠିତ ହୋଇଥିଲା। ଉକ୍ତ ବୈଠକରେ ଅନୁଗୁଳ ବିଧାୟକ ପ୍ରତାପ ଚନ୍ଦ୍ର ପ୍ରଧାନ ଯୋଗଦେଇ ହାତୀ ଓ ଜନସାଧାରଣଙ୍କ ସୁରକ୍ଷା ପାଇଁ ବନ ବିଭାଗ ସହ ଆଲୋଚନା କରିବା ସହ, ଖୁବ୍ ଶୀଘ୍ର ବିଧାନସଭା ରେ ହାତୀ ପ୍ରସଙ୍ଗ ଉପରେ ଆଲୋଚନା କରିବେ ବୋଲି ବିଧାୟକ କହିଥିଲେ। ବୈଠକରେ ପାଳଲହଡା ବିଧାୟକ ଅଶୋକ ମହାନ୍ତି, ଛେଣ୍ଡିପଦା ବିଧାୟକ ଅଗସ୍ତି ବେହେରା ଯୋଗଦେଇ ହାତୀ ସୁରକ୍ଷା ସମ୍ପର୍କରେ ଆଲୋଚନା କରିଥିଲେ। ଅନ୍ୟପଟେ ବିଧାୟକ ଅଶୋକ ମହାନ୍ତି କହିଛନ୍ତି ଖାଦ୍ୟ ପାଇଁ ଗାଁ ମୁହାଁ ହେଉଥିବା ହାତୀଙ୍କୁ କିପରି ଅନ୍ୟତ୍ର ତଡା ଯାଇପାରିବ ସେନେଇ ବନ ବିଭାଗଙ୍କୁ ପରାମର୍ଶ ଦେଇଥିଲେ । ସେପଟେ ବନ ବିଭାଗ ପକ୍ଷରୁ ହୋଇଥିବା କୋର୍ କମିଟି ବୈଠକରେ DFO ନୀତିଶ କୁମାର ଗଙ୍ଗଦେଓ କହିଛନ୍ତି ଦିନକୁ ଦିନ ହାତୀ ଉପଦ୍ରଵ ଓ ହାତୀମୃତ୍ୟୁ ଘଟଣାକୁ କିପରି ରୋକାଯାଇ ପାରିବ ଏବଂ ଗାଁ ମୁହାଁ ହେଉଥିବା ହାତୀଙ୍କୁ ବିଭିନ୍ନ ରେଞ୍ଜ ରେ ହାତୀ ମିତ୍ର ମାନେ ଏହାକୁ ଦୃଷ୍ଟି ଦେବେ ବୋଲି DFO ଶ୍ରୀ ଦେଓ ପ୍ରକାଶ କରିଥିଲେ। କୋର୍ କମିଟିରେ ଅନ୍ୟ ମାନଙ୍କ ମଧ୍ୟରେ ସମ୍ବଲପୁର ସାଂସଦ ଙ୍କ ପ୍ରତିନିଧି ସୁଦିପ ଗଡ଼ନାୟକ, ଜିଲ୍ଲାପରିଷଦ ଅଧ୍ୟକ୍ଷା ବବିତା ପ୍ରଧାନ, ଅନୁଗୁଳ ଉପଜିଲ୍ଲାପାଳ ବର୍ନେନ୍ଦୁ ମହାନ୍ତି, ଢେଙ୍କାନାଳ ସାଂସଦଙ୍କ ପ୍ରତିନିଧି ପ୍ରଭାତ ପ୍ରଧାନଙ୍କ ସମେତ ବହୁ ଅଧିକାରୀ ପ୍ରମୁଖ ସାମିଲ ଥିଲେ।

Dillip Bar

Sambalpur•

2 hrs ago

ଢେଙ୍କାନାଳ ସଦର: ଉପମୁଖ୍ୟ ମନ୍ତ୍ରୀଙ୍କ ଢେଙ୍କାନାଳ ଗସ୍ତ, ଜିଲ୍ଲାପରିଷଦ ହଲ ବୈଠକରେ ଯୋଗଦାନ