पोंभुर्णा तालुक्यातील घोसरी ते थेरगाव या अत्यंत महत्त्वाच्या संपर्क मार्गाची सध्या दयनीय अवस्था झाली असून, अवघ्या चार ते पाच वर्षांपूर्वी करण्यात आलेल्या डांबरीकरणाची अल्पावधीतच चाळण झाली आहे. रस्त्यावरील डांबर अनेक ठिकाणी उखडल्यामुळे मोठमोठे खड्डे पडले असून, वाहनचालकांना जीव मुठीत धरून प्रवास करावा लागत आहे. निकृष्ट दर्जाच्या कामामुळे उद्भवलेल्या या परिस्थितीमुळे स्थानिक नागरिकांमध्ये तीव्र संताप व्यक्त होत आहे. हा मार्ग घोसरी, थेरगाव आणि परिसरातील अनेक गावांसाठी दळणवळणाचा मुख्य दुवा आहे. या मार्गावरून शेतकरी, विद्यार्थी, नोकरदार, व्यापारी तसेच रुग्णवाहिकांची मोठी वर्दळ असते. मात्र, रस्त्यावरील खड्ड्यांमुळे वाहनांचे मोठे नुकसान होत असून अपघातांचा धोका कमालीचा वाढला आहे. विशेषतः पावसाळ्यात या खड्ड्यांमध्ये पाणी साचत असल्याने खोलीचा अंदाज न आल्यामुळे दुचाकीस्वारांच्या अपघाताची भीती अधिक वाढली आहे. सरकारी निधीतून बनवलेल्या या रस्त्याची केवळ चार-पाच वर्षांतच अशी दुरावस्था झाल्याने कामाच्या गुणवत्तेवर गंभीर प्रश्न उपस्थित होत आहेत. नागरिकांनी या निकृष्ट कामाची सखोल चौकशी करून दोषींवर तात्काळ कारवाई करण्याची मागणी केली आहे. तसेच सार्वजनिक बांधकाम विभागाने या मार्गाची तातडीने पाहणी करून खड्डे बुजवावेत आणि संपूर्ण रस्त्याचे पुनर्डांबरीकरण करावे, अशी मागणी करण्यात आली आहे. पावसाळ्यात कोणतीही मोठी दुर्घटना घडण्यापूर्वी प्रशासनाने पावले न उचलल्यास लोकशाही मार्गाने आंदोलन करण्याचा इशारा ग्रामस्थांनी दिला आहे.

Disha News

Media house चंद्रपूर, चंद्रपूर, महाराष्ट्र•

6 hrs ago

पोंभुर्णा तालुक्यातील घोसरी ते थेरगाव या अत्यंत महत्त्वाच्या संपर्क मार्गाची सध्या दयनीय अवस्था झाली असून, अवघ्या चार ते पाच वर्षांपूर्वी करण्यात आलेल्या डांबरीकरणाची अल्पावधीतच चाळण झाली आहे. रस्त्यावरील डांबर अनेक ठिकाणी उखडल्यामुळे मोठमोठे खड्डे पडले असून, वाहनचालकांना जीव मुठीत धरून प्रवास करावा लागत आहे. निकृष्ट दर्जाच्या कामामुळे उद्भवलेल्या या परिस्थितीमुळे स्थानिक नागरिकांमध्ये तीव्र संताप व्यक्त होत आहे. हा मार्ग घोसरी, थेरगाव आणि परिसरातील अनेक गावांसाठी दळणवळणाचा मुख्य दुवा आहे. या मार्गावरून शेतकरी, विद्यार्थी, नोकरदार, व्यापारी तसेच रुग्णवाहिकांची मोठी वर्दळ असते. मात्र, रस्त्यावरील खड्ड्यांमुळे वाहनांचे मोठे नुकसान होत असून अपघातांचा धोका कमालीचा वाढला आहे. विशेषतः पावसाळ्यात या खड्ड्यांमध्ये पाणी साचत असल्याने खोलीचा अंदाज न आल्यामुळे दुचाकीस्वारांच्या अपघाताची भीती अधिक वाढली आहे. सरकारी निधीतून बनवलेल्या या रस्त्याची केवळ चार-पाच वर्षांतच अशी दुरावस्था झाल्याने कामाच्या गुणवत्तेवर गंभीर प्रश्न उपस्थित होत आहेत. नागरिकांनी या निकृष्ट कामाची सखोल चौकशी करून दोषींवर तात्काळ कारवाई करण्याची मागणी केली आहे. तसेच सार्वजनिक बांधकाम विभागाने या मार्गाची तातडीने पाहणी करून खड्डे बुजवावेत आणि संपूर्ण रस्त्याचे पुनर्डांबरीकरण करावे, अशी मागणी करण्यात आली आहे. पावसाळ्यात कोणतीही मोठी दुर्घटना घडण्यापूर्वी प्रशासनाने पावले न उचलल्यास लोकशाही मार्गाने आंदोलन करण्याचा इशारा ग्रामस्थांनी दिला आहे.