நீர்ப்பிடிப்பு பகுதியில் பெய்த கனமழையால் வைகை அணைக்கு நீர்வரத்து 442 கன அடியாக அதிகரிப்பு விவசாயிகள் மகிழ்ச்சி

1 hr ago

VIGNESH

Photographer ஆண்டிபட்டி, தேனி, தமிழ்நாடு•

1 hr ago

கம்பம் நகரில் மாசடைந்து கிடந்த கம்பம் சின்ன வாய்க்காலில் இறங்கி தூய்மைப் பணியில் ஈடுபட்ட ஜெகநாத் மிஸ்ரா எம்.எல்.ஏ. தேனி மாவட்டம் கம்பம் நகரில் மாசடைந்து கிடந்த கம்பம் சின்ன வாய்க்காலில் இறங்கி தூய்மைப் பணியில் ஈடுபட்ட ஜெகநாத் மிஸ்ரா எம்.எல்.ஏ.! தேனி மாவட்டம் கம்பம் நகரில் இருந்து சுருளிப்பட்டி செல்லும் சாலையில் உள்ள சின்ன வாய்க்கால் குப்பைகள் மற்றும் கழிவுகளால் மாசடைந்து காணப்பட்டதைத் தொடர்ந்து, கம்பம் சட்டமன்ற உறுப்பினர் ஜெகநாத் மிஸ்ரா பாதுகாப்பு உபகரணங்களை அணிந்து வாய்க்காலில் இறங்கி தூய்மைப் பணியில் ஈடுபட்டார். முல்லைப் பெரியாறு பாசன நீர் இந்தச் சின்ன வாய்க்கால் வழியாகச் சென்று வீரப்ப நாயக்கன் குளத்தைச் சென்றடைகிறது. அங்கிருந்து சுற்றுவட்டார விவசாய நிலங்களுக்கும், அப்பகுதியில் உள்ள கால்நடைகளின் குடிநீர்த் தேவைக்கும் இந்த தண்ணீர் பயன்படுகிறது. இந்நிலையில், கடந்த ஓராண்டுக்கும் மேலாகச் சின்ன வாய்க்காலில் பழைய துணிகள், மதுபாட்டில்கள், இறந்தவர்கள் பயன்படுத்திய போர்வைகள், தலையணைகள் உள்ளிட்ட பொருட்கள் வீசப்பட்டு வந்தன. இதனால் வாய்க்காலில் கழிவுகள் தேங்கி, தண்ணீர் கருமை நிறமாக மாறியதுடன், கடும் துர்நாற்றமும் வீசியது. இதுகுறித்து பொதுமக்கள் கம்பம் தொகுதி எம்.எல்.ஏ. ஜெகநாத் மிஸ்ராவிடம் புகார் தெரிவித்தனர். இதையடுத்து, வாய்க்காலைச் சுத்தம் செய்ய நடவடிக்கை எடுக்குமாறு நீர்வளத்துறை அதிகாரிகளிடம் ஜெகநாத் மிஸ்ரா வலியுறுத்தினார். ஆனாலும் உரிய நடவடிக்கை எடுக்கப்படவில்லை என கூறப்படுகிறது இந்நிலையில் இன்று கம்பம் எம் எல் ஏ ஜெகநாத் மிஸ்ரா தலைமையில் நகராட்சித் தூய்மைப் பணியாளர்கள் மற்றும் தமிழக வெற்றிக் கழக நிர்வாகிகள் வாய்க்காலில் இறங்கி தூய்மைப் பணியை மேற்கொண்டனர். இதுகுறித்து ஜெகநாத் மிஸ்ரா எம்.எல்.ஏ. கூறுகையில் சின்ன வாய்க்கால் என்பது எனது பள்ளிப் பருவத்தில் நண்பர்களுடன் குளித்து மகிழ்ந்த இடமாகும். ஆனால், இன்று அந்த வாய்க்கால் மாசடைந்து கிடப்பதைப் பார்க்க வேதனையாக உள்ளது. வாய்க்காலைச் சுத்தம் செய்ய நடவடிக்கை எடுக்குமாறு அதிகாரிகளிடம் வலியுறுத்தியும் உரிய நடவடிக்கை எடுக்கப்படவில்லை. வாய்க்காலில் தேங்கியுள்ள அசுத்தமான நீரைக் கால்நடைகள் பருகுவதால் அவற்றின் உடல்நலம் பாதிக்கப்படும் அபாயம் உள்ளது. இதனைத் தடுப்பதுடன், நீர்நிலையைப் பாதுகாக்கும் நோக்கிலும் தூய்மைப் பணியில் ஈடுபட்டுள்ளோம். வாய்க்காலில் இறங்க முடியாத அளவுக்குத் துர்நாற்றம் வீசுகிறது. இருப்பினும், பொதுமக்களின் நலன் கருதி தூய்மைப் பணியாளர்கள் மற்றும் கட்சி நிர்வாகிகளுடன் இணைந்து இந்தப் பணியை மேற்கொண்டுள்ளோம். சுத்தம் செய்யப்பட்ட வாய்க்காலில் மீண்டும் கழிவுகளைக் கொட்டுவதைப் பொதுமக்கள் தவிர்க்க வேண்டும். வாய்க்காலைத் தொடர்ந்து பராமரிக்கவும், அதில் கழிவுகளைக் கொட்டுவோர் மீது உரிய நடவடிக்கை எடுக்கவும் நீர்வளத்துறை அதிகாரிகள் முன்வர வேண்டும். இவ்வாறு அவர் கூறினார். இந்தத் தூய்மைப் பணியின்போது, தமிழக வெற்றிக் கழக தேனி தென்மேற்கு மாவட்ட இணைச் செயலாளர் கூடல் செல்வேந்திரன், மாவட்ட செயற்குழு உறுப்பினர் அய்யர், மாவட்டப் பொருளாளர் கௌதம், உள்ளிட்ட ஏராளமானோர் கலந்து கொண்டனர். பேட்டி: ஜெகநாத் மிஸ்ரா கம்பம் எம் எல் ஏ

SARAVANAN K

Local News Reporter தேனி, தேனி, தமிழ்நாடு•

3 hrs ago