बनावट सोन्याचे बिस्किट दाखवून फसवणूक करणाऱ्या चोरांना अटक बनावट सोन्याच्या बिस्किटांचे आमिष दाखवून महिलांची फसवणूक करणाऱ्या टोळीचा १२ तासांत पर्दाफाश. ५ आरोपी अटक, ५ लाख ४० हजारांचा मुद्देमाल जप्त.अहमदपूर पोलिसांची कारवाई. लातूर (प्रतिनिधी) महिलांना बनावट सोन्याचे बिस्किट देण्याचे आमिष दाखवून त्यांच्या अंगावरील सोन्याचे दागिने लंपास करणाऱ्या टोळीचा अहमदपूर पोलिसांनी अवघ्या १२ तासांत पर्दाफाश केला. पोलिसांनी या प्रकरणातील ५ आरोपींना अटक करून त्यांच्या ताब्यातून बनावट सोन्याची ४ बिस्किटे, एर्टिगा कार व चोरीस गेलेले सोन्याचे दागिने असा एकूण ५ लाख ४० हजार रुपयांचा मुद्देमाल जप्त केला. अहमदपूर शहरात महिलांना हेरून ‘१० ग्रॅम सोन्याचे बिस्किट देतो, त्याबदल्यात तुमचे सोन्याचे दागिने द्या’ असे आमिष दाखवून बनावट सोन्याचे बिस्किट देत फसवणूक केली जात होती. याप्रकरणी दोन महिलांच्या फिर्यादीवरून गुन्हा क्र. ५०९/२०२६, व गुन्हा क्र. ५०७/२०२६ दाखल करण्यात आला होता. उपविभागीय पोलीस अधिकारी अरविंद रायबोले यांच्या मार्गदर्शनाखाली, पोलीस निरीक्षक विनोद मेत्रेवार यांच्या नेतृत्वात अहमदपूर गुन्हे प्रकटीकरण पथकाने तांत्रिक माहितीच्या आधारे तपास सुरू केला. अवघ्या १२ तासांत टोळीचा शोध घेऊन ५ आरोपींना अटक करण्यात आली. आरोपींकडून ३ ग्रॅम वजनाचे सोन्याचे मणी मंगळसूत्र (१२ हजार), ७ ग्रॅम सोन्याचे झुमके (२८ हजार), एर्टिगा कार (५ लाख) तसेच बनावट सोन्याची बिस्किटे असा मुद्देमाल जप्त करण्यात आला. सदरची कारवाई वरिष्ठांचे मार्गदर्शनात पोलीस निरीक्षक विनोद मेत्रेवार यांच्या नेतृत्वातील पथकामधील सपोनि श्रीनिवास राठोड, पोलीस अंमलदार तानाजी आरदवाड, हरिदास कांबळवाड, दत्ता इंद्राळे, विशाल सारोळे, गणेश चव्हाण व राष्ट्रपाल कांबळे यांनी केली आहे..

Laxman Ugile

उदगीर, लातूर, महाराष्ट्र•

19 hrs ago

बनावट सोन्याचे बिस्किट दाखवून फसवणूक करणाऱ्या चोरांना अटक बनावट सोन्याच्या बिस्किटांचे आमिष दाखवून महिलांची फसवणूक करणाऱ्या टोळीचा १२ तासांत पर्दाफाश. ५ आरोपी अटक, ५ लाख ४० हजारांचा मुद्देमाल जप्त.अहमदपूर पोलिसांची कारवाई. लातूर (प्रतिनिधी) महिलांना बनावट सोन्याचे बिस्किट देण्याचे आमिष दाखवून त्यांच्या अंगावरील सोन्याचे दागिने लंपास करणाऱ्या टोळीचा अहमदपूर पोलिसांनी अवघ्या १२ तासांत पर्दाफाश केला. पोलिसांनी या प्रकरणातील ५ आरोपींना अटक करून त्यांच्या ताब्यातून बनावट सोन्याची ४ बिस्किटे, एर्टिगा कार व चोरीस गेलेले सोन्याचे दागिने असा एकूण ५ लाख ४० हजार रुपयांचा मुद्देमाल जप्त केला. अहमदपूर शहरात महिलांना हेरून ‘१० ग्रॅम सोन्याचे बिस्किट देतो, त्याबदल्यात तुमचे सोन्याचे दागिने द्या’ असे आमिष दाखवून बनावट सोन्याचे बिस्किट देत फसवणूक केली जात होती. याप्रकरणी दोन महिलांच्या फिर्यादीवरून गुन्हा क्र. ५०९/२०२६, व गुन्हा क्र. ५०७/२०२६ दाखल करण्यात आला होता. उपविभागीय पोलीस अधिकारी अरविंद रायबोले यांच्या मार्गदर्शनाखाली, पोलीस निरीक्षक विनोद मेत्रेवार यांच्या नेतृत्वात अहमदपूर गुन्हे प्रकटीकरण पथकाने तांत्रिक माहितीच्या आधारे तपास सुरू केला. अवघ्या १२ तासांत टोळीचा शोध घेऊन ५ आरोपींना अटक करण्यात आली. आरोपींकडून ३ ग्रॅम वजनाचे सोन्याचे मणी मंगळसूत्र (१२ हजार), ७ ग्रॅम सोन्याचे झुमके (२८ हजार), एर्टिगा कार (५ लाख) तसेच बनावट सोन्याची बिस्किटे असा मुद्देमाल जप्त करण्यात आला. सदरची कारवाई वरिष्ठांचे मार्गदर्शनात पोलीस निरीक्षक विनोद मेत्रेवार यांच्या नेतृत्वातील पथकामधील सपोनि श्रीनिवास राठोड, पोलीस अंमलदार तानाजी आरदवाड, हरिदास कांबळवाड, दत्ता इंद्राळे, विशाल सारोळे, गणेश चव्हाण व राष्ट्रपाल कांबळे यांनी केली आहे..