मकोडी येथे तोंडापूर कृषी विज्ञान केंद्राच्या वतीने शेतकरी प्रशिक्षण संपन्न ​ भारतीय कृषि संशोधन परिषद, नवी दिल्ली व संत नामदेव सेवाभावी संस्था संचलित कृषि विज्ञान केंद्र, तोंडापूर यांच्या संयुक्त विद्यमाने मकोडी ता. सेनगाव येथे नुकतेच शेतकऱ्यांसाठी एकदिवसीय प्रशिक्षण कार्यक्रमाचे आयोजन करण्यात आले होते. हा कार्यक्रम कृषि विज्ञान केंद्राचे वरिष्ठ शास्त्रज्ञ तथा प्रमुख डॉ. पी. पी. शेळके यांच्या मार्गदर्शनाखाली पार पडला. ​या प्रशिक्षण कार्यक्रमात कृषि विद्या विषयाचे विषय विशेषज्ञ  राजेश भालेराव यांनी सोयाबीन पिकातील सद्यस्थितीतील आवश्यक व्यवस्थापन, करपा रोगाची लक्षणे व त्यावरील उपाययोजनांबाबत मार्गदर्शन केले. तसेच तूर पिकामध्ये शेंडा खुडणे व कामगंध सापळ्यांचा वापर याविषयी सविस्तर माहिती दिली. यासोबतच कापूस पिकातील एकात्मिक कीड व रोग व्यवस्थापनाबाबतही त्यांनी शेतकऱ्यांना सविस्तर मार्गदर्शन केले. ​उद्यानविद्या विषय विशेषज्ञ अनिल ओळंबे यांनी हळद पिकातील सद्यस्थितीतील आंतरमशागतीची कामे व एकात्मिक खत व्यवस्थापनाबाबत माहिती दिली. हळदीमध्ये ट्रायकोडर्मा, पीएसबी व टर्मरिक बूस्टरचा वापर, कंदकुज व कंदसड यांचे व्यवस्थापन तसेच करपा रोगाची लक्षणे व उपायांबाबत मार्गदर्शन केले. याशिवाय खोडकिडा व हुमणी किडीची लक्षणे ओळखून त्यांच्या नियंत्रणासाठीच्या उपाययोजना त्यांनी सांगितल्या. ​मृदा शास्त्र विषय विशेषज्ञ  साईनाथ खरात यांनी नैसर्गिक शेतीचे महत्त्व पटवून देत जीवामृत, बीजामृत व अग्निअस्त्र तयार करण्याची प्रात्यक्षिक पद्धत आणि त्यांचे फायदे याबाबत शेतकऱ्यांना मार्गदर्शन केले .​तसेच कृषि विस्तार विषय विशेषज्ञ डॉ. अतुल मुराई यांनी कृषी विज्ञान केंद्राची कार्यपद्धती आणि केंद्रामार्फत उपलब्ध करून देण्यात येणाऱ्या विविध कृषी निविष्ठांची माहिती दिली.​या कार्यक्रमाच्या माध्यमातून कृषि विज्ञान केंद्र, तोंडापूर यांच्यातर्फे गावातील शेतकऱ्यांसाठी ट्रायकोडर्मा, मेटारायझियम व टर्मरिक बूस्टर या निविष्ठा उपलब्ध करून देण्यात आल्या. कार्यक्रमाच्या यशस्वीतेसाठी मारुती कदम,  भारत सांगळे यांच्यासह ग्रामस्थांचे मोलाचे सहकार्य लाभले.

Shankar mulgir

Reporter कळमनुरी, हिंगोली, महाराष्ट्र•

1 day ago

मकोडी येथे तोंडापूर कृषी विज्ञान केंद्राच्या वतीने शेतकरी प्रशिक्षण संपन्न ​ भारतीय कृषि संशोधन परिषद, नवी दिल्ली व संत नामदेव सेवाभावी संस्था संचलित कृषि विज्ञान केंद्र, तोंडापूर यांच्या संयुक्त विद्यमाने मकोडी ता. सेनगाव येथे नुकतेच शेतकऱ्यांसाठी एकदिवसीय प्रशिक्षण कार्यक्रमाचे आयोजन करण्यात आले होते. हा कार्यक्रम कृषि विज्ञान केंद्राचे वरिष्ठ शास्त्रज्ञ तथा प्रमुख डॉ. पी. पी. शेळके यांच्या मार्गदर्शनाखाली पार पडला. ​या प्रशिक्षण कार्यक्रमात कृषि विद्या विषयाचे विषय विशेषज्ञ  राजेश भालेराव यांनी सोयाबीन पिकातील सद्यस्थितीतील आवश्यक व्यवस्थापन, करपा रोगाची लक्षणे व त्यावरील उपाययोजनांबाबत मार्गदर्शन केले. तसेच तूर पिकामध्ये शेंडा खुडणे व कामगंध सापळ्यांचा वापर याविषयी सविस्तर माहिती दिली. यासोबतच कापूस पिकातील एकात्मिक कीड व रोग व्यवस्थापनाबाबतही त्यांनी शेतकऱ्यांना सविस्तर मार्गदर्शन केले. ​उद्यानविद्या विषय विशेषज्ञ अनिल ओळंबे यांनी हळद पिकातील सद्यस्थितीतील आंतरमशागतीची कामे व एकात्मिक खत व्यवस्थापनाबाबत माहिती दिली. हळदीमध्ये ट्रायकोडर्मा, पीएसबी व टर्मरिक बूस्टरचा वापर, कंदकुज व कंदसड यांचे व्यवस्थापन तसेच करपा रोगाची लक्षणे व उपायांबाबत मार्गदर्शन केले. याशिवाय खोडकिडा व हुमणी किडीची लक्षणे ओळखून त्यांच्या नियंत्रणासाठीच्या उपाययोजना त्यांनी सांगितल्या. ​मृदा शास्त्र विषय विशेषज्ञ  साईनाथ खरात यांनी नैसर्गिक शेतीचे महत्त्व पटवून देत जीवामृत, बीजामृत व अग्निअस्त्र तयार करण्याची प्रात्यक्षिक पद्धत आणि त्यांचे फायदे याबाबत शेतकऱ्यांना मार्गदर्शन केले .​तसेच कृषि विस्तार विषय विशेषज्ञ डॉ. अतुल मुराई यांनी कृषी विज्ञान केंद्राची कार्यपद्धती आणि केंद्रामार्फत उपलब्ध करून देण्यात येणाऱ्या विविध कृषी निविष्ठांची माहिती दिली.​या कार्यक्रमाच्या माध्यमातून कृषि विज्ञान केंद्र, तोंडापूर यांच्यातर्फे गावातील शेतकऱ्यांसाठी ट्रायकोडर्मा, मेटारायझियम व टर्मरिक बूस्टर या निविष्ठा उपलब्ध करून देण्यात आल्या. कार्यक्रमाच्या यशस्वीतेसाठी मारुती कदम,  भारत सांगळे यांच्यासह ग्रामस्थांचे मोलाचे सहकार्य लाभले.