పారిశుధ్య చర్యలతో అప్రమత్తమైన జాదరావుపేట గ్రామపంచాయతీ... కాటారం, ఆగస్టు 1: వర్షాకాలాన్ని దృష్టిలో ఉంచుకుని జయశంకర్ భూపాలపల్లి జిల్లా కాటారం మండలం జాదరావుపేట గ్రామపంచాయతీ ఆధ్వర్యంలో శనివారం ప్రత్యేక పారిశుధ్య కార్యక్రమాలు చేపట్టారు. గ్రామంలోని ప్రధాన రహదారులు, కాలనీలు, బహిరంగ ప్రదేశాల్లో పెరిగిన పిచ్చిమొక్కల నిర్మూలనకు గడ్డి మందు పిచికారీ నిర్వహించారు. అలాగే మురుగు కాలువల్లో పేరుకుపోయిన మట్టి, చెత్తను తొలగించి పారిశుధ్య కార్మికులతో శుభ్రపరిచారు. వర్షాకాలంలో దోమల వ్యాప్తి, డెంగీ, మలేరియా వంటి అంటువ్యాధులు ప్రబలకుండా ముందస్తు చర్యల్లో భాగంగానే ఈ కార్యక్రమాన్ని చేపట్టినట్లు గ్రామపంచాయతీ ప్రతినిధులు తెలిపారు. గ్రామ ప్రజలు ఇంటి పరిసరాలను పరిశుభ్రంగా ఉంచుకోవడంతో పాటు నీరు నిల్వ ఉండకుండా జాగ్రత్తలు తీసుకోవాలని సూచించారు. ఈ కార్యక్రమంలో సర్పంచ్ బండి సువర్ణ-రమేష్, ఉపసర్పంచ్ కోట అశోక్, పంచాయతీ కార్యదర్శి శివకుమార్, 5వ వార్డు సభ్యుడు దుర్గం అజయ్‌తో పాటు పంచాయతీ సిబ్బంది పాల్గొన్నారు.

Anaparthi Saiteja Goud

కటారం, జయశంకర్ భూపాలపల్లి, తెలంగాణ•

5 hrs ago

పారిశుధ్య చర్యలతో అప్రమత్తమైన జాదరావుపేట గ్రామపంచాయతీ... కాటారం, ఆగస్టు 1: వర్షాకాలాన్ని దృష్టిలో ఉంచుకుని జయశంకర్ భూపాలపల్లి జిల్లా కాటారం మండలం జాదరావుపేట గ్రామపంచాయతీ ఆధ్వర్యంలో శనివారం ప్రత్యేక పారిశుధ్య కార్యక్రమాలు చేపట్టారు. గ్రామంలోని ప్రధాన రహదారులు, కాలనీలు, బహిరంగ ప్రదేశాల్లో పెరిగిన పిచ్చిమొక్కల నిర్మూలనకు గడ్డి మందు పిచికారీ నిర్వహించారు. అలాగే మురుగు కాలువల్లో పేరుకుపోయిన మట్టి, చెత్తను తొలగించి పారిశుధ్య కార్మికులతో శుభ్రపరిచారు. వర్షాకాలంలో దోమల వ్యాప్తి, డెంగీ, మలేరియా వంటి అంటువ్యాధులు ప్రబలకుండా ముందస్తు చర్యల్లో భాగంగానే ఈ కార్యక్రమాన్ని చేపట్టినట్లు గ్రామపంచాయతీ ప్రతినిధులు తెలిపారు. గ్రామ ప్రజలు ఇంటి పరిసరాలను పరిశుభ్రంగా ఉంచుకోవడంతో పాటు నీరు నిల్వ ఉండకుండా జాగ్రత్తలు తీసుకోవాలని సూచించారు. ఈ కార్యక్రమంలో సర్పంచ్ బండి సువర్ణ-రమేష్, ఉపసర్పంచ్ కోట అశోక్, పంచాయతీ కార్యదర్శి శివకుమార్, 5వ వార్డు సభ్యుడు దుర్గం అజయ్‌తో పాటు పంచాయతీ సిబ్బంది పాల్గొన్నారు.