ନବରଙ୍ଗପୁରର ସୁମନ ଗୁପ୍ତା ଓଡ଼ିଶା ସିଭିଲ୍ ସର୍ଭିସେସ୍ (ଓସିଏସ୍) ପରୀକ୍ଷାରେ ୧୫ ନମ୍ବର ରାଙ୍କ ହାସଲ କରିଛନ୍ତି। ଏହି ଉଲ୍ଲେଖନୀୟ ସଫଳତା ପାଇଁ ତାଙ୍କୁ ବିଭିନ୍ନ ସଂଗଠନ ପକ୍ଷରୁ ସମ୍ବର୍ଦ୍ଧିତ କରାଯାଇଛି। ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ପୂର୍ବତନ ବିଧାୟକ ସଦନ ନାୟକ, ଭୁଜବଳ ମାଝୀ, ପୂର୍ବତନ ଜିଲ୍ଲା କଂଗ୍ରେସ ସଭାପତି ମୁନା ତ୍ରିପାଠୀ, ସାହିତ୍ୟିକା ଜେମାମଣି ବିଷୋୟୀ, ଓକିଲ ସଂଘ ସଭାପତି ସନ୍ତୋଷ ମିଶ୍ର, ବୃନ୍ଦାବନ ତ୍ରିପାଠୀ, ପୁରୁଷୋତ୍ତମ ଗୁପ୍ତା, ସମାଜସେବୀ ସୁଷମା ଜୈନ, କୁଳଦୀପ ଗୁପ୍ତା, ଜବାହାର ଗୁପ୍ତା, ବିକ୍ରମ ଗୁପ୍ତା ଏବଂ ଭରତ ଗୁପ୍ତାଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି ତାଙ୍କୁ ଅଭିନନ୍ଦନ ଜଣାଇଥିଲେ। ସ୍ବର୍ଗତ ହୁକୁମଚାନ୍ଦ ଗୁପ୍ତାଙ୍କ ପରିବାର ସଦସ୍ୟମାନେ ମଧ୍ୟ ଉପସ୍ଥିତ ରହି ଶୁଭେଚ୍ଛା ଜଣାଇଥିଲେ। ସୁମନଙ୍କ ବାପା ମୁକେଶ ଗୁପ୍ତା ଜଣେ ବ୍ୟବସାୟୀ ହୋଇଥିବା ବେଳେ ତାଙ୍କ ମାଆ ଲକ୍ଷ୍ମୀଦେବୀ ଗୁପ୍ତା ଜଣେ ଗୃହିଣୀ। ସୁମନ ୨୦୨୦ ମସିହାରେ ବିଜ୍ଞାନରେ ସ୍ନାତକ ଡିଗ୍ରୀ ହାସଲ କରିବା ପରେ ସିଭିଲ ସର୍ଭିସେସ୍ ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କରିଥିଲେ ଏବଂ ଚତୁର୍ଥ ପ୍ରୟାସରେ ସେ ସଫଳତା ପାଇଥିଲେ। ସେ କହିଛନ୍ତି ଯେ ଜୟପୁରରେ ଓଏସିଏସ୍ ପରୀକ୍ଷା କେନ୍ଦ୍ର ହେବା ଦ୍ବାରା ଅବିଭକ୍ତ କୋରାପୁଟ ଜିଲ୍ଲାର ପରୀକ୍ଷାର୍ଥୀମାନେ ବହୁତ ସୁବିଧା ପାଇଛନ୍ତି। ନିଜ ଅଞ୍ଚଳରେ ଶିକ୍ଷା, ସ୍ବାସ୍ଥ୍ୟ ଏବଂ ଗମନାଗମନ ଭଳି ମୌଳିକ ସମସ୍ୟାଗୁଡ଼ିକୁ ପିଲାବେଳୁ ଦେଖିଆସୁଥିବାରୁ ଭବିଷ୍ୟତରେ ଯେଉଁଠାରେ ନିଯୁକ୍ତି ମିଳିବ, ସେଠାରେ ସେ ଏହି କ୍ଷେତ୍ରଗୁଡ଼ିକର ଉନ୍ନତିକୁ ପ୍ରାଥମିକତା ଦେବେ ବୋଲି ପ୍ରକାଶ କରିଛନ୍ତି।

Narendra Patra

Local News Reporter କୋସାଗୁମୁଡା, ନବରଙ୍ଗପୁର, ଓଡ଼ିଶା•

19 hrs ago

ନବରଙ୍ଗପୁରର ସୁମନ ଗୁପ୍ତା ଓଡ଼ିଶା ସିଭିଲ୍ ସର୍ଭିସେସ୍ (ଓସିଏସ୍) ପରୀକ୍ଷାରେ ୧୫ ନମ୍ବର ରାଙ୍କ ହାସଲ କରିଛନ୍ତି। ଏହି ଉଲ୍ଲେଖନୀୟ ସଫଳତା ପାଇଁ ତାଙ୍କୁ ବିଭିନ୍ନ ସଂଗଠନ ପକ୍ଷରୁ ସମ୍ବର୍ଦ୍ଧିତ କରାଯାଇଛି। ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ପୂର୍ବତନ ବିଧାୟକ ସଦନ ନାୟକ, ଭୁଜବଳ ମାଝୀ, ପୂର୍ବତନ ଜିଲ୍ଲା କଂଗ୍ରେସ ସଭାପତି ମୁନା ତ୍ରିପାଠୀ, ସାହିତ୍ୟିକା ଜେମାମଣି ବିଷୋୟୀ, ଓକିଲ ସଂଘ ସଭାପତି ସନ୍ତୋଷ ମିଶ୍ର, ବୃନ୍ଦାବନ ତ୍ରିପାଠୀ, ପୁରୁଷୋତ୍ତମ ଗୁପ୍ତା, ସମାଜସେବୀ ସୁଷମା ଜୈନ, କୁଳଦୀପ ଗୁପ୍ତା, ଜବାହାର ଗୁପ୍ତା, ବିକ୍ରମ ଗୁପ୍ତା ଏବଂ ଭରତ ଗୁପ୍ତାଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି ତାଙ୍କୁ ଅଭିନନ୍ଦନ ଜଣାଇଥିଲେ। ସ୍ବର୍ଗତ ହୁକୁମଚାନ୍ଦ ଗୁପ୍ତାଙ୍କ ପରିବାର ସଦସ୍ୟମାନେ ମଧ୍ୟ ଉପସ୍ଥିତ ରହି ଶୁଭେଚ୍ଛା ଜଣାଇଥିଲେ। ସୁମନଙ୍କ ବାପା ମୁକେଶ ଗୁପ୍ତା ଜଣେ ବ୍ୟବସାୟୀ ହୋଇଥିବା ବେଳେ ତାଙ୍କ ମାଆ ଲକ୍ଷ୍ମୀଦେବୀ ଗୁପ୍ତା ଜଣେ ଗୃହିଣୀ। ସୁମନ ୨୦୨୦ ମସିହାରେ ବିଜ୍ଞାନରେ ସ୍ନାତକ ଡିଗ୍ରୀ ହାସଲ କରିବା ପରେ ସିଭିଲ ସର୍ଭିସେସ୍ ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କରିଥିଲେ ଏବଂ ଚତୁର୍ଥ ପ୍ରୟାସରେ ସେ ସଫଳତା ପାଇଥିଲେ। ସେ କହିଛନ୍ତି ଯେ ଜୟପୁରରେ ଓଏସିଏସ୍ ପରୀକ୍ଷା କେନ୍ଦ୍ର ହେବା ଦ୍ବାରା ଅବିଭକ୍ତ କୋରାପୁଟ ଜିଲ୍ଲାର ପରୀକ୍ଷାର୍ଥୀମାନେ ବହୁତ ସୁବିଧା ପାଇଛନ୍ତି। ନିଜ ଅଞ୍ଚଳରେ ଶିକ୍ଷା, ସ୍ବାସ୍ଥ୍ୟ ଏବଂ ଗମନାଗମନ ଭଳି ମୌଳିକ ସମସ୍ୟାଗୁଡ଼ିକୁ ପିଲାବେଳୁ ଦେଖିଆସୁଥିବାରୁ ଭବିଷ୍ୟତରେ ଯେଉଁଠାରେ ନିଯୁକ୍ତି ମିଳିବ, ସେଠାରେ ସେ ଏହି କ୍ଷେତ୍ରଗୁଡ଼ିକର ଉନ୍ନତିକୁ ପ୍ରାଥମିକତା ଦେବେ ବୋଲି ପ୍ରକାଶ କରିଛନ୍ତି।