୧) ଯଦି ୨୦୧୧ ଜନଗଣନା ଅନୁସାରେ ମହିଳା ସଂରକ୍ଷଣ କରିବାର ଥିଲା, ‘ନାରୀଶକ୍ତି ବନ୍ଦନ ଅଧିନୟମ’ ନାମରେ ସେପ୍ଟମ୍ବର ୨୦୨୩ରେ ପାରିତ ହୋଇଥିବା ଆଇନ ୨୦୨୪ ନିର୍ବାଚନରେ କାର୍ଯ୍ୟକାରୀ କରାଗଲାନି କାହିଁକି? ଏବର ୫୪୩ ଆସନରୁ ପ୍ରଥମେ ଏକ-ତୃତୀୟାଂଶ ଅର୍ଥାତ ୧୮୧ ଜଣ ମହିଳାଙ୍କୁ ଲୋକସଭାରେ ଦେଖିବାରୁ ଦେଶବାସୀଙ୍କୁ କିଏ ବଂଚିତ କରିଛି? *ସଂରକ୍ଷଣ ପୂର୍ବର ସ୍ଥିତି ଦେଖାଯାଉ:-* କଂଗ୍ରେସ(୧୩/୯୮=୧୩.୨୬%)ଠୁ କମ୍ ଅନୁପାତରେ ମହିଳାଙ୍କୁ ଲୋକସଭାକୁ ପଠାଇଥିବା ଦଳ ବିଜେପି(୩୧/୨୪୦=୧୨.୯%) କଂଗ୍ରେସକୁ ମହିଳା-ବିରୋଧୀ କହିବ? ଏହା ହାସ୍ୟାସ୍ପଦ ନୁହେଁ? ୨) ଏଣେ ମହିଳା ସଂରକ୍ଷଣ କଥା କହୁଛନ୍ତି, ତେଣେ ନିଜ ମର୍ଜି ଅନୁସାରେ ଡିଲିମିଟେସନ କରାଇନେଇ ସବୁଦିନ କ୍ଷମତାରେ ରହିବାର ଅଭିସନ୍ଧି କରୁଛନ୍ତି। *ବିମୁଦ୍ରୀକରଣ ପରି ତରତରରେ ଏହା କରାଇନେବାର ଅଭିପ୍ରାୟ କ’ଣ?* ୩) ସଂସଦରେ ୨୦୨୩ରେ ସର୍ବସମ୍ମତ ଭାବେ ପାରିତ ହେବାର ତିନିବର୍ଷ ମହିଳା ସଂରକ୍ଷଣ ଆଇନ୍‌କୁ କାର୍ଯ୍ୟକାରୀ କଲେନାହିଁ। ତେବେ ଶୁକ୍ରବାର ସଂସଦରେ ବିତର୍କ ଓ ଭୋଟିଂ ରଖି ଗୁରୁବାର ବିଳମ୍ବିତ ରାତିରେ ଗେଜଟ୍ ନୋଟିଫିକେସନ୍ ପ୍ରକାଶ କରିବାର କାରଣ କ’ଣ? ୪) ଆପଣ କ’ଣ ଜାଣି ନ ଥିଲେ, ସଂସଦରେ ୧୩୧ତମ ସମ୍ବିଧାନ ସଂଶୋଧନ ଆାଇନ ପାରିତ ହେବାକୁ ହେଲେ ଦୁଇତୃତୀୟାଂଶ ସଦସ୍ୟଙ୍କର ସମର୍ଥନ ଲୋଡ଼ା? ଆପଣଙ୍କ ପାଖରେ ଏଥିପାଇଁ ଆବଶ୍ୟକ ସଂଖ୍ୟା ଥିଲା କି? ଯଦି ନ ଥିଲା, ସମ୍ବିଧାନ ସଂଶୋଧନ ବିଲ୍‌ ଆଣୁଥିଲେ କାହିଁକି? ଯଦି କୌଣସି ଖରାପ ଉଦ୍ଦେଶ୍ୟ ନ ଥିଲା, ବିରୋଧୀ ଦଳଗୁଡ଼ିକୁ ଆସ୍ଥାକୁ ନ ନେଇ, ସର୍ବଦଳୀୟ ବୈଠକ ନ ଡାକି, ତରତର ହୋଇ ବିଲ୍‌ ଆଣିବାର କ’ଣ ଉଦ୍ଦେଶ୍ୟ ଥିଲା? ୫) ମହିଳା ସଂରକ୍ଷଣକୁ ଡିଲିମିଟେସନ ସହିତ ଯୋଡ଼ୁଛନ୍ତି କାହିଁକି? ଜାତି ଜନଗଣନା ସମ୍ବନ୍ଧୀୟ କୌଣସି ସ୍ପଷ୍ଟତା ସରକାର ଏଥରର ବିଲ୍‌ରେ ରଖିଛନ୍ତି କି? ଏ ନେଇ ମୋଦୀ-ଶାହ କିଛି ବି ସ୍ପଷ୍ଟ କରିଛନ୍ତି କି? ୬) ପ୍ରଧାନମନ୍ତ୍ରୀ ବାରମ୍ବାର ଶ୍ରେୟ କଥା ଉଠାଉଛନ୍ତି କାହିଁକି? କିଏ ଶ୍ରେୟ ନେବ ନ ନେବ, ତାକୁ ନେଇ ସେ ଏତେ ହିସାବ କିତାବ କରୁଛନ୍ତି କାହିଁକି? ମନୁବାଦୀ ଦଳ ବିଜେପିର ମହିଳା-ବିରୋଧୀ ଦଳ ଭାବେ ରହିଥିବା ଛବିକୁ ପୋଛିବାକୁ ମୋଦୀ-ଶାହାଙ୍କର ଏଇଟା ଏକ ବାହାନା ବୋଲି ଲୋକେ ଜାଣିପାରିବେନି ବୋଲି ସେମାନେ ଭାବୁଛନ୍ତି କିପରି? ୭) ଗଣତାନ୍ତ୍ରିକ ବିଧିବ୍ୟବସ୍ଥାକୁ ଏତେ ଖୋଲାଖୋଲି ଦଳିମକଚି ନଷ୍ଟ କରିବାର ସାହସ ସେମାନେ କରୁଛନ୍ତି କିପରି? ୪ ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳର ଗୁରୁତ୍ବପୂର୍ଣ୍ଣ ବିଧାନସଭା ନିର୍ବାଚନ ଚାଲିଥିବା ବେଳେ, ୨ଟି ରାଜ୍ୟରେ ଭୋଟିଂ ଆହୁରି ବାକି ଥିବାବେଳେ ମହିଳାମାନଙ୍କୁ ପ୍ରଲୋଭିତ କରିବାକୁ ଏତେ ଖୋଲାଉଦ୍ୟମ କରୁଛନ୍ତି କିପରି? ନିର୍ବାଚନ କମିଶନ ନିରବ ରହିଛନ୍ତି କିପରି? ଏପ୍ରିଲ ୨୯ ପରେ ସଂସଦର ସ୍ବତନ୍ତ୍ର ଅଧିବେଶନ ଡାକିଥିଲେ କ’ଣ ମହାଭାରତ ଅଶୁଦ୍ଧ ହୋଇଯାଇଥା’ନ୍ତା? ଆସନ୍ତା ମୌସୁମୀ ଅଧିବେଶନ ଯାଏ ଅପେକ୍ଷା କରିଯାଇଥିଲେ କ’ଣ ଆାକାଶ ଖସିପଡ଼ିଥା’ନ୍ତା? ଆପଣମାନ ପରା ସଂସଦରେ ପାସ୍ ହୋଇଥିବା ମହିଳା ସଂରକ୍ଷଣ ଆଇନ୍କୁ କାର୍ଯ୍ୟକାରୀ ନ କରି ତିନିବର୍ଷ ପକାଇ ରଖିଲେ? ଆଉ ଦିନ କେଇଟା ଅପେକ୍ଷା କରିଥିଲେ କ’ଣଟା ଅସୁବିଧା ହୋଇଥା’ନ୍ତା? ୮) ଆନୁପାତିକ ଭାବେ ସଂସଦରେ ରାଜ୍ୟଗୁଡ଼ିକର ପ୍ରତିନିଧିତ୍ବ ବଢ଼ିବ ବୋଲି ମୂଳରୁ ହିଁ ସ୍ପଷ୍ଟ କରିଦେବା ଉଚିତ ଥିଲା। ଓଡ଼ିଶା ପରି ରାଜ୍ୟ ତଥା ତାମିଲନାଡ଼ୁ, କେରଳ ପରି ଦକ୍ଷିଣାଂଚଳର ଯୋଉ ରାଜ୍ୟମାନେ ଜନସଂଖ୍ୟା ନିୟନ୍ତ୍ରଣରେ ସଫଳ ହୋଇଛନ୍ତି, ସେମାନଙ୍କୁ କମ୍ ପ୍ରତିନିଧିତ୍ବ ଦେବାର ଷଡ଼ଯନ୍ତ୍ର ମୂଳରୁ ରଚାଯାଇଥିଲା। ବିରୋଧୀ ଦଳମାନଙ୍କର ଦୃଢ଼ ପ୍ରତିବାଦ ପରେ ହିଁ ମୋଦୀ-ଶାହ ଯୋଡ଼ି ସ୍ପଷ୍ଟ କଲେ ଯେ ଏପରି ହେବନାହିଁ। ୮) *ସତ୍ୟକୁ ଅସ୍ବୀକାର କରିବାକୁ ବିଜେପି ଏତେ କୁଣ୍ଠିତ କାହିଁକି? ମହିଳା ସଂରକ୍ଷଣକୁ ନେଇ ଘଟଣାକ୍ରମକୁ ବୁଝନ୍ତୁ; କଂଗ୍ରେସ ଦଳପ୍ରତି ମୋଦୀ-ଶାହାଙ୍କର ବି ମୁଣ୍ଡ ସମ୍ମାନରେ ତଳକୁ ନଇଁଯିବ।* * ୧୯୮୯ରେ ପଂଚାୟତିରାଜ ବ୍ୟବସ୍ଥାରେ ମହିଳାଙ୍କ ପାଇଁ ୩୩% ସ୍ଥାନ ସଂରକ୍ଷଣ ରାଜୀବ ଗାନ୍ଧି କରାଇଥିଲେ। ଆଜି ଯଦି ସାରା ଦେଶରେ ୧୫ ଲକ୍ଷ ସ୍ଥାନୀୟ ପଂଚାୟତ ଓ ନଗରପାଳିକା ମହିଳା ପ୍ରତିନିଧି ଅଛନ୍ତି, ତା’ର ଶ୍ରେୟ ରାଜୀବ ଗାନ୍ଧି ଓ କଂଗ୍ରେସକୁ ଦେବାକୁ ହେବ। * ୧୯୮୯ ସେପ୍ଟେମ୍ବରରେ ରାଜୀବ ଗାନ୍ଧି ସଂସଦ ଓ ବିଧାନସଭାରେ ମଧ୍ୟ ୩୩% ମହିଳା ସଂରକ୍ଷଣ କରାଇନେଇଥା’ନ୍ତେ, ଯଦି ରାଜ୍ୟସଭାରେ ମାତ୍ର ୭ଟି ଭୋଟ ପାଇଁ ତାହା କାଟ୍ ଖାଇ ନ ଥା’ନ୍ତା। * ବିଜୁବାବୁ ପରବର୍ତ୍ତୀ ସମୟରେ କଂଗ୍ରେସ ଛାଡ଼ିଦେଇଥିଲେ ବି ଓଡ଼ିଶାରେ ପଂଚାୟତିରାଜ ବ୍ୟବସ୍ଥାରେ ମହିଳାଙ୍କ ୩୩% ପ୍ରତିନିଧିତ୍ବର ଶ୍ରେୟ ଆମେ ତାଙ୍କୁ ଦେବାରେ କାର୍ବଣ୍ୟ କରୁନା। ଆପଣମାନେ କଂଗ୍ରେସକୁ ଶ୍ରେୟ ଦେବାରେ ଏତେ କୁଣ୍ଠିତ କାହିଁକି? * ୧୯୯୨ରେ ୭୩ ଓ ୭୪ ତମ ସମ୍ବିଧାନ ସଂଶୋଧନ ଆଇନ ବଳରେ ନରସିଂହ ରାଓଙ୍କ କଂଗ୍ରେସ ନେତୃତ୍ବାଧୀନ ସରକାର ପଂଚାୟତ ଓ ସହରାଂଚଳ ପ୍ରତିନିଧିତ୍ବରେ ମହିଳାଙ୍କ ପାଇଁ ସଂରକ୍ଷଣ ବ୍ୟବସ୍ଥା ଭିତରେ ପୁଣି ଅନୁସୂଚିତ ଜାତି ଓ ଜନଜାତି ପାଇଁ ସଂରକ୍ଷଣ କରିଥିଲେ। ଏ କଥା ବିଜେପି ଭୁଲିଯାଉଛି କିପରି? * ସଂସଦ ଓ ବିଧାନସଭାରେ ମହିଳାଙ୍କ ପାଇଁ ୩୩% ସଂରକ୍ଷଣ ନିମନ୍ତେ ୨୦୧୦ରେ ଡ.ମନମୋହନ ସିଂହ ରାଜ୍ୟସଭାରେ ୧୦୮ତମ ସମ୍ବିଧାନ ସଂଶୋଧନ ବିଲ୍ ପାସ୍ କରାଇଥିବା ବିଜେପି ଭୁଲିଯାଉଛି କିପରି? * ମହିଳା ସଂରକ୍ଷଣକୁ ନେଇ କଂଗ୍ରେସର ପଦକ୍ଷେପଗୁଡ଼ିକର ଐତିହାସିକ ଘଟଣାକ୍ରମର ପୃଷ୍ଠଭୂମି ଉପରେ ହିଁ ୨୦୨୩ରେ ସର୍ବସମ୍ମତ କ୍ରମେ ଏହା ଗୃହୀତ ହୋଇଥିଲା। ତେଣୁକରି ସଂସଦରେ ବିତର୍କରେ ଭାଗ ନେଇ ଶ୍ରୀ ରାହୁଲ ଗାନ୍ଧି ଓ ପ୍ରିୟଙ୍କା ଗାନ୍ଧି ଯାହା କହିଛନ୍ତି ତାହା ଯଥାର୍ଥ। ଆଜି ଚାଣକ୍ୟ ଥିଲେ ସତରେ ମୋଦୀ-ଶାହଙ୍କ ଏପରି କୂଟିଳ ରାଜନୀତି ଦେଖି ଚକିତ ହୋଇଯାଥାନ୍ତେ। ଏମାନେ ଯଥାର୍ଥରେ କୌଶଳ ହରାଇଥିବା ଜାଦୁଗର। *କଂଗ୍ରେସକୁ ପ୍ରଧାନମନ୍ତ୍ରୀଙ୍କର ଏତେ ଭୟ କାହିଁକି? ଜାତି ଉଦ୍ଦେଶ୍ୟରେ ସମ୍ବୋଧନ କଲାବେଳେ ସେ କେତେଥର କଂଗ୍ରେସର ନାମ ନେଇଛନ୍ତି, ନିଜେ ଜାଣନ୍ତି ତ?* *କଂଗ୍ରେସ ପରା ମହିଳା-ବିରୋଧୀ? ମୋଦୀଙ୍କୁ କେତୋଟି ପ୍ରଶ୍ନ:-* 1. *ବିଲକିସ ବାନୋ* ଙ୍କ ଦୁଷ୍କର୍ମକାରୀଙ୍କୁ କେଉଁ ଦଳର ନେତାକର୍ମୀ ଫୁଲମାଳ ଦେଇ ସ୍ବାଗତ କରିଥିଲେ? 2. *ଉନ୍ନାଓ, କାଠୁଆ, ହାଥ୍ରାସ, ମଣିପୁର* ପ୍ରସଙ୍ଗରେ ମୋଦୀଙ୍କର ନିରବତାକୁ ଦେଶବାସୀ ଭୁଲିଗଲେ ବୋଲି ବିଜେପି କାହିଁକି ଭାବୁଛି? 3. ମୋଦୀ ପରା ତ୍ୟାଗ କରିଥିବା ନିଜ ପତ୍ନୀ *ଯଶୋଦାବେନ* ଙ୍କ ନାମ ୨୦୧୪ ନିର୍ବାଚନ ଯାଏ ସତ୍ୟପାଠରେ ଉଲ୍ଲେଖ କରି ନ ଥିଲେ! 4. *ଏପ୍‌ଷ୍ଟିନ ଫଇଲ୍ସ* ରେ କୋଉ ପ୍ରଧାନମନ୍ତ୍ରୀଙ୍କ ନାମ ଅଛି? *ହରଦୀପ ସିଂହ ପୁରୀ* ସବୁକଥା ମାନିଲା ପରେ ବି ତାଙ୍କୁ ମନ୍ତ୍ରିମଣ୍ଡଳରୁ ପରା ମୋଦୀ ବିଦା କଲେନି! 5. କୋଉ ଦଳର ପ୍ରଧାନମନ୍ତ୍ରୀ ଅଭଦ୍ରଙ୍କ ଭଳି *ଦିଦି-ଓ-ଦିଦି* ବୋଲି ଚିଲ୍ଲାନ୍ତି, କଂଗ୍ରେସ ସାଂସଦଙ୍କ ପତ୍ନୀଙ୍କୁ *୫୦ କୋଟିର ଗର୍ଲଫ୍ରେଣ୍ଡ* ବୋଲି କହନ୍ତି ଓ ସୋନିଆ ଗାନ୍ଧିଙ୍କ ପରି ଦେଶର ସବୁଠୁ ସମ୍ମାନାସ୍ପଦ ମହିଳାଙ୍କୁ *‘ଜର୍ସି ଗାଈ’, ‘କଂଗ୍ରେସର ବିଧବା’* ବୋଲି ମନ୍ତବ୍ୟ ଦିଅନ୍ତି? 6. ୧୨ ବର୍ଷର ଶାସନ କାଳରେ କୋଉ ଦଳ *ନିର୍ଭୟା ପାଣ୍ଠି* କୁ ଖର୍ଚ୍ଚ କରିବାକୁ ଭୁଲିଗଲା? 7. ମୋଦୀ ବାରମ୍ବାର କଂଗ୍ରେସକୁ ପରିବାର-ଭିତ୍ତିକ ଦଳ କହିଛନ୍ତି। *ଅମି ଶାହା* ତେବେ କିଏ? *ବସୁନ୍ଧରା ରାଜେ* କିଏ? *ବାଂଶୁରୀ ସ୍ବରାଜ* କାହା ଝିଅ? *ଧର୍ମେନ୍ଦ୍ର ପ୍ରଧାନଙ୍କ ବାପା* ଙ୍କ ନାମ କ’ଣ? *ସୂରଜ ସୂର୍ଯ୍ୟବଂଶୀ* କାହା ପୁଅ? ଅଗଣିତ ଉଦାହରଣ...। *ପ୍ରଧାନମନ୍ତ୍ରୀଙ୍କ ଭାଷଣକୁ ନେଇ ଆଉ କିଛି ପ୍ରଶ୍ନ:-* କଂଗ୍ରେସ *ଓବିସିଙ୍କ ସଂରକ୍ଷଣ* କୁ ବିରୋଧ କରୁଥିଲା ପରା? ଓବିସି ଜନଗଣନା ବା ଜାତି ଜନଗଣନାକୁ ତାହାହେଲେ କିଏ ବିରୋଧ କରୁଥିଲା? କାହା ଚାପରେ ନିଷ୍ବତ୍ତି ବଦଳାଇଲା ସରକାର? ମୋଦୀ ସୀମା ବିବାଦ ପ୍ରକରଣରେ କଂଗ୍ରେସର ଭୂମିକା କଥା ଉଠାଉଛନ୍ତି। *ଗଲଓ୍ବାନ ପ୍ରକରଣରେ ଚୀନ* କୁ କୋଉ ପ୍ରଧାନମନ୍ତ୍ରୀ ପ୍ରାୟ ୧ ହଜାର ବର୍ଗ କିମି ଟେକିଦେଲେ?

Journalist Harishankar Jena

Media company ବାଲେଶ୍ୱର ସଦର, ବାଲେଶ୍ୱର, ଓଡ଼ିଶା•

2 hrs ago