नवापूर शहर या ठिकाणी एमआयडीसीमध्ये आग लागल्यामुळे करोडोची नुकसान वंचित बहुजन आघाडि तालुकाध्यक्ष यांनी शासनाला कायदेशीर पावले उचलण्याकरिता विनंती केली

नवापूर शहर या ठिकाणी एमआयडीसीमध्ये आग लागल्यामुळे करोडोची नुकसान वंचित बहुजन आघाडि तालुकाध्यक्ष यांनी शासनाला कायदेशीर पावले उचलण्याकरिता विनंती केली

सुरगाणा, दिंडोरी, कळवण, पेठ, त्र्यंबकेश्वर तालुक्यातील अनेक गावांतील जंगलात वणवा लागतो कि लावला जातो. हे अद्यापही स्पष्ट नाही.

उत्तर प्रदेशातील बलिया येथे एका मेसेजवरून वाद होऊन पोस्ट मास्तरला मारहाण करण्यात आली. या घटनेमुळे परिसरात एकच खळबळ उडाली आहे.

देवळाणे, ता. येवला येथील शेतक-यावर अॅसिड हल्ला करणा-या दोन आरोपींना अटक देवळाणे, ता. येवला येथील शेतक-यावर अॅसिड हल्ला करणा-या दोन आरोपींना अटक येवला तालुका पोलीस ठाणे व स्थानिक गुन्हे शाखेची कारवाई दि. ०८/०५/२०२६ रोजी रात्रीचे सुमारास येवला तालुक्यातील देवळाणे गावातील शेतकरी श्री. भाऊसाहेब बोर्डे व त्यांची पत्नी असे शेतवस्तीवरील राहते घराचे गच्चीवर झोपलेले असतांना, कोणीतरी अज्ञात आरोपीने अज्ञात कारणासाठी त्यांचे डोळयावर, चेह-यावर, शरिरावर अॅसिड सदृष्य पदार्थ टाकून गंभीर जखमी केले म्हणून येवला तालुका पोलीस ठाणेस गुरनं २३१/२०२६ भा.न्या.सं. कलम १२४ (१) प्रमाणे गुन्हा दाखल आहे. सदर घटनेचे गांभीर्य लक्षात घेता, उपविभागीय पोलीस अधिकारी मनमाड विभाग, येवला तालुका पोलीस ठाणे व स्थानिक गुन्हे शाखेचे पथकांनी घटनास्थळ व आजुबाजूचे परिसराची बारकाईने पाहणी केली. तसेच सदर घटनेतील जखमी यांचेकडे सदर घटनेबाबत माहिती घेवून, तपास सुरू केला. सदर घटनेच्या अनुषंगाने घटनास्थळावर मिळून आलेले भौतिक पुरावे व उपलब्ध तांत्रिक पुराव्यांच्या आधारे खालील दोन आरोपीतांना ताब्यात घेण्यात आले. सदर गुन्हयात अटक केलेले आरोपी १) चांगदेव देवराम मोरे, वय ४०, रा. देवळाणे, ता. येवला, जि. नाशिक २) सचिन जालिंदर कोटमे, वय २०, रा. देवळाणे, ता. येवला, जि. नाशिक सदर घटनेतील जखमी इसम भाऊसाहेब बोर्डे व यातील आरोपी क. १ चांगदेव मोरे यांचेत शेतीचे बांधावरून जुना वाद होता. तसेच जखमी भाऊसाहेब यास यावर्षी कांद्याचे उत्पन्न चांगले झाले होते व तो आरोपीबद्दल लोकांसमोर वाईट साईट बोलत असल्याचा राग मनाज धरून त्याने शेतातील तण व काटेरी झुडूप जाळण्यासाठी आणलेले अॅसिड सदृष्य पदार्थ बाटलीमध्ये भरून घटनेच्या दिवशी रात्री यातील जखमींवर सदरचा अॅसिड हल्ला केल्याचे तपासात निष्पन्न झाले आहे. वरील दोन्ही आरोपींना सदर गुन्हयात अटक करण्यात आली असून पुढील तपास येवला तालुका पोलीस स्टेशनचे पोलीस निरीक्षक श्री. संदिप मंडलीक यांचे पथक करीत आहे. सदर प्रकरणी वरिष्ठांचे मार्गदर्शनानुसार, येवला तालुका पोलीस स्टेशन व स्थानिक गुन्हे शाखेकडील अधिकारी व अंमलदार यांनी सदरची कामगिरी केली आहे.

नाशिकमधील खरात प्रकरणात राज्य महिला आयोगाच्या अध्यक्षा रुपाली चाकणकर यांनी विशेष तपास पथकासमोर हजेरी लावली. या घटनेमुळे उच्चभ्रू वर्तुळात खळबळ उडाली असून, पुढील तपासात अनेक खुलासे होण्याची शक्यता आहे.

नाशिक;आयटी कंपनी धर्मांतर प्रकरण : निदा खानला न्यायालयीन कोठडी आयटी कंपनीतील तरुणीवरील अत्याचार आणि सक्तीच्या धर्मांतर प्रकरणात मुख्य संशयित निदा एजाज खान हिला नाशिक पोलिसांनी छत्रपती संभाजीनगरमधून अटक केली होती. एसआयटीकडून कसून चौकशी झाल्यानंतर सोमवारी तिला नाशिकरोड न्यायालयात हजर करण्यात आले. न्यायालयाने तिला १४ दिवसांची न्यायालयीन कोठडी सुनावत नाशिकरोड मध्यवर्ती कारागृहात रवानगीचे आदेश दिले. दरम्यान, या प्रकरणातील दानिश शेख आणि तौसिफ अत्तार यांचा ताबाही एसआयटी घेणार असून तिघांना समोरासमोर बसवून चौकशी केली जाणार आहे. तसेच १७१ लिंक, आर्थिक व्यवहार आणि कट रचल्याच्या आरोपांचा तपास अधिक गतीने सुरू असून, या रॅकेटचे धागेदोरे आंतरराज्य किंवा आंतरराष्ट्रीय स्तरावर आहेत का, याचाही तपास केला जात आहे.

नाशिक महापालिका प्रशासनाने दिव्यागांच्या समस्या प्रश्नी बोलवलेली बैठक रद्द केल्याने प्रहार संघटना पदाधिकारी संतप्त नाशिक :- शहरातील दिव्यांगांच्या अडीअडचणी व समस्या सोडवण्यासंदर्भात तसेच राखीव आणि निधी खर्च करण्यासंदर्भात प्रहार दिव्यांग संघटना यांच्या वतीने नाशिक महानगरपालिका आयुक्त यांना पत्र देण्यात आले होते. त्या पत्रास अनुसरून नाशिक महानगरपालिकेने दिनांक 11 मे रोजी अकरा वाजता बैठक आयोजित केली असल्याचे लेखी पत्र पाठवून बैठकीस आमंत्रित केले होते जेव्हा प्रहार दिव्यांग संघटनेचे पदाधिकारी राजीव गांधी भवन मुख्यालय येथे आले असता बैठक रद्द झाल्याचे कर्मचाऱ्यांनी सांगितले तसेच अतिरिक्त आयुक्त व मनपा उपायुक्त समाज कल्याण हे जिल्हाधिकारी कार्यालय येथे महिला आयोगाच्या बैठकीसाठी गेल्याचे सांगण्यात आले दिव्यांग संघटनेची बैठक ही पूर्वनियोजित असतानाही मनपा अधिकारी हे हजर नसल्याने दिव्यांग संघटनेच्या पदाधिकाऱ्यांनी तीव्र संताप व्यक्त केला मनपा दिव्यांग निधी मधून दिव्यांगांना दरमहा 3000 ऐवजी 6000 रुपये अनुदान देण्यात यावे तसेच राखीव दिव्यांग निधी इतरत्र न वळवता तो दिव्यांगांसाठीच खर्च करण्यात याव्या आदी मागण्यासाठी या बैठकीचे आयोजन करण्यात आले होते.दिव्यांगांकडे महानगरपालिकेचा बघण्याचा दृष्टिकोन हा नकारात्मक स्वरूपाचा असल्याची खंत दिव्यांगांनी व्यक्त केली. दिव्यांगांच्या मागण्या येत्या 15 दिवसात मान्य न झाल्यास मुख्यालयासमोर तीव्र आंदोलन छेडण्यात येणार असल्याचे प्रहार दिव्यांग संघटनेच्या वतीने सांगण्यात आले या प्रसंगी प्रहार दिव्यांग संघटनेचे जिल्हाध्यक्ष ललित पवार जिल्हा कार्याध्यक्ष बबलु मिर्झा,हाॅकर्स झोन चे अध्यक्ष वसंत ठाकुर, मुकबधिर जिल्हाध्यक्ष शोहेब सिद्दीकी,उपजिल्हाध्यक्ष रुपेश परदेशी,शहराध्यक्ष सुभाष निकाळजे, जिल्हाउपाध्यक्ष दत्ता कांगणे,उपशहरप्रमुख दिपक भोई आदी सह दिव्यांग पदाधिकारी उपस्थित होते.

नाशिक जिल्ह्यातील सुरगाणा तालुक्यात बोरगाव-खरुडे रस्त्याची अत्यंत दुरवस्था झाली आहे. खड्ड्यांमुळे वाहनचालक व प्रवाशांना जीवघेणा प्रवास करावा लागत असून ते त्रस्त झाले आहेत. लवकरात लवकर रस्त्याची दुरुस्ती करण्याची मागणी स्थानिकांनी केली आहे.