విఠ్యాల ప్రభుత్వ పాఠశాల ప్రధానోపాధ్యాయుడు సస్పెన్షన్* *హెడ్మాస్టర్ 'రవి' పై విద్యాశాఖ చర్యలు!* *స్వయంగా విచారణ జరిపిన విద్యాశాఖ డైరెక్టర్* *విచారణలో వెలుగులోకి సంచలన విషయాలు* షాద్ నగర్: తమ భవిష్యత్తు కోసం గ్రామ విద్యార్థులు చేసిన పోరాటం ఫలించింది. పాఠశాలకు సక్రమంగా రాకుండా, విద్యార్థుల చదువులను నిర్లక్ష్యం చేస్తున్న విఠ్యాల గ్రామ ప్రభుత్వ ఉన్నత పాఠశాల హెడ్మాస్టర్ రవిపై విద్యాశాఖ వేటు వేసింది. విద్యార్థులు మరియు గ్రామస్తుల ఆందోళనతో కదిలిన యంత్రాంగం, తక్షణమే విచారణ చేపట్టి సదరు హెచ్‌ఎంను సస్పెండ్ చేస్తూ ఉత్తర్వులు జారీ చేసింది. ఫరూక్ నగర్ మండలం విఠ్యాల గ్రామంలో ఇంగ్లిష్ సబ్జెక్ట్ బోధించే టీచర్ వ్యవహారంపై నిన్న విద్యార్థులు పాఠశాలకు తాళం వేసిన సంగతి విధితమే. రాష్ట్రవ్యాప్తంగా సంచలనం సృష్టించడంతో, ఉన్నతాధికారులు నేరుగా రంగంలోకి దిగారు. తెలంగాణ విద్యాశాఖ డైరెక్టర్ మరియు కమిషనర్ నవీన్ నికోలస్, జిల్లా విద్యాశాఖాధికారి సుసింధర్ రావు, ఫరూక్ నగర్ ఎంఈఓ మనోహర్ కలిసి బుధవారం విఠ్యాల ఉన్నత పాఠశాలను సందర్శించారు. అధికారుల బృందం విద్యార్థులతో, గ్రామస్తులతో ముఖాముఖి మాట్లాడి వాస్తవాలను తెలుసుకున్నారు. *విచారణలో వెలుగుచూసిన హెచ్‌ఎం 'రవి' లీలలు* అధికారులు జరిపిన ఎంక్వైరీలో ప్రధానోపాధ్యాయుడు రవి గురించి షాకింగ్ విషయాలు బయటపడ్డాయి. విద్యార్థుల వద్ద చేసిన డబ్బుల వసూళ్ల పర్వం వెలుగు చూసింది. స్కూల్లో ఒక్కో విద్యార్థి నుండి అకారణంగా 300 రూపాయల చొప్పున అక్రమంగా వసూలు చేస్తున్నట్లు విద్యార్థులు అధికారుల ఎదుట సాక్ష్యం చెప్పారు. దీనికి తోడు విద్యార్థుల పట్ల దురుసు ప్రవర్తన గ్రామస్తులతో, తల్లిదండ్రులతో కనీస మర్యాద లేకుండా ప్రవర్తించేవారని గ్రామస్తులు స్వయంగా ఫిర్యాదు చేశారు. ముఖ్యంగా గత కొంత కాలంగా విధులకు గైర్హాజరయ్యారు. విద్యార్థులకు ఆంగ్ల పాఠాలు చెప్పకుండా, కేవలం ఆఫీసు పనుల పేరుతో నెలల తరబడి స్కూలుకు రాకుండా ముఖం చాటేసినట్లు విచారణలో తేలింది. అంతేకాకుండా విద్యార్థులపై దౌర్జన్యం చేస్తూ పాఠాలు అడిగిన విద్యార్థులపై కూడా దురుసుగా వ్యవహరించేవాడని ఎంక్వైరీలో స్పష్టమైంది. *తక్షణమే సస్పెన్షన్ వేటు!* అన్ని కోణాల్లో విచారణ పూర్తి చేసిన అధికారులు, హెచ్‌ఎం రవి విధి నిర్వహణలో ఘోరంగా విఫలమయ్యారని నిర్ధారించారు. అక్రమ వసూళ్లు, నిర్లక్ష్యం, దురుసు ప్రవర్తనపై వచ్చిన ఫిర్యాదులు నిజమని తేలడంతో.. విద్యార్థుల భవిష్యత్తును దృష్టిలో ఉంచుకుని హెచ్‌ఎం రవిని ఉన్న ఫలంగా సస్పెండ్ చేస్తున్నట్లు కమిషనర్ నవీన్ నికోలస్ ప్రకటించారు. *ఆనందంలో విద్యార్థులు..* తమ గోడును విన్నందుకు మరియు తక్షణమే స్పందించినందుకు విద్యార్థులు, గ్రామస్తులు అధికారులకు కృతజ్ఞతలు తెలిపారు. "మాకు చదువు చెప్పే మంచి టీచర్లను పంపి, పదో తరగతి పరీక్షల్లో మేము పాస్ అయ్యేలా చూడాలి" అని విద్యార్థులు విజ్ఞప్తి చేశారు. ఈ నేపథ్యంలో విద్యాశాఖ ఉన్నతాధికారులు వెంటనే స్పందించి కొత్త ఆంగ్ల టీచర్ గా అమరేందర్ ను నియమిస్తూ ఉత్తర్వులు జారీ చేశారు..

Rameshu Avula

Electronics ఫరూఖ్‌నగర్, రంగారెడ్డి, తెలంగాణ•

3 hrs ago

విఠ్యాల ప్రభుత్వ పాఠశాల ప్రధానోపాధ్యాయుడు సస్పెన్షన్* *హెడ్మాస్టర్ 'రవి' పై విద్యాశాఖ చర్యలు!* *స్వయంగా విచారణ జరిపిన విద్యాశాఖ డైరెక్టర్* *విచారణలో వెలుగులోకి సంచలన విషయాలు* షాద్ నగర్: తమ భవిష్యత్తు కోసం గ్రామ విద్యార్థులు చేసిన పోరాటం ఫలించింది. పాఠశాలకు సక్రమంగా రాకుండా, విద్యార్థుల చదువులను నిర్లక్ష్యం చేస్తున్న విఠ్యాల గ్రామ ప్రభుత్వ ఉన్నత పాఠశాల హెడ్మాస్టర్ రవిపై విద్యాశాఖ వేటు వేసింది. విద్యార్థులు మరియు గ్రామస్తుల ఆందోళనతో కదిలిన యంత్రాంగం, తక్షణమే విచారణ చేపట్టి సదరు హెచ్‌ఎంను సస్పెండ్ చేస్తూ ఉత్తర్వులు జారీ చేసింది. ఫరూక్ నగర్ మండలం విఠ్యాల గ్రామంలో ఇంగ్లిష్ సబ్జెక్ట్ బోధించే టీచర్ వ్యవహారంపై నిన్న విద్యార్థులు పాఠశాలకు తాళం వేసిన సంగతి విధితమే. రాష్ట్రవ్యాప్తంగా సంచలనం సృష్టించడంతో, ఉన్నతాధికారులు నేరుగా రంగంలోకి దిగారు. తెలంగాణ విద్యాశాఖ డైరెక్టర్ మరియు కమిషనర్ నవీన్ నికోలస్, జిల్లా విద్యాశాఖాధికారి సుసింధర్ రావు, ఫరూక్ నగర్ ఎంఈఓ మనోహర్ కలిసి బుధవారం విఠ్యాల ఉన్నత పాఠశాలను సందర్శించారు. అధికారుల బృందం విద్యార్థులతో, గ్రామస్తులతో ముఖాముఖి మాట్లాడి వాస్తవాలను తెలుసుకున్నారు. *విచారణలో వెలుగుచూసిన హెచ్‌ఎం 'రవి' లీలలు* అధికారులు జరిపిన ఎంక్వైరీలో ప్రధానోపాధ్యాయుడు రవి గురించి షాకింగ్ విషయాలు బయటపడ్డాయి. విద్యార్థుల వద్ద చేసిన డబ్బుల వసూళ్ల పర్వం వెలుగు చూసింది. స్కూల్లో ఒక్కో విద్యార్థి నుండి అకారణంగా 300 రూపాయల చొప్పున అక్రమంగా వసూలు చేస్తున్నట్లు విద్యార్థులు అధికారుల ఎదుట సాక్ష్యం చెప్పారు. దీనికి తోడు విద్యార్థుల పట్ల దురుసు ప్రవర్తన గ్రామస్తులతో, తల్లిదండ్రులతో కనీస మర్యాద లేకుండా ప్రవర్తించేవారని గ్రామస్తులు స్వయంగా ఫిర్యాదు చేశారు. ముఖ్యంగా గత కొంత కాలంగా విధులకు గైర్హాజరయ్యారు. విద్యార్థులకు ఆంగ్ల పాఠాలు చెప్పకుండా, కేవలం ఆఫీసు పనుల పేరుతో నెలల తరబడి స్కూలుకు రాకుండా ముఖం చాటేసినట్లు విచారణలో తేలింది. అంతేకాకుండా విద్యార్థులపై దౌర్జన్యం చేస్తూ పాఠాలు అడిగిన విద్యార్థులపై కూడా దురుసుగా వ్యవహరించేవాడని ఎంక్వైరీలో స్పష్టమైంది. *తక్షణమే సస్పెన్షన్ వేటు!* అన్ని కోణాల్లో విచారణ పూర్తి చేసిన అధికారులు, హెచ్‌ఎం రవి విధి నిర్వహణలో ఘోరంగా విఫలమయ్యారని నిర్ధారించారు. అక్రమ వసూళ్లు, నిర్లక్ష్యం, దురుసు ప్రవర్తనపై వచ్చిన ఫిర్యాదులు నిజమని తేలడంతో.. విద్యార్థుల భవిష్యత్తును దృష్టిలో ఉంచుకుని హెచ్‌ఎం రవిని ఉన్న ఫలంగా సస్పెండ్ చేస్తున్నట్లు కమిషనర్ నవీన్ నికోలస్ ప్రకటించారు. *ఆనందంలో విద్యార్థులు..* తమ గోడును విన్నందుకు మరియు తక్షణమే స్పందించినందుకు విద్యార్థులు, గ్రామస్తులు అధికారులకు కృతజ్ఞతలు తెలిపారు. "మాకు చదువు చెప్పే మంచి టీచర్లను పంపి, పదో తరగతి పరీక్షల్లో మేము పాస్ అయ్యేలా చూడాలి" అని విద్యార్థులు విజ్ఞప్తి చేశారు. ఈ నేపథ్యంలో విద్యాశాఖ ఉన్నతాధికారులు వెంటనే స్పందించి కొత్త ఆంగ్ల టీచర్ గా అమరేందర్ ను నియమిస్తూ ఉత్తర్వులు జారీ చేశారు..