उदगीर शहर आणि ग्रामीण पोलीस स्टेशन हद्दीमध्ये नांदेड परिक्षेत्राच्या पोलीस उप महानिरीक्षकाकडून मटक्यावर धाडी उदगीर शहर व ग्रामीण भागात मटका अड्ड्यांवर पोलिसांचे छापे; 73 हजारांहून अधिक रोकडसह मुद्देमाल जप्त उदगीर (प्रतिनिधी) नांदेड परिक्षेत्रातील अवैध व्यवसायांवर आळा घालण्यासाठी पोलिस उपमहानिरीक्षक शाहाजी उमाप यांच्या मार्गदर्शनाखाली पोलिस पथकाने उदगीर शहर व ग्रामीण भागात मटका अड्ड्यांवर धाडी टाकत मोठी कारवाई केली. या कारवाईत रोकडसह मोबाईल व जुगार साहित्य असा एकूण 1 लाख 28 हजार 120 रुपयांचा मुद्देमाल जप्त करण्यात आला आहे. उदगीर शहर पोलिस ठाण्याच्या हद्दीत हवागीस्वामी मठाजवळील एका अर्धवट बांधकाम असलेल्या घरात सुरू असलेल्या मटका बुकिंगवर छापा टाकण्यात आला. या कारवाईत 51 हजार 790 रुपयांची रोकड व 20 हजार रुपयांचे तीन मोबाईल फोन जप्त करण्यात आले. तसेच या प्रकरणात एकूण नऊ आरोपींना ताब्यात घेण्यात आले असून उदगीर शहर पोलिस ठाण्यात महाराष्ट्र जुगार प्रतिबंधक कायद्यान्वये गुन्हा दाखल करण्यात आला आहे. याचबरोबर उदगीर ग्रामीण पोलिस ठाण्याच्या हद्दीत एस.टी. कॉलनी परिसरातील पत्र्याच्या शेडमध्ये सुरू असलेल्या मटका अड्ड्यावरही छापा टाकण्यात आला. या कारवाईत 21 हजार 330 रुपयांची रोकड, 20 हजार रुपयांचे दोन मोबाईल फोन आणि 15 हजार रुपयांचे ‘जी-विन’ लॉटरीचे साहित्य जप्त करण्यात आले. या प्रकरणात तीन आरोपींना ताब्यात घेऊन महाराष्ट्र जुगार कायद्यान्वये गुन्हा दाखल करण्यात आला आहे. दोन्ही कारवायांमध्ये एकूण 73 हजार 120 रुपयांची रोकड, पाच मोबाईल फोन व जुगार साहित्य असा एकूण 1 लाख 28 हजार 120 रुपयांचा मुद्देमाल पोलिसांनी जप्त केला आहे. या कारवाईत पोलिस उपनिरीक्षक पंकज इंगळे यांच्यासह पोलिस कर्मचारी प्रदीप खानसाळे, संजीव जिंकलवाड, गणेश धुमाळ आणि कमाजी गवळी यांनी सहभाग घेतला. दरम्यान, आपल्या परिसरातील अवैध व्यवसायांची माहिती नागरिकांनी जवळच्या पोलिस ठाण्यात किंवा नांदेड परिक्षेत्राच्या अधिकृत संकेतस्थळावर कळवावी, असे आवाहन पोलिस उपमहानिरीक्षक शाहाजी उमाप यांनी केले आहे.

Laxman Ugile

उदगीर, लातूर, महाराष्ट्र•

1 day ago

उदगीर शहर आणि ग्रामीण पोलीस स्टेशन हद्दीमध्ये नांदेड परिक्षेत्राच्या पोलीस उप महानिरीक्षकाकडून मटक्यावर धाडी उदगीर शहर व ग्रामीण भागात मटका अड्ड्यांवर पोलिसांचे छापे; 73 हजारांहून अधिक रोकडसह मुद्देमाल जप्त उदगीर (प्रतिनिधी) नांदेड परिक्षेत्रातील अवैध व्यवसायांवर आळा घालण्यासाठी पोलिस उपमहानिरीक्षक शाहाजी उमाप यांच्या मार्गदर्शनाखाली पोलिस पथकाने उदगीर शहर व ग्रामीण भागात मटका अड्ड्यांवर धाडी टाकत मोठी कारवाई केली. या कारवाईत रोकडसह मोबाईल व जुगार साहित्य असा एकूण 1 लाख 28 हजार 120 रुपयांचा मुद्देमाल जप्त करण्यात आला आहे. उदगीर शहर पोलिस ठाण्याच्या हद्दीत हवागीस्वामी मठाजवळील एका अर्धवट बांधकाम असलेल्या घरात सुरू असलेल्या मटका बुकिंगवर छापा टाकण्यात आला. या कारवाईत 51 हजार 790 रुपयांची रोकड व 20 हजार रुपयांचे तीन मोबाईल फोन जप्त करण्यात आले. तसेच या प्रकरणात एकूण नऊ आरोपींना ताब्यात घेण्यात आले असून उदगीर शहर पोलिस ठाण्यात महाराष्ट्र जुगार प्रतिबंधक कायद्यान्वये गुन्हा दाखल करण्यात आला आहे. याचबरोबर उदगीर ग्रामीण पोलिस ठाण्याच्या हद्दीत एस.टी. कॉलनी परिसरातील पत्र्याच्या शेडमध्ये सुरू असलेल्या मटका अड्ड्यावरही छापा टाकण्यात आला. या कारवाईत 21 हजार 330 रुपयांची रोकड, 20 हजार रुपयांचे दोन मोबाईल फोन आणि 15 हजार रुपयांचे ‘जी-विन’ लॉटरीचे साहित्य जप्त करण्यात आले. या प्रकरणात तीन आरोपींना ताब्यात घेऊन महाराष्ट्र जुगार कायद्यान्वये गुन्हा दाखल करण्यात आला आहे. दोन्ही कारवायांमध्ये एकूण 73 हजार 120 रुपयांची रोकड, पाच मोबाईल फोन व जुगार साहित्य असा एकूण 1 लाख 28 हजार 120 रुपयांचा मुद्देमाल पोलिसांनी जप्त केला आहे. या कारवाईत पोलिस उपनिरीक्षक पंकज इंगळे यांच्यासह पोलिस कर्मचारी प्रदीप खानसाळे, संजीव जिंकलवाड, गणेश धुमाळ आणि कमाजी गवळी यांनी सहभाग घेतला. दरम्यान, आपल्या परिसरातील अवैध व्यवसायांची माहिती नागरिकांनी जवळच्या पोलिस ठाण्यात किंवा नांदेड परिक्षेत्राच्या अधिकृत संकेतस्थळावर कळवावी, असे आवाहन पोलिस उपमहानिरीक्षक शाहाजी उमाप यांनी केले आहे.