୨୧ ଜୁନ, ୨୦୨୬ ରେ ବିଶ୍ୱବ୍ୟାପୀ ପାଳିତ ଆନ୍ତର୍ଜାତୀୟ ଯୋଗ ଦିବସ ଅବସରରେ ବେଲପାହାଡ଼ ବନାଞ୍ଚଳ ପରିସରରେ ଏକ ସ୍ୱତନ୍ତ୍ର ଯୋଗ ଶିବିର ଆୟୋଜିତ ହୋଇଯାଇଛି। ବନାଞ୍ଚଳ ଅଧିକାରୀ ପ୍ରଦୀପ କୁମାର ନାଏକଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବନାଞ୍ଚଳର ସମସ୍ତ ବନପାଳ, ବନରକ୍ଷୀ, ବନ ବାହିନୀର ସଦସ୍ୟବୃନ୍ଦ ଏବଂ ବେଲପାହାଡ଼ କ୍ଷେତ୍ର ପରିଚାଳନାର କର୍ମକର୍ତ୍ତାମାନେ ଉପସ୍ଥିତ ରହି ସାମୂହିକ ଭାବେ ଯୋଗାଭ୍ୟାସ କରିଥିଲେ। କାର୍ଯ୍ୟକ୍ରମରେ ଯୋଗ ଶିକ୍ଷକ ନଳିନ କୁମାର ଖମାରୀ ବିଭିନ୍ନ ଯୋଗାସନ, ପ୍ରାଣାୟାମ ଓ ଧ୍ୟାନର ପ୍ରଶିକ୍ଷଣ ପ୍ରଦାନ କରିଥିଲେ। ସେ ଦୈନନ୍ଦିନ ଜୀବନରେ ନିୟମିତ ଯୋଗାଭ୍ୟାସର ଆବଶ୍ୟକତା ଉପରେ ଆଲୋକପାତ କରି କହିଥିଲେ ଯେ ଯୋଗ କେବଳ ଶାରୀରିକ ସୁସ୍ଥତା ପାଇଁ ନୁହେଁ, ବରଂ ମାନସିକ ଶାନ୍ତି, ଏକାଗ୍ରତା, କାର୍ଯ୍ୟଦକ୍ଷତା ଏବଂ ଚାପମୁକ୍ତ ଜୀବନ ପାଇଁ ମଧ୍ୟ ଅତ୍ୟନ୍ତ ଉପଯୋଗୀ। ସେ ସମସ୍ତଙ୍କୁ ପ୍ରତିଦିନ ନିୟମିତ ଭାବେ କିଛି ସମୟ ଯୋଗାଭ୍ୟାସ କରିବାକୁ ଆହ୍ୱାନ କରିଥିଲେ। ଏହି ଅବସରରେ ବନାଞ୍ଚଳ ଅଧିକାରୀ ପ୍ରଦୀପ କୁମାର ନାଏକ ପ୍ରକାଶ କରିଥିଲେ ଯେ, ବନ ବିଭାଗର କର୍ମଚାରୀମାନେ ପ୍ରତିଦିନ ବିଭିନ୍ନ ପ୍ରତିକୂଳ ପରିସ୍ଥିତିରେ କାର୍ଯ୍ୟ କରୁଥିବାରୁ ସେମାନଙ୍କର ଶାରୀରିକ ସୁସ୍ଥତା ଓ ମାନସିକ ଦୃଢ଼ତା ଅତ୍ୟନ୍ତ ଆବଶ୍ୟକ। ନିୟମିତ ଯୋଗାଭ୍ୟାସ ଦ୍ୱାରା ସ୍ୱାସ୍ଥ୍ୟ ସୁରକ୍ଷା ସହ କାର୍ଯ୍ୟକ୍ଷମତା ବୃଦ୍ଧି ପାଇବ ବୋଲି ସେ ମତ ଦେଇଥିଲେ। କାର୍ଯ୍ୟକ୍ରମରେ ଉପସ୍ଥିତ ସମସ୍ତ କର୍ମଚାରୀ ଉତ୍ସାହର ସହିତ ଯୋଗାଭ୍ୟାସରେ ଅଂଶଗ୍ରହଣ କରିବା ସହ ନିଜ ଦୈନନ୍ଦିନ ଜୀବନରେ ଯୋଗକୁ ସାମିଲ କରିବା ପାଇଁ ସଂକଳ୍ପ ନେଇଥିଲେ। ସୁସ୍ଥ ଜୀବନଶୈଳୀ ଓ ସ୍ୱାସ୍ଥ୍ୟ ସଚେତନତାର ବାର୍ତ୍ତା ପ୍ରଦାନ କରିଥିବା ଏହି ଯୋଗ ଶିବିର ସଫଳତାର ସହ ଉଦଯାପିତ ହୋଇଥିଲା।

Saroj Kumar Mirdha

Local News Reporter ଲଖନପୁର, ଝାରସୁଗୁଡ଼ା, ଓଡ଼ିଶା•

1 hr ago

୨୧ ଜୁନ, ୨୦୨୬ ରେ ବିଶ୍ୱବ୍ୟାପୀ ପାଳିତ ଆନ୍ତର୍ଜାତୀୟ ଯୋଗ ଦିବସ ଅବସରରେ ବେଲପାହାଡ଼ ବନାଞ୍ଚଳ ପରିସରରେ ଏକ ସ୍ୱତନ୍ତ୍ର ଯୋଗ ଶିବିର ଆୟୋଜିତ ହୋଇଯାଇଛି। ବନାଞ୍ଚଳ ଅଧିକାରୀ ପ୍ରଦୀପ କୁମାର ନାଏକଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବନାଞ୍ଚଳର ସମସ୍ତ ବନପାଳ, ବନରକ୍ଷୀ, ବନ ବାହିନୀର ସଦସ୍ୟବୃନ୍ଦ ଏବଂ ବେଲପାହାଡ଼ କ୍ଷେତ୍ର ପରିଚାଳନାର କର୍ମକର୍ତ୍ତାମାନେ ଉପସ୍ଥିତ ରହି ସାମୂହିକ

ଭାବେ ଯୋଗାଭ୍ୟାସ କରିଥିଲେ। କାର୍ଯ୍ୟକ୍ରମରେ ଯୋଗ ଶିକ୍ଷକ ନଳିନ କୁମାର ଖମାରୀ ବିଭିନ୍ନ ଯୋଗାସନ, ପ୍ରାଣାୟାମ ଓ ଧ୍ୟାନର ପ୍ରଶିକ୍ଷଣ ପ୍ରଦାନ କରିଥିଲେ। ସେ ଦୈନନ୍ଦିନ ଜୀବନରେ ନିୟମିତ ଯୋଗାଭ୍ୟାସର ଆବଶ୍ୟକତା ଉପରେ ଆଲୋକପାତ କରି କହିଥିଲେ ଯେ ଯୋଗ କେବଳ ଶାରୀରିକ ସୁସ୍ଥତା ପାଇଁ ନୁହେଁ, ବରଂ ମାନସିକ ଶାନ୍ତି, ଏକାଗ୍ରତା, କାର୍ଯ୍ୟଦକ୍ଷତା ଏବଂ ଚାପମୁକ୍ତ ଜୀବନ ପାଇଁ ମଧ୍ୟ

ଅତ୍ୟନ୍ତ ଉପଯୋଗୀ। ସେ ସମସ୍ତଙ୍କୁ ପ୍ରତିଦିନ ନିୟମିତ ଭାବେ କିଛି ସମୟ ଯୋଗାଭ୍ୟାସ କରିବାକୁ ଆହ୍ୱାନ କରିଥିଲେ। ଏହି ଅବସରରେ ବନାଞ୍ଚଳ ଅଧିକାରୀ ପ୍ରଦୀପ କୁମାର ନାଏକ ପ୍ରକାଶ କରିଥିଲେ ଯେ, ବନ ବିଭାଗର କର୍ମଚାରୀମାନେ ପ୍ରତିଦିନ ବିଭିନ୍ନ ପ୍ରତିକୂଳ ପରିସ୍ଥିତିରେ କାର୍ଯ୍ୟ କରୁଥିବାରୁ ସେମାନଙ୍କର ଶାରୀରିକ ସୁସ୍ଥତା ଓ ମାନସିକ ଦୃଢ଼ତା ଅତ୍ୟନ୍ତ ଆବଶ୍ୟକ। ନିୟମିତ ଯୋଗାଭ୍ୟାସ ଦ୍ୱାରା ସ୍ୱାସ୍ଥ୍ୟ

ସୁରକ୍ଷା ସହ କାର୍ଯ୍ୟକ୍ଷମତା ବୃଦ୍ଧି ପାଇବ ବୋଲି ସେ ମତ ଦେଇଥିଲେ। କାର୍ଯ୍ୟକ୍ରମରେ ଉପସ୍ଥିତ ସମସ୍ତ କର୍ମଚାରୀ ଉତ୍ସାହର ସହିତ ଯୋଗାଭ୍ୟାସରେ ଅଂଶଗ୍ରହଣ କରିବା ସହ ନିଜ ଦୈନନ୍ଦିନ ଜୀବନରେ ଯୋଗକୁ ସାମିଲ କରିବା ପାଇଁ ସଂକଳ୍ପ ନେଇଥିଲେ। ସୁସ୍ଥ ଜୀବନଶୈଳୀ ଓ ସ୍ୱାସ୍ଥ୍ୟ ସଚେତନତାର ବାର୍ତ୍ତା ପ୍ରଦାନ କରିଥିବା ଏହି ଯୋଗ ଶିବିର ସଫଳତାର ସହ ଉଦଯାପିତ ହୋଇଥିଲା।