రాష్ట్ర హోంమంత్రి వంగళపూడి అనితకు వైసీపీ మాజీమంత్రి గుడివాడ అమర్నాథ్ వెంటనే క్షమాపణలు చెప్పాలని తెలుగు మహిళా పట్టణ అధ్యక్షురాలు కె.లక్ష్మి, మాజీ కౌన్సిలర్లు బర్లి శ్రీదేవి, తెంటు పార్వతి డిమాండ్ చేశారు. బుధవారం బొబ్బిలి కోటలో వారు ఈ మేరకు స్పందించారు. మహిళలను గౌరవించాల్సిన వైసీపీ నాయకులు కించపరిచేలా మాట్లాడడం ఏమాత్రం సరికాదని ఈ సందర్భంగా వారు పేర్కొన్నారు. హోంమంత్రి అనితపై అసభ్యకరంగా మాట్లాడడం అన్యాయమని తీవ్రంగా ఖండించారు. మహిళల పట్ల గౌరవం ప్రదర్శించాలని వారు డిమాండ్ చేశారు.

రాష్ట్ర హోంమంత్రి వంగళపూడి అనితకు వైసీపీ మాజీమంత్రి గుడివాడ అమర్నాథ్ వెంటనే క్షమాపణలు చెప్పాలని తెలుగు మహిళా పట్టణ అధ్యక్షురాలు కె.లక్ష్మి, మాజీ కౌన్సిలర్లు బర్లి శ్రీదేవి, తెంటు పార్వతి డిమాండ్ చేశారు. బుధవారం బొబ్బిలి కోటలో వారు ఈ మేరకు స్పందించారు. మహిళలను గౌరవించాల్సిన వైసీపీ నాయకులు కించపరిచేలా మాట్లాడడం ఏమాత్రం సరికాదని ఈ సందర్భంగా వారు పేర్కొన్నారు. హోంమంత్రి అనితపై అసభ్యకరంగా మాట్లాడడం అన్యాయమని తీవ్రంగా ఖండించారు. మహిళల పట్ల గౌరవం ప్రదర్శించాలని వారు డిమాండ్ చేశారు.

అల్లూరి సీతారామరాజు జిల్లాలోని డుంబ్రిగూడ మండల కేంద్రంతో పాటు పరిసర గ్రామాల్లో బుధవారం మధ్యాహ్నం ఉరుములు, మెరుపులు, ఈదురుగాలులతో కూడిన వర్షం కురిసింది. గత వారం రోజులుగా కొనసాగుతున్న ఎండ తీవ్రత, ఉక్కపోతతో తీవ్రంగా ఇబ్బందులు పడుతున్న ప్రజలకు ఈ వర్షం కొంత ఉపశమనాన్ని కలిగించింది. వాతావరణం ఒక్కసారిగా చల్లబడటంతో స్థానికులు ఊరట చెందారు. ఈ వర్షం రాగులు, సామలు, వరి వంటి పంటలకు చాలా ప్రయోజనకరంగా ఉంటుందని గిరిజన రైతులు ఆనందం వ్యక్తం చేశారు. మరిన్ని వర్షాలు కురిస్తే సాగుకు మరింత అనుకూలమైన పరిస్థితులు ఏర్పడతాయని రైతులు ఆశాభావం వ్యక్తం చేస్తున్నారు.

శ్రీకాకుళం జిల్లా వ్యాప్తంగా బుధవారం జోరుగా వర్షం కురిసింది. ఈదురుగాలుల ధాటికి పలు గ్రామాల్లో చెట్లు నేలకొరిగాయి. దీని ప్రభావంతో కొన్ని ప్రాంతాల్లో విద్యుత్ సరఫరాకు అంతరాయం ఏర్పడగా, మామిడి కాయలు రాలిపోవడంతో రైతులకు నష్టం వాటిల్లింది. అయితే, ఈ వర్షం ఖరీఫ్ వరి సాగు కోసం పొడి దుక్కిలో వేసిన విత్తనాలకు మేలు చేస్తుందని అధికారులు తెలిపారు. దుక్కి పనులకు అనుకూల పరిస్థితులు నెలకొనడంతో రైతులు హర్షం వ్యక్తం చేస్తున్నారు.

విశాఖ నగరంలో యువత ఖరీదైన బైక్‌లపై కంపెనీ అమర్చిన సైలెన్సర్లను తొలగించి, అధిక శబ్దం మరియు పొగను వెదజల్లే సైలెన్సర్లను అమర్చడం, అలాగే కార్లు/ఆటోలకు అనధికారికంగా హై-బీమ్ లైట్లను అమర్చడం, ద్విచక్ర వాహనాలకు మొబైల్ స్టాండ్‌లను అమర్చడం వంటి చర్యల వల్ల మితిమీరిన శబ్ద, వాయు కాలుష్యం మరియు రహదారి ప్రమాదాలకు కారణమవుతున్నారు. ఈ వ్యవహారంపై చాలామంది మహిళలు, వృద్ధులు, హృదయ సంబంధ వ్యాధులతో బాధపడేవారు ఆందోళన వ్యక్తం చేస్తూ నగర పోలీస్ కమిషనర్‌కు ఫిర్యాదు చేశారు. దీనిపై స్పందించిన విశాఖపట్నం నగర పోలీస్ కమిషనర్ మరియు అడిషనల్ జిల్లా మేజిస్ట్రేట్ ఆదేశాల మేరకు ట్రాఫిక్ పోలీసులు జనవరి 01, 2026 నుండి ప్రత్యేక డ్రైవ్ నిర్వహించారు. ఈ డ్రైవ్‌లో ఇప్పటివరకు 142 సైలెన్సర్లు, 89 హై-బీమ్ లైట్లు, 290 మొబైల్ స్టాండ్‌లను స్వాధీనం చేసుకున్నారు. అదేవిధంగా, బీచ్ మరియు ఇతర రహదారులపై బైక్ రేసింగ్‌లకు పాల్పడుతున్న వారిపై చర్యలు చేపట్టి, దఫాదఫాలుగా 3 ద్విచక్ర వాహనాలను అదుపులోకి తీసుకుని, వారిపై కేసులు నమోదు చేశారు. వారి డ్రైవింగ్ లైసెన్స్‌లను సస్పెండ్ చేయమని డిప్యూటీ టఠకాన్పూరక్టర్ కమీషనర్ (DTC), విశాఖపట్నానికి సిఫార్సు చేయడం జరిగింది. ట్రాఫిక్ ఉల్లంఘనలకు సంబంధించిన శిక్షా వివరాలను కూడా పోలీసులు వెల్లడించారు: మోడిఫైడ్ సైలెన్సర్లు మరియు హై-బీమ్ లైట్ ఉల్లంఘనలకు మొదటిసారి 3 నెలల జైలు శిక్ష లేదా ₹10,000 జరిమానా, డ్రైవింగ్ లైసెన్స్ జప్తు; రెండవసారి 6 నెలల జైలు శిక్ష లేదా ₹10,000 జరిమానాతో పాటు వాహనం స్వాధీనం మరియు లైసెన్స్ మరో 3 నెలల పాటు జప్తు ఉంటుంది. మొబైల్ స్టాండ్ ఉల్లంఘనకు ఒక సంవత్సరం జైలు శిక్ష లేదా ₹1,000 నుండి ₹10,000 వరకు జరిమానా, మరియు 3 నెలలపాటు డ్రైవింగ్ లైసెన్స్ జప్తు విధించబడుతుంది. కాగా, గౌరవ రాష్ట్ర డైరెక్టర్ జనరల్ ఆఫ్ పోలీస్ వారు అందించిన ₹6,75,000 నిధులతో 450 వేసవి కిట్‌లను ట్రాఫిక్ పోలీస్ సిబ్బందికి గౌరవ పోలీస్ కమషనర్ శ్రీ శంఖబ్రత బాగ్చి ఐపీఎస్ గారు అందజేశారు. విశాఖపట్నం సిటీ పోలీస్ ప్రజలకు విజ్ఞప్తి చేస్తూ, వాహనాల్లో మార్పులు చేసి శబ్ద కాలుష్యం కలిగించే వాహనాల వల్ల పిల్లలు, స్త్రీలు, వృద్ధులు, గుండె జబ్బులు ఉన్నవారు ఆందోళనకు గురవుతున్నారని తెలిపారు. హై-బీమ్ లైట్లు మరియు మొబైల్ స్టాండ్‌లు ప్రమాదాలకు కారణమవుతున్నందున, వాహనదారులు అందరూ రోడ్డు భద్రతా నియమాలు పాటించాలని కోరారు.

పలాస నియోజకవర్గంలో ప్రజలు ఎదుర్కొంటున్న ఏడు కీలక సమస్యలపై రాష్ట్ర ప్రభుత్వం న్యాయం చేయాలని న్యాయవాది దువ్వాడ శ్రీధర్ బాబా డిమాండ్ చేశారు. పలాసను జిల్లా కేంద్రంగా ప్రకటించిన తర్వాత చివరి నిమిషంలో ఆ నిర్ణయాన్ని ఎందుకు వెనక్కి తీసుకున్నారో ప్రజలకు సమాధానం చెప్పాలని, పలాస ప్రజల మనోభావాలను గౌరవిస్తూ జిల్లాగా ప్రకటించాలని ఆయన కోరారు. నియోజకవర్గంలో వైన్ షాపుల్లో ఎమ్మార్పీ కంటే ఎక్కువ ధరకు మద్యం విక్రయాలు, గ్రామీణ బెల్ట్ షాపుల్లో మరింత అధిక వసూళ్లను అరికట్టాలని శ్రీధర్ బాబా ప్రభుత్వాన్ని కోరారు. ఇది వినియోగదారులపై ఆర్థిక దోపిడీ అని పేర్కొంటూ, ప్రత్యేక తనిఖీలు చేపట్టి నిబంధనలు ఉల్లంఘించే వారిపై కఠిన చర్యలు తీసుకోవాలని సూచించారు. మత్స్యకార యువకుడు మువ్వల నగేశ్ మరణంపై 2024 యువగళం సభలో ఇచ్చిన హామీ ప్రకారం 100 రోజుల్లో న్యాయం చేయాలని, ఈ కేసును సీబీఐతో విచారణ జరిపించి బాధిత కుటుంబానికి పూర్తి న్యాయం జరిగేలా చూడాలని ఆయన డిమాండ్ చేశారు. పలాస జీడి పరిశ్రమకు వెన్నెముకగా నిలిచి వేలాది కుటుంబాలకు ఉపాధి కల్పిస్తున్న జీడి పరిశ్రమ ఎదుర్కొంటున్న సమస్యలను కూడా ఆయన ప్రస్తావించారు. రైతుల నుంచి కొనుగోలు చేసిన జీడిపిక్కలకు ఒకసారి, ప్రాసెసింగ్ తర్వాత జీడిపప్పును తరలించడానికి మరోసారి ఆన్‌లైన్ ఈ-ట్రాన్స్‌పోర్ట్ అనుమతి తీసుకోవాల్సిన డబుల్ ఈ-పర్మిట్ విధానాన్ని రద్దు చేయాలని కోరారు. మార్కెట్ శాఖ జారీ చేసిన కొత్త సర్క్యులర్‌ను ఉపసంహరించి, పరిశ్రమను రక్షించాలని విజ్ఞప్తి చేశారు. పలాస మున్సిపాలిటీలో ప్రతి ఏడాది ఆటోమేటిక్‌గా పెరుగుతున్న ఇంటి పన్నులు ప్రజలపై భారం మోపుతున్నాయని, ఈ ఆటోమేటిక్ పన్ను పెంపు విధానాన్ని రద్దు చేసి ప్రజలకు ఉపశమనం కల్పించాలని కోరారు. అలాగే, రాష్ట్రంలో బీసీగా గుర్తింపు పొందిన కేవిటి కులాన్ని కేంద్ర ప్రభుత్వ ఓబీసీ జాబితాలో చేర్చేందుకు ప్రత్యేక చర్యలు తీసుకోవాలని, విద్య, ఉద్యోగాల్లో కేంద్ర ప్రభుత్వ రిజర్వేషన్ల ప్రయోజనాలు అందేలా కేంద్రానికి ప్రతిపాదన పంపాలని ఆయన ప్రభుత్వాన్ని కోరారు. చివరగా, పలాస నియోజకవర్గంలోని ప్రభుత్వ భూములు, చెరువులు, కొండలు, దేవాదాయ భూములు ఆక్రమణలకు గురవుతున్నాయని ఆందోళన వ్యక్తం చేశారు. ప్రభుత్వ ఆస్తులు ప్రజల ఆస్తులని, వాటిని కాపాడటం ప్రభుత్వ బాధ్యత అని పేర్కొంటూ, అన్ని ప్రభుత్వ భూములకు సమగ్ర సర్వే నిర్వహించి హద్దులు నిర్ణయించి, కంచెలు ఏర్పాటు చేసి శాశ్వత రక్షణ కల్పించాలని దువ్వాడ శ్రీధర్ బాబా డిమాండ్ చేశారు. ప్రజల భవిష్యత్తు, అభివృద్ధి కోసం ఈ ఏడు సమస్యలపై రాష్ట్ర ప్రభుత్వం స్పష్టమైన సమాధానం ఇవ్వాలని, పలాస నియోజకవర్గ ప్రజల న్యాయమైన డిమాండ్లను పరిష్కరించాలని ఆయన కోరారు.

పలాస మండలం కోసంగిపురం గ్రామంలో మంగళవారం కాశీబుగ్గ పోలీస్ స్టేషన్ ఎస్ ఐ ఆర్. నరసింహమూర్తి, తమ పోలీస్ సిబ్బందితో కలిసి గ్రామస్థులతో సమావేశం ఏర్పాటు చేశారు. ఈ సమావేశంలో రాబోవు స్థానిక సంస్థల ఎన్నికలను దృష్టిలో ఉంచుకొని, ప్రజలకు నారీ శక్తి, కొత్త చట్టాల గురించి అవగాహన కల్పించారు. బాల్య వివాహాలు, మహిళలపై జరిగే నేరాలు, మరియు 112 కాల్ ఉపయోగం గురించి కూడా వివరించారు. అలాగే, పోలీసులు గ్రామంలో జరిగే సైబర్ నేరాలు, ఆన్‌లైన్ మోసాలు, బెట్టింగ్, పేకాట, గంజాయి, నాటు సారా అక్రమ రవాణా, అమ్మకాలపై గ్రామస్థులకు అవగాహన కల్పించారు. గ్రామ దేవాలయాలు, మసీదులు, చర్చ్‌లకు సీసీ కెమెరాలు అమర్చాలని సూచించారు. గ్రామంలో ఏదైనా పండుగలు లేదా ఉత్సవాలు జరిగినప్పుడు వెంటనే పోలీస్ స్టేషన్‌కు సమాచారం అందించాలని కూడా తెలియజేశారు.

రాష్ట్ర హోమ్ మంత్రివర్యులు శ్రీమతి వంగలపూడి అనితపై మాజీ మంత్రి గుడివాడ అమర్నాథ్ చేసిన వ్యాఖ్యలను తీవ్రంగా ఖండిస్తూ కూటమి మహిళలు నిరసన తెలిపారు. ఈ నిరసన కార్యక్రమంలో భాగంగా, వారు గుడివాడ అమర్నాథ్ ఫోటోని గుడ్లతో కొట్టి తమ ఆగ్రహాన్ని స్పష్టం చేశారు. ఈ సందర్భంగా మహిళలు మాట్లాడుతూ, వైసీపీ నాయకులకు మహిళలపై గౌరవం లేదని ఆరోపించారు. ఉన్నత స్థాయిలో ఉన్న మహిళలనే వారు వ్యక్తిగతంగా దూషిస్తూ మాట్లాడుతున్నారంటే, సాధారణ మహిళల పరిస్థితి ఏమిటని వారు ప్రశ్నించారు. వైసీపీ పార్టీ అధికారంలో ఉంటే మహిళలకు, పిల్లలకు రక్షణ ఉండదని, అందుకే రాష్ట్ర ప్రజలు వారికి తగిన బుద్ధి చెప్పారని అన్నారు. అయినప్పటికీ, ఇలాంటి నాయకులకు బుద్ధి రాలేదనడానికి గుడివాడ అమర్నాథ్ వ్యాఖ్యలు ఒక ఉదాహరణ అని వారు తీవ్రంగా దుయ్యబట్టారు. ఈ నిరసన కార్యక్రమంలో టీడీపీ, జనసేన, బీజేపీ పార్టీల మహిళలు చురుకుగా పాల్గొన్నారు.

విశాఖపట్నంలోని జ్ఞానాపురం సత్యప్రకాశ్ మెడికల్ షాప్ సమీపంలో ఉన్న ఫుట్‌పాత్‌పై ఒక వ్యక్తి మృతదేహాన్ని స్థానికులు గుర్తించారు. ఈ విషయం తెలియగానే అవర్ హాండ్స్ స్వచ్ఛంద సేవా సంస్థ ప్రతినిధి పిల్లి గోవిందరాజు వెంటనే ఘటనాస్థలికి చేరుకుని వివరాలు సేకరించారు. మృతి చెందిన వ్యక్తి కంచరపాలెం హైవే ప్రాంతానికి చెందిన రోజువారీ కూలీ అని, అధికంగా మద్యం సేవించడం వల్ల అతను మరణించినట్లు వెల్లడైంది. పిల్లి గోవిందరాజు పోలీసుల సమక్షంలో తన సొంత ఖర్చులతో ఒక అంబులెన్స్‌ను ఏర్పాటు చేశారు. ఆ అంబులెన్స్ ద్వారా ఆ మృతదేహాన్ని కుటుంబ సభ్యుల స్వస్థలానికి తరలించి, గోవిందరాజు తన మానవతా దృక్పథాన్ని చాటుకున్నారు.