साकोली तालुक्यातील एकोडी येथील गुजरी चौकात निखिल डुंभरे ते दयानंद सोनकुसरे यांच्या घरासमोर सुरू असलेल्या सिमेंट नालीच्या बांधकामात निकृष्ट दर्जाचे साहित्य वापरले जात असल्याने एकच खळबळ उडाली आहे. या कामासाठी वापरली जाणारी रेती चुरी आणि मातीमिश्रित असल्याचे समोर आले आहे. या कामाची एजन्सी एकोडी ग्रामपंचायत असल्याचे बोलले जात आहे, आणि ग्रामस्थ मोठ्या प्रमाणात भ्रष्टाचाराचा आरोप करत आहेत. नागरिकांनी या निकृष्ट कामाचा सुरुवातीलाच विरोध केला. त्यांनी पदाधिकाऱ्यांसह प्रशासकीय अधिकाऱ्यांना घटनास्थळी बोलावून ही बाब निदर्शनास आणली, मात्र त्यांच्या उत्तराने ग्रामस्थांचे समाधान झाले नाही. अखेरीस, याविषयी साकोलीच्या खंडविकास अधिकाऱ्यांना सूचना देण्यात आली. नाली बांधकामात चुरी आणि मातीचा सर्रास वापर होत असल्याचे स्पष्ट दिसून आले. ग्रामस्थांनी खंडविकास अधिकाऱ्यांकडे तक्रार केल्यानंतर, त्यांनी तात्काळ एकोडी ग्रामपंचायत प्रशासनाला चांगल्या साहित्याचा वापर करूनच नालीचे बांधकाम करण्याचे निर्देश दिले. त्यामुळे सध्या हे काम थांबवण्यात आले आहे. हे नाली बांधकाम १५ व्या वित्त आयोगाच्या माध्यमातून सुरू असून, वाळू निकृष्ट दर्जाची आणि डस्टयुक्त असल्याने ती सिमेंटसोबत पकड घेणार नाही असे नमूद करण्यात आले. प्रशासनाला चांगली वाळू वापरण्याची आणि चांगल्या साहित्याचा वापर करून काम करण्याची दक्षता घेण्यास सांगण्यात आले आहे.

मनिषा विजय काशीवार

साकोली, भंडारा, महाराष्ट्र•

1 hr ago

साकोली तालुक्यातील एकोडी येथील गुजरी चौकात निखिल डुंभरे ते दयानंद सोनकुसरे यांच्या घरासमोर सुरू असलेल्या सिमेंट नालीच्या बांधकामात निकृष्ट दर्जाचे साहित्य वापरले जात असल्याने एकच खळबळ उडाली आहे. या कामासाठी वापरली जाणारी रेती चुरी आणि मातीमिश्रित असल्याचे समोर आले आहे. या कामाची एजन्सी एकोडी ग्रामपंचायत असल्याचे बोलले जात आहे, आणि ग्रामस्थ मोठ्या प्रमाणात भ्रष्टाचाराचा आरोप करत आहेत. नागरिकांनी या निकृष्ट कामाचा सुरुवातीलाच विरोध केला. त्यांनी पदाधिकाऱ्यांसह प्रशासकीय अधिकाऱ्यांना घटनास्थळी बोलावून ही बाब निदर्शनास आणली, मात्र त्यांच्या उत्तराने ग्रामस्थांचे समाधान झाले नाही. अखेरीस, याविषयी साकोलीच्या खंडविकास अधिकाऱ्यांना सूचना देण्यात आली. नाली बांधकामात चुरी आणि मातीचा सर्रास वापर होत असल्याचे स्पष्ट दिसून आले. ग्रामस्थांनी खंडविकास अधिकाऱ्यांकडे तक्रार केल्यानंतर, त्यांनी तात्काळ एकोडी ग्रामपंचायत प्रशासनाला चांगल्या साहित्याचा वापर करूनच नालीचे बांधकाम करण्याचे निर्देश दिले. त्यामुळे सध्या हे काम थांबवण्यात आले आहे. हे नाली बांधकाम १५ व्या वित्त आयोगाच्या माध्यमातून सुरू असून, वाळू निकृष्ट दर्जाची आणि डस्टयुक्त असल्याने ती सिमेंटसोबत पकड घेणार नाही असे नमूद करण्यात आले. प्रशासनाला चांगली वाळू वापरण्याची आणि चांगल्या साहित्याचा वापर करून काम करण्याची दक्षता घेण्यास सांगण्यात आले आहे.