వేములవాడ శ్రీ రాజరాజేశ్వర స్వామి దేవస్థానానికి చెందిన భీమేశ్వరాలయం ఎదురుగా ఉన్న దేవస్థానం స్థలంలో అక్రమ నిర్మాణాలపై అధికారులు వేములవాడ టౌన్ పోలీస్ స్టేషన్‌లో ఫిర్యాదు చేశారు. ఈ అక్రమ నిర్మాణాలు చేపట్టిన వ్యక్తిపై తక్షణమే చట్టపరమైన చర్యలు తీసుకోవాలని దేవస్థానం అధికారులు డిమాండ్ చేశారు. దేవస్థానం అధికారుల కథనం ప్రకారం, భీమేశ్వరాలయం ముందున్న సులభ్ కాంప్లెక్స్ సమీపంలో రాజన్న-భీమన్న బెల్లం దుకాణం నిర్వహిస్తున్న కె. ముత్యం అనే వ్యక్తి దేవస్థానం స్థలంలో అక్రమంగా రేకుల షెడ్డు నిర్మించి, అందులో మూడు దుకాణాలు ఏర్పాటు చేసినట్లు గుర్తించారు. ఈ విషయమై గతంలోనే ఆక్రమణను తొలగించాలని కోరగా, తానే స్వయంగా తొలగిస్తానని ముత్యం హామీ ఇచ్చినట్లు అధికారులు తెలిపారు. అయితే, 2026 జూన్ 18వ తేదీ సాయంత్రం, స్థానిక పోలీసుల సమక్షంలో దేవస్థానం సహాయ కార్యనిర్వహణాధికారులు, పర్యవేక్షకులు, సహాయ ఇంజనీర్ తదితర సిబ్బంది కె. ముత్యాన్ని అక్రమ నిర్మాణాల విషయమై ప్రశ్నించగా, ఆయన దురుసుగా ప్రవర్తించినట్లు ఫిర్యాదులో పేర్కొన్నారు. అంతేకాకుండా, దేవస్థానం సిబ్బందిపై అనుచిత వ్యాఖ్యలు చేస్తూ, తమను ప్రశ్నిస్తే అట్రాసిటీ కేసులు పెడతానని హెచ్చరించినట్లు అధికారులు ఆరోపించారు. దేవస్థానం స్థలంలో అక్రమ నిర్మాణాల తొలగింపు తమ విధి నిర్వహణలో భాగమేనని, విధులు నిర్వర్తిస్తున్న ఉద్యోగులను బెదిరించడం, దురుసుగా ప్రవర్తించడం సమంజసం కాదని అధికారులు స్పష్టం చేశారు. ఈ నేపథ్యంలో, కె. ముత్యంపై చట్టపరమైన చర్యలు తీసుకోవాలని కోరుతూ వేములవాడ టౌన్ స్టేషన్ హౌస్ ఆఫీసర్‌కు లిఖితపూర్వకంగా ఫిర్యాదు సమర్పించారు.

Gampa mahesh

వేములవాడ, రాజన్న సిరిసిల్ల, తెలంగాణ•

9 hrs ago

వేములవాడ శ్రీ రాజరాజేశ్వర స్వామి దేవస్థానానికి చెందిన భీమేశ్వరాలయం ఎదురుగా ఉన్న దేవస్థానం స్థలంలో అక్రమ నిర్మాణాలపై అధికారులు వేములవాడ టౌన్ పోలీస్ స్టేషన్‌లో ఫిర్యాదు చేశారు. ఈ అక్రమ నిర్మాణాలు చేపట్టిన వ్యక్తిపై తక్షణమే చట్టపరమైన చర్యలు తీసుకోవాలని దేవస్థానం అధికారులు డిమాండ్ చేశారు. దేవస్థానం అధికారుల కథనం ప్రకారం, భీమేశ్వరాలయం ముందున్న సులభ్ కాంప్లెక్స్ సమీపంలో రాజన్న-భీమన్న బెల్లం దుకాణం నిర్వహిస్తున్న కె. ముత్యం అనే వ్యక్తి దేవస్థానం స్థలంలో అక్రమంగా రేకుల షెడ్డు నిర్మించి, అందులో మూడు దుకాణాలు ఏర్పాటు చేసినట్లు గుర్తించారు. ఈ విషయమై గతంలోనే ఆక్రమణను తొలగించాలని కోరగా, తానే స్వయంగా తొలగిస్తానని ముత్యం హామీ ఇచ్చినట్లు అధికారులు తెలిపారు. అయితే, 2026 జూన్ 18వ తేదీ సాయంత్రం, స్థానిక పోలీసుల సమక్షంలో దేవస్థానం సహాయ కార్యనిర్వహణాధికారులు, పర్యవేక్షకులు, సహాయ ఇంజనీర్ తదితర సిబ్బంది కె. ముత్యాన్ని అక్రమ నిర్మాణాల విషయమై ప్రశ్నించగా, ఆయన దురుసుగా ప్రవర్తించినట్లు ఫిర్యాదులో పేర్కొన్నారు. అంతేకాకుండా, దేవస్థానం సిబ్బందిపై అనుచిత వ్యాఖ్యలు చేస్తూ, తమను ప్రశ్నిస్తే అట్రాసిటీ కేసులు పెడతానని హెచ్చరించినట్లు అధికారులు ఆరోపించారు. దేవస్థానం స్థలంలో అక్రమ నిర్మాణాల తొలగింపు తమ విధి నిర్వహణలో భాగమేనని, విధులు నిర్వర్తిస్తున్న ఉద్యోగులను బెదిరించడం, దురుసుగా ప్రవర్తించడం సమంజసం కాదని అధికారులు స్పష్టం చేశారు. ఈ నేపథ్యంలో, కె. ముత్యంపై చట్టపరమైన చర్యలు తీసుకోవాలని కోరుతూ వేములవాడ టౌన్ స్టేషన్ హౌస్ ఆఫీసర్‌కు లిఖితపూర్వకంగా ఫిర్యాదు సమర్పించారు.