શ્રી સ્વામિનારાયણ મંદિર વડતાલધામ સંચાલિત વિશ્વપ્રસિદ્ધ યાત્રાધામ શ્રીકષ્ટભંજનદેવ હનુમાનજી મંદિર, સાળંગપુરધામ ખાતે પવિત્ર ‘અધિક જેઠ માસ’ એટલે કે ‘પુરુષોત્તમ માસ’ નિમિત્તે ભક્તિમય માહોલ જોવા મળ્યો હતો. શ્રી હરિપ્રકાશદાસજી સ્વામીની પ્રેરણાથી 31 મે, 2026, રવિવારના (સુદ પૂનમ) પવિત્ર દિવસે દાદાને દિવસમાં ત્રણ વખત દિવ્ય વાઘાનો શણગાર તથા નાળિયેરની થીમનો દિવ્ય શણગાર સાથે અન્નકૂટ ધરાવવામાં આવ્યો હતો. આ પવિત્ર દિવસે સવારે 05:30 કલાકે પૂજારી સ્વામી દ્વારા મંગળા આરતી કરવામાં આવી હતી, જ્યારે સવારે 07:00 કલાકે કોઠારી વિવેકસાગરદાસજી સ્વામી દ્વારા શણગાર આરતી સંપન્ન થઈ હતી. સાંજે 05:00 થી 07:00 કલાકે રાજોપચાર પૂજનનું આયોજન કરવામાં આવ્યું હતું. શ્રીકષ્ટભંજનદેવ દાદાને દિવસમાં ત્રણ પ્રકારના દિવ્ય શણગાર દર્શન યોજાયા હતા, જેમાં દેવદિવાળી, રક્ષાબંધન, હનુમાન જયંતી અને ગુરુ પૂર્ણિમા જેવા પવિત્ર ઉત્સવોના ભાવો પ્રગટ કરતા એમ્બ્રોઇડરી વર્કવાળા વાઘા, રાખડીઓના વાઘા, અને સિલ્વર ડાયમંડ જડીત મયૂરાકાર મુગટ તથા વાઘાનો વિશેષ શણગાર કરવામાં આવ્યો હતો. મંદિર પરિસરમાં મારુતિ યજ્ઞનું પણ આયોજન કરાયું હતું. આ ઉપરાંત, પવિત્ર અધિક માસ નિમિત્તે પારિવારિક શાંતિ માટે શ્રી હનુમાન ચાલીસા યજ્ઞનું આયોજન 17 મે થી 15 જૂન, 2026 સુધી સવારે 9 થી 12 અને સાંજે 3 થી 6:30 દરમિયાન કરવામાં આવ્યું છે. પવિત્ર પૂનમના દિવસે મંદિર પરિસરમાં વહેલી સવારથી જ ભક્તોનું ઘોડાપૂર ઉમટી પડ્યું હતું. આ ભક્તિસભર માહોલમાં હજારો હરિભક્તોએ ઓનલાઈન અને પ્રત્યક્ષ દર્શન કરીને ધન્યતા અનુભવી હતી.

Vagadiya chintan dilipbhai

બોટાદ, બોટાદ, ગુજરાત•

1 hr ago

શ્રી સ્વામિનારાયણ મંદિર વડતાલધામ સંચાલિત વિશ્વપ્રસિદ્ધ યાત્રાધામ શ્રીકષ્ટભંજનદેવ હનુમાનજી મંદિર, સાળંગપુરધામ ખાતે પવિત્ર ‘અધિક જેઠ માસ’ એટલે કે ‘પુરુષોત્તમ માસ’ નિમિત્તે ભક્તિમય માહોલ જોવા મળ્યો હતો. શ્રી હરિપ્રકાશદાસજી સ્વામીની પ્રેરણાથી 31 મે, 2026, રવિવારના (સુદ પૂનમ) પવિત્ર દિવસે દાદાને દિવસમાં ત્રણ વખત દિવ્ય વાઘાનો શણગાર તથા નાળિયેરની થીમનો દિવ્ય શણગાર સાથે અન્નકૂટ ધરાવવામાં આવ્યો હતો. આ પવિત્ર દિવસે સવારે 05:30 કલાકે પૂજારી સ્વામી દ્વારા મંગળા આરતી કરવામાં આવી હતી, જ્યારે સવારે 07:00 કલાકે કોઠારી વિવેકસાગરદાસજી સ્વામી દ્વારા શણગાર આરતી સંપન્ન થઈ હતી. સાંજે 05:00 થી 07:00 કલાકે રાજોપચાર પૂજનનું આયોજન કરવામાં આવ્યું હતું. શ્રીકષ્ટભંજનદેવ દાદાને દિવસમાં ત્રણ પ્રકારના દિવ્ય શણગાર દર્શન યોજાયા હતા, જેમાં દેવદિવાળી, રક્ષાબંધન, હનુમાન જયંતી અને ગુરુ પૂર્ણિમા જેવા પવિત્ર ઉત્સવોના ભાવો પ્રગટ કરતા એમ્બ્રોઇડરી વર્કવાળા વાઘા, રાખડીઓના વાઘા, અને સિલ્વર ડાયમંડ જડીત મયૂરાકાર મુગટ તથા વાઘાનો વિશેષ શણગાર કરવામાં આવ્યો હતો. મંદિર પરિસરમાં મારુતિ યજ્ઞનું પણ આયોજન કરાયું હતું. આ ઉપરાંત, પવિત્ર અધિક માસ નિમિત્તે પારિવારિક શાંતિ માટે શ્રી હનુમાન ચાલીસા યજ્ઞનું આયોજન 17 મે થી 15 જૂન, 2026 સુધી સવારે 9 થી 12 અને સાંજે 3 થી 6:30 દરમિયાન કરવામાં આવ્યું છે. પવિત્ર પૂનમના દિવસે મંદિર પરિસરમાં વહેલી સવારથી જ ભક્તોનું ઘોડાપૂર ઉમટી પડ્યું હતું. આ ભક્તિસભર માહોલમાં હજારો હરિભક્તોએ ઓનલાઈન અને પ્રત્યક્ષ દર્શન કરીને ધન્યતા અનુભવી હતી.