पाचोरा तालुक्यातील परधाडे येथील सुपुत्र विनय पाटील यांची भारतीय सैन्य दलात लेफ्टनंट कर्नल पदावर नुकतीच पदोन्नती झाल्याने, गावातील नागरिकांच्या वतीने शनिवार, दि. ३० मे रोजी त्यांचा भव्य नागरी सत्कार करण्यात आला. याप्रसंगी लेफ्टनंट कर्नल विनय पाटील यांनी मनोगत व्यक्त करताना सांगितले की, त्यांच्या गावातील नागरिकांचे प्रेम, आशीर्वाद आणि कुटुंबाची साथ हीच त्यांची खरी ताकद आहे. गावाची ही ताकद त्यांच्या पाठीशी असल्यानेच त्यांना देशासाठी लढण्याचे आणि आपले कर्तव्य पार पाडण्याचे बळ मिळते. या भव्य सत्कार सोहळ्यात गावकऱ्यांनी पुष्पगुच्छ, शाल व श्रीफळ देऊन लेफ्टनंट कर्नल विनय पाटील यांचा गौरव केला. सत्काराला उत्तर देताना त्यांनी देशसेवा केवळ कर्तव्य नसून ती एक राष्ट्रभक्तीची भावना असल्याचे नमूद केले. सैन्यातील प्रत्येक जवान आणि अधिकारी देशाच्या सुरक्षिततेसाठी सदैव तत्पर असतो आणि अशा वेळी गावकऱ्यांचे प्रेम, कुटुंबाचा पाठिंबा व समाजाचा विश्वास हीच सर्वात मोठी प्रेरणा ठरते, असे त्यांनी स्पष्ट केले. परधाडेकरांनी दिलेला हा सन्मान आपल्यासाठी अत्यंत मोलाचा असून, या सत्कारातून त्यांना भविष्यातही देशसेवेसाठी अधिक जोमाने कार्य करण्याची प्रेरणा मिळाल्याचे लेफ्टनंट कर्नल पाटील यांनी सांगितले. यावेळी उपस्थित मान्यवरांनीही विनय पाटील यांच्या यशाबद्दल त्यांचे कौतुक करत पुढील वाटचालीस शुभेच्छा दिल्या. तसेच, गावातील युवकांनी त्यांचा आदर्श घेऊन सैन्य दलात व इतर विविध क्षेत्रांत देशसेवेसाठी पुढे यावे, असे आवाहनही करण्यात आले. या सत्कार समारंभास अशोक पाटील, रघुनाथ पाटील, भागवत पाटील, सुरेश पाटील, वसंत पाटील, लक्ष्मण महाजन, रामकृष्ण पाटील, गोरख वाघ, लतिफ तडवी, गोपाल पाटील, विलास पाटील, शशिकांत पाटील, महेंद्र सोनवणे, विजय ठाकरे, दिलीप महाजन, नितीन महाजन, सुनील पाटील, प्रफुल पाटील, तंटामुक्ती समिती अध्यक्ष प्रतिक महाजन, प्रशांत पाटील, डीगंबर पाटील, किरण महाजन, सागर पाटील, अभय कोळी, सोनू राजपूत, वाल्मीक पाटील, छोटू शिंदे, विश्वास पाटील, श्रीराम चौधरी, रितेश पाटील, प्रदीप पाटील यांच्यासह मोठ्या संख्येने ग्रामस्थ व महिला उपस्थित होत्या. लेफ्टनंट कर्नल विनय पाटील यांच्या या पदोन्नतीमुळे परधाडे गावाच्या शिरपेचात मानाचा तुरा रोवला गेला असून, संपूर्ण गावात आनंदाचे आणि उत्साहाचे वातावरण निर्माण झाले आहे. त्यांच्या यशाबद्दल सर्व स्तरांतून अभिनंदनाचा वर्षाव होत आहे.

Pramod dada bari

Pachora, Jalgaon•

1 hr ago

पाचोरा तालुक्यातील परधाडे येथील सुपुत्र विनय पाटील यांची भारतीय सैन्य दलात लेफ्टनंट कर्नल पदावर नुकतीच पदोन्नती झाल्याने, गावातील नागरिकांच्या वतीने शनिवार, दि. ३० मे रोजी त्यांचा भव्य नागरी सत्कार करण्यात आला. याप्रसंगी लेफ्टनंट कर्नल विनय पाटील यांनी मनोगत व्यक्त करताना सांगितले की, त्यांच्या गावातील नागरिकांचे प्रेम, आशीर्वाद आणि कुटुंबाची साथ हीच त्यांची खरी ताकद आहे. गावाची ही ताकद त्यांच्या पाठीशी असल्यानेच त्यांना देशासाठी लढण्याचे आणि आपले कर्तव्य पार पाडण्याचे बळ मिळते. या भव्य सत्कार सोहळ्यात गावकऱ्यांनी पुष्पगुच्छ, शाल व श्रीफळ देऊन लेफ्टनंट कर्नल विनय पाटील यांचा गौरव केला. सत्काराला उत्तर देताना त्यांनी देशसेवा केवळ कर्तव्य नसून ती एक राष्ट्रभक्तीची भावना असल्याचे नमूद केले. सैन्यातील प्रत्येक जवान आणि अधिकारी देशाच्या सुरक्षिततेसाठी सदैव तत्पर असतो आणि अशा वेळी गावकऱ्यांचे प्रेम, कुटुंबाचा पाठिंबा व समाजाचा विश्वास हीच सर्वात मोठी प्रेरणा ठरते, असे त्यांनी स्पष्ट केले. परधाडेकरांनी दिलेला हा सन्मान आपल्यासाठी अत्यंत मोलाचा असून, या सत्कारातून त्यांना भविष्यातही देशसेवेसाठी अधिक जोमाने कार्य करण्याची प्रेरणा मिळाल्याचे लेफ्टनंट कर्नल पाटील यांनी सांगितले. यावेळी उपस्थित मान्यवरांनीही विनय पाटील यांच्या यशाबद्दल त्यांचे कौतुक करत पुढील वाटचालीस शुभेच्छा दिल्या. तसेच, गावातील युवकांनी त्यांचा आदर्श घेऊन सैन्य दलात व इतर विविध क्षेत्रांत देशसेवेसाठी पुढे यावे, असे आवाहनही करण्यात आले. या सत्कार समारंभास अशोक पाटील, रघुनाथ पाटील, भागवत पाटील, सुरेश पाटील, वसंत पाटील, लक्ष्मण महाजन, रामकृष्ण पाटील, गोरख वाघ, लतिफ तडवी, गोपाल पाटील, विलास पाटील, शशिकांत पाटील, महेंद्र सोनवणे, विजय ठाकरे, दिलीप महाजन, नितीन महाजन, सुनील पाटील, प्रफुल पाटील, तंटामुक्ती समिती अध्यक्ष प्रतिक महाजन, प्रशांत पाटील, डीगंबर पाटील, किरण महाजन, सागर पाटील, अभय कोळी, सोनू राजपूत, वाल्मीक पाटील, छोटू शिंदे, विश्वास पाटील, श्रीराम चौधरी, रितेश पाटील, प्रदीप पाटील यांच्यासह मोठ्या संख्येने ग्रामस्थ व महिला उपस्थित होत्या. लेफ्टनंट कर्नल विनय पाटील यांच्या या पदोन्नतीमुळे परधाडे गावाच्या शिरपेचात मानाचा तुरा रोवला गेला असून, संपूर्ण गावात आनंदाचे आणि उत्साहाचे वातावरण निर्माण झाले आहे. त्यांच्या यशाबद्दल सर्व स्तरांतून अभिनंदनाचा वर्षाव होत आहे.