शिक्षकांच्या प्रलंबित मागण्यांसाठी मुप्टाचे २७ ऑगस्टला तीव्र निदर्शने शिक्षकांच्या प्रलंबित मागण्यांसाठी मुप्टाचे २७ ऑगस्टला तीव्र निदर्शने बीड : महाराष्ट्र अंडर प्रिव्हिलेज्ड टीचर्स असोसिएशन (मुप्टा)च्या वतीने शिक्षक व शिक्षकेतर कर्मचाऱ्यांच्या विविध प्रलंबित मागण्यांसाठी गुरुवार, दि. २७ ऑगस्ट २०२६ रोजी माध्यमिक शिक्षण विभाग कार्यालय, जिल्हा परिषद, बीड येथे तीव्र निदर्शने करण्यात येणार आहेत. मुप्टाचे संस्थापक सचिव प्रा. सुनील मगरे यांच्या आदेशाने आणि बीड जिल्हाध्यक्ष शरदराव मगर यांच्या नेतृत्वाखाली हे आंदोलन आयोजित करण्यात आले आहे. कनिष्ठ महाविद्यालयीन शिक्षक व शिक्षकेतर कर्मचाऱ्यांना अतिरिक्त ठरविण्यास कारणीभूत ठरणाऱ्या ऑनलाइन संचमान्यतेतील जाचक अटी रद्द करून पूर्वीप्रमाणे संचमान्यता देण्यात यावी, तसेच इयत्ता अकरावी-बारावी विज्ञान शाखेतील प्रात्यक्षिक बॅचची विद्यार्थीसंख्या ३० ऐवजी पूर्वीप्रमाणे २० विद्यार्थ्यांची करावी, अशी प्रमुख मागणी मुप्टाने केली आहे. यासोबतच शिक्षकांची वैद्यकीय प्रतिपूर्ती, वरिष्ठ व निवड वेतनश्रेणीतील फरकाची प्रलंबित देयके तात्काळ अदा करावीत, शिक्षक व शिक्षकेतर कर्मचाऱ्यांचे वैयक्तिक मान्यता व शालार्थ आयडीचे प्रस्ताव तातडीने निकाली काढावेत, तसेच १ नोव्हेंबर २००५ पूर्वी नियुक्त कर्मचाऱ्यांची बंद करण्यात आलेली जीपीएफ खाती पूर्ववत करावीत, अशी मागणी करण्यात आली आहे. सातव्या वेतन आयोगाचा पाचवा हप्ता रोखीने अदा करावा, सर्व शिक्षकांची जीपीएफ खाती ऑनलाइन करून ऑनलाइन स्लिप वितरित कराव्यात, अनुदानाचा प्रचलित टप्पा वाढ देण्यात यावा आणि सर्व शिक्षक-शिक्षकेतर कर्मचाऱ्यांना जुनी पेन्शन योजना लागू करावी, या मागण्यांचाही आंदोलनात समावेश आहे. शिक्षकांनी बहुसंख्येने उपस्थित राहावे शिक्षक व शिक्षकेतर कर्मचाऱ्यांच्या न्याय्य हक्कांसाठी आयोजित करण्यात आलेल्या या तीव्र निदर्शनास बीड जिल्ह्यातील सर्व शिक्षक, प्राध्यापक आणि शिक्षकेतर कर्मचाऱ्यांनी बहुसंख्येने उपस्थित राहावे, असे आवाहन मुप्टाचे जिल्हा सचिव प्रा. शशिकांत जावळे यांनी केले आहे. यावेळी जिल्हा कार्याध्यक्ष भैय्यासाहेब आदोडे, ज्युनियर विभाग जिल्हाध्यक्ष नारायण घोलप, जिल्हा सचिव प्रा. संजय बागुल, माध्यमिक विभाग जिल्हाध्यक्ष प्रवीणकुमार तरकसे, प्राथमिक विभाग जिल्हाध्यक्ष प्रमोद साळवे, जिल्हा सचिव शैलेश चिलवंत यांच्यासह मुप्टाचे पदाधिकारी उपस्थित राहणार आहेत. “शिक्षकांच्या न्याय व हक्कासाठी सर्वांनी एकजुटीने सहभागी व्हावे आणि २७ ऑगस्टच्या निदर्शनात मोठ्या संख्येने उपस्थित राहावे,” असे आवाहन मुप्टाच्या पदाधिकाऱ्यांनी केले आहे.

Rajeshkumar Jogdand

बीड, बीड, महाराष्ट्र•

3 hrs ago

शिक्षकांच्या प्रलंबित मागण्यांसाठी मुप्टाचे २७ ऑगस्टला तीव्र निदर्शने शिक्षकांच्या प्रलंबित मागण्यांसाठी मुप्टाचे २७ ऑगस्टला तीव्र निदर्शने बीड : महाराष्ट्र अंडर प्रिव्हिलेज्ड टीचर्स असोसिएशन (मुप्टा)च्या वतीने शिक्षक व शिक्षकेतर कर्मचाऱ्यांच्या विविध प्रलंबित मागण्यांसाठी गुरुवार, दि. २७ ऑगस्ट २०२६ रोजी माध्यमिक शिक्षण विभाग कार्यालय, जिल्हा परिषद, बीड येथे तीव्र निदर्शने करण्यात येणार आहेत. मुप्टाचे संस्थापक सचिव प्रा. सुनील मगरे यांच्या आदेशाने आणि बीड जिल्हाध्यक्ष शरदराव मगर यांच्या नेतृत्वाखाली हे आंदोलन आयोजित करण्यात आले आहे. कनिष्ठ महाविद्यालयीन शिक्षक व शिक्षकेतर कर्मचाऱ्यांना अतिरिक्त ठरविण्यास कारणीभूत ठरणाऱ्या ऑनलाइन संचमान्यतेतील जाचक अटी रद्द करून पूर्वीप्रमाणे संचमान्यता देण्यात यावी, तसेच इयत्ता अकरावी-बारावी विज्ञान शाखेतील प्रात्यक्षिक बॅचची विद्यार्थीसंख्या ३० ऐवजी पूर्वीप्रमाणे २० विद्यार्थ्यांची करावी, अशी प्रमुख मागणी मुप्टाने केली आहे. यासोबतच शिक्षकांची वैद्यकीय प्रतिपूर्ती, वरिष्ठ व निवड वेतनश्रेणीतील फरकाची प्रलंबित देयके तात्काळ अदा करावीत, शिक्षक व शिक्षकेतर कर्मचाऱ्यांचे वैयक्तिक मान्यता व शालार्थ आयडीचे प्रस्ताव तातडीने निकाली काढावेत, तसेच १ नोव्हेंबर २००५ पूर्वी नियुक्त कर्मचाऱ्यांची बंद करण्यात आलेली जीपीएफ खाती पूर्ववत करावीत, अशी मागणी करण्यात आली आहे. सातव्या वेतन आयोगाचा पाचवा हप्ता रोखीने अदा करावा, सर्व शिक्षकांची जीपीएफ खाती ऑनलाइन करून ऑनलाइन स्लिप वितरित कराव्यात, अनुदानाचा प्रचलित टप्पा वाढ देण्यात यावा आणि सर्व शिक्षक-शिक्षकेतर कर्मचाऱ्यांना जुनी पेन्शन योजना लागू करावी, या मागण्यांचाही आंदोलनात समावेश आहे. शिक्षकांनी बहुसंख्येने उपस्थित राहावे शिक्षक व शिक्षकेतर कर्मचाऱ्यांच्या न्याय्य हक्कांसाठी आयोजित करण्यात आलेल्या या तीव्र निदर्शनास बीड जिल्ह्यातील सर्व शिक्षक, प्राध्यापक आणि शिक्षकेतर कर्मचाऱ्यांनी बहुसंख्येने उपस्थित राहावे, असे आवाहन मुप्टाचे जिल्हा सचिव प्रा. शशिकांत जावळे यांनी केले आहे. यावेळी जिल्हा कार्याध्यक्ष भैय्यासाहेब आदोडे, ज्युनियर विभाग जिल्हाध्यक्ष नारायण घोलप, जिल्हा सचिव प्रा. संजय बागुल, माध्यमिक विभाग जिल्हाध्यक्ष प्रवीणकुमार तरकसे, प्राथमिक विभाग जिल्हाध्यक्ष प्रमोद साळवे, जिल्हा सचिव शैलेश चिलवंत यांच्यासह मुप्टाचे पदाधिकारी उपस्थित राहणार आहेत. “शिक्षकांच्या न्याय व हक्कासाठी सर्वांनी एकजुटीने सहभागी व्हावे आणि २७ ऑगस्टच्या निदर्शनात मोठ्या संख्येने उपस्थित राहावे,” असे आवाहन मुप्टाच्या पदाधिकाऱ्यांनी केले आहे.