వరంగల్ జిల్లా దుగ్గొండి మండలం లక్ష్మీపురంలో తాళ్లపెల్లి సుమలత అనే వివాహిత అనుమానాస్పద స్థితిలో హత్యకు గురైంది. షాపింగ్ కి వెళ్ళిన ఆమె మృతదేహం కాలువలో లభ్యం కాగా, పోలీసులు పలు ఆధారాలను సేకరించి దర్యాప్తు చేస్తున్నారు. వివాహేతర సంబంధం కోణంలోనూ దర్యాప్తు జరుగుతోందని అధికారులు తెలిపారు.

మహబూబాబాద్ జిల్లా మాన్యతండలో ప్రేమ పేరుతో మోసం చేశాడని ఆరోపిస్తూ యువతి ప్రియుడి ఇంటి ముందు బైఠాయించి నిరసన వ్యక్తం చేసింది. పెళ్లి చేసుకుంటానని నమ్మించి మోసం చేశాడని ఆమె ఆవేదన చెందింది. ఈ ఘటనతో గ్రామంలో ఉద్రిక్త వాతావరణం నెలకొనగా, గ్రామస్తులు సమస్యను పరిష్కరించే ప్రయత్నం చేస్తున్నారు.

తెలుగు రాష్ట్రాల్లోని మండలాలకు రిసోర్స్ పర్సన్ డీలర్‌షిప్ కేటాయింపులు జరుగుతున్నాయి. కేవలం 10,000 రూపాయల పెట్టుబడితో మీ సొంత మండలంలో ఉత్తమ వ్యాపార అవకాశం. ఒక మండలానికి ఒకరికే అవకాశం ఉన్నందున వెంటనే రిజిస్టర్ చేసుకోండి.

భారత, ఇటలీ ప్రధానులు మోదీ, మెలోనీ కలిసి చేసిన సరదా 'మెలోడీ' వీడియో సామాజిక మాధ్యమాల్లో పెను సంచలనం సృష్టించింది. కేవలం 24 గంటల్లోనే 17.9 కోట్ల వ్యూస్ సాధించి, ఇన్‌స్టాగ్రామ్‌లో 95 లక్షల లైక్‌లు పొందింది. ఈ వీడియో నెట్టింట్లో వైరల్‌గా మారి, గత రికార్డులను బద్దలు కొట్టింది.

IRCTC ఆధ్యాత్మిక యాత్రికుల కోసం మూడు ప్రత్యేక భారత్ గౌరవ్ రైళ్లను ప్రకటించింది. మే 24 నుండి అరుణాచలం-రామేశ్వరం, సప్త జ్యోతిర్లింగాలు, అయోధ్య-కాశీ యాత్రలు ప్రారంభమవుతాయి. ఈ ప్యాకేజీలలో వసతి, భోజనం, రవాణాతో పాటు ట్రావెల్ ఇన్సూరెన్స్ కూడా ఉంటుంది.

తెలంగాణలోని జగిత్యాల జిల్లా కొండాపూర్‌లో తీవ్ర విషాదం చోటుచేసుకుంది. శివగంగా ఆలయ కోనేరులో ముగ్గురు చిన్నారులు నీటమునిగి ప్రాణాలు కోల్పోయారు. పెద్దలు విందు పనుల్లో ఉండగా జరిగిన ఈ ఘటనతో గ్రామంలో విషాద ఛాయలు అలముకున్నాయి.

హైదరాబాద్‌లోని అమీర్‌పేటలో ఏషియన్ హాస్టల్ నిర్వాహకులు కాంగ్రెస్ నేత బొంతు రామ్మోహన్‌పై సంచలన ఆరోపణలు చేశారు. రూ.2 కోట్లు అడ్వాన్స్ తీసుకొని భవనం ఖాళీ చేయాలని తమపై, కుటుంబసభ్యులపై దాడి చేస్తూ చిత్రహింసలకు గురిచేస్తున్నారని వారు ఆవేదన వ్యక్తం చేశారు. ప్రాణహాని ఉందని పేర్కొంటూ సీఎం రేవంత్ రెడ్డి జోక్యం చేసుకొని న్యాయం చేయాలని హాస్టల్ నిర్వాహకులు విజ్ఞప్తి చేశారు.

బండి సంజయ్ రాజీనామా చేయాలి* మంత్రివర్గం నుండి భర్తరఫ్ చేయాలి గుడికందుల సత్యం సిపిఎం నగర కమిటీ ఆధ్వర్యంలో కలెక్టరేట్ ముందు అర్ధనగ్న ప్రదర్శనతో నిరసన* *మైనర్ బాలికను వేధించి,అత్యాచారం చేసిన బండి సాయి భగీరథ కఠినంగా శిక్షించాలని, ఘటనకు నైతిక బాధ్యత వహిస్తూ బండి సంజయ్ రాజీనామా చేయాలని, లేదంటే నరేంద్ర మోడీ బండి సంజయ్ నీ మంత్రివర్గం నుండి భర్తరఫ్ చేయాలని డిమాండ్ చేస్తూ సిపిఎం నగర కమిటీ ఆధ్వర్యంలో స్థానిక కలెక్టరేట్ ముందు అర్ధనగ్న ప్రదర్శనతో నిరసన కార్యక్రమం చేపట్టారు. ఈ సందర్భంగా సిపిఎం నగర కార్యదర్శి గుడికందుల సత్యం మాట్లాడుతూ నిన్న బండి సంజయ్ మీడియాతో మాట్లాడుతూ కన్న కొడుకును పోలీసులకు అప్పగించిన చరిత్ర ఎక్కడైనా ఉందా అని ప్రగల్బాలు పలికారు కదా కేంద్ర హోమ్ సహాయ మంత్రి అయి ఉండి నేరా రూపంలో ఎదుర్కొంటున్న ఒక కొడుకుని 8 రోజులు దాచిపెట్టిన చరిత్ర ఎక్కడైనా ఉందా అని ప్రశ్నించారు. ఒక నేరస్తుని దాచిపెట్టి, తన మంత్రి పదవిని అడ్డుపెట్టుకొని కేసును తప్పుదోవ పట్టించిన బండి సంజయ్ పైన కూడా A 2 గా కేసు నమోదు చేయాలని, డిమాండ్ చేశారు. బండి సంజయ్ మంత్రి పదవిలో కొనసాగే అర్హత లేదని తాను మంత్రిగా ఉంటే కేసును నీరుగార్చి న్యాయవిచారణ జరగకుండా అడ్డుకుంటారని ఆవేదన వ్యక్తం చేశారు. *బేటి బచావో అని నినాదాలు చేస్తున్న బిజెపి కి బండి సంజయ్ కొడుకు చేసిన ఘనకార్యం కనబడడం లేదా? *చట్టాన్ని కాపాడి ప్రజలను రక్షించవలసిన కేంద్ర హోమ్ సహాయ మంత్రి కొడుకే మైనర్ బాలిక పై అత్యాచారం చేస్తే ఇక దేశంలో మహిళలకు రక్షణ ఎక్కడ ఉందని ప్రశ్నించారు.* బండి భగీరథ తప్పు చేయకుంటే 8 రోజులు ఎందుకు పారిపోయాడని, దొరికిన తర్వాత ఫోక్సో కేసు ఆధారాలు లేకుండా ఫోన్లో సిమ్ ఎందుకు మాయం చేశాడని అన్నారు. ఇవన్నీ కేంద్ర హోమ్ మినిస్టర్ కు కనబడడం లేదా, ఇంకా బండి సంజయ్ ని మంత్రివర్గంలో ఎందుకు కొనసాగిస్తున్నారని అన్నారు. ఫోక్సో కేసులో నిందితులను వెంటనే అరెస్టు చేసి కఠినంగా శిక్షించాల్సింది పోయి, కాలయాపన చేయడం ఎంతవరకు సమంజసమని అన్నారు. సామాన్యుడు తప్పు చేస్తే వారి తల్లిదండ్రులను పోలీస్ స్టేషన్ కి తీసుకెళ్లి ఆచూకీ తెలుపమని విచారించే పోలీసులకు బండి సంజయ్ కూడా ఎనిమిది రోజులు దొరకలేదా ? అతని స్టేషన్ కి పిలిచి ఎందుకు విచారించలేదని ప్రశ్నించారు. చట్టం ఉన్నోడికి చుట్టమా? పేదలకు ఒక న్యాయం పెద్దలకు ఒక న్యాయమా అని ప్రశ్నించారు. ఈ కేసులో నేరస్తునికి సహకరించిన బండి సంజయ్ ని కూడా నేరస్తునిగా పరిగణించాలని, తనని వెంటనే కేంద్ర మంత్రి పదవి నుండి భర్తరాఫ్ చేయాలని డిమాండ్ చేశారు లేనియెడల బండి సంజయ్ రాజీనామా చేసే వరకు తమ పోరాటాన్ని కొనసాగిస్తామని అన్నారు. ఈ కార్యక్రమంలో సిపిఎం నాయకులు గజ్జల శ్రీకాంత్,రాయికంటి శ్రీనివాస్,నగర కమిటీ సభ్యులు పున్నం రవి, ఆసంపల్లి వినయ్, డబిల్ కార్ శ్రీకాంత్,భూమేష్, అరవింద్,అక్షయ్,రాకేష్, సంతు తదితరులు పాల్గొన్నారు.

జనగామ జిల్లాలోని శ్రీ వానకొండయ్య లక్ష్మీ నరసింహ స్వామి పుణ్యక్షేత్ర గుట్టలో మైనింగ్ అనుమతులు రద్దు చేయాలని మాజీ మంత్రి ఎర్రబెల్లి దయాకర్ రావు డిమాండ్ చేశారు. మైనింగ్‌తో దేవాలయ ఉనికి ప్రమాదంలో పడుతుందని హెచ్చరించిన ఆయన, పనులు నిలిపివేయకపోతే ఉద్యమం చేపడతామని స్పష్టం చేశారు.