Shuru
Apke Nagar Ki App…
শিৱসাগৰ বিধানসভা সমষ্টিৰ অন্তৰ্গত জকাইচুক মৌজাৰ খনামুখ প্ৰাথমিক চিকিৎসালয়খনে বিগত তিনিটা দশকে মুকলি নহ'ল, যাৰ ফলত অঞ্চলটোৰ জনসাধাৰণ ন্যূনতম চৰকাৰী স্বাস্থ্য সেৱাৰ পৰা বঞ্চিত হৈ আছে। ১৯৯৩ চনতে তদানীন্তন মুখ্যমন্ত্ৰী প্ৰয়াত হিতেশ্বৰ শইকীয়াই এই চিকিৎসালয়খনৰ আধাৰশিলা স্থাপন কৰিছিল। চিকিৎসালয়খনৰ কক্ষ আৰু আৱাসগৃহৰ নিৰ্মাণ সম্পূৰ্ণ হোৱা স্বত্বেও আজিলৈকে কোনো স্বাস্থ্যকৰ্মী নিযুক্তি দিয়া নহ'ল। বিভিন্ন ৰাজনৈতিক মেৰপাকত সোমাই চিকিৎসালয়খনৰ তলা নোখোৱাৰ অভিযোগ উত্থাপন হৈছে। পৰিণামস্বৰূপে, বৰ্তমান চৰকাৰী গৃহসমূহ জহি-খহি যাবলৈ ধৰিছে। এই অৱস্থাৰ বাবে অঞ্চলটোৰ প্ৰায় ৩০ খন গাঁৱৰ সৰ্বসাধাৰণ ৰাইজে আজিও চৰকাৰী স্বাস্থ্য সেৱাৰ সুবিধা লাভ কৰিব পৰা নাই।
Farid Ali.
শিৱসাগৰ বিধানসভা সমষ্টিৰ অন্তৰ্গত জকাইচুক মৌজাৰ খনামুখ প্ৰাথমিক চিকিৎসালয়খনে বিগত তিনিটা দশকে মুকলি নহ'ল, যাৰ ফলত অঞ্চলটোৰ জনসাধাৰণ ন্যূনতম চৰকাৰী স্বাস্থ্য সেৱাৰ পৰা বঞ্চিত হৈ আছে। ১৯৯৩ চনতে তদানীন্তন মুখ্যমন্ত্ৰী প্ৰয়াত হিতেশ্বৰ শইকীয়াই এই চিকিৎসালয়খনৰ আধাৰশিলা স্থাপন কৰিছিল। চিকিৎসালয়খনৰ কক্ষ আৰু আৱাসগৃহৰ নিৰ্মাণ সম্পূৰ্ণ হোৱা স্বত্বেও আজিলৈকে কোনো স্বাস্থ্যকৰ্মী নিযুক্তি দিয়া নহ'ল। বিভিন্ন ৰাজনৈতিক মেৰপাকত সোমাই চিকিৎসালয়খনৰ তলা নোখোৱাৰ অভিযোগ উত্থাপন হৈছে। পৰিণামস্বৰূপে, বৰ্তমান চৰকাৰী গৃহসমূহ জহি-খহি যাবলৈ ধৰিছে। এই অৱস্থাৰ বাবে অঞ্চলটোৰ প্ৰায় ৩০ খন গাঁৱৰ সৰ্বসাধাৰণ ৰাইজে আজিও চৰকাৰী স্বাস্থ্য সেৱাৰ সুবিধা লাভ কৰিব পৰা নাই।
More news from অসম and nearby areas
- স্বাস্থ্যসেৱা খণ্ডৰ সৰ্বভাৰতীয় স্বেচ্ছাসেৱী সংস্থা ই এম এ ইণ্ডিয়াই শিৱসাগৰৰ বিশিষ্ট হোমিঅ' চিকিৎসক ডাঃ কবিতা শৰ্মাক 'প্ৰেষ্টিজ ৰিকগনিচন বঁটা'ৰে সন্মানিত কৰিছে। চিকিৎসাসেৱাৰ ক্ষেত্ৰখনলৈ আগবঢ়োৱা তেওঁৰ নিস্বাৰ্থ সেৱাৰ প্ৰতি সন্মান জনাই এই বঁটা প্ৰদান কৰা হয়। যোৱা ২৪ মে'ত উত্তৰাখণ্ডত অনুষ্ঠিত সংস্থাটোৰ প্ৰতিষ্ঠা দিৱসৰ অনুষ্ঠানত ডাঃ শৰ্মাক এই সন্মান প্ৰদান কৰা হৈছিল। ই এম এ ইণ্ডিয়াৰ ৰাষ্ট্ৰীয় অধ্যক্ষ কে পি চৌহানৰ উপস্থিতিত উত্তৰাখণ্ডৰ আয়ুষ মন্ত্ৰী মদন কৌশিকে তেওঁক বঁটাটো অৰ্পণ কৰে। সংস্থাটোৰ তিনিদিনীয়া কাৰ্যসূচীৰ অংশ হিচাপে, ডাঃ শৰ্মাই বিনামূলীয়া চিকিৎসা শিবিৰত সেৱা আগবঢ়োৱাৰ উপৰিও উত্তৰাখণ্ডৰ ধৰ্মীয় পৰম্পৰাগত গংগা আৰতিতো অংশগ্ৰহণ কৰিছিল। চিকিৎসা সেৱাৰ সৈতে নিজকে জড়িত কৰি ৰখা ডাঃ কবিতা শৰ্মাই আৰ্তজনক বিনামূলীয়া চিকিৎসা প্ৰদান কৰাৰ লগতে সামাজিক দায়বদ্ধতাৰ ক্ষেত্ৰতো উল্লেখযোগ্য পদক্ষেপ গ্ৰহণ কৰিছে। তেওঁ নিজা খৰচেৰে বৃদ্ধাশ্ৰম, নামঘৰ আৰু মন্দিৰ আদিও নিৰ্মাণ কৰি দিছে। এই শেহতীয়া সন্মানে নিজকে গৌৰৱান্বিত কৰাৰ লগতে আগন্তুক দিনত সমাজৰ হকে অধিক কাম কৰি যাবলৈ তেওঁক উৎসাহিত কৰিছে বুলি ডাঃ শৰ্মাই মন্তব্য প্ৰকাশ কৰে।1Mustak ali
- শিৱসাগৰত ধন দাবীৰ এক ঘটনাৰ অনুসন্ধান চলাবলৈ যোৱা অসামৰিক পোচাকত থকা আৰক্ষীৰ দলৰ সৈতে হোৱা এক তীব্ৰ সংঘৰ্ষত এজন যুৱক গুলীবিদ্ধ হৈছে। আৰক্ষীৰ গুলীত আহত হোৱা যুৱকজনক মলা গাঁৱৰ নিবাসী ৰিতু গগৈ বুলি চিনাক্ত কৰা হৈছে। এই ঘটনাটো ৰিতু গগৈৰ নিজা বাসগৃহৰ কাষৰে এটা তেল খাদৰ সমীপত সংঘটিত হয়। ঘটনাৰ বিবৰণি অনুসৰি, জয়সাগৰৰ নিবাসী লাচিত গগৈ নামৰ এজন ব্যক্তিক ধন দাবী কৰাৰ এক গুৰুতৰ অভিযোগ উত্থাপন হৈছিল। এই অভিযোগৰ আঁত ধৰিয়েই আৰক্ষীৰ এটা দলে অসামৰিক পোচাকত ঘটনাৰ অনুসন্ধান চলাইছিল, যাৰ ফলত নিজা বাসগৃহৰ কাষৰ তেল খাদটোৰ সমীপত আৰক্ষীৰ সৈতে হোৱা সংঘৰ্ষত ৰিতু গগৈ গুলীবিদ্ধ হয়। গুলী চালনাৰ ঘটনাৰ পিছতে সংকটজনক অৱস্থাত গগৈক ততাতৈয়াকৈ শিৱসাগৰ অসামৰিক চিকিৎসালয়লৈ নিয়া হয়। কিন্তু তেওঁৰ স্বাস্থ্যৰ অৱস্থা অতি গুৰুতৰ হোৱাৰ বাবে চিকিৎসকে প্ৰাথমিক চিকিৎসাৰ পাছত উন্নত চিকিৎসাৰ বাবে ডিব্ৰুগড়ৰ অসম চিকিৎসা মহাবিদ্যালয়লৈ (AMCH) প্ৰেৰণ কৰে। ইফালে, আৰক্ষীয়ে ঘটনা সংঘটিত হোৱা স্থানৰ পৰা এখন মটৰ চাইকেল আৰু এটা ম'বাইল ফোন উদ্ধাৰ কৰাৰ লগতে বৰ্তমান সমগ্ৰ ঘটনা সন্দৰ্ভত অধিক তদন্ত অব্যাহত ৰাখিছে।1Farid Ali.
- অসম বিধানসভাত এক বিশেষ মুহূৰ্তত সংসদীয় পৰিক্ৰমা মন্ত্ৰী অতুল বৰাই সম নাগৰিক সংহিতা বিল ২০২৬ (Uniform Civil Code Bill 2026) উত্থাপন কৰিছে। এই বিলখন তেওঁ মুখ্যমন্ত্ৰী ড° হিমন্ত বিশ্ব শৰ্মাৰ হৈ ಸದনত দাখিল কৰে। এই বহু চৰ্চিত UCC বিলখন বিধানসভাত উত্থাপন কৰা হৈছে।1অমৃত কুমাৰ শৰ্মা, শিৱসাগৰ সদৰ
- মৰাণ আৰক্ষীয়ে মৰাণত অভিযান চলাই ১ কেজি ২৯ গ্ৰাম গাঞ্জাসহ দুজন লোকক আটক কৰিছে। আটকাধীন লোকদুজনক ক্ৰমে অভি এক্কা আৰু ৰাজীৱ কল কুমাৰ বুলি চিনাক্ত কৰা হৈছে।1Direct Khabar
- Post by Assam Update1Assam Update
- চাহ মজদুৰ সংঘৰ মৰাণ শাখাৰ আহ্বানত মহখুঁটি আৰু খুমটাই চাহ বাগিচাৰ শ্ৰমিকসকলে এক ঘন্টীয়া ধৰ্মঘট কাৰ্যসূচী ৰূপায়ণ কৰে। এই ধৰ্মঘট দীৰ্ঘদিন ধৰি দাবী কৰি অহা শ্ৰমিকসকলৰ বিভিন্ন সমস্যাৰ সমাধানৰ দাবীত কৰা হৈছে। অসম চাহ মজদুৰ সংঘৰ আহ্বান ক্ৰমে খুমটাই বাগিচাতো এই ধৰ্মঘট কাৰ্যসূচী পালন কৰা হয়।1Charaideo news
- বিধানসভাত নৱ গঠিত ৰঙানদী সমষ্টিৰ বিধায়ক ঝষিৰাজ হাজৰিকাই বক্তব্য আগবঢ়াইছে।1পুৰন্দৰ গগৈ
- অসমৰ কাব্যজগত উকা কৰি হাজাৰ হাজাৰ গুণমুগ্ধৰ পৰা চিৰবিদায় লোৱা জনপ্ৰিয় কবি জোনমণি দাসৰ আজি পবিত্ৰ আদ্যশ্ৰাদ্ধ সম্পন্ন হ'ল। শিৱসাগৰ জিলা কবি সন্মিলনৰ উদ্যোগত আজি আদ্যশ্ৰাদ্ধৰ দিনটোত তেখেতৰ থানামুখৰ বাসগৃহ 'শব্দ-ব্ৰহ্ম'ত বহু গুণমুগ্ধৰ উপস্থিতিত এখন স্মৃতিচাৰণ সভা অনুষ্ঠিত কৰা হয়। অনুষ্ঠানত উপস্থিত গুণমুগ্ধ সকলে কবি গৰাকীৰ প্ৰতিচ্ছবিৰ সন্মুখত বন্তি প্ৰজ্বলন কৰি শ্ৰদ্ধাঞ্জলি জনায়। বিশিষ্ট কবি হৰেন গগৈ, চামচুল বাৰীক, মুকুল নাথ, ব্ৰজেন দাস, হৰেন চন্দ্ৰ নাথ, বিজু বৰঠাকুৰ, নবীন বুঢ়াগোহাঁই, প্ৰাঞ্জল আবিৰ দাস, সত্যজিৎ নাথ; সাহিত্যিক হেমন্ত ৰাজখোৱা, উজ্জ্বল কুমাৰ ঠাকুৰ, ডঃ লিপি ফুকন, ৰঞ্জিত বৰা; আৰু সমাজকৰ্মী শৰৎ হাজৰিকা আদিকে ধৰি বহু লোকে এই অনুষ্ঠানত অংশগ্ৰহণ কৰে। এই স্মৃতিচাৰণ অনুষ্ঠানতে 'স্বপ্ন-সূৰ্য' নামৰে এখনি আঢ়ৈশ পৃষ্ঠাৰ স্মৃতি-সংকলন উন্মোচন কৰা হয়।1Mustak ali
