नागपूरच्या लकडगंज पोलीस ठाण्याच्या तपास पथकाने दुकानाचे शटर उचकटून झालेल्या घरफोडीचा गंभीर गुन्हा अवघ्या २४ तासांच्या आत उघडकीस आणला आहे. गुप्त माहिती आणि आरोपीच्या गुन्ह्यांच्या पद्धतीचा अभ्यास करून पोलिसांनी सराईत आरोपीला अटक केली असून, चोरीस गेलेला १०० टक्के मुद्देमाल जप्त करून फिर्यादीला परत मिळवून दिला आहे. दिनांक २०/०७/२०२६ रोजी भंडारा रोड, पाडी येथील रहिवासी २१ वर्षीय फिर्यादी आदित्य गौरव आर्य यांच्या 'वन क्लिकी इंटरप्रायझेस' या दुकानाचे शटर उचकटून अज्ञात चोरट्याने दुकानातील कॅश व साहित्य चोरून नेले होते. या तक्रारीवरून लकडगंज पोलिसांत भारतीय न्याय संहितेच्या कलम ३०५(अ), ३३१(४) अन्वये गुन्हा क्र. ४५०/२०२६ दाखल करण्यात आला. तपासादरम्यान गोपनीय माहितीच्या आधारे पोलिसांनी सापळा रचून मिनीमाता नगर, पाचपावली येथील २६ वर्षीय आरोपी ओमप्रकाश पुनम लहरे याला ताब्यात घेतले. कडक चौकशीत त्याने गुन्ह्याची कबुली दिली असून तो पोलिसांच्या क्राईम चार्टवरील सराईत गुन्हेगार असल्याचे निष्पन्न झाले आहे. वरिष्ठ पोलीस अधिकाऱ्यांच्या मार्गदर्शनाखाली पोलीस निरीक्षक मुकुंद कवाडे, पोलीस निरीक्षक मनोज चौधरी, पीएसआय दीपक पोफळे, देवेंद्र शेलुकर, ईश्वर मोहेकर आणि आशिष बांते यांच्या पथकाने ही धडाकेबाज कामगिरी बजावली. नागरिकांच्या मालमत्तेच्या सुरक्षेसाठी अशा गुन्हेगारांवर कठोर कारवाई यापुढेही सुरूच राहील, असे पोलिसांनी स्पष्ट केले आहे.

GS BHALERAO

News Anchor नागपूर (शहरी), नागपूर, महाराष्ट्र•

5 hrs ago

नागपूरच्या लकडगंज पोलीस ठाण्याच्या तपास पथकाने दुकानाचे शटर उचकटून झालेल्या घरफोडीचा गंभीर गुन्हा अवघ्या २४ तासांच्या आत उघडकीस आणला आहे. गुप्त माहिती आणि आरोपीच्या गुन्ह्यांच्या पद्धतीचा अभ्यास करून पोलिसांनी सराईत आरोपीला अटक केली असून, चोरीस गेलेला १०० टक्के मुद्देमाल जप्त करून फिर्यादीला परत मिळवून दिला आहे. दिनांक २०/०७/२०२६ रोजी भंडारा रोड, पाडी येथील रहिवासी २१ वर्षीय फिर्यादी आदित्य गौरव आर्य यांच्या 'वन क्लिकी इंटरप्रायझेस' या दुकानाचे शटर उचकटून अज्ञात चोरट्याने दुकानातील कॅश व साहित्य चोरून नेले होते. या तक्रारीवरून लकडगंज पोलिसांत भारतीय न्याय संहितेच्या कलम ३०५(अ), ३३१(४) अन्वये गुन्हा क्र. ४५०/२०२६ दाखल करण्यात आला. तपासादरम्यान गोपनीय माहितीच्या आधारे पोलिसांनी सापळा रचून मिनीमाता नगर, पाचपावली येथील २६ वर्षीय आरोपी ओमप्रकाश पुनम लहरे याला ताब्यात घेतले. कडक चौकशीत त्याने गुन्ह्याची कबुली दिली असून तो पोलिसांच्या क्राईम चार्टवरील सराईत गुन्हेगार असल्याचे निष्पन्न झाले आहे. वरिष्ठ पोलीस अधिकाऱ्यांच्या मार्गदर्शनाखाली पोलीस निरीक्षक मुकुंद कवाडे, पोलीस निरीक्षक मनोज चौधरी, पीएसआय दीपक पोफळे, देवेंद्र शेलुकर, ईश्वर मोहेकर आणि आशिष बांते यांच्या पथकाने ही धडाकेबाज कामगिरी बजावली. नागरिकांच्या मालमत्तेच्या सुरक्षेसाठी अशा गुन्हेगारांवर कठोर कारवाई यापुढेही सुरूच राहील, असे पोलिसांनी स्पष्ट केले आहे.