મહેસાણા પંડિત દીનદયાળ ઉપાધ્યાય હોલ ખાતે મહાનગરપાલિકાની સામાન્ય સભા યોજાઈ.. પંડિત દિન દયાળ ઉપાધ્યાય ટાઉનહોલ ખાતે મહેસાણા મહાનગરપાલિકાની સામાન્ય સભાનું આયોજન કરવામાં આવ્યું.. જેમાં MMC કમિશ્નર, MMC મેયર સહિત MMC ના પદાધિકારીઓ તેમજ ચૂંટાયેલા કોર્પોરેટરોની ઉપસ્થિતિમાં કુલ સાત દરખાસ્ત સર્વાનુંમતે મંજૂર કરવામાં આવી.. ત્યારે.. કેટલાક મુદ્દે વિપક્ષ દ્વારા નારાજગી સાથે વિરોધ દર્શાવામાં આવ્યો હતો. ગત સભામાં મંજૂર કરેલ ઠરાવ મુજબ લાયકાત ધરાવતા કર્મચારીઓને બઢતી આપવા મુદે લાયકાત પાત્ર કર્મચારીઓને જ બઢતી આપીને પારદર્શિતા જાળવવાની વિપક્ષે માંગ કરી હતી. સાથે સાથે હવામાં AQI નું પ્રમાણ જાહેર જનતા જાણી શકે એ માટે જાહેરમાં બોર્ડ લગાવવાની પણ માંગ કરી હતી. DPR અંતર્ગત કરવામાં આવનાર કામોન અંદાજીત ખર્ચના એસ્ટિમેન્ટ વગર દરખાસ્ત મંજૂર કરવા સામે વિરોધ દર્શાવ્યો હતો. એકંદરે સામાન્ય સભા શાંતિપૂર્ણ યોજાઈ હતી.

3 hrs ago

WORLD24

મહેસાણા, મહેસાણા, ગુજરાત•

3 hrs ago

અમદાવાદ ક્રાઈમ બ્રાન્ચે એક સીરિયલ કિલરને પકડ્યો છે જેણે એક પછી એક હત્યાઓ કરી. અમદાવાદ ક્રાઈમ બ્રાન્ચે એક સીરિયલ કિલરને પકડ્યો છે જેણે એક પછી એક હત્યાઓ કરી. અમદાવાદ શહેર ક્રાઈમ બ્રાન્ચને એક વિશ્વસનીય બાતમી મળેલ હતી કે, સુરત જિલ્લાના કોસંબા ખાતે વર્ષ 2022માં વૃદ્ધ મહિલા શાંતાબેન ગંભીરભાઈ વસાવાની હત્યા તેમની પૌત્રી ઉર્મિલા ઉર્ફે જયા માધવદાસ સાધુ તથા તેના કૌટુંબિક ભાઈ દ્વારા કરવામાં આવેલ છે અને હત્યા કર્યા બાદ મૃતદેહને મકાનમાં દાટી દેવામાં આવેલ છે. મળેલ બાતમીના આધારે અમદાવાદ ક્રાઈમ બ્રાન્ચ દ્વારા તાત્કાલિક તપાસ હાથ ધરી, બાતમીમાં જણાવેલ ઉર્મિલાના કૌટુંબિક ભાઈને શોધી કાઢી ઝડપી લેવામાં આવેલ અને તેની સઘન પૂછપરછ કરવામાં આવેલ હતી. પકડાયેલ વ્યક્તિની પૂછપરછ તથા ઉપલબ્ધ હકીકતોની તપાસ દરમિયાન તેની હત્યાના બનાવમાં કોઈ સંડોવણી જણાઈ આવેલ ન હતી. જેથી ક્રાઈમ બ્રાન્ચને બાતમીની હકીકત અંગે શંકા ઉપજી અને બાતમીદારની ભૂમિકા અંગે ઊંડાણપૂર્વક તપાસ શરૂ કરવામાં આવી હતી. કહાનીમાં જબરદસ્ત ટ્વિસ્ટ : બાતમીદાર જ હત્યાનો મુખ્ય સૂત્રધાર નીકળ્યો. બાતમીદાર માધવદાસ ભક્તિરામ સાધુની યુક્તિ-પ્રયુક્તિથી તથા અલગ-અલગ મુદ્દાઓ ઉપર સઘન પૂછપરછ કરવામાં આવતાં તેનાં નિવેદનોમાં વિસંગતતાઓ જણાઈ આવી. વધુ પૂછપરછ દરમિયાન સમગ્ર બનાવનો ચોંકાવનારો ખુલાસો થયો હતો કે, વૃદ્ધ મહિલા શાંતાબેન ગંભીરભાઈ વસાવાની હત્યા હકીકતમાં માધવદાસ ભક્તિરામ સાધુએ પોતાની પત્ની ઉર્મિલા ઉર્ફે જયા માધવદાસ સાધુ સાથે મળી કરી હતી. માધવદાસે પોતે આ હત્યાના ગુનામાંથી બચી જવા તથા પોતાની પત્ની ઉર્મિલા અને તેના કૌટુંબિક ભાઈને હત્યાના ગુનામાં ફસાવવાના આશયથી પૌત્રી તથા તેના કૌટુંબિક ભાઈ દ્વારા હત્યા કરવામાં આવી હોવાની ખોટી બાતમી આપી પોલીસને ગેરમાર્ગે દોરવાનો પ્રયાસ કર્યો હતો. તપાસમાં વધુમાં જાણવા મળ્યું હતું કે, ઉર્મિલા ઉર્ફે જયા અને માધવદાસ આશરે છેલ્લા ૮ મહિનાથી અલગ રહેતા હતા. ઉર્મિલા પોતાના દાગીના, ઘરમાં રહેલી રોકડ રકમ તથા પોતાના પુત્રને સાથે લઈ જતી રહી હોવાના કારણે માધવદાસને તેની પત્ની પ્રત્યે અદાવત હતી. આ અદાવતના કારણે પોતાની પત્નીને પણ ગુનામાં ફસાવવાના આશયથી સમગ્ર ખોટી કહાની ઉભી કરવામાં આવી હોવાનું તપાસમાં સામે આવ્યું છે. રીઢા ગુનેગારની જેમ મૃતદેહને બેરલમાં સિમેન્ટ ભરી દાટી દીધો. તપાસમાં સામે આવ્યું હતું કે, વર્ષ 2022માં શાંતાબેન ગંભીરભાઈ વસાવાની હત્યા કર્યા બાદ આરોપી દંપતીએ તેમના મૃતદેહને બેરલમાં મૂકી તેમાં સિમેન્ટ ભરી દીધું હતું. ત્યારબાદ બેરલ માંથી મૃતદેહ બહાર કાઢી જમીનમાં ખાડો કરી દાટી મૃતદેહને છુપાવી દેવામાં આવ્યો હતો. વધુ પૂછપરછમાં વર્ષ 2022ની અન્ય બે હત્યાનો ભેદ ઉકેલાયો. માધવદાસ તથા ઉર્મિલા ઉર્ફે જયાની વધુ સઘન પૂછપરછ દરમિયાન બંનેએ અગાઉ વર્ષ 2022માં જ અન્ય બે મહિલાઓની હત્યા કરી હોવાની હકીકત પણ તપાસમાં બહાર આવી હતી. (૧) ભગવતી કમલેશભાઈ વસાવા ભગવતી કમલેશભાઈ વસાવા આરોપી ઉર્મિલા ઉર્ફે જયાની બહેન હતી અને ટી.બી.ની બીમારીથી પીડાતી હતી. તપાસમાં સામે આવ્યું હતું કે, માધવદાસ તથા ઉર્મિલાએ સાથે મળી ભગવતીના મોઢા ઉપર ઓશીકું દબાવી તેની હત્યા કરી હતી. ત્યારબાદ મૃતદેહને દફનાવવામાં આવ્યો હતો. (૨) મંજુલાબેન ભક્તિરામ સાધુ મંજુલાબેન ભક્તિરામ સાધુ આરોપી માધવદાસની માતા તથા આરોપી ઉર્મિલા ઉર્ફે જયાની સાસુ હતી અને લકવાની બીમારીથી પીડાતી હતી. તપાસમાં સામે આવ્યું હતું કે, માધવદાસ તથા ઉર્મિલાએ સાથે મળી મંજુલાબેનના મોઢા ઉપર ઓશીકું દબાવી તેમની હત્યા કરી હતી. ત્યારબાદ તેમના મૃતદેહના અગ્નિસંસ્કાર કરવામાં આવ્યા હતા. આમ, એક ખોટી બાતમીમાંથી ટ્રિપલ મર્ડરનો પર્દાફાશ અમદાવાદ ક્રાઈમ બ્રાન્ચે શરૂઆતમાં મળેલ બાતમી મુજબ ઉર્મિલાના કૌટુંબિક ભાઈને ઝડપી તેની પૂછપરછ કરી હતી. જોકે ઝીણવટભરી તપાસમાં તે વ્યક્તિ નિર્દોષ હોવાનું જણાઈ આવતાં તપાસની દિશા બાતમીદાર માધવદાસ તરફ વાળવામાં આવી હતી. માધવદાસની સઘન તથા યુક્તિપૂર્વકની પૂછપરછના પરિણામે વર્ષ 2022માં બનેલા ત્રણ અલગ-અલગ હત્યાના બનાવોમાં માધવદાસ ભક્તિરામ સાધુ તથા તેની પત્ની ઉર્મિલા ઉર્ફે જયા માધવદાસ સાધુની સંડોવણીનો પર્દાફાશ થયો છે. આમ, અમદાવાદ ક્રાઈમ બ્રાન્ચ દ્વારા વર્ષ 2022ના ટ્રિપલ મર્ડરનો ભેદ ઉકેલી કુલ ત્રણ હત્યાના બનાવોનો પર્દાફાશ કરવામાં આવ્યો છે. આ સમગ્ર મામલે આરોપીઓ વિરુદ્ધ કાયદેસરની કાર્યવાહી હાથ ધરવામાં આવી રહી છે તથા વધુ તપાસ ચાલુ છે.

ARUN KUMAR VERMA

પત્રકાર Asarva, Ahmadabad•

6 hrs ago