ଜଗତସିଂହପୁର ଜିଲ୍ଲାର କୁଜଙ୍ଗ ବ୍ଲକ ଅନ୍ତର୍ଗତ ସାଇଲୋ ପଞ୍ଚାୟତର ମାଳିପାଟଣା ଗ୍ରାମରେ ରଜ ମହୋତ୍ସବ ବେଶ୍ ଉତ୍ସାହର ସହ ପାଳିତ ହୋଇଛି। ଶ୍ରୀ ଶ୍ରୀ ଦଧୀବାମନଜୀଉ ଯୁବକ ସଂଘର ସଦସ୍ୟମାନେ ଓଡ଼ିଶାର ଏହି ଗଣପର୍ବ ରଜକୁ ଏକ ନିଆରା ଢଙ୍ଗରେ ପାଳନ କରିଛନ୍ତି। ଏହି ଅବସରରେ ଗ୍ରାମର ଆବାଳବୃଦ୍ଧବନିତା ପରସ୍ପରକୁ ରଜପାନ ଓ ପୋଡ଼ପିଠା ଖୁଆଖୁଇ ହୋଇଥିଲେ। ଉତ୍ସବର ଅଂଶବିଶେଷ ସ୍ୱରୂପ, ଗ୍ରାମବାସୀମାନେ ଲୁଡୁ, ତାସ୍, କଉଡ଼ି ଓ କେରମ ଖେଳି ଆନନ୍ଦ ଉଲ୍ଲାସରେ ରଜ ପାଳିଥିଲେ। ଏଥିସହ, ଝିଅବୋହୂମାନେ ରଜଦୋଳିରେ ଝୁଲିବାର ଦୃଶ୍ୟ ମଧ୍ୟ ଦେଖିବାକୁ ମିଳିଥିଲା। ରାତିରେ ଜଣେ ଯାଦୁଗର ମ୍ୟାଜିକ୍ ପ୍ରଦର୍ଶନ କରି ଦର୍ଶକଙ୍କୁ ଭରପୁର ମନୋରଞ୍ଜନ ଯୋଗାଇଥିବା ବେଳେ, କୁନିକୁନି ଝିଅମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏହି ଶୁଭ ଅବସରରେ ଗ୍ରାମର ବିଶିଷ୍ଟ ବ୍ୟକ୍ତିବିଶେଷ, ଯଥା ନିରଞ୍ଜନ ସୂତାର, ନୃସିଂହ ସୂତାର ଏବଂ କେଳୁ ସୂତାରଙ୍କୁ ସମ୍ବର୍ଦ୍ଧିତ କରାଯାଇଛି। ଯୁବକ ସଂଘର କର୍ମକର୍ତ୍ତାଙ୍କ ସୂଚନାନୁସାରେ, ଏହି ରଜ ମହୋତ୍ସବ ତିନି ଦିନ ଧରି ପାଳନ କରାଯିବ।

ନୃସିଂହ ଚରଣ ବାରିକ

Local News Reporter କୁଜଙ୍ଗ, ଜଗତସିଂହପୁର, ଓଡ଼ିଶା•

13 hrs ago

ଜଗତସିଂହପୁର ଜିଲ୍ଲାର କୁଜଙ୍ଗ ବ୍ଲକ ଅନ୍ତର୍ଗତ ସାଇଲୋ ପଞ୍ଚାୟତର ମାଳିପାଟଣା ଗ୍ରାମରେ ରଜ ମହୋତ୍ସବ ବେଶ୍ ଉତ୍ସାହର ସହ ପାଳିତ ହୋଇଛି। ଶ୍ରୀ ଶ୍ରୀ ଦଧୀବାମନଜୀଉ ଯୁବକ ସଂଘର ସଦସ୍ୟମାନେ ଓଡ଼ିଶାର ଏହି ଗଣପର୍ବ ରଜକୁ ଏକ ନିଆରା ଢଙ୍ଗରେ ପାଳନ କରିଛନ୍ତି। ଏହି ଅବସରରେ ଗ୍ରାମର ଆବାଳବୃଦ୍ଧବନିତା ପରସ୍ପରକୁ ରଜପାନ ଓ ପୋଡ଼ପିଠା ଖୁଆଖୁଇ ହୋଇଥିଲେ। ଉତ୍ସବର ଅଂଶବିଶେଷ ସ୍ୱରୂପ, ଗ୍ରାମବାସୀମାନେ ଲୁଡୁ, ତାସ୍, କଉଡ଼ି ଓ କେରମ ଖେଳି ଆନନ୍ଦ ଉଲ୍ଲାସରେ ରଜ ପାଳିଥିଲେ। ଏଥିସହ, ଝିଅବୋହୂମାନେ ରଜଦୋଳିରେ ଝୁଲିବାର ଦୃଶ୍ୟ ମଧ୍ୟ ଦେଖିବାକୁ ମିଳିଥିଲା। ରାତିରେ ଜଣେ ଯାଦୁଗର ମ୍ୟାଜିକ୍ ପ୍ରଦର୍ଶନ କରି ଦର୍ଶକଙ୍କୁ ଭରପୁର ମନୋରଞ୍ଜନ ଯୋଗାଇଥିବା ବେଳେ, କୁନିକୁନି ଝିଅମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏହି ଶୁଭ ଅବସରରେ ଗ୍ରାମର ବିଶିଷ୍ଟ ବ୍ୟକ୍ତିବିଶେଷ, ଯଥା ନିରଞ୍ଜନ ସୂତାର, ନୃସିଂହ ସୂତାର ଏବଂ କେଳୁ ସୂତାରଙ୍କୁ ସମ୍ବର୍ଦ୍ଧିତ କରାଯାଇଛି। ଯୁବକ ସଂଘର କର୍ମକର୍ତ୍ତାଙ୍କ ସୂଚନାନୁସାରେ, ଏହି ରଜ ମହୋତ୍ସବ ତିନି ଦିନ ଧରି ପାଳନ କରାଯିବ।