ନବରଙ୍ଗପୁର ଜିଲ୍ଲାର ଉମରକୋଟସ୍ଥିତ TPSODL କାର୍ଯ୍ୟାଳୟ ସମ୍ମୁଖରେ ବିଜୁ ଜନତା ଦଳ (ବିଜେଡି) ପକ୍ଷରୁ ବିଭିନ୍ନ ଦାବି ନେଇ ଏକ ବୃହତ ବିକ୍ଷୋଭ ପ୍ରଦର୍ଶନ କରାଯାଇଛି। ଶତାଧିକ ବିଜେଡି ନେତା ଓ କର୍ମୀ ହାତରେ ଦଳୀୟ ପତାକା ଓ ପ୍ଲାକାର୍ଡ ଧରି ସରକାର ତଥା ବିଦ୍ୟୁତ ବିତରଣ ସଂସ୍ଥା ବିରୋଧରେ ନାରାବାଜି କରି TPSODL କାର୍ଯ୍ୟାଳୟ ଘେରାଉ କରିଥିଲେ। ଏହି ବିକ୍ଷୋଭରେ ଅଘୋଷିତ ବିଦ୍ୟୁତ କାଟ ବନ୍ଦ କରିବା, ନିର୍ବାଚନ ପୂର୍ବରୁ ଦିଆଯାଇଥିବା ପ୍ରତିଶ୍ରୁତି ଅନୁଯାୟୀ ପ୍ରତି ପରିବାରକୁ ମାସିକ ୩୦୦ ୟୁନିଟ୍ ମାଗଣା ବିଦ୍ୟୁତ ଯୋଗାଇବା, ଅତ୍ୟଧିକ ବିଦ୍ୟୁତ ବିଲ୍ ପ୍ରତ୍ୟାହାର କରିବା, ବିଭିନ୍ନ ସ୍ଥାନରେ ଝୁଲି ରହିଥିବା ବିଦ୍ୟୁତ ତାର ପରିବର୍ତ୍ତନ କରିବା ଏବଂ ସ୍ମାର୍ଟ ମିଟର ସ୍ଥାପନକୁ ବିରୋଧ କରି ଦାବି ଉପସ୍ଥାପନ କରାଯାଇଥିଲା। ଆନ୍ଦୋଳନକାରୀମାନେ ଅଭିଯୋଗ କରିଥିଲେ ଯେ ଅଘୋଷିତ ବିଦ୍ୟୁତ କାଟ, ବଢୁଥିବା ବିଦ୍ୟୁତ ବିଲ୍ ଏବଂ ସ୍ମାର୍ଟ ମିଟର ସ୍ଥାପନକୁ ନେଇ ଲୋକଙ୍କ ଅସନ୍ତୋଷ ବଢୁଛି। ଏହାସହ ଅନେକ ସ୍ଥାନରେ ପୁରୁଣା ଓ ଝୁଲି ରହିଥିବା ତାର ଯୋଗୁଁ ଦୁର୍ଘଟଣାର ଆଶଙ୍କା ଥିବାରୁ ଏହି ସମସ୍ୟାଗୁଡ଼ିକର ତୁରନ୍ତ ସମାଧାନ ଦାବି କରିଥିଲେ। ଏହି ବିକ୍ଷୋଭରେ ବରିଷ୍ଠ ବିଜେଡି ନେତା ତଥା ପୂର୍ବତନ ସାଂସଦ ପ୍ରଦୀପ ମାଝୀ, ଡାବୁଗାଁ ବିଧାୟକ ତଥା ଜିଲ୍ଲା ବିଜେଡି ସଭାପତି ମନୋହର ରନ୍ଧାରୀ, ପୂର୍ବତନ ବିଧାୟକ ସୁବାସ ଗଣ୍ଡ ଏବଂ ପୌର ପରିଷଦ ଅଧ୍ୟକ୍ଷା ରାଧା ଭତ୍ରା ପ୍ରମୁଖ ଯୋଗଦେଇ ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେ। ବିଜେଡି ପକ୍ଷରୁ ଚେତାବନୀ ଦିଆଯାଇଛି ଯେ ଯଦି ସେମାନଙ୍କ ଦାବି ପୂରଣ ନହୁଏ, ତେବେ ଆଗାମୀ ଦିନରେ ଏହି ଆନ୍ଦୋଳନକୁ ଆହୁରି ତୀବ୍ର କରାଯିବ। ଅନ୍ୟପଟେ, ବିଜେଡି ପକ୍ଷରୁ ଉଠାଯାଇଥିବା ଦାବି ସମ୍ପର୍କରେ TPSODL ପକ୍ଷରୁ ମଧ୍ୟ ପ୍ରତିକ୍ରିୟା ପ୍ରକାଶ ପାଇଛି। ବିଭାଗୀୟ ଅଧିକାରୀ କହିଛନ୍ତି ଯେ ଉପଭୋକ୍ତାମାନଙ୍କ ସମସ୍ୟା ସମାଧାନ ପାଇଁ ନିୟମିତ ପଦକ୍ଷେପ ଗ୍ରହଣ କରାଯାଉଛି ଏବଂ ଆସିଥିବା ଅଭିଯୋଗଗୁଡ଼ିକୁ ଯାଞ୍ଚ କରାଯିବ।

Nandini tv

ନବରଙ୍ଗପୁର ପି.ଏସ., ନବରଙ୍ଗପୁର, ଓଡ଼ିଶା•

5 days ago

ନବରଙ୍ଗପୁର ଜିଲ୍ଲାର ଉମରକୋଟସ୍ଥିତ TPSODL କାର୍ଯ୍ୟାଳୟ ସମ୍ମୁଖରେ ବିଜୁ ଜନତା ଦଳ (ବିଜେଡି) ପକ୍ଷରୁ ବିଭିନ୍ନ ଦାବି ନେଇ ଏକ ବୃହତ ବିକ୍ଷୋଭ ପ୍ରଦର୍ଶନ କରାଯାଇଛି। ଶତାଧିକ ବିଜେଡି ନେତା ଓ କର୍ମୀ ହାତରେ ଦଳୀୟ ପତାକା ଓ ପ୍ଲାକାର୍ଡ ଧରି ସରକାର ତଥା ବିଦ୍ୟୁତ ବିତରଣ ସଂସ୍ଥା ବିରୋଧରେ ନାରାବାଜି କରି TPSODL କାର୍ଯ୍ୟାଳୟ ଘେରାଉ କରିଥିଲେ। ଏହି ବିକ୍ଷୋଭରେ ଅଘୋଷିତ ବିଦ୍ୟୁତ କାଟ ବନ୍ଦ କରିବା, ନିର୍ବାଚନ ପୂର୍ବରୁ ଦିଆଯାଇଥିବା ପ୍ରତିଶ୍ରୁତି ଅନୁଯାୟୀ ପ୍ରତି ପରିବାରକୁ ମାସିକ ୩୦୦ ୟୁନିଟ୍ ମାଗଣା ବିଦ୍ୟୁତ ଯୋଗାଇବା, ଅତ୍ୟଧିକ ବିଦ୍ୟୁତ ବିଲ୍ ପ୍ରତ୍ୟାହାର କରିବା, ବିଭିନ୍ନ ସ୍ଥାନରେ ଝୁଲି ରହିଥିବା ବିଦ୍ୟୁତ ତାର ପରିବର୍ତ୍ତନ କରିବା ଏବଂ ସ୍ମାର୍ଟ ମିଟର ସ୍ଥାପନକୁ ବିରୋଧ କରି ଦାବି ଉପସ୍ଥାପନ କରାଯାଇଥିଲା। ଆନ୍ଦୋଳନକାରୀମାନେ ଅଭିଯୋଗ କରିଥିଲେ ଯେ ଅଘୋଷିତ ବିଦ୍ୟୁତ କାଟ, ବଢୁଥିବା ବିଦ୍ୟୁତ ବିଲ୍ ଏବଂ ସ୍ମାର୍ଟ ମିଟର ସ୍ଥାପନକୁ ନେଇ ଲୋକଙ୍କ

ଅସନ୍ତୋଷ ବଢୁଛି। ଏହାସହ ଅନେକ ସ୍ଥାନରେ ପୁରୁଣା ଓ ଝୁଲି ରହିଥିବା ତାର ଯୋଗୁଁ ଦୁର୍ଘଟଣାର ଆଶଙ୍କା ଥିବାରୁ ଏହି ସମସ୍ୟାଗୁଡ଼ିକର ତୁରନ୍ତ ସମାଧାନ ଦାବି କରିଥିଲେ। ଏହି ବିକ୍ଷୋଭରେ ବରିଷ୍ଠ ବିଜେଡି ନେତା ତଥା ପୂର୍ବତନ ସାଂସଦ ପ୍ରଦୀପ ମାଝୀ, ଡାବୁଗାଁ ବିଧାୟକ ତଥା ଜିଲ୍ଲା ବିଜେଡି ସଭାପତି ମନୋହର ରନ୍ଧାରୀ, ପୂର୍ବତନ ବିଧାୟକ ସୁବାସ ଗଣ୍ଡ ଏବଂ ପୌର ପରିଷଦ ଅଧ୍ୟକ୍ଷା ରାଧା ଭତ୍ରା ପ୍ରମୁଖ ଯୋଗଦେଇ ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେ। ବିଜେଡି ପକ୍ଷରୁ ଚେତାବନୀ ଦିଆଯାଇଛି ଯେ ଯଦି ସେମାନଙ୍କ ଦାବି ପୂରଣ ନହୁଏ, ତେବେ ଆଗାମୀ ଦିନରେ ଏହି ଆନ୍ଦୋଳନକୁ ଆହୁରି ତୀବ୍ର କରାଯିବ। ଅନ୍ୟପଟେ, ବିଜେଡି ପକ୍ଷରୁ ଉଠାଯାଇଥିବା ଦାବି ସମ୍ପର୍କରେ TPSODL ପକ୍ଷରୁ ମଧ୍ୟ ପ୍ରତିକ୍ରିୟା ପ୍ରକାଶ ପାଇଛି। ବିଭାଗୀୟ ଅଧିକାରୀ କହିଛନ୍ତି ଯେ ଉପଭୋକ୍ତାମାନଙ୍କ ସମସ୍ୟା ସମାଧାନ ପାଇଁ ନିୟମିତ ପଦକ୍ଷେପ ଗ୍ରହଣ କରାଯାଉଛି ଏବଂ ଆସିଥିବା ଅଭିଯୋଗଗୁଡ଼ିକୁ ଯାଞ୍ଚ କରାଯିବ।