महिला वाहतूक अधिकाऱ्यावर हल्ला; कर्तव्य बजावताना धक्काबुक्की – तरुणाविरुद्ध गुन्हा दाखल महिला वाहतूक अधिकाऱ्यावर हल्ला; कर्तव्य बजावताना धक्काबुक्की – तरुणाविरुद्ध गुन्हा दाखल शेगाव : शहरातील लहूजी वस्ताद चौकात शासकीय कर्तव्य बजावत असलेल्या महिला वाहतूक अधिकाऱ्यावर एका तरुणाने धक्काबुक्की करत कॉलर पकडून शिवीगाळ केल्याची संतापजनक घटना उघडकीस आली आहे. “तुम्ही येथे कशी ड्युटी करता, मी पाहून घेतो” अशा शब्दांत धमकी देत शासकीय कामात अडथळा निर्माण केल्यामुळे संबंधित तरुणाविरुद्ध शेगाव शहर पोलीस ठाण्यात गंभीर स्वरूपाचा गुन्हा दाखल करण्यात आला आहे. या घटनेमुळे शहरात एकच खळबळ उडाली असून कर्तव्यावर असलेल्या महिला अधिकाऱ्यांच्या सुरक्षेचा प्रश्न पुन्हा ऐरणीवर आला आहे. पोलीस सूत्रांकडून मिळालेल्या माहितीनुसार, कामगिरी अप क्र. १६/२०२५ अन्वये भारतीय न्याय संहिता २०२३ च्या कलम १३२, २९६, ३५१(२) अंतर्गत गुन्हा नोंदविण्यात आला आहे. या प्रकरणी जिल्हा वाहतूक नियंत्रण शाखा, बुलडाणा येथे कार्यरत असलेल्या म. स. के. संगीता बबनराव कटारे (वय ५६) यांनी फिर्याद दिली आहे. फेब्रुवारी रोजी सायंकाळी ५.४० वाजताच्या सुमारास त्या लहूजी वस्ताद चौक येथे वाहतूक नियमनाची ड्युटी पार पाडत असताना आरोपी पांडुरंग उर्फ शाम गजानन चांडुरकर (वय २८, रा. गजानन आईस फॅक्टरीजवळ, शेगाव) हा संतप्त अवस्थेत त्यांच्या अंगावर धावून आला. त्याने शर्टची कॉलर पकडत अश्लील शिवीगाळ केली तसेच दमदाटी करत शासकीय कामकाजात उघडपणे अडथळा निर्माण केला, असे फिर्यादीत नमूद करण्यात आले आहे. घटनेची माहिती मिळताच पोलीस कर्मचारी तातडीने घटनास्थळी दाखल झाले. रात्री ८.११ वाजता गुन्हा नोंदविण्यात आला असून पोलीस निरीक्षकांच्या मार्गदर्शनाखाली पुढील तपास उपनिरीक्षक गवांडे यांच्याकडे सोपविण्यात आला आहे. दरम्यान, भर चौकात घडलेल्या या प्रकारामुळे नागरिकांमध्ये तीव्र संताप व्यक्त होत असून कर्तव्य बजावणाऱ्या महिला अधिकाऱ्यांवर होणाऱ्या अशा प्रकारच्या घटना रोखण्यासाठी कठोर कारवाईची मागणी जोर धरू लागली आहे. शहरातील कायदा व सुव्यवस्थेचा प्रश्न निर्माण करणाऱ्या अशा प्रवृत्तींवर पोलिसांनी लगाम घालावा, अशीही सर्वसामान्यांकडून अपेक्षा व्यक्त होत आहे.

Sachin kadukar

Photographer Shegaon, Buldhana•

1 hr ago

महिला वाहतूक अधिकाऱ्यावर हल्ला; कर्तव्य बजावताना धक्काबुक्की – तरुणाविरुद्ध गुन्हा दाखल महिला वाहतूक अधिकाऱ्यावर हल्ला; कर्तव्य बजावताना धक्काबुक्की – तरुणाविरुद्ध गुन्हा दाखल शेगाव : शहरातील लहूजी वस्ताद चौकात शासकीय कर्तव्य बजावत असलेल्या महिला वाहतूक अधिकाऱ्यावर एका तरुणाने धक्काबुक्की करत कॉलर पकडून शिवीगाळ केल्याची संतापजनक घटना उघडकीस आली आहे. “तुम्ही येथे कशी ड्युटी करता, मी पाहून घेतो” अशा शब्दांत धमकी देत शासकीय कामात अडथळा निर्माण केल्यामुळे संबंधित तरुणाविरुद्ध शेगाव शहर पोलीस ठाण्यात गंभीर स्वरूपाचा गुन्हा दाखल करण्यात आला आहे. या घटनेमुळे शहरात एकच खळबळ उडाली असून कर्तव्यावर असलेल्या महिला अधिकाऱ्यांच्या सुरक्षेचा प्रश्न पुन्हा ऐरणीवर आला आहे. पोलीस सूत्रांकडून मिळालेल्या माहितीनुसार, कामगिरी अप क्र. १६/२०२५ अन्वये भारतीय न्याय संहिता २०२३ च्या कलम १३२, २९६, ३५१(२) अंतर्गत गुन्हा नोंदविण्यात आला आहे. या प्रकरणी जिल्हा वाहतूक नियंत्रण शाखा, बुलडाणा येथे कार्यरत असलेल्या म. स. के. संगीता बबनराव कटारे (वय ५६) यांनी फिर्याद दिली आहे. फेब्रुवारी रोजी सायंकाळी ५.४० वाजताच्या सुमारास त्या लहूजी वस्ताद चौक येथे वाहतूक नियमनाची ड्युटी पार पाडत असताना आरोपी पांडुरंग उर्फ शाम गजानन चांडुरकर (वय २८, रा. गजानन आईस फॅक्टरीजवळ, शेगाव) हा संतप्त अवस्थेत त्यांच्या अंगावर धावून आला. त्याने शर्टची कॉलर पकडत अश्लील शिवीगाळ केली तसेच दमदाटी करत शासकीय कामकाजात उघडपणे अडथळा निर्माण केला, असे फिर्यादीत नमूद करण्यात आले आहे. घटनेची माहिती मिळताच पोलीस कर्मचारी तातडीने घटनास्थळी दाखल झाले. रात्री ८.११ वाजता गुन्हा नोंदविण्यात आला असून पोलीस निरीक्षकांच्या मार्गदर्शनाखाली पुढील तपास उपनिरीक्षक गवांडे यांच्याकडे सोपविण्यात आला आहे. दरम्यान, भर चौकात घडलेल्या या प्रकारामुळे नागरिकांमध्ये तीव्र संताप व्यक्त होत असून कर्तव्य बजावणाऱ्या महिला अधिकाऱ्यांवर होणाऱ्या अशा प्रकारच्या घटना रोखण्यासाठी कठोर कारवाईची मागणी जोर धरू लागली आहे. शहरातील कायदा व सुव्यवस्थेचा प्रश्न निर्माण करणाऱ्या अशा प्रवृत्तींवर पोलिसांनी लगाम घालावा, अशीही सर्वसामान्यांकडून अपेक्षा व्यक्त होत आहे.