फुलसावंगी येथे अवैध सावकारावर धाड सावकार दाम्पत्याच्या घराची झडती; अनेक कागदपत्रे जप्त महागाव तालुक्यातील फुलसावंगी येथील वॉर्ड क्रमांक २ मधील रहिवासी असलेल्या काटोले दाम्पत्याच्या घरी आज पुसद व महागाव येथील सहायक निबंधकांच्या संयुक्त पथकाने धाड टाकून सखोल झडती घेतली. जवळपास पाच तास चाललेल्या या कारवाईत पथकाने अनेक महत्त्वाची कागदपत्रे जप्त केली असल्याची माहिती मिळाली आहे. सततची नापिकी व दुष्काळाच्या झळा सोसणाऱ्या शेतकऱ्यांपैकी अनेक जण अवैध सावकारांच्या जाळ्यात अडकत असल्याचे चित्र ग्रामीण भागात दिसून येत आहे. मनमानी व अवाजवी व्याजदरामुळे आर्थिक संकटात सापडलेल्या अनेक शेतकऱ्यांनी आत्महत्येसारखे टोकाचे पाऊल उचलल्याची उदाहरणेही समोर आली आहेत. मात्र काही शेतकरी अन्यायाविरोधात आवाज उठवत अवैध सावकारांना आव्हान देत आहेत. याच पार्श्वभूमीवर महागाव तालुक्यातील वरोडी (नवीन) येथील महिला शेतकरी देवशाला अरविंद कोनपत्रीवार यांनी फुलसावंगी येथील संतोष गणपत काटोले व त्यांच्या पत्नी सविता काटोले यांच्या विरोधात अवैध सावकारीबाबत तक्रार दाखल केली होती. या तक्रारीच्या आधारे पुसद व महागाव येथील सहायक निबंधकांच्या पथकाने संयुक्तरित्या काटोले दाम्पत्याच्या राहत्या घरी छापा टाकला. छाप्यावेळी संतोष काटोले हे नांदेड येथे असल्याची माहिती मिळाली. त्यानंतर पथकाने घरातील कागदपत्रांची ऑन-कॅमेरा तपासणी सुरू केली. तपासादरम्यान काही दरवाजे व आलमारीची कुलपे तोडून शोध घेण्यात आल्याची चर्चा परिसरात आहे.

Taha Mirza

Teacher महागाव, यवतमाळ, महाराष्ट्र•

on 12 March

फुलसावंगी येथे अवैध सावकारावर धाड सावकार दाम्पत्याच्या घराची झडती; अनेक कागदपत्रे जप्त महागाव तालुक्यातील फुलसावंगी येथील वॉर्ड क्रमांक २ मधील रहिवासी असलेल्या काटोले दाम्पत्याच्या घरी आज पुसद व महागाव येथील सहायक निबंधकांच्या संयुक्त पथकाने धाड टाकून सखोल झडती घेतली. जवळपास पाच तास चाललेल्या या कारवाईत पथकाने अनेक महत्त्वाची कागदपत्रे जप्त केली असल्याची माहिती मिळाली आहे. सततची नापिकी व दुष्काळाच्या झळा सोसणाऱ्या शेतकऱ्यांपैकी अनेक जण अवैध सावकारांच्या जाळ्यात अडकत असल्याचे चित्र ग्रामीण भागात दिसून येत आहे. मनमानी व अवाजवी व्याजदरामुळे आर्थिक संकटात सापडलेल्या अनेक शेतकऱ्यांनी आत्महत्येसारखे टोकाचे पाऊल उचलल्याची उदाहरणेही समोर आली आहेत. मात्र काही शेतकरी अन्यायाविरोधात आवाज उठवत अवैध सावकारांना आव्हान देत आहेत. याच पार्श्वभूमीवर महागाव तालुक्यातील वरोडी (नवीन) येथील महिला शेतकरी देवशाला अरविंद कोनपत्रीवार यांनी फुलसावंगी येथील संतोष गणपत काटोले व त्यांच्या पत्नी सविता काटोले यांच्या विरोधात अवैध सावकारीबाबत तक्रार दाखल केली होती. या तक्रारीच्या आधारे पुसद व महागाव येथील सहायक निबंधकांच्या पथकाने संयुक्तरित्या काटोले दाम्पत्याच्या राहत्या घरी छापा टाकला. छाप्यावेळी संतोष काटोले हे नांदेड येथे असल्याची माहिती मिळाली. त्यानंतर पथकाने घरातील कागदपत्रांची ऑन-कॅमेरा तपासणी सुरू केली. तपासादरम्यान काही दरवाजे व आलमारीची कुलपे तोडून शोध घेण्यात आल्याची चर्चा परिसरात आहे.