ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ଏମ.ଭି ୭୯ ରେ ଗତକାଲି ସନ୍ଧ୍ୟାରେ ଏକ ପ୍ରବଳ କାଳବୈଶାଖୀ ଝଡ଼ ଯୋଗୁଁ ସ୍ଥାନୀୟ ଏକ ଶିଶୁମନ୍ଦିରରେ ବ୍ୟାପକ କ୍ଷୟକ୍ଷତି ଘଟିଛି। ଝଡ଼ର ପ୍ରକୋପରେ ଶିଶୁମନ୍ଦିର ନିକଟରେ ଥିବା ଏକ ବିରାଟ ଶାଳ ବୃକ୍ଷ ମୂଳରୁ ଉପାଡ଼ି ହୋଇ ବିଦ୍ୟାଳୟ ପାଚେରୀ ଏବଂ ପଞ୍ଚମ ଶ୍ରେଣୀ କକ୍ଷ ଉପରେ ପଡ଼ିଯାଇଥିଲା। ଏହି ଘଟଣାରେ ଶ୍ରେଣୀକକ୍ଷର କାନ୍ଥ ଭାଙ୍ଗି ଚୁର୍ଣ୍ଣବିଚୁର୍ଣ୍ଣ ହୋଇଯାଇଥିବା ବେଳେ ପ୍ରବଳ ପବନରେ ଟିଣ ଚାଳ ମଧ୍ୟ ଉଡ଼ି ଅନ୍ୟତ୍ର ପଡ଼ିଥିବା ଦେଖାଯାଇଛି। ଏହି ଘଟଣା ପରେ ବିଦ୍ୟାଳୟ ପରିସରରେ ଭୟ ଓ ଚିନ୍ତାର ପରିବେଶ ସୃଷ୍ଟି ହୋଇଛି। ଆଉ ମାତ୍ର ୧୭ରୁ ୧୮ ଦିନ ପରେ ବିଦ୍ୟାଳୟ ଖୋଲିବାକୁ ଥିବା ବେଳେ, ଏପରି ବ୍ୟାପକ କ୍ଷୟକ୍ଷତି ଅଭିଭାବକ, ଶିକ୍ଷକ ଏବଂ ପରିଚାଳନା କମିଟି ପାଇଁ ଏକ ବଡ଼ ଚିନ୍ତାର ବିଷୟ ପାଲଟିଛି। ସମୟ ମଧ୍ୟରେ ମରାମତି କାମ ସମ୍ପୂର୍ଣ୍ଣ ହେବ କି ନାହିଁ, ତାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଜୋରଦାର ଚର୍ଚ୍ଚା ଲାଗିରହିଛି।

Update Malkangiri news

ମାଲକାନଗିରି, ମାଲକାନଗିରି, ଓଡ଼ିଶା•

8 hrs ago

ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ଏମ.ଭି ୭୯ ରେ ଗତକାଲି ସନ୍ଧ୍ୟାରେ ଏକ ପ୍ରବଳ କାଳବୈଶାଖୀ ଝଡ଼ ଯୋଗୁଁ ସ୍ଥାନୀୟ ଏକ ଶିଶୁମନ୍ଦିରରେ ବ୍ୟାପକ କ୍ଷୟକ୍ଷତି ଘଟିଛି। ଝଡ଼ର ପ୍ରକୋପରେ ଶିଶୁମନ୍ଦିର ନିକଟରେ ଥିବା ଏକ ବିରାଟ ଶାଳ ବୃକ୍ଷ ମୂଳରୁ ଉପାଡ଼ି ହୋଇ ବିଦ୍ୟାଳୟ ପାଚେରୀ ଏବଂ ପଞ୍ଚମ ଶ୍ରେଣୀ କକ୍ଷ ଉପରେ ପଡ଼ିଯାଇଥିଲା। ଏହି ଘଟଣାରେ ଶ୍ରେଣୀକକ୍ଷର କାନ୍ଥ ଭାଙ୍ଗି ଚୁର୍ଣ୍ଣବିଚୁର୍ଣ୍ଣ ହୋଇଯାଇଥିବା ବେଳେ ପ୍ରବଳ ପବନରେ ଟିଣ ଚାଳ ମଧ୍ୟ ଉଡ଼ି ଅନ୍ୟତ୍ର ପଡ଼ିଥିବା ଦେଖାଯାଇଛି। ଏହି ଘଟଣା ପରେ ବିଦ୍ୟାଳୟ ପରିସରରେ ଭୟ ଓ ଚିନ୍ତାର ପରିବେଶ ସୃଷ୍ଟି ହୋଇଛି। ଆଉ ମାତ୍ର ୧୭ରୁ ୧୮ ଦିନ ପରେ ବିଦ୍ୟାଳୟ ଖୋଲିବାକୁ ଥିବା ବେଳେ, ଏପରି ବ୍ୟାପକ କ୍ଷୟକ୍ଷତି ଅଭିଭାବକ, ଶିକ୍ଷକ ଏବଂ ପରିଚାଳନା କମିଟି ପାଇଁ ଏକ ବଡ଼ ଚିନ୍ତାର ବିଷୟ ପାଲଟିଛି। ସମୟ ମଧ୍ୟରେ ମରାମତି କାମ ସମ୍ପୂର୍ଣ୍ଣ ହେବ କି ନାହିଁ, ତାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଜୋରଦାର ଚର୍ଚ୍ଚା ଲାଗିରହିଛି।