🚨 पालकमंत्र्यांच्या बैठकीनंतर काही तासांतच ४५ लाखांची लाच घेताना DFO रंगेहात! बीडमध्ये ACBची धडक कारवाई 🚨 पालकमंत्र्यांच्या बैठकीनंतर काही तासांतच ४५ लाखांची लाच घेताना DFO रंगेहात! बीडमध्ये ACBची धडक कारवाई वृक्षलागवडीची बिले मंजूर करण्यासह विविध कामांसाठी मागितली होती लाच; ५ लाखांच्या खऱ्या नोटांसह ४० लाखांच्या डमी नोटांचा वापर करून सापळा बीड : उपमुख्यमंत्री तथा बीडच्या पालकमंत्री सुनेत्रा पवार यांच्या उपस्थितीत जिल्हा नियोजन समितीची (DPDC) बैठक पार पडल्यानंतर अवघ्या काही तासांतच लाचलुचपत प्रतिबंधक विभागाने (ACB) मोठी कारवाई केली. सामाजिक वनीकरण विभागाचे विभागीय वन अधिकारी (DFO) श्रीनिवास लिंगन्ना लखमवाड (वय ४०) यांना तब्बल ४५ लाख रुपयांची लाच स्वीकारताना रंगेहात पकडण्यात आले. मिळालेल्या माहितीनुसार, सन २०२५-२६ मधील वृक्षलागवडीची बिले मंजूर करणे, कर्मचाऱ्यांचे थकीत वेतन अदा करणे, नर्सरीच्या कामाची चौकशी रोखणे तसेच संबंधित वनपरिक्षेत्र अधिकाऱ्यावरील (RFO) निलंबनाची कारवाई मागे घेण्यासाठी ही लाच मागण्यात आल्याचा आरोप आहे. या प्रकरणात एसीबीच्या पथकाने अत्यंत नियोजनबद्ध पद्धतीने सापळा रचला. लाचेच्या ४५ लाख रुपयांच्या रकमेमध्ये ५ लाख रुपयांच्या खऱ्या नोटा आणि ४० लाख रुपयांच्या डमी नोटा वापरण्यात आल्या. बीड शहरातील कॅनॉल रोड परिसरातील ऊर्जा हाईट्स येथील लखमवाड यांच्या राहत्या घरी ही कारवाई करण्यात आली. विशेष म्हणजे, लखमवाड हे पालकमंत्री सुनेत्रा पवार यांच्या उपस्थितीत झालेल्या जिल्हा नियोजन समितीच्या बैठकीला उपस्थित होते. बैठक संपल्यानंतर काही तासांतच त्यांना लाच स्वीकारताना अटक झाल्याने प्रशासकीय वर्तुळात मोठी खळबळ उडाली आहे. या कारवाईनंतर छत्रपती संभाजीनगर एसीबीच्या अधीक्षक माधुरी कांगणे यांच्या मार्गदर्शनाखाली पुढील तपास सुरू आहे. तसेच लखमवाड यांच्या नांदेड येथील घराची झडती घेण्याची प्रक्रिया सुरू असल्याची माहिती आहे. या झडतीत आणखी काही महत्त्वाचे पुरावे किंवा मालमत्तेबाबत माहिती समोर येते का, याकडे आता सर्वांचे लक्ष लागले आहे. दरम्यान, या कारवाईमुळे सामाजिक वनीकरण विभागातील कारभारावरही प्रश्नचिन्ह निर्माण झाले असून, एसीबीच्या पुढील तपासात या प्रकरणातील आणखी कोणाची नावे समोर येतात का, हे पाहणे महत्त्वाचे ठरणार आहे.

पत्रकार ओमप्रकाश उढाण

घनसावंगी, जालना, महाराष्ट्र•

4 hrs ago

🚨 पालकमंत्र्यांच्या बैठकीनंतर काही तासांतच ४५ लाखांची लाच घेताना DFO रंगेहात! बीडमध्ये ACBची धडक कारवाई 🚨 पालकमंत्र्यांच्या बैठकीनंतर काही तासांतच ४५ लाखांची लाच घेताना DFO रंगेहात! बीडमध्ये ACBची धडक कारवाई वृक्षलागवडीची बिले मंजूर करण्यासह विविध कामांसाठी मागितली होती लाच; ५ लाखांच्या खऱ्या नोटांसह ४० लाखांच्या डमी नोटांचा वापर करून सापळा बीड : उपमुख्यमंत्री तथा बीडच्या पालकमंत्री सुनेत्रा पवार यांच्या उपस्थितीत जिल्हा नियोजन समितीची (DPDC) बैठक पार पडल्यानंतर अवघ्या काही तासांतच लाचलुचपत प्रतिबंधक विभागाने (ACB) मोठी कारवाई केली. सामाजिक वनीकरण विभागाचे विभागीय वन अधिकारी (DFO) श्रीनिवास लिंगन्ना लखमवाड (वय ४०) यांना तब्बल ४५ लाख रुपयांची लाच स्वीकारताना रंगेहात पकडण्यात आले. मिळालेल्या माहितीनुसार, सन २०२५-२६ मधील वृक्षलागवडीची बिले मंजूर करणे, कर्मचाऱ्यांचे थकीत वेतन अदा करणे, नर्सरीच्या कामाची चौकशी रोखणे तसेच संबंधित वनपरिक्षेत्र अधिकाऱ्यावरील (RFO) निलंबनाची कारवाई मागे घेण्यासाठी ही लाच मागण्यात आल्याचा आरोप आहे. या प्रकरणात एसीबीच्या पथकाने अत्यंत नियोजनबद्ध पद्धतीने सापळा रचला. लाचेच्या ४५ लाख रुपयांच्या रकमेमध्ये ५ लाख रुपयांच्या खऱ्या नोटा आणि ४० लाख रुपयांच्या डमी नोटा वापरण्यात आल्या. बीड शहरातील कॅनॉल रोड परिसरातील ऊर्जा हाईट्स येथील लखमवाड यांच्या राहत्या घरी ही कारवाई करण्यात आली. विशेष म्हणजे, लखमवाड हे पालकमंत्री सुनेत्रा पवार यांच्या उपस्थितीत झालेल्या जिल्हा नियोजन समितीच्या बैठकीला उपस्थित होते. बैठक संपल्यानंतर काही तासांतच त्यांना लाच स्वीकारताना अटक झाल्याने प्रशासकीय वर्तुळात मोठी खळबळ उडाली आहे. या कारवाईनंतर छत्रपती संभाजीनगर एसीबीच्या अधीक्षक माधुरी कांगणे यांच्या मार्गदर्शनाखाली पुढील तपास सुरू आहे. तसेच लखमवाड यांच्या नांदेड येथील घराची झडती घेण्याची प्रक्रिया सुरू असल्याची माहिती आहे. या झडतीत आणखी काही महत्त्वाचे पुरावे किंवा मालमत्तेबाबत माहिती समोर येते का, याकडे आता सर्वांचे लक्ष लागले आहे. दरम्यान, या कारवाईमुळे सामाजिक वनीकरण विभागातील कारभारावरही प्रश्नचिन्ह निर्माण झाले असून, एसीबीच्या पुढील तपासात या प्रकरणातील आणखी कोणाची नावे समोर येतात का, हे पाहणे महत्त्वाचे ठरणार आहे.