गणेशोत्सवाच्या स्वागतासाठी अहमदपूर मध्ये प्रचंड गर्दी पाहायला मिळाले अहमदपूर शहरामध्ये गणेशाच्या स्वागतासाठी लोटली गर्दी अहमदपूर तालुक्यात बाप्पांचे थाटात आगमन अहमदपूर ( प्रतिनिधी) “प्रथम तुला वंदितो, कृपाळा... गजानना गणराया...” असे म्हणत गणरायाचे अहमदपूर शहरासह तालुक्यात थाटात आगमन झाले. “गणपती बाप्पा मोरया, मंगलमूर्ती मोरया”च्या जयघोषाने शहर व तालुक्यातील वातावरण भक्तिमय झाले होते. गणरायाच्या स्वागतासाठी साकारलेले विविध देखावे, आकर्षक मूर्ती तसेच ढोल-ताशांच्या गजरात निघालेल्या मिरवणुकांनी अहमदपूरकरांचे लक्ष वेधून घेतले. सोमवारी श्रीगणेश चतुर्थीच्या पावन पर्वावर गणपती बाप्पा मोठ्या दिमाखात घरोघरी विराजमान झाले. अहमदपूर शहरात सकाळपासूनच गणरायांच्या स्थापनेसाठी नागरिकांची लगबग सुरू होती. आकर्षक गणेशमूर्ती खरेदी करण्यासाठी नागरिकांनी मोठी गर्दी केली होती. सार्वजनिक गणेश मंडळांनीही वाजत-गाजत गणरायांच्या मूर्तींची स्थापना केली. बाजारपेठेत मखर, सजावटीचे साहित्य व पूजेचे साहित्य खरेदी करण्यासाठी दिवसभर नागरिकांची गर्दी दिसून आली. गणरायांच्या पूजनासाठी लगबग लाडक्या बाप्पांच्या पूजनासाठी गणेशभक्तांमध्ये सोमवारी सकाळपासूनच उत्साह व लगबग दिसून आली. गणरायाच्या प्रतिष्ठापनेसाठी सर्वच मुहूर्त शुभ मानले जात असले तरी काही भाविकांनी ठराविक मुहूर्तावरच ‘श्रीं’ची प्रतिष्ठापना केली. अहमदपूर शहरासह तालुक्यातील गावागावांत आपापल्या रूढी व परंपरेनुसार गणरायांचे पूजन करण्यात आले. पारंपरिक वाद्यांचा दणदणाट गणेश मंडळांनी गणरायांच्या मूर्तीचे वाजत-गाजत स्वागत केले. यावेळी ढोल-ताशांसह पारंपरिक वाद्यांचा गजर आणि “गणपती बाप्पा मोरया”च्या जयघोषाने परिसर दुमदुमून गेला. भक्तिमय वातावरणात सार्वजनिक गणेश मंडळांसह घरोघरी गणरायांचे आगमन झाले. पोलिसांचा तगडा बंदोबस्त गणेशोत्सवाच्या पार्श्वभूमीवर शहरात कायदा व सुव्यवस्था अबाधित राखण्याच्या दृष्टिकोनातून पोलिस प्रशासनाकडून तगडा बंदोबस्त तैनात करण्यात आला आहे. यामध्ये उपविभागीय पोलिस अधिकारी - १, पोलिस निरीक्षक - १, पोलिस उपनिरीक्षक - ४, सहायक पोलिस निरीक्षक - २, पोलिस - ५३, होमगार्ड - ५५ आणि एसआरपीची १ तुकडी असा बंदोबस्त लावण्यात आला आहे. “शांततेच्या वातावरणात गणेशोत्सव साजरा करा” “सामाजिक सलोखा आणि शांततेच्या वातावरणात गणेशोत्सव साजरा करावा. उत्सव साजरा करताना डीजे वाजवण्यापेक्षा पारंपरिक वाद्यांचा आनंद घ्यावा. तसेच गुलालाऐवजी सुगंधित फुलांची, पाकळ्यांची उधळण करावी.” – विनोद मेत्रेवार, पोलिस निरीक्षक, अहमदपूर

6 hrs ago

Laxman Ugile

उदगीर, लातूर, महाराष्ट्र•

6 hrs ago

गणेशोत्सवाच्या स्वागतासाठी अहमदपूर मध्ये प्रचंड गर्दी पाहायला मिळाले अहमदपूर शहरामध्ये गणेशाच्या स्वागतासाठी लोटली गर्दी अहमदपूर तालुक्यात बाप्पांचे थाटात आगमन अहमदपूर ( प्रतिनिधी) “प्रथम तुला वंदितो, कृपाळा... गजानना गणराया...” असे म्हणत गणरायाचे अहमदपूर शहरासह तालुक्यात थाटात आगमन झाले. “गणपती बाप्पा मोरया, मंगलमूर्ती मोरया”च्या जयघोषाने शहर व तालुक्यातील वातावरण भक्तिमय झाले होते. गणरायाच्या स्वागतासाठी साकारलेले विविध देखावे, आकर्षक मूर्ती तसेच ढोल-ताशांच्या गजरात निघालेल्या मिरवणुकांनी अहमदपूरकरांचे लक्ष वेधून घेतले. सोमवारी श्रीगणेश चतुर्थीच्या पावन पर्वावर गणपती बाप्पा मोठ्या दिमाखात घरोघरी विराजमान झाले. अहमदपूर शहरात सकाळपासूनच गणरायांच्या स्थापनेसाठी नागरिकांची लगबग सुरू होती. आकर्षक गणेशमूर्ती खरेदी करण्यासाठी नागरिकांनी मोठी गर्दी केली होती. सार्वजनिक गणेश मंडळांनीही वाजत-गाजत गणरायांच्या मूर्तींची स्थापना केली. बाजारपेठेत मखर, सजावटीचे साहित्य व पूजेचे साहित्य खरेदी करण्यासाठी दिवसभर नागरिकांची गर्दी दिसून आली. गणरायांच्या पूजनासाठी लगबग लाडक्या बाप्पांच्या पूजनासाठी गणेशभक्तांमध्ये सोमवारी सकाळपासूनच उत्साह व लगबग दिसून आली. गणरायाच्या प्रतिष्ठापनेसाठी सर्वच मुहूर्त शुभ मानले जात असले तरी काही भाविकांनी ठराविक मुहूर्तावरच ‘श्रीं’ची प्रतिष्ठापना केली. अहमदपूर शहरासह तालुक्यातील गावागावांत आपापल्या रूढी व परंपरेनुसार गणरायांचे पूजन करण्यात आले. पारंपरिक वाद्यांचा दणदणाट गणेश मंडळांनी गणरायांच्या मूर्तीचे वाजत-गाजत स्वागत केले. यावेळी ढोल-ताशांसह पारंपरिक वाद्यांचा गजर आणि “गणपती बाप्पा मोरया”च्या जयघोषाने परिसर दुमदुमून गेला. भक्तिमय वातावरणात सार्वजनिक गणेश मंडळांसह घरोघरी गणरायांचे आगमन झाले. पोलिसांचा तगडा बंदोबस्त गणेशोत्सवाच्या पार्श्वभूमीवर शहरात कायदा व सुव्यवस्था अबाधित राखण्याच्या दृष्टिकोनातून पोलिस प्रशासनाकडून तगडा बंदोबस्त तैनात करण्यात आला आहे. यामध्ये उपविभागीय पोलिस अधिकारी - १, पोलिस निरीक्षक - १, पोलिस उपनिरीक्षक - ४, सहायक पोलिस निरीक्षक - २, पोलिस - ५३, होमगार्ड - ५५ आणि एसआरपीची १ तुकडी असा बंदोबस्त लावण्यात आला आहे. “शांततेच्या वातावरणात गणेशोत्सव साजरा करा” “सामाजिक सलोखा आणि शांततेच्या वातावरणात गणेशोत्सव साजरा करावा. उत्सव साजरा करताना डीजे वाजवण्यापेक्षा पारंपरिक वाद्यांचा आनंद घ्यावा. तसेच गुलालाऐवजी सुगंधित फुलांची, पाकळ्यांची उधळण करावी.” – विनोद मेत्रेवार, पोलिस निरीक्षक, अहमदपूर

More news from महाराष्ट्र and nearby areas