ଜାତି ପ୍ରଥାର କାନ୍ଥ ଡେଇଁ ପ୍ରେମ ବିବାହ; ସ୍ୱାମୀଙ୍କ ମୃତ୍ୟୁ ପରେ ଉଭୟ ପରିବାରରୁ ଅବହେଳିତ ମହିଳା, ପୋଲିସର ଆପୋଷ ବୁଝାମଣା ଉଦ୍ୟମ ସାମାଜିକ ସ୍ୱୀକୃତି ଓ ପୁଅକୁ ମାନ୍ୟତା ଦାବିରେ ଶାଶୁଘର ଆଗରେ ଗର୍ଭବତୀ ବିଧବା ବୋହୂଙ୍କ ଧାରଣା ଜାତି ପ୍ରଥାର କାନ୍ଥ ଡେଇଁ ପ୍ରେମ ବିବାହ; ସ୍ୱାମୀଙ୍କ ମୃତ୍ୟୁ ପରେ ଉଭୟ ପରିବାରରୁ ଅବହେଳିତ ମହିଳା, ପୋଲିସର ଆପୋଷ ବୁଝାମଣା ଉଦ୍ୟମ ହିଞ୍ଜିଳିକାଟୁ (୦୧/୮) , : ଗଞ୍ଜାମ ଜିଲ୍ଲା ହିଞ୍ଜିଳି ଥାନା ଅନ୍ତର୍ଗତ ନନ୍ଦିକ ଗ୍ରାମରେ ଶୁକ୍ରବାର ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି। ସାମାଜିକ ସ୍ୱୀକୃତି ଓ ନିଜ ଦୁଇ ବର୍ଷର ପୁଅକୁ ପରିବାରର ମାନ୍ୟତା ଦେବା ଦାବିରେ ଜଣେ ଗର୍ଭବତୀ ବିଧବା ବୋହୂ ଶାଶୁଘର ସମ୍ମୁଖରେ ଧାରଣାରେ ବସିଥିଲେ। ଅଭିଯୋଗ ହୋଇଛି ଯେ, ତାଙ୍କୁ ଘରେ ପ୍ରବେଶ କରିବା ତ ଦୂରର କଥା, ଦୁଆର ମୁହଁରେ ମଧ୍ୟ ବସିବାକୁ ଦିଆଯାଇନଥିଲା। ସୂଚନା ଅନୁଯାୟୀ, ନନ୍ଦିକ ଗ୍ରାମର ସୁନୀଲ ପ୍ରଧାନ ଓ ସେହି ଗ୍ରାମର ପୁଷ୍ପାଞ୍ଜଳି ବେହେରାଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ିଉଠିଥିଲା। ୨୦୨୩ ମସିହାରେ ଉଭୟେ ପ୍ରେମ ବିବାହ କରିଥିଲେ। ତେବେ ଉଭୟଙ୍କ ଜାତି ଭିନ୍ନ ହୋଇଥିବାରୁ ଦୁଇ ପରିବାର ଏହି ବିବାହକୁ ସ୍ୱୀକୃତି ଦେଇନଥିଲେ। ପରିସ୍ଥିତିରେ ବାଧ୍ୟ ହୋଇ ସ୍ୱାମୀ-ସ୍ତ୍ରୀ ସୁରତକୁ ଯାଇ ସେଠାରେ ରହୁଥିଲେ। କିଛିଦିନ ପୂର୍ବେ ସୁରତରେ ସୁନୀଲଙ୍କ ମୃତ୍ୟୁ ହୋଇଥିଲା। ସେତେବେଳେ ପୁଷ୍ପାଞ୍ଜଳି ଗର୍ଭବତୀ ଥିବା ସହ ତାଙ୍କର ଦୁଇ ବର୍ଷର ଏକ ପୁଅ ରହିଛି। ସ୍ୱାମୀଙ୍କ ମୃତ୍ୟୁ ପରେ ଅନ୍ୟ କୌଣସି ଉପାୟ ନପାଇ ସେ ସୁରତରୁ ଫେରି ଶୁକ୍ରବାର ନନ୍ଦିକ ଗ୍ରାମରେ ପହଞ୍ଚି ଶାଶୁଘର ଆଗରେ ଧାରଣାରେ ବସିଥିଲେ। ଅଭିଯୋଗ ଅନୁସାରେ, ଜାତିଗତ କାରଣରୁ ଶାଶୁଘର ସହ ବାପଘର ପକ୍ଷ ମଧ୍ୟ ତାଙ୍କୁ ଗ୍ରହଣ କରିନଥିଲେ। ଖବର ପାଇ ହିଞ୍ଜିଳି ପୋଲିସ ଘଟଣାସ୍ଥଳରେ ପହଞ୍ଚି ମହିଳାଙ୍କୁ ଉଦ୍ଧାର କରି ଥାନାକୁ ନେଇଥିଲା। ପରେ ଉଭୟ ପରିବାରର ସଦସ୍ୟଙ୍କୁ ଡାକି ଆପୋଷ ବୁଝାମଣା କରାଇବା ପାଇଁ ପ୍ରୟାସ ଚାଲିଥିବା ଜଣାପଡ଼ିଛି। ଏହି ଘଟଣା ସମ୍ପର୍କରେ ଖବର ଲେଖାଯିବା ସୁଦ୍ଧା ଥାନାରେ କୌଣସି ଲିଖିତ ଅଭିଯୋଗ ଦାଖଲ ହୋଇନଥିବା ହିଞ୍ଜିଳି ଥାନା ଅଧିକାରୀ ଶ୍ରୀନିବାସ ସେଠୀ ସୂଚନା ଦେଇଛନ୍ତି। ଉଲ୍ଲେଖଯୋଗ୍ୟ, ଚଳିତ ବର୍ଷ ମଇ ୫ ତାରିଖରେ ହିଞ୍ଜିଳି ଥାନା ଖରିଡା ଗ୍ରାମରେ ସାମାଜିକ ସ୍ୱୀକୃତି ଓ ସ୍ତ୍ରୀ ଅଧିକାର ଦାବିରେ ଶାଶୁଘର ଆଗରେ ଧାରଣାରେ ବସିଥିବା ପୂଜା ସ୍ୱାଇଁଙ୍କୁ ପରଦିନ ତାଙ୍କ ଦୁଇ ବର୍ଷର ଝିଅ ସମ୍ମୁଖରେ ହତ୍ୟା କରାଯାଇଥିବା ଘଟଣା ସମଗ୍ର ଅଞ୍ଚଳକୁ ସ୍ତବ୍ଧ କରିଥିଲା। ସେହି ଘଟଣାର ସ୍ମୃତି ଏବେବି ତାଜା ଥିବାବେଳେ ନନ୍ଦିକ ଗ୍ରାମର ଏହି ଘଟଣା ପୁଣିଥରେ ଆନ୍ତଃଜାତିୟ ବିବାହ, ବିଧବା ମହିଳାଙ୍କ ସାମାଜିକ ସୁରକ୍ଷା ଓ ପରିବାରିକ ସ୍ୱୀକୃତି ପ୍ରସଙ୍ଗକୁ ଚର୍ଚ୍ଚାକୁ ଆଣିଛି।

ବିଶ୍ୱମ୍ବର ଦାଶ

Local News Reporter ହିଞ୍ଜିଳି, ଗଞ୍ଜାମ, ଓଡ଼ିଶା•

1 hr ago

ଜାତି ପ୍ରଥାର କାନ୍ଥ ଡେଇଁ ପ୍ରେମ ବିବାହ; ସ୍ୱାମୀଙ୍କ ମୃତ୍ୟୁ ପରେ ଉଭୟ ପରିବାରରୁ ଅବହେଳିତ ମହିଳା, ପୋଲିସର ଆପୋଷ ବୁଝାମଣା ଉଦ୍ୟମ ସାମାଜିକ ସ୍ୱୀକୃତି ଓ ପୁଅକୁ ମାନ୍ୟତା ଦାବିରେ ଶାଶୁଘର ଆଗରେ ଗର୍ଭବତୀ ବିଧବା ବୋହୂଙ୍କ ଧାରଣା ଜାତି ପ୍ରଥାର କାନ୍ଥ ଡେଇଁ ପ୍ରେମ ବିବାହ; ସ୍ୱାମୀଙ୍କ ମୃତ୍ୟୁ ପରେ ଉଭୟ ପରିବାରରୁ ଅବହେଳିତ ମହିଳା, ପୋଲିସର ଆପୋଷ ବୁଝାମଣା ଉଦ୍ୟମ ହିଞ୍ଜିଳିକାଟୁ (୦୧/୮) , : ଗଞ୍ଜାମ ଜିଲ୍ଲା ହିଞ୍ଜିଳି ଥାନା ଅନ୍ତର୍ଗତ ନନ୍ଦିକ ଗ୍ରାମରେ ଶୁକ୍ରବାର ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି। ସାମାଜିକ ସ୍ୱୀକୃତି ଓ ନିଜ ଦୁଇ ବର୍ଷର ପୁଅକୁ ପରିବାରର ମାନ୍ୟତା ଦେବା ଦାବିରେ ଜଣେ ଗର୍ଭବତୀ ବିଧବା ବୋହୂ ଶାଶୁଘର ସମ୍ମୁଖରେ ଧାରଣାରେ ବସିଥିଲେ। ଅଭିଯୋଗ ହୋଇଛି ଯେ, ତାଙ୍କୁ ଘରେ ପ୍ରବେଶ କରିବା ତ ଦୂରର କଥା, ଦୁଆର ମୁହଁରେ ମଧ୍ୟ ବସିବାକୁ ଦିଆଯାଇନଥିଲା। ସୂଚନା ଅନୁଯାୟୀ, ନନ୍ଦିକ ଗ୍ରାମର ସୁନୀଲ ପ୍ରଧାନ ଓ ସେହି ଗ୍ରାମର ପୁଷ୍ପାଞ୍ଜଳି ବେହେରାଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ିଉଠିଥିଲା। ୨୦୨୩ ମସିହାରେ ଉଭୟେ ପ୍ରେମ ବିବାହ କରିଥିଲେ। ତେବେ ଉଭୟଙ୍କ ଜାତି ଭିନ୍ନ ହୋଇଥିବାରୁ ଦୁଇ ପରିବାର ଏହି ବିବାହକୁ ସ୍ୱୀକୃତି ଦେଇନଥିଲେ। ପରିସ୍ଥିତିରେ ବାଧ୍ୟ ହୋଇ ସ୍ୱାମୀ-ସ୍ତ୍ରୀ ସୁରତକୁ ଯାଇ ସେଠାରେ ରହୁଥିଲେ। କିଛିଦିନ ପୂର୍ବେ ସୁରତରେ ସୁନୀଲଙ୍କ ମୃତ୍ୟୁ ହୋଇଥିଲା। ସେତେବେଳେ ପୁଷ୍ପାଞ୍ଜଳି ଗର୍ଭବତୀ ଥିବା ସହ ତାଙ୍କର ଦୁଇ ବର୍ଷର ଏକ ପୁଅ ରହିଛି। ସ୍ୱାମୀଙ୍କ ମୃତ୍ୟୁ ପରେ ଅନ୍ୟ କୌଣସି ଉପାୟ ନପାଇ ସେ ସୁରତରୁ ଫେରି ଶୁକ୍ରବାର ନନ୍ଦିକ ଗ୍ରାମରେ ପହଞ୍ଚି ଶାଶୁଘର ଆଗରେ ଧାରଣାରେ ବସିଥିଲେ। ଅଭିଯୋଗ ଅନୁସାରେ, ଜାତିଗତ କାରଣରୁ ଶାଶୁଘର ସହ ବାପଘର ପକ୍ଷ ମଧ୍ୟ ତାଙ୍କୁ ଗ୍ରହଣ କରିନଥିଲେ। ଖବର ପାଇ ହିଞ୍ଜିଳି ପୋଲିସ ଘଟଣାସ୍ଥଳରେ ପହଞ୍ଚି ମହିଳାଙ୍କୁ ଉଦ୍ଧାର କରି ଥାନାକୁ ନେଇଥିଲା। ପରେ ଉଭୟ ପରିବାରର ସଦସ୍ୟଙ୍କୁ ଡାକି ଆପୋଷ ବୁଝାମଣା କରାଇବା ପାଇଁ ପ୍ରୟାସ ଚାଲିଥିବା ଜଣାପଡ଼ିଛି। ଏହି ଘଟଣା ସମ୍ପର୍କରେ ଖବର ଲେଖାଯିବା ସୁଦ୍ଧା ଥାନାରେ କୌଣସି ଲିଖିତ ଅଭିଯୋଗ ଦାଖଲ ହୋଇନଥିବା ହିଞ୍ଜିଳି ଥାନା ଅଧିକାରୀ ଶ୍ରୀନିବାସ ସେଠୀ ସୂଚନା ଦେଇଛନ୍ତି। ଉଲ୍ଲେଖଯୋଗ୍ୟ, ଚଳିତ ବର୍ଷ ମଇ ୫ ତାରିଖରେ ହିଞ୍ଜିଳି ଥାନା ଖରିଡା ଗ୍ରାମରେ ସାମାଜିକ ସ୍ୱୀକୃତି ଓ ସ୍ତ୍ରୀ ଅଧିକାର ଦାବିରେ ଶାଶୁଘର ଆଗରେ ଧାରଣାରେ ବସିଥିବା ପୂଜା ସ୍ୱାଇଁଙ୍କୁ ପରଦିନ ତାଙ୍କ ଦୁଇ ବର୍ଷର ଝିଅ ସମ୍ମୁଖରେ ହତ୍ୟା କରାଯାଇଥିବା ଘଟଣା ସମଗ୍ର ଅଞ୍ଚଳକୁ ସ୍ତବ୍ଧ କରିଥିଲା। ସେହି ଘଟଣାର ସ୍ମୃତି ଏବେବି ତାଜା ଥିବାବେଳେ ନନ୍ଦିକ ଗ୍ରାମର ଏହି ଘଟଣା ପୁଣିଥରେ ଆନ୍ତଃଜାତିୟ ବିବାହ, ବିଧବା ମହିଳାଙ୍କ ସାମାଜିକ ସୁରକ୍ଷା ଓ ପରିବାରିକ ସ୍ୱୀକୃତି ପ୍ରସଙ୍ଗକୁ ଚର୍ଚ୍ଚାକୁ ଆଣିଛି।