వైడబ్ల్యూసీఎస్ సొసైటీ ఆప్కో మార్కెటింగ్ నిర్ణయానికి సంపూర్ణ మద్దతు: ప్రజా సంఘాలు చేనేతల అభివృద్ధిని అడ్డుకునే తప్పుడు ప్రచారంపై మండిపాటు... ఎమ్మిగనూరు నియోజకవర్గంలో వైడబ్ల్యూసీఎస్ చేనేతల సహకార సంఘం ఆప్కో ద్వారా మార్కెటింగ్ చేపట్టిన నిర్ణయానికి ప్రజా సంఘాలు సంపూర్ణ మద్దతు ప్రకటించాయి. ఈ సందర్భంగా సమతా సైనిక్ దళ్ నాయకుడు రంగయ్య మాట్లాడుతూ, ఈ నిర్ణయంపై వైసీపీ చేస్తున్న రాద్ధాంతం సిగ్గుచేటు అని తీవ్రంగా విమర్శించారు. సొసైటీని ఆప్కోకు అంకితం చేస్తున్నట్టు తప్పుడు ప్రచారం చేసి చేనేతలను తప్పుదోవ పట్టించే ప్రయత్నం జరుగుతోందని ఆయన మండిపడ్డారు. ఉత్పత్తి పెంపు, మార్కెటింగ్ వేగవంతం కోసం ఆప్కో వేదికను వినియోగించడం చేనేతలకు మేలు చేస్తుందని, దానిని మోసం గా చిత్రీకరించడం తగదని అన్నారు. ఆప్కో ద్వారా నేత వస్త్రాల విక్రయం పెరిగి, ఎగుమతులు విస్తరించి, ఉపాధి అవకాశాలు పెరుగుతాయని, మన నేతన్న వస్త్రాలకు ప్రత్యేక బ్రాండ్ గుర్తింపు వస్తుందని తెలిపారు. కూటమి ప్రభుత్వంపై ప్రశ్నించడానికి లేక, చేనేతలను మభ్యపెట్టి గత ఎన్నికల్లో ఎదురైన పరాజయానికి కక్షసాధింపుగా వైసీపీ వ్యవహరిస్తోందని ఆరోపించారు. చేనేతలు ఈ తప్పుడు ప్రచారాలపై అప్రమత్తంగా ఉండాలని సూచించారు. ఆప్కోలో విలీనం అంటే కేవలం ఆప్కో మార్కెట్ వ్యవస్థను ఉపయోగించి నేత వస్త్రాల అమ్మకాలు పెంచడం మాత్రమేనని స్పష్టం చేశారు. కూటమి ప్రభుత్వం చేనేతలను మోసం చేయాలనుకుంటే ఎమ్మిగనూరుకు వందల కోట్లతో టెక్స్టైల్ పార్క్ ఏర్పాటు జరిగేదా, ఉచిత విద్యుత్ వంటి ఆర్థిక సహాయాలు అందించేదా అని ప్రశ్నించారు. టెక్స్టైల్ పార్క్ పనులు శరవేగంగా సాగుతుండటాన్ని చూసి ఓర్వలేక వైసీపీ ఆరోపణలు చేస్తోందని పేర్కొన్నారు. పద్మశ్రీ సోమప్ప గారి పేరు తుడిచివేయాలనే ఆరోపణలను ఖండిస్తూ, ఆయన పేరు చేనేతల హృదయాలలో చిరస్థాయిగా నిలిచివుంటుందని అన్నారు. ఇక గతంలో నాగలదిన్నె గ్రామాన్ని దత్తత తీసుకుంటానని చెప్పిన బుట్టా రేణుకమ్మ గారు ఆ విషయాన్ని గుర్తు చేసుకోవాలని సూచించారు. చేనేతల ఉపాధి, ఉత్పత్తి, మార్కెటింగ్ అభివృద్ధి కోసం ఆప్కోతో తీసుకున్న నిర్ణయం సరైనదని, ప్రజా సంఘాల తరఫున పూర్తి మద్దతు ఉంటుందని రంగయ్య స్పష్టం చేశారు.

K AMPAIAH ACHARI

Local News Reporter ఎమ్మిగనూరు, కర్నూలు, ఆంధ్రప్రదేశ్•

4 hrs ago

వైడబ్ల్యూసీఎస్ సొసైటీ ఆప్కో మార్కెటింగ్ నిర్ణయానికి సంపూర్ణ మద్దతు: ప్రజా సంఘాలు చేనేతల అభివృద్ధిని అడ్డుకునే తప్పుడు ప్రచారంపై మండిపాటు... ఎమ్మిగనూరు నియోజకవర్గంలో వైడబ్ల్యూసీఎస్ చేనేతల సహకార సంఘం ఆప్కో ద్వారా మార్కెటింగ్ చేపట్టిన నిర్ణయానికి ప్రజా సంఘాలు సంపూర్ణ మద్దతు ప్రకటించాయి. ఈ సందర్భంగా సమతా సైనిక్ దళ్ నాయకుడు రంగయ్య మాట్లాడుతూ, ఈ నిర్ణయంపై వైసీపీ చేస్తున్న రాద్ధాంతం సిగ్గుచేటు అని తీవ్రంగా విమర్శించారు. సొసైటీని ఆప్కోకు అంకితం చేస్తున్నట్టు తప్పుడు ప్రచారం చేసి చేనేతలను తప్పుదోవ పట్టించే ప్రయత్నం జరుగుతోందని ఆయన మండిపడ్డారు. ఉత్పత్తి పెంపు, మార్కెటింగ్ వేగవంతం కోసం ఆప్కో వేదికను వినియోగించడం చేనేతలకు మేలు చేస్తుందని, దానిని మోసం గా చిత్రీకరించడం తగదని అన్నారు. ఆప్కో ద్వారా నేత వస్త్రాల విక్రయం పెరిగి, ఎగుమతులు విస్తరించి, ఉపాధి అవకాశాలు పెరుగుతాయని, మన నేతన్న వస్త్రాలకు ప్రత్యేక బ్రాండ్ గుర్తింపు వస్తుందని తెలిపారు. కూటమి ప్రభుత్వంపై ప్రశ్నించడానికి లేక, చేనేతలను మభ్యపెట్టి గత ఎన్నికల్లో ఎదురైన పరాజయానికి కక్షసాధింపుగా వైసీపీ వ్యవహరిస్తోందని ఆరోపించారు. చేనేతలు ఈ తప్పుడు ప్రచారాలపై అప్రమత్తంగా ఉండాలని సూచించారు. ఆప్కోలో విలీనం అంటే కేవలం ఆప్కో మార్కెట్ వ్యవస్థను ఉపయోగించి నేత వస్త్రాల అమ్మకాలు పెంచడం మాత్రమేనని స్పష్టం చేశారు. కూటమి ప్రభుత్వం చేనేతలను మోసం చేయాలనుకుంటే ఎమ్మిగనూరుకు వందల కోట్లతో టెక్స్టైల్ పార్క్ ఏర్పాటు జరిగేదా, ఉచిత విద్యుత్ వంటి ఆర్థిక సహాయాలు అందించేదా అని ప్రశ్నించారు. టెక్స్టైల్ పార్క్ పనులు శరవేగంగా సాగుతుండటాన్ని చూసి ఓర్వలేక వైసీపీ ఆరోపణలు చేస్తోందని పేర్కొన్నారు. పద్మశ్రీ సోమప్ప గారి పేరు తుడిచివేయాలనే ఆరోపణలను ఖండిస్తూ, ఆయన పేరు చేనేతల హృదయాలలో చిరస్థాయిగా నిలిచివుంటుందని అన్నారు. ఇక గతంలో నాగలదిన్నె గ్రామాన్ని దత్తత తీసుకుంటానని చెప్పిన బుట్టా రేణుకమ్మ గారు ఆ విషయాన్ని గుర్తు చేసుకోవాలని సూచించారు. చేనేతల ఉపాధి, ఉత్పత్తి, మార్కెటింగ్ అభివృద్ధి కోసం ఆప్కోతో తీసుకున్న నిర్ణయం సరైనదని, ప్రజా సంఘాల తరఫున పూర్తి మద్దతు ఉంటుందని రంగయ్య స్పష్టం చేశారు.