लातूर येडशी रस्त्याचे चौपदरीकरण होणार २०५ कोटीचा निधी मंजूर. लातूर : लातूर मुरुड येडशी दरम्यानच्या रस्त्याचे एक बाजूचे काम प्रगतीपथावर असून केंद्रीय रस्ते व वाहतूक मंत्री नितीनजी गडकरी यांनी या रस्त्याच्या दुसऱ्या बाजूसह लातूर शहरानजीक रेल्वे उड्डाणपुलाच्या कामाला मंजुरी देऊन २०५ कोटी रुपयांचा निधी उपलब्ध करून दिला आहे. नव्याने रस्त्याच्या उर्वरित कामाला मंजुरी मिळाल्याने लातूर ते येडशी पर्यंत संपूर्ण रस्त्याचे चौपदरीकरण होणार असल्याची माहिती लातूर ग्रामीणचे आमदार रमेश कराड यांनी दिली. लातूर येथून मुंबई पुण्याकडे जाणाऱ्या नागरिकांसाठी अत्यंत महत्त्वाचा असलेल्या लातूर टेंभुर्णी या रस्त्याचे काम तातडीने करण्यात यावे यासाठी केंद्रीय रस्ते व वाहतूक मंत्री नितीन गडकरी यांच्याकडे आ. रमेश कराड यांनी वेळोवेळी पाठपुरावा केला. केलेल्या पाठपुराव्यामुळे या रस्त्याचे काम केंद्रीय रस्ते व वाहतूक विभागाच्या राष्ट्रीय महामार्ग प्राधिकरणाच्या माध्यमातून करण्यात येत आहे. लातूर पासून सुरू झालेले रस्त्याचे काम एक बाजूने जवळपास पूर्णत्वाकडे आले असून त्यातील बोरगाव काळे ते जावळे फाट्या दरम्यानचे रस्त्याचे काम सध्या प्रगतीपथावर आहे. रस्त्यावरून होणारी वाहतूक लक्षात घेता लातूर ते येडशी या रस्त्याचे चौपदरीकरण करणे अत्यंत गरजेचे असल्याने मागील काळात आ. रमेशआप्पा कराड यांनी केंद्रीय मंत्री नितीनजी गडकरी यांना प्रत्यक्ष भेटून रस्त्याचे काम चौपदरीकरण करावे अशी आग्रहाची मागणी केली होती. केंद्रीय मंत्री नितीनजी गडकरी यांनी लातूर येडशी दरम्यानच्या रस्त्याची गरज लक्षात घेऊन ज्या ठिकाणी एक बाजूने काम झाले आहे अशा ठिकाणी दुसऱ्या बाजूचे जवळपास १६ किलोमीटर काम करण्यासाठी आणि लातूर शहरानजीक हरंगुळ परिसरातील रेल्वे मार्गावर दुसरा नव्याने उड्डाणपूल उभारणी करिता मान्यता देऊन २०५ कोटी रुपयाचा निधी चालू मार्च महिन्याच्या पहिल्याच आठवड्यात मंजूर केला आहे. केंद्रीय रस्ते व वाहतूक विभागाने नव्याने मंजूर केलेल्या २०५ कोटी रुपयांतून बोरगाव काळे ते मुरुड अकोला दरम्यान ११ किलोमीटर, येडशी ते जावळे फाटा २ किलोमीटर आणि येडशी गावाच्या बाहेरून रिंग रोड करिता २ किलोमीटर त्याचबरोबर हरंगुळ परिसरातील रेल्वे लाईनवर नवीन स्वतंत्र दुसरा उड्डाणपूल व पोच मार्ग करण्यात येणार आहे. नव्याने मंजूरी मिळालेल्या रस्त्याच्या ठिकठिकाणीच्या कामाकरिता जवळपास आठ हेक्टर जमीन भूसंपादन होणार असल्याची माहिती देऊन आ. रमेश कराड म्हणाले की, नव्याने मंजूर झालेल्या कामाची लवकरच निविदा प्रक्रिया पूर्ण होऊन प्रत्यक्ष कामाला सुरुवात होणार आहे. हे काम पूर्ण झाल्यानंतर लातूर ते येडशी हा संपूर्ण रस्ता चौपदरीकरणाने होईल. सदर कामासाठी निधी उपलब्ध करून दिल्याबद्दल केंद्रीय मंत्री नितीन गडकरी यांचे चे आमदार रमेश कराड यांनी आभार व्यक्त केले आहेत.

Latur 24

Local News Reporter Latur, Maharashtra•

on 12 March

लातूर येडशी रस्त्याचे चौपदरीकरण होणार २०५ कोटीचा निधी मंजूर. लातूर : लातूर मुरुड येडशी दरम्यानच्या रस्त्याचे एक बाजूचे काम प्रगतीपथावर असून केंद्रीय रस्ते व वाहतूक मंत्री नितीनजी गडकरी यांनी या रस्त्याच्या दुसऱ्या बाजूसह लातूर शहरानजीक रेल्वे उड्डाणपुलाच्या कामाला मंजुरी देऊन २०५ कोटी रुपयांचा निधी उपलब्ध करून दिला आहे. नव्याने रस्त्याच्या उर्वरित कामाला मंजुरी मिळाल्याने लातूर ते येडशी पर्यंत संपूर्ण रस्त्याचे चौपदरीकरण होणार असल्याची माहिती लातूर ग्रामीणचे आमदार रमेश कराड यांनी दिली. लातूर येथून मुंबई पुण्याकडे जाणाऱ्या नागरिकांसाठी अत्यंत महत्त्वाचा असलेल्या लातूर टेंभुर्णी या रस्त्याचे काम तातडीने करण्यात यावे यासाठी केंद्रीय रस्ते व वाहतूक मंत्री नितीन गडकरी यांच्याकडे आ. रमेश कराड यांनी वेळोवेळी पाठपुरावा केला. केलेल्या पाठपुराव्यामुळे या रस्त्याचे काम केंद्रीय रस्ते व वाहतूक विभागाच्या राष्ट्रीय महामार्ग प्राधिकरणाच्या माध्यमातून करण्यात येत आहे. लातूर पासून सुरू झालेले रस्त्याचे काम एक बाजूने जवळपास पूर्णत्वाकडे आले असून त्यातील बोरगाव काळे ते जावळे फाट्या दरम्यानचे रस्त्याचे काम सध्या प्रगतीपथावर आहे. रस्त्यावरून होणारी वाहतूक लक्षात घेता लातूर ते येडशी या रस्त्याचे चौपदरीकरण करणे अत्यंत गरजेचे असल्याने मागील काळात आ. रमेशआप्पा कराड यांनी केंद्रीय मंत्री नितीनजी गडकरी यांना प्रत्यक्ष भेटून रस्त्याचे काम चौपदरीकरण करावे अशी आग्रहाची मागणी केली होती. केंद्रीय मंत्री नितीनजी गडकरी यांनी लातूर येडशी दरम्यानच्या रस्त्याची गरज लक्षात घेऊन ज्या ठिकाणी एक बाजूने काम झाले आहे अशा ठिकाणी दुसऱ्या बाजूचे जवळपास १६ किलोमीटर काम करण्यासाठी आणि लातूर शहरानजीक हरंगुळ परिसरातील रेल्वे मार्गावर दुसरा नव्याने उड्डाणपूल उभारणी करिता मान्यता देऊन २०५ कोटी रुपयाचा निधी चालू मार्च महिन्याच्या पहिल्याच आठवड्यात मंजूर केला आहे. केंद्रीय रस्ते व वाहतूक विभागाने नव्याने मंजूर केलेल्या २०५ कोटी रुपयांतून बोरगाव काळे ते मुरुड अकोला दरम्यान ११ किलोमीटर, येडशी ते जावळे फाटा २ किलोमीटर आणि येडशी गावाच्या बाहेरून रिंग रोड करिता २ किलोमीटर त्याचबरोबर हरंगुळ परिसरातील रेल्वे लाईनवर नवीन स्वतंत्र दुसरा उड्डाणपूल व पोच मार्ग करण्यात येणार आहे. नव्याने मंजूरी मिळालेल्या रस्त्याच्या ठिकठिकाणीच्या कामाकरिता जवळपास आठ हेक्टर जमीन भूसंपादन होणार असल्याची माहिती देऊन आ. रमेश कराड म्हणाले की, नव्याने मंजूर झालेल्या कामाची लवकरच निविदा प्रक्रिया पूर्ण होऊन प्रत्यक्ष कामाला सुरुवात होणार आहे. हे काम पूर्ण झाल्यानंतर लातूर ते येडशी हा संपूर्ण रस्ता चौपदरीकरणाने होईल. सदर कामासाठी निधी उपलब्ध करून दिल्याबद्दल केंद्रीय मंत्री नितीन गडकरी यांचे चे आमदार रमेश कराड यांनी आभार व्यक्त केले आहेत.