बीड शहराची जीवनवाहिनी मानली जाणारी बिंदुसरा नदी दिवसेंदिवस प्रदूषणाच्या विळख्यात सापडत असून, नदीपात्रात सांडपाणी, कचरा आणि जैविक कचरा टाकल्यामुळे तिचे अस्तित्व धोक्यात आले आहे. या गंभीर परिस्थितीवर सामाजिक कार्यकर्ते डॉ. गणेश ढवळे लिंबागणेशकर यांनी पर्यावरण व वातावरणीय बदल तथा पशुसंवर्धन मंत्री पंकजाताई मुंडे यांच्याकडे लेखी निवेदनाद्वारे बिंदुसरा नदी प्रदूषणमुक्त करून तिचे पुनरुज्जीवन करण्याची मागणी केली आहे. विशेष म्हणजे, बीड नगरपालिका निवडणुकीत बिंदुसरा नदी प्रदूषणमुक्त करण्याचे आश्वासन देण्यात आले होते, मात्र आजही नदीपात्रातील परिस्थिती 'जैसे थे' असून, दिलेले आश्वासन हवेतच विरल्याची खंत डॉ. ढवळे यांनी व्यक्त केली आहे. नदीपात्रात मोठ्या प्रमाणावर अतिक्रमित बांधकामे, कचरा टाकणे तसेच जैविक कचऱ्यामुळे प्रदूषण वाढले असून, याचा थेट परिणाम बीड शहरातील नागरिकांच्या आरोग्यावर होत आहे. नदी संवर्धनाचा हा विषय सार्वजनिक हित, पर्यावरण संरक्षण, आपत्ती व्यवस्थापन आणि नागरिकांच्या जीवित व मालमत्तेच्या सुरक्षिततेशी संबंधित गंभीर असल्यामुळे प्रशासनाने यावर तातडीने उपाययोजना कराव्यात, अशी मागणी करण्यात आली आहे. डॉ. गणेश ढवळे यांनी बिंदुसरा नदी प्रकल्पाचा तातडीने आढावा घेण्याची, नदीपात्रातील अतिक्रमणे हटवण्याची, आणि जर नगरपरिषद कर्मचाऱ्यांकडून नदीपात्रात कचरा टाकला जात असेल तर संबंधितांवर कारवाई करण्याची मागणी केली आहे. याव्यतिरिक्त, नदीपात्रासाठी फ्लड झोन, ग्रीन झोन, रेड झोन व यलो झोन निश्चित करून संरक्षणात्मक उपाययोजना करण्याची आवश्यकताही त्यांनी बोलून दाखवली आहे. त्यांनी भविष्यात १९८९ सारखी पूरस्थिती निर्माण झाल्यास मोठ्या प्रमाणावर जीवित व वित्तहानी होऊ शकते, याकडे लक्ष वेधले असून, पूररेषेतील अतिक्रमणांबाबत दुर्लक्ष करणाऱ्या संबंधित अधिकाऱ्यांवर प्रशासकीय कारवाई करण्याची मागणी केली आहे.

बालाजी जगतकर

Farmer बीड, बीड, महाराष्ट्र•

1 hr ago

बीड शहराची जीवनवाहिनी मानली जाणारी बिंदुसरा नदी दिवसेंदिवस प्रदूषणाच्या विळख्यात सापडत असून, नदीपात्रात सांडपाणी, कचरा आणि जैविक कचरा टाकल्यामुळे तिचे अस्तित्व धोक्यात आले आहे. या गंभीर परिस्थितीवर सामाजिक कार्यकर्ते डॉ. गणेश ढवळे लिंबागणेशकर यांनी पर्यावरण व वातावरणीय बदल तथा पशुसंवर्धन मंत्री पंकजाताई मुंडे यांच्याकडे लेखी निवेदनाद्वारे बिंदुसरा नदी प्रदूषणमुक्त करून तिचे पुनरुज्जीवन करण्याची मागणी केली आहे. विशेष म्हणजे, बीड नगरपालिका निवडणुकीत बिंदुसरा नदी प्रदूषणमुक्त करण्याचे आश्वासन देण्यात आले होते, मात्र आजही नदीपात्रातील परिस्थिती 'जैसे थे' असून, दिलेले आश्वासन हवेतच विरल्याची खंत डॉ. ढवळे यांनी व्यक्त केली आहे. नदीपात्रात मोठ्या प्रमाणावर अतिक्रमित बांधकामे, कचरा टाकणे तसेच जैविक कचऱ्यामुळे प्रदूषण वाढले असून, याचा थेट परिणाम बीड शहरातील नागरिकांच्या आरोग्यावर होत आहे. नदी संवर्धनाचा हा विषय सार्वजनिक हित, पर्यावरण संरक्षण, आपत्ती व्यवस्थापन आणि नागरिकांच्या जीवित व मालमत्तेच्या सुरक्षिततेशी संबंधित गंभीर असल्यामुळे प्रशासनाने यावर तातडीने उपाययोजना कराव्यात, अशी मागणी करण्यात आली आहे. डॉ. गणेश ढवळे यांनी बिंदुसरा नदी प्रकल्पाचा तातडीने आढावा घेण्याची, नदीपात्रातील अतिक्रमणे हटवण्याची, आणि जर नगरपरिषद कर्मचाऱ्यांकडून नदीपात्रात कचरा टाकला जात असेल तर संबंधितांवर कारवाई करण्याची मागणी केली आहे. याव्यतिरिक्त, नदीपात्रासाठी फ्लड झोन, ग्रीन झोन, रेड झोन व यलो झोन निश्चित करून संरक्षणात्मक उपाययोजना करण्याची आवश्यकताही त्यांनी बोलून दाखवली आहे. त्यांनी भविष्यात १९८९ सारखी पूरस्थिती निर्माण झाल्यास मोठ्या प्रमाणावर जीवित व वित्तहानी होऊ शकते, याकडे लक्ष वेधले असून, पूररेषेतील अतिक्रमणांबाबत दुर्लक्ष करणाऱ्या संबंधित अधिकाऱ्यांवर प्रशासकीय कारवाई करण्याची मागणी केली आहे.