राजस्थान विधानसभेत शिक्षण आणि कोचिंग क्लासेसच्या प्रणालीबद्दल बोलताना एका आमदाराला रडू कोसळले. त्यांनी आपले दुःख व्यक्त करत या विषयावर आपले मत मांडले. आमदार गुलाबचंद कटारिया यांनी मांडलेले विचार ऐकून सगळेच थक्क झाले, असे म्हटले जात आहे.

भारतीय जनता पार्टी, तालुका परळी वैजनाथ यांच्या वतीने मौजे नंदनंज येथील बोरणा प्रकल्प परिसरात आंतरराष्ट्रीय योग दिन मोठ्या उत्साहात साजरा करण्यात आला. या कार्यक्रमाचे वैशिष्ट्य म्हणजे, भाजपा तालुकाध्यक्ष राजेश गित्ते यांनी बोरणा प्रकल्पाच्या पाण्यातून योगसाधना केली. मंत्री ना. पंकजाताई मुंडे आणि मा. खा. डॉ. प्रितमताई मुंडे यांच्या मार्गदर्शनाखाली हा उपक्रम राबवण्यात आला. यावेळी मार्गदर्शन करताना, भाजप तालुकाध्यक्ष राजेश गित्ते यांनी योग ही केवळ व्यायाम पद्धती नसून निरोगी, सुदृढ आणि संतुलित जीवनशैली असल्याचे प्रतिपादन केले. ताणतणावमुक्त व आरोग्यदायी समाज घडवण्यासाठी नियमित योगाभ्यास करणे काळाची गरज असून, योग ही निरोगी जीवनाची गुरुकिल्ली असल्याचे त्यांनी नमूद केले. पंतप्रधान नरेंद्र मोदी यांच्या प्रयत्नांमुळे योगाला जागतिक स्तरावर मान्यता मिळाली असून, जगभरात योग दिन उत्साहात साजरा केला जातो. नियमित योगाभ्यासामुळे शरीराला ऊर्जा मिळते, मानसिक आरोग्य सुधारते आणि जीवनमान उंचावते, असे आवाहनही याप्रसंगी करण्यात आले. या कार्यक्रमात तालुक्यातील भाजपा पदाधिकारी, शक्तिकेंद्र प्रमुख, बूथ प्रमुख, बीएलए-२, कार्यकर्ते, पत्रकार बांधव तसेच नागरिक मोठ्या संख्येने सहभागी झाले होते. भाजपा सचिव अनिल गुट्टे, अनुसूचित मोर्चा अध्यक्ष धुराजी साबळे, जेष्ठ नेते नाथराव (दादा) गुट्टे, नंदनंज उपसरपंच तथा बुथ प्रमुख बालाजी गुट्टे, मिरवट मा. उपसरपंच रामेश्वर महाराज इंगळे यांच्यासह अनेक पदाधिकारी व ग्रामस्थ उपस्थित होते. उपस्थित नागरिकांनी यावेळी योगधर्म, मानवधर्म, राष्ट्रधर्म आणि सेवाधर्म यांचा अंगीकार करण्याचा संकल्प केला, तसेच योगाच्या माध्यमातून स्वतःचे आणि समाजाचे आरोग्य सुदृढ करण्याचा संदेश देण्यात आला.

शिवसेना पाथरी उपजिल्हाप्रमुख भारत आव्हाड यांच्या वतीने आमदार सईद भैय्या खान यांचा सत्कार करण्यात आला.

देगलूर तालुक्यात श्रावणबाळ, इंदिरा गांधी निराधार आणि संजय गांधी निराधार योजनांचे एकूण 16,238 लाभार्थी गेल्या तीन महिन्यांपासून अनुदानापासून वंचित आहेत. शासनाचे पोर्टल बंद असल्याने अनुदान मिळाले नसल्याने गोरगरीब, दिनदलित, वृद्ध, निराधार आणि अपंग लाभार्थ्यांवर उपासमारीची वेळ आल्याची गंभीर स्थिती निर्माण झाली आहे. या गंभीर परिस्थितीमुळे संतप्त झालेल्या लाभार्थी आणि शिवसेना (ठाकरे गट) कार्यकर्त्यांनी आज, 22 जून रोजी नायबतहसीलदार गणेश रायेवार यांना घेराव घालून जाब विचारला. तहसील कार्यालयाच्या प्रवेशद्वारावर तीव्र व उग्र निदर्शने करण्यात आली. यावेळी शिवसेना उपजिल्हाप्रमुख आणि या योजनांचे दहा वर्षे अध्यक्ष राहिलेले महेश पाटील, देगलूर बिलोली विधानसभा मतदारसंघ प्रमुख पांडुरंग पाटील थडके देगावकर, शिवसेना देगलूर शहर प्रमुख भगवान जाधव, युवा सेना शहर प्रमुख विनोद सोनकांबळे, विभाग प्रमुख राजेद्र उल्लेवार मुजळगेकर, गंगाधर पाटील चाकूरकर, उपविभाग प्रमुख गंगाधर वकंलवार होट्टलकर, गट प्रमुख सुभाष खुनेवाड माळेगांवकर, माजी सरपंच शिंदे आमदापूरकर, संग्राम माधवराव गाडले बल्लूरकर यांच्यासह शेकडो वृद्ध, निराधार, अपंग महिला व पुरुष मोठ्या संख्येने उपस्थित होते. आंदोलकांनी शासनाला येत्या काही दिवसांत अनुदान न मिळाल्यास तहसील कार्यालयास कुलूप लावून धरणे आंदोलन करण्याचा तीव्र इशारा दिला आहे.

ओबीसी नेते लक्ष्मण हाके यांनी बीडमध्ये पत्रकार परिषद घेत कुणबी दाखल्यांना आव्हान देणार असल्याचे जाहीर केल्यानंतर मराठा समाजात तीव्र संताप व्यक्त झाला आहे. या पत्रकार परिषदेत हाके यांनी कुणबी दाखले रद्द करण्याची आणि चुकीचे कुणबी दाखले देणाऱ्यांवर कारवाई करण्याची मागणी केली. या मागणीनंतर मराठा समाज आक्रमक झाला असून, मराठा आंदोलक मनोज जरांगे पाटील यांचे सहकारी गंगाधर काळकुटे यांनी लक्ष्मण हाके यांच्यावर जोरदार निशाणा साधला आहे. काळकुटे यांनी म्हटले आहे की, लक्ष्मण हाके यांना मानसोपचार तज्ञाची गरज असून, त्यांची बुद्धी भ्रष्ट झाली आहे. हाकेंना मराठा द्वेशाचा 'कावीळ' झाला असून, त्यांनी बीडमधील बागलाने व मोगले यांची भेट घेऊन उपचार घेतला पाहिजे. डॉक्टरांच्या सल्ल्याची त्यांना नितांत गरज असल्याचेही काळकुटे यांनी ठामपणे सांगितले. हाके यांना प्रत्युत्तर देण्यासाठी आम्ही रस्त्यावरची तसेच संवैधानिक लढाई लढायलाही तयार आहोत, असे गंगाधर काळकुटे यांनी स्पष्ट केले.

नांदेड स्थानिक प्राधिकार मतदारसंघाच्या निवडणुकीत भारतीय जनता पक्षाचे (भाजप) उमेदवार अमरनाथ राजूरकर यांनी विजय मिळवला आहे. अमरनाथ राजूरकर हे या मतदारसंघातून विजयी घोषित झाले आहेत.

परळी वैजनाथ येथे एका थार गाडीच्या धडकेत प्रशांत प्रल्हाद देशमुख या युवकाचा मृत्यू झाल्याची गंभीर घटना समोर आली आहे. संत भगवान बाबा चौक ते तहसीलकडे जाणाऱ्या रस्त्यावर थार गाडीने धडक दिल्यानंतर चालक घटनास्थळावरून पळून गेला होता. गंभीर जखमी अवस्थेत प्रशांत देशमुख यांना अंबाजोगाई येथील स्वाराती रुग्णालयात उपचारासाठी दाखल करण्यात आले होते, जिथे उपचारादरम्यान त्यांचा दुर्दैवी मृत्यू झाला. या घटनेमुळे परिसरात संतापाची लाट उसळली असून, देशमुख कुटुंबीयांनी हा केवळ अपघात नसून जाणीवपूर्वक जीवे मारण्याचा प्रयत्न असल्याचा गंभीर आरोप केला आहे. परिसरातील सीसीटीव्ही फुटेजमध्ये संबंधित थार गाडी स्पष्टपणे दिसत असून, फुटेजमध्ये चारचाकी वाहन चालकाने संशयास्पद पद्धतीने मागून गाडी आणून धडक दिल्याचे दिसून येते. यामुळे घटनेची सखोल चौकशी करून कठोर कारवाई करण्याची मागणी नागरिकांसह देशमुख कुटुंबीयांनी पोलीस ठाण्यात मोठ्या संख्येने जमा होत केली. सीसीटीव्ही फुटेज उपलब्ध असल्याने आरोपीला तात्काळ अटक करून त्याच्यावर खुनाच्या प्रयत्नाचा गुन्हा दाखल करण्याचीही त्यांची मागणी होती. दरम्यान, या प्रकरणी परळी पोलिसांनी गुन्हा दाखल करत शोधमोहीम सुरू केली. मध्यरात्रीनंतर पोलिसांनी आरोपी आणि गाडीचा शोध घेण्यात यश मिळवले. पोलिसांनी दिलेल्या माहितीनुसार, आरोपी नामे नागेश विश्वनाथ मुडे, रा. भोपळा, याला अटक करण्यात आली असून, थार गाडीही ताब्यात घेण्यात आली आहे.

बीड जिल्ह्यातील धोकादायक जिल्हा परिषद शाळांच्या वर्गखोल्यांच्या बांधकाम आणि दुरुस्तीसाठी ६९ कोटी ५० लाख रुपयांच्या निधीच्या मागणीसाठी सामाजिक कार्यकर्ते डॉ. गणेश ढवळे लिंबागणेशकर यांच्या नेतृत्वाखाली २२ ऑगस्ट रोजी जिल्हा परिषद कार्यालयासमोर लक्ष्यवेधी आंदोलन करण्यात आले. या आंदोलनादरम्यान सादर केलेल्या निवेदनात नमूद केल्यानुसार, बीड जिल्ह्यातील जिल्हा परिषदेच्या शाळांची अवस्था अत्यंत दयनीय आहे, अनेक इमारती धोकादायक स्थितीत आहेत, ज्यामुळे विद्यार्थ्यांच्या जीवितास धोका निर्माण झाला आहे. जिल्ह्यात एकूण ५८ शाळा इमारतींविना आहेत, तर १७४ शाळांमधील ३१३ वर्गखोल्या मोडकळीस आलेल्या आहेत. वाढत्या विद्यार्थी संख्येमुळे ७० शाळांमध्ये ९८ अतिरिक्त वर्गखोल्यांची तातडीने आवश्यकता आहे. या सर्व कामांसाठी जिल्हा वार्षिक नियोजन समितीच्या माध्यमातून शाळा इमारतींसाठी ५७ कोटी रुपये आणि २९० वर्गखोल्यांच्या दुरुस्तीसाठी १२ कोटी ५० लाख रुपये, असा एकूण ६९ कोटी ५० लाख रुपयांचा निधी तातडीने मंजूर करण्याची मागणी आंदोलकांनी केली. याशिवाय, पाटोदा तालुक्यातील चिंचोली, केज तालुक्यातील तरनळी येथील सानप वस्ती शाळा आणि माजलगाव तालुक्यातील गेवराई मतदारसंघातील काळेगाव थडी केंद्र टाकरवण येथील जिल्हा परिषद शाळांसाठीही तातडीने निधी उपलब्ध करून देण्याची मागणी करण्यात आली. आंदोलनानंतर मुख्यमंत्री, पालकमंत्री बीड आणि शिक्षणमंत्री यांना शिक्षणाधिकारी (प्राथमिक) जिल्हा परिषद बीड, भगवान सोनावणे यांच्यामार्फत निवेदन सादर करण्यात आले. या आंदोलनात शेख युनुस, माजी सैनिक अशोक येडे, किष्किंधा पांचाळ, सादेक सय्यद, रामधन जमाले, प्राचार्य डी.जी. तांदळे (मार्गदर्शक मराठवाडा शिक्षक संघ), बाजीराव ढाकणे, प्राचार्य ॲड. राजकुमार यादव, डॉ. संजय तांदळे, हनुमंत घोडके, कृष्णा साळुंके, शिवशर्मा शेलार, नितीन पिसाळ महाराज, हिरामण तांदळे, रविंद्र मुंडे, प्रा. विठ्ठल सवासे, तुकाराम पवार आदी सामाजिक कार्यकर्ते आणि शिक्षक सहभागी झाले होते. शिक्षणाधिकारी (प्राथमिक) जिल्हा परिषद बीड, भगवान सोनावणे यांनी या आंदोलनाची तात्काळ दखल घेतली. त्यांनी नवीन वर्गखोल्यांच्या बांधकामासाठी २२ कोटी रुपये आणि वर्गखोल्यांच्या दुरुस्तीसाठी ६ कोटी रुपये, असा एकूण २८ कोटी रुपयांच्या निधीची तरतूद केल्याचे लेखी पत्र आंदोलकांना दिले.

नांदेड स्थानिक प्राधिकार मतदारसंघाच्या निवडणुकीची मतमोजणी आज सकाळी ८ वाजल्यापासून जिल्हाधिकारी कार्यालयाच्या नियोजन भवनात सुरू झाली आहे. ही प्रक्रिया कडक सुरक्षा व्यवस्थेत पार पडत आहे.

राजसाहेब ठाकरे यांच्या आदेशानुसार, अक्कलकोट येथे मनसे नेते दिलीप धोत्रे, जिल्हा संपर्क अध्यक्ष ऍड. किशोर शिंदे, ऍड. सुधीर पाटसकर, जिल्हा अध्यक्ष विनायक महिंद्रकर, आणि लोकसभा अध्यक्ष प्रशांत इंगळे यांच्या मार्गदर्शनाखाली महाराष्ट्र नवनिर्माण सेनेच्या शहर व ग्रामीण भागातील पदाधिकारी आणि महावितरणच्या अधिकाऱ्यांची बैठक झाली. मनसेचे मल्लिनाथ पाटील यांनी शहर व ग्रामीण भागातील शेतकऱ्यांसोबत ग्राहकांना स्मार्ट मीटर बसवण्याची सक्ती करू नये, शहरात व ग्रामीण भागात ८ ते ९ तास वीजपुरवठा करावा, तसेच जळालेले डीपी तात्काळ दुरुस्त करून द्यावेत अशा अनेक विविध विषयांवर चर्चा केली. या चर्चेमध्ये महावितरणचे अधिकारी पडळ साहेब यांनी ४ ते ५ दिवसांत सर्व प्रश्न सोडवून वीजपुरवठा सुरळीत करण्याचे आश्वासन दिले आहे. यावेळी मनसे शहर संपर्क अध्यक्ष आदर्श मळगी, शहर उपाध्यक्ष शामराव पाटील, तालुका उपाध्यक्ष काशिनाथ मणुरे, तालुका उपाध्यक्ष मल्लिनाथ घंटे, गटाध्यक्ष काशिनाथ मरतुरे, शाखा अध्यक्ष समर्थ नरके (बणजगोळ), शाखा अध्यक्ष अभय वाले (काजीकणबस), शाखा अध्यक्ष काशिनाथ पाटील (बोरीउमरगे), सतीश निंबर्गी (सुलेरजवळगे) यांसह दुधनी, मुगळी, इब्रामपूर, नागूर, बबलाद, बसवन सगोळगी, रुददेवाड, चिंचोळी, अंदेवाड येथील अनेक शेतकरी, व्यापारी आणि मनसे मावळे उपस्थित होते. राजसाहेब ठाकरे यांच्या आदेशानुसार विविध मागण्यांचे निवेदनही देण्यात आले.