బీఆర్ఎస్ వర్కింగ్ ప్రెసిడెంట్ కేటీఆర్ పార్టీ శ్రేణులకు ముఖ్యమైన సూచనలు చేశారు. బుధవారం సత్తుపల్లిలో నిర్వహించిన సమావేశంలో, పార్టీ సభ్యత్వ నమోదు మరియు స్పెషల్ ఇంటెన్సివ్ రివిజన్ (ఎస్ఐఆర్) ప్రక్రియపై అప్రమత్తంగా ఉండాలని ఆయన పిలుపునిచ్చారు. ఎస్ఐఆర్ ప్రక్రియను క్షేత్రస్థాయిలో సమర్థవంతంగా అమలు చేయడానికి అవసరమైన వ్యూహాలను పార్టీ నాయకులకు, కార్యకర్తలకు కేటీఆర్ వివరించారు. ఎస్ఐఆర్ మ్యాపింగ్, అన్‌మ్యాపింగ్ ఓటర్ల జాబితాలను బూత్‌ల వారీగా క్షుణ్ణంగా పరిశీలించాలని, అర్హులైన ఒక్క ఓటరు కూడా జాబితా నుంచి తొలగిపోకుండా జాగ్రత్తలు తీసుకోవాలని ఆయన సూచించారు. అదేవిధంగా, పార్టీ సభ్యత్వ నమోదు కార్యక్రమాన్ని మరింత వేగవంతం చేసి, గ్రామస్థాయి నుంచి బూత్ స్థాయి వరకు పార్టీని బలోపేతం చేయాలని కేటీఆర్ దిశానిర్దేశం చేశారు. ఈ సమావేశంలో పార్టీ నాయకులు, కార్యకర్తలు పాల్గొన్నారు.

బీఆర్ఎస్ వర్కింగ్ ప్రెసిడెంట్ కేటీఆర్ పార్టీ శ్రేణులకు ముఖ్యమైన సూచనలు చేశారు. బుధవారం సత్తుపల్లిలో నిర్వహించిన సమావేశంలో, పార్టీ సభ్యత్వ నమోదు మరియు స్పెషల్ ఇంటెన్సివ్ రివిజన్ (ఎస్ఐఆర్) ప్రక్రియపై అప్రమత్తంగా ఉండాలని ఆయన పిలుపునిచ్చారు. ఎస్ఐఆర్ ప్రక్రియను క్షేత్రస్థాయిలో సమర్థవంతంగా అమలు చేయడానికి అవసరమైన వ్యూహాలను పార్టీ నాయకులకు, కార్యకర్తలకు కేటీఆర్ వివరించారు. ఎస్ఐఆర్ మ్యాపింగ్, అన్‌మ్యాపింగ్ ఓటర్ల జాబితాలను బూత్‌ల వారీగా క్షుణ్ణంగా పరిశీలించాలని, అర్హులైన ఒక్క ఓటరు కూడా జాబితా నుంచి తొలగిపోకుండా జాగ్రత్తలు తీసుకోవాలని ఆయన సూచించారు. అదేవిధంగా, పార్టీ సభ్యత్వ నమోదు కార్యక్రమాన్ని మరింత వేగవంతం చేసి, గ్రామస్థాయి నుంచి బూత్ స్థాయి వరకు పార్టీని బలోపేతం చేయాలని కేటీఆర్ దిశానిర్దేశం చేశారు. ఈ సమావేశంలో పార్టీ నాయకులు, కార్యకర్తలు పాల్గొన్నారు.

ఖమ్మం జిల్లా వెలుగుమట్లలో ముఖ్యమంత్రి, మంత్రులు పేదల భూములను లాక్కున్నారని, కాంగ్రెస్‌ను గెలిపించిన ఖమ్మం జిల్లా వాసులకు ఏమి మిగిలిందని కేటీఆర్ తీవ్రంగా ప్రశ్నించారు. మూడు నెలల్లో అభివృద్ధి చేస్తామన్న వాగ్దానాలను 30 నెలలు గడిచినా నెరవేర్చలేదని ముఖ్యమంత్రి పనితీరుపై ఆయన విమర్శలు గుప్పించారు. నేడు కేటీఆర్ రాకతో సత్తుపల్లి గులాబీ రంగుల హంగులతో దద్దరిల్లింది, ఆయనకు ఘన స్వాగతం లభించింది.

బీఆర్ఎస్ వర్కింగ్ ప్రెసిడెంట్ కేటీఆర్ తో సత్తుపల్లి నియోజకవర్గ స్థాయి జర్నలిస్టులు భేటీ అయ్యారు. కాంగ్రెస్ ప్రభుత్వం మంజూరు చేసిన మండల అక్రెడిటేషన్ కార్డులపై తీవ్ర ఆవేదన వ్యక్తం చేస్తూ, ఆయనకు వినతిపత్రాన్ని సమర్పించారు. నియోజకవర్గ కేంద్రాల్లో పనిచేస్తున్న ఆర్సీ ఇన్‌చార్జిల హోదాను తగ్గించి, కేవలం మండల అక్రెడిటేషన్ కార్డులను జారీ చేయడంపై జర్నలిస్టులు తీవ్ర నిరసన వ్యక్తం చేశారు. కాంగ్రెస్ ప్రభుత్వం అధికారంలోకి వచ్చిన మూడేళ్ల తర్వాత జారీ చేసిన ఈ కార్డుల వల్ల గతంలో రాష్ట్ర బస్సు పాసుల అర్హత ఉన్న తమకు ఇప్పుడు కేవలం జిల్లా పాసులకే పరిమితం చేసి అవమానించారని ఆవేదన వ్యక్తం చేశారు. సమాచార పౌర సంబంధాల శాఖ తీసుకున్న ఈ ఏకపక్ష నిర్ణయాన్ని వారు తీవ్రంగా ఎండగట్టారు. తమకు న్యాయం జరిగేలా బీఆర్ఎస్ తరపున మద్దతు ఇవ్వాలని జర్నలిస్టులు కేటీఆర్ ను కోరారు. గతంలో మాదిరిగానే అర్హులైన జర్నలిస్టులందరికీ తక్షణమే 'జిల్లా అక్రెడిటేషన్' కార్డులను పునరుద్ధరించేలా ప్రభుత్వంపై ఒత్తిడి తీసుకురావాలని నియోజకవర్గ స్థాయి జర్నలిస్టులు వినతి చేశారు.

భద్రాద్రి కొత్తగూడెం జిల్లాలోని ఇల్లందు మండలంలో గంజాయి, ఇతర మత్తు పదార్థాల నిర్మూలనకు ఇల్లందు పోలీస్ శాఖ ఉక్కు పాదం మోపింది. ఇల్లందు డిఎస్పి వెంకన్న బాబు నేతృత్వంలో, ఎస్ హెచ్ ఓ సి ఐ తాటిపాముల సురేష్ బృందంతో కలిసి, పట్టణంలోని పలు అనుమానిత ప్రాంతాలలో డాగ్ స్క్వాడ్ మరియు నార్కోటిక్ బృందంతో విస్తృత తనిఖీలు నిర్వహించారు. ఇల్లందు సబ్ డివిజన్ పరిధిలో గంజాయి సేవించడం లేదా మత్తు పదార్థాలు వినియోగించడం జరిగితే కఠిన చర్యలు తీసుకుంటామని డిఎస్పి వెంకన్న బాబు హెచ్చరించారు. గంజాయి వినియోగంపై రాష్ట్రవ్యాప్తంగా విస్తృతంగా తనిఖీలు జరుగుతాయని ఆయన తెలిపారు. విద్యార్థులు, యువత మత్తు పదార్థాలకు బానిసలై తమ జీవితాలను కోల్పోవద్దని సూచించారు. ప్రజలు మరియు ప్రతి ఒక్క తల్లిదండ్రులు ఈ మత్తు వినియోగంపై పోరాటానికి సహకరించి సిద్ధంగా ఉండాలని ఆయన పిలుపునిచ్చారు.

రాష్ట్రంలో రెవెన్యూ తగ్గుతుంటే, రెవెన్యూ మంత్రి పొంగులేటి రెవెన్యూ మాత్రం వందల, వేల కోట్లకు పెరుగుతోందని ఆరోపణలు వెల్లువెత్తాయి. మంత్రి తుమ్మల నాగేశ్వరరావు సీతారామ ప్రాజెక్టు నుండి ఏకంగా ₹100 కోట్ల విలువైన మట్టిని దోపిడీ చేస్తున్నారని విమర్శించారు. ఇదే క్రమంలో, బుగ్గపాడులో మార్కెట్ విలువ ఎకరానికి ₹60 లక్షలు ఉండగా, కేవలం ₹21 లక్షల చొప్పున 70 ఎకరాలను రాసిచ్చినట్టు పేర్కొన్నారు. అలాగే, ఖమ్మం వెలుగుమట్లలో మంత్రులు పొంగులేటి, తుమ్మల రియల్ ఎస్టేట్ వ్యాపారులకు అండగా నిలబడి, దాదాపు 1000 మంది పేదల ఇళ్లను కూల్చివేశారని తీవ్ర ఆరోపణలు చేశారు.

ఖమ్మం జిల్లా, కొణిజర్ల మండలం అంజనాపురంలో నిర్మాణంలో ఉన్న గోద్రెజ్ ఆయిల్ పామ్ ఫ్యాక్టరీ పనులను త్వరితగతిన పూర్తి చేయాలని కలెక్టర్ దివాకర టీఎస్ ఆదేశించారు. ఆయన అదనపు కలెక్టర్ శ్రీనివాసరెడ్డితో కలిసి ఫ్యాక్టరీ నిర్మాణ పనులను స్వయంగా పరిశీలించారు. ఈ సందర్భంగా కలెక్టర్ మాట్లాడుతూ, ఆయిల్ పామ్ సాగు వాతావరణ మార్పులను తట్టుకుని, రైతులకు తక్కువ పెట్టుబడితో స్థిరమైన, దీర్ఘకాలిక ఆదాయాన్ని అందిస్తుందని పేర్కొన్నారు. రైతుల ఆదాయ వృద్ధికి ఈ ఫ్యాక్టరీ అత్యంత కీలకంగా మారనుందని తెలిపారు.

ఎన్టీఆర్ జిల్లాలోని గొల్లపూడిలో తెలుగుదేశం పార్టీ నాయకులు మంత్రి జోగి రమేష్‌పై తీవ్ర ఆగ్రహం వ్యక్తం చేశారు. విజయవాడ రూరల్ మండలం గొల్లపూడిలోని టీడీపీ కార్యాలయంలో ఏఎంసీ చైర్మన్ నర్రా వాసు, విజయవాడ రూరల్ మండలం తెలుగుదేశం పార్టీ అధ్యక్షులు మందా మురళీమోహన్, నూతులపాటి నారద, కాటంనేని పూర్ణచంద్రరావు, క్లస్టర్ ఇన్‌చార్జి ధారావత్ శీను నాయక్‌తో సహా పలువురు నేతలు మీడియా సమావేశం నిర్వహించారు. మైలవరం ఎమ్మెల్యే వసంత వెంకట కృష్ణ ప్రసాద్‌పై "అవాకులు చవాకులు పేలిన" జోగి రమేష్‌ను వారు తీవ్రంగా విమర్శించారు. ఈ సందర్భంగా టీడీపీ నేతలు జోగి రమేష్‌పై అనేక ప్రశ్నలు సంధించారు. కొత్తూరు తాడేపల్లి, జక్కంపూడి కొండలను ఎవరు కొల్లగొట్టారని, వైసీపీ ప్రభుత్వంలోని మంత్రులు, నందిగం సురేష్ అనుచరులు మైనింగ్ మాఫియాకు పాల్పడి దోచుకున్నది నిజం కాదా అని ప్రశ్నించారు. పెడన నుంచి వచ్చిన నాగేశ్వరరావు, అతని మనుషులు జోగి రమేష్ తెచ్చినవారే కాదా అని నిలదీశారు. జోగి రమేష్ అనుచరులు చేసిన దోపిడీ, అవినీతి గురించి లెక్కలతో సహా ఎంత దోచుకున్నారో చెప్పమంటే చెబుతామని టీడీపీ నాయకులు ప్రకటించారు. రూ.20 లక్షలు లంచం తీసుకుని మట్టి తోలుకుపోతుంటే జిల్లా కలెక్టర్ అడ్డుకున్నారని, దీనివల్ల నష్టపోయినవారి డబ్బులు తిరిగి ఇచ్చారా అని ప్రశ్నించారు. పెడన నుంచి వచ్చిన అజయ్ ఎవరు అని అడిగి, జోగి రమేష్ విజయవాడ రూరల్ మండలాన్ని లూటీ చేసింది నిజం కాదా అని తీవ్రంగా ఆరోపించారు. అంతేకాకుండా, జోగి రమేష్ అగ్రిగోల్డ్ భూములను కబ్జా చేసి కోట్ల రూపాయలు దోచుకున్నారని, కల్తీ మద్యం విక్రయించి ప్రజల ప్రాణాలతో చెలగాటమాడారని ధ్వజమెత్తారు. జోగి రమేష్ రాజకీయ జీవితం సమాధి అవుతున్న సమయంలో జగన్మోహన్ రెడ్డి కాళ్ళు పట్టుకొని మైలవరం నియోజకవర్గ ఇన్‌చార్జిగా కొనసాగుతున్నారని టీడీపీ నేతలు ఎద్దేవా చేశారు. మైలవరం ఎమ్మెల్యే వసంత వెంకట కృష్ణ ప్రసాద్‌పై అబద్ధాలు, అసత్యాలు, కుట్ర రాజకీయాలతో విష ప్రచారం చేస్తున్నారని ఆరోపించారు. జోగి రమేష్ ఒక "చిల్లర వ్యక్తి," "ఒక బఫూన్" అని అభివర్ణించిన టీడీపీ నాయకులు, సాక్షి మీడియాలో "చీప్ పబ్లిసిటీ" కోసం, జగన్మోహన్ రెడ్డి దగ్గర మార్కులు కొట్టేయడం కోసం నాటకాలు ఆడుతున్నాడని విమర్శించారు. పెడనలో ఓడిపోతాడని తెలిసి, మంత్రిగా ఉన్నప్పుడే పెనమలూరుకు తీసుకెళ్లి టికెట్ ఇచ్చారని గుర్తు చేశారు. జోగి రమేష్ "చేతకాని దద్దమ్మ" అని, ప్రతి ఎన్నికలకు ఒక నియోజకవర్గానికి పారిపోతాడని అన్నారు. 2019లో పెడనలో ఆయన గెలిచారంటే దానికి ఎమ్మెల్యే వసంత కృష్ణ ప్రసాద్ సహకారమే కారణమని పేర్కొన్నారు. 2009లో అన్నం పెట్టిన కాంగ్రెస్ పార్టీకి "సున్నం పెట్టి" వైసీపీలో చేరిన "దుష్టుడు, దుర్మార్గుడు" జోగి రమేష్ అని తీవ్ర పదజాలంతో విమర్శించారు. మళ్లీ జనసేన పార్టీలో కూడా చేరడానికి ప్రయత్నాలు చేశాడని వెల్లడించారు. మైలవరం నియోజకవర్గంలో స్వర్ణాల తిరుపతిరావును తప్పించి మళ్లీ వైసీపీకి ఇన్‌చార్జిగా జోగి రమేష్ వచ్చాడని తెలిపారు. చివరిగా, విజయవాడ రూరల్ మండలం తెలుగుదేశం పార్టీ నాయకులు జోగి రమేష్‌కి "ఓపెన్ ఛాలెంజ్" విసిరారు. మైలవరం నియోజకవర్గంలో ఎప్పుడు ఎమ్మెల్యే టికెట్ తెచ్చుకున్నా, "చిత్తుచిత్తుగా ఓడించడమే" తమ ప్రధాన లక్ష్యమని, ప్రజలు కూడా ఇందుకోసం సిద్ధంగా ఉన్నారని స్పష్టం చేశారు. "ఖబడ్దార్ జోగి," పెడన నుంచి తరిమికొట్టారు, పెనమలూరు, మైలవరం నుంచి తరిమికొట్టారు, ఇబ్రహీంపట్నంలోని నీ ఇంటి నుంచి కూడా తరిమికొడతామని గట్టిగా హెచ్చరించారు.

సత్తుపల్లిలో నిర్వహించిన బీఆర్ఎస్ ముఖ్య కార్యకర్తల సమావేశం, ఎస్ఐఆర్ శిక్షణ కార్యక్రమంలో మాజీ ఎంపీ నామా నాగేస్వరరావు మాట్లాడుతూ, రాష్ట్రంలోని సీనియర్ మంత్రి తుమ్మలపై తీవ్ర వ్యాఖ్యలు చేశారు. ఖమ్మం జిల్లాకు ముగ్గురు మంత్రులు ఉన్నప్పటికీ అభివృద్ధి శూన్యమని, కేవలం అవినీతి కార్యక్రమాలు మాత్రమే జరుగుతున్నాయని ఆయన ఆరోపించారు. ఖమ్మం జిల్లాను అభివృద్ధి చేసింది తానే అని ఓ సీనియర్ మంత్రి చెప్పుకుంటున్నారని, అయితే సభ్యత్వ నమోదు కార్యక్రమం చాలా ముఖ్యమని నామా అన్నారు. నామా నాగేస్వరరావు తన విమర్శలను కొనసాగిస్తూ, ఎరువుల కట్టలు ఇవ్వలేక యాప్ పెట్టారని వ్యంగ్యంగా వ్యాఖ్యానించారు. అధికారం కోసమే పార్టీ మారారని, సీతారామ ప్రాజెక్టు 80 శాతం పనులు బీఆర్ఎస్ హయాంలోనే పూర్తయ్యాయని గుర్తుచేశారు. కేవలం ఒక్క మోటరు పెట్టి నేనే చేశానని వ్యవసాయ శాఖ మంత్రి చెప్పుకుంటున్నారని ఎద్దేవా చేశారు. లోక్‌సభలో బీఆర్ఎస్ ఎంపీలు లేకపోవడంతో తెలంగాణకు అన్యాయం జరుగుతోందని, ఈ 'ముండ మోపి ప్రభుత్వం' రైతు బంధును ఎగ్గొట్టిందని ఆయన తీవ్రంగా మండిపడ్డారు. అంతేకాకుండా, ఉమ్మడి ఖమ్మం జిల్లాకు కేసీఆర్ 50 వేల కోట్ల నిధులు తీసుకొచ్చారని, కేసీఆర్ తిరిగి వస్తేనే తెలంగాణ పచ్చగా ఉంటుందని నామా నాగేస్వరరావు స్పష్టం చేశారు. భారతదేశ చరిత్రలో కేసీఆర్ లాంటి నాయకుడు లేడని, ఆయన వచ్చాకే సాగునీరు, తాగునీరుకు లోటు లేకుండా పోయిందని అన్నారు. ప్రజల్లో చైతన్యం తీసుకొచ్చి రైతులు, ప్రజలు బాగుపడాలన్నా, అభివృద్ధి జరగాలన్నా కేసీఆరే దిక్కు అని ఆయన పేర్కొన్నారు. భారతదేశంలో ఎవరూ ఆలోచించని విధంగా కేసీఆర్ ఆలోచించి రైతుబంధు పథకాన్ని ప్రవేశపెట్టారని, ఈ కార్యక్రమాన్ని మోడీతో సహా చాలా రాష్ట్రాలు కాపీ కొట్టాయని నామా నాగేస్వరరావు ప్రశంసించారు.