जालना जिल्ह्यातील वीज पडून दोन युवक ठार ! अवकाळीचा तडाखा जालना जिल्ह्यातील वीज पडून दोन युवक ठार ! अवकाळीचा तडाखा... जालना जिल्ह्यातील अंबड तालुक्यातील महाकाळा शिवारात सोमवारी सायंकाळी अवकाळी पावसादरम्यान वीज कोसळून दोन तरुणांचा जागीच मृत्यू झाल्याची हृदयद्रावक घटना घडली. या दुर्दैवी घटनेमुळे परिसरात शोककळा पसरली आहे. मिळालेल्या माहितीनुसार, महाकाळा–साष्टपिंपळगाव रस्त्यावरील थोरवे वस्ती, नाथनगर परिसरात ही घटना घडली. सायंकाळच्या सुमारास अवकाळी पावसासह विजांचा कडकडाट सुरू असताना काही तरुण लिंबाच्या झाडाखाली थांबले होते. त्याच वेळी अचानक झाडावर वीज कोसळली आणि या भीषण घटनेत दोन तरुणांचा जागीच मृत्यू झाला, तर एक जण गंभीर जखमी झाला आहे. या घटनेतील मृतांची नावे गोविंद प्रल्हाद लहाने (वय २१) व आदित्य दगडू बेद्रे (वय २०) अशी असून, दोघेही महाकाळा येथील रहिवासी होते. अचानक घडलेल्या या दुर्घटनेमुळे त्यांच्या कुटुंबीयांवर दुःखाचा डोंगर कोसळला आहे. घटनेची माहिती मिळताच स्थानिक नागरिकांनी तात्काळ घटनास्थळी धाव घेतली. तसेच पोलिस व प्रशासनाला कळविण्यात आले असून पुढील कार्यवाही सुरू आहे. दरम्यान, अवकाळी पावसामुळे जिल्ह्यात विविध ठिकाणी नुकसान होत असून नागरिकांनी विजांच्या कडकडाटाच्या वेळी झाडाखाली अथवा मोकळ्या जागेत थांबणे टाळावे, तसेच सुरक्षिततेची काळजी घ्यावी, असे आवाहन प्रशासनाकडून करण्यात आले आहे.

पत्रकार ओमप्रकाश उढाण

घनसावंगी, जालना, महाराष्ट्र•

4 hrs ago

जालना जिल्ह्यातील वीज पडून दोन युवक ठार ! अवकाळीचा तडाखा जालना जिल्ह्यातील वीज पडून दोन युवक ठार ! अवकाळीचा तडाखा... जालना जिल्ह्यातील अंबड तालुक्यातील महाकाळा शिवारात सोमवारी सायंकाळी अवकाळी पावसादरम्यान वीज कोसळून दोन तरुणांचा जागीच मृत्यू झाल्याची हृदयद्रावक घटना घडली. या दुर्दैवी घटनेमुळे परिसरात शोककळा पसरली आहे. मिळालेल्या माहितीनुसार, महाकाळा–साष्टपिंपळगाव रस्त्यावरील थोरवे वस्ती, नाथनगर परिसरात ही घटना घडली. सायंकाळच्या सुमारास अवकाळी पावसासह विजांचा कडकडाट सुरू असताना काही तरुण लिंबाच्या झाडाखाली थांबले होते. त्याच वेळी अचानक झाडावर वीज कोसळली आणि या भीषण घटनेत दोन तरुणांचा जागीच मृत्यू झाला, तर एक जण गंभीर जखमी झाला आहे. या घटनेतील मृतांची नावे गोविंद प्रल्हाद लहाने (वय २१) व आदित्य दगडू बेद्रे (वय २०) अशी असून, दोघेही महाकाळा येथील रहिवासी होते. अचानक घडलेल्या या दुर्घटनेमुळे त्यांच्या कुटुंबीयांवर दुःखाचा डोंगर कोसळला आहे. घटनेची माहिती मिळताच स्थानिक नागरिकांनी तात्काळ घटनास्थळी धाव घेतली. तसेच पोलिस व प्रशासनाला कळविण्यात आले असून पुढील कार्यवाही सुरू आहे. दरम्यान, अवकाळी पावसामुळे जिल्ह्यात विविध ठिकाणी नुकसान होत असून नागरिकांनी विजांच्या कडकडाटाच्या वेळी झाडाखाली अथवा मोकळ्या जागेत थांबणे टाळावे, तसेच सुरक्षिततेची काळजी घ्यावी, असे आवाहन प्रशासनाकडून करण्यात आले आहे.