రాష్ట్రంలో ఎల్‌నినో ప్రభావం రైతాంగంపై ప్రతికూల ప్రభావాలను తగ్గించేందుకు ప్రభుత్వం సమగ్ర కార్యాచరణ ప్రణాళికతో ముందుకు సాగుతోందని రాష్ట్ర వ్యవసాయ శాఖ మంత్రి కింజ‌రాపు అచ్చెన్నాయుడు వెల్లడించారు. సచివాలయంలో వ్యవసాయ శాఖ రూపొందించిన “ఎల్‌నినోను సమర్థవంతంగా ఎదుర్కొందాం” అనే ప్రత్యేక సమాచార సంచికను ఆయన ఆవిష్కరించారు. ఈ సందర్భంగా మంత్రి మాట్లాడుతూ, శాస్త్రీయ వ్యవసాయ పద్ధతులు, ముందస్తు ప్రణాళికలు, సాంకేతిక సూచనల ద్వారా రైతులకు అండగా నిలుస్తామని హామీ ఇచ్చారు. వాతావరణ మార్పులు, వర్షపాతం లోపాలు, అధిక ఉష్ణోగ్రతలు వంటి ఎల్‌నినో ప్రభావాలను దృష్టిలో ఉంచుకొని ప్రభుత్వం ముందస్తు చర్యలు చేపట్టిందని మంత్రి వివరించారు. ఈ సమాచార సంచికలో రాష్ట్రంలోని వివిధ వ్యవసాయ వాతావరణ మండలాలకు అనుగుణంగా పంటల ఎంపిక, ప్రత్యామ్నాయ పంటల సాగు, నీటి యాజమాన్య పద్ధతులు, నేల తేమ సంరక్షణ చర్యలు, విత్తనాల వినియోగం, పంటల సంరక్షణకు సంబంధించిన సమగ్ర సూచనలు ఉన్నాయని తెలిపారు. రైతులు ఈ సూచనలను పాటించడం ద్వారా వాతావరణ ప్రతికూల పరిస్థితులను అధిగమించి దిగుబడులను కాపాడుకోవచ్చని ఆయన ఆశాభావం వ్యక్తం చేశారు. వ్యవసాయ శాఖతో పాటు ఉద్యానవన, పశుసంవర్ధక, మత్స్య, పట్టు పరిశ్రమ, సహకార శాఖలు సమన్వయంతో పనిచేస్తూ ఎల్‌నినో ప్రభావాన్ని తగ్గించే చర్యలను అమలు చేస్తున్నాయని మంత్రి వెల్లడించారు. రైతులు నష్టపోకుండా ఉండేందుకు ప్రతి అడుగులో వారికి అండగా ఉంటామని, ముందస్తు ప్రణాళికలతో నష్టాలను నివారిస్తామని పేర్కొన్నారు. రైతులకు అవసరమైన సాంకేతిక సలహాలు, వాతావరణ హెచ్చరికలు, పంటల నిర్వహణ సూచనలు గ్రామ స్థాయి వరకు చేరేలా విస్తృత అవగాహన కార్యక్రమాలు చేపడుతున్నట్లు చెప్పారు. వ్యవసాయ శాస్త్రవేత్తలు, విశ్వవిద్యాలయాలు, వాతావరణ నిపుణుల సూచనల ఆధారంగా రూపొందించిన ఈ సంచిక రైతులకు మార్గదర్శకంగా ఉపయోగపడుతుందని ఆయన పునరుద్ఘాటించారు. మంత్రి ఆదేశాల మేరకు, వ్యవసాయ శాఖ అధికారులు గ్రామ స్థాయిలో రైతులతో నిరంతరం సంప్రదింపులు జరుపుతూ పరిస్థితులను ఎప్పటికప్పుడు సమీక్షించాలని స్పష్టం చేశారు. ఈ కార్యక్రమంలో వ్యవసాయ శాఖ స్పెష‌ల్ చీఫ్ సెక్ర‌ట‌రీ బీ. రాజ‌శేఖ‌ర్, డైరెక్ట‌ర్ మంజీర్ జిలానీతో పాటు పలువురు ఉన్న‌తాధికారులు పాల్గొన్నారు.

జేమ్స్

Vijayawada East, Ntr•

1 hr ago

రాష్ట్రంలో ఎల్‌నినో ప్రభావం రైతాంగంపై ప్రతికూల ప్రభావాలను తగ్గించేందుకు ప్రభుత్వం సమగ్ర కార్యాచరణ ప్రణాళికతో ముందుకు సాగుతోందని రాష్ట్ర వ్యవసాయ శాఖ మంత్రి కింజ‌రాపు అచ్చెన్నాయుడు వెల్లడించారు. సచివాలయంలో వ్యవసాయ శాఖ రూపొందించిన “ఎల్‌నినోను సమర్థవంతంగా ఎదుర్కొందాం” అనే ప్రత్యేక సమాచార సంచికను ఆయన ఆవిష్కరించారు. ఈ సందర్భంగా మంత్రి మాట్లాడుతూ, శాస్త్రీయ వ్యవసాయ పద్ధతులు, ముందస్తు ప్రణాళికలు, సాంకేతిక సూచనల ద్వారా రైతులకు అండగా నిలుస్తామని హామీ ఇచ్చారు. వాతావరణ మార్పులు, వర్షపాతం లోపాలు, అధిక ఉష్ణోగ్రతలు వంటి ఎల్‌నినో ప్రభావాలను దృష్టిలో ఉంచుకొని ప్రభుత్వం ముందస్తు చర్యలు చేపట్టిందని మంత్రి వివరించారు. ఈ సమాచార సంచికలో రాష్ట్రంలోని వివిధ వ్యవసాయ వాతావరణ మండలాలకు అనుగుణంగా పంటల ఎంపిక, ప్రత్యామ్నాయ పంటల సాగు, నీటి యాజమాన్య పద్ధతులు, నేల తేమ సంరక్షణ చర్యలు, విత్తనాల వినియోగం, పంటల సంరక్షణకు సంబంధించిన సమగ్ర సూచనలు ఉన్నాయని తెలిపారు. రైతులు ఈ సూచనలను పాటించడం ద్వారా వాతావరణ ప్రతికూల పరిస్థితులను

అధిగమించి దిగుబడులను కాపాడుకోవచ్చని ఆయన ఆశాభావం వ్యక్తం చేశారు. వ్యవసాయ శాఖతో పాటు ఉద్యానవన, పశుసంవర్ధక, మత్స్య, పట్టు పరిశ్రమ, సహకార శాఖలు సమన్వయంతో పనిచేస్తూ ఎల్‌నినో ప్రభావాన్ని తగ్గించే చర్యలను అమలు చేస్తున్నాయని మంత్రి వెల్లడించారు. రైతులు నష్టపోకుండా ఉండేందుకు ప్రతి అడుగులో వారికి అండగా ఉంటామని, ముందస్తు ప్రణాళికలతో నష్టాలను నివారిస్తామని పేర్కొన్నారు. రైతులకు అవసరమైన సాంకేతిక సలహాలు, వాతావరణ హెచ్చరికలు, పంటల నిర్వహణ సూచనలు గ్రామ స్థాయి వరకు చేరేలా విస్తృత అవగాహన కార్యక్రమాలు చేపడుతున్నట్లు చెప్పారు. వ్యవసాయ శాస్త్రవేత్తలు, విశ్వవిద్యాలయాలు, వాతావరణ నిపుణుల సూచనల ఆధారంగా రూపొందించిన ఈ సంచిక రైతులకు మార్గదర్శకంగా ఉపయోగపడుతుందని ఆయన పునరుద్ఘాటించారు. మంత్రి ఆదేశాల మేరకు, వ్యవసాయ శాఖ అధికారులు గ్రామ స్థాయిలో రైతులతో నిరంతరం సంప్రదింపులు జరుపుతూ పరిస్థితులను ఎప్పటికప్పుడు సమీక్షించాలని స్పష్టం చేశారు. ఈ కార్యక్రమంలో వ్యవసాయ శాఖ స్పెష‌ల్ చీఫ్ సెక్ర‌ట‌రీ బీ. రాజ‌శేఖ‌ర్, డైరెక్ట‌ర్ మంజీర్ జిలానీతో పాటు పలువురు ఉన్న‌తాధికారులు పాల్గొన్నారు.