पिंपरी-चिंचवड महापालिकेच्या शिक्षण विभागाकडून ‘घर घर संविधान’ उपक्रमाचा उद्यापासून प्रारंभ *दररोज चार लाख विद्यार्थ्यांना संविधानातील एका कलमाची माहिती; मराठी, हिंदी, इंग्रजी व उर्दू माध्यमांच्या शाळांमध्ये राबविण्यात येणार उपक्रम* पिंपरी ता. ३१ भारतीय संविधानातील समता, स्वातंत्र्य, बंधुता आणि न्याय या मूल्यांचा प्रसार विद्यार्थ्यांपर्यंत प्रभावीपणे पोहोचविण्यासाठी पिंपरी-चिंचवड महानगरपालिकेच्या शिक्षण विभागामार्फत ‘घर घर संविधान’ हा अभिनव उपक्रम उद्या, दि. १ ऑगस्ट २०२६ पासून सुरू होत आहे. या उपक्रमाचा शुभारंभ सकाळी ११.०० वाजता वाल्हेकरवाडी येथील महापालिका शाळेत करण्यात येणार आहे. महाराष्ट्र शासनाच्या मार्गदर्शक सूचनांनुसार राबविण्यात येणाऱ्या या उपक्रमांतर्गत महापालिकेच्या तसेच सर्व व्यवस्थापनाच्या मराठी, हिंदी, इंग्रजी आणि उर्दू माध्यमांच्या शाळांमध्ये दररोज संविधानातील एका कलमाचे वाचन आणि त्याचा अर्थ विद्यार्थ्यांना समजावून सांगण्यात येणार आहे. या माध्यमातून शहरातील सुमारे ४ लाख विद्यार्थ्यांमध्ये संविधानाविषयी जागरूकता निर्माण करण्यात येणार आहे. संविधानाच्या प्रस्तावनेचे सामूहिक वाचन, मूलभूत अधिकार व कर्तव्यांविषयी जनजागृती, संविधान मूल्यांवर आधारित विविध शैक्षणिक उपक्रम तसेच विद्यार्थी आणि पालकांचा सहभाग वाढविण्यासाठी विशेष कार्यक्रमांचेही आयोजन करण्यात येणार आहे. उपक्रमाची प्रभावी अंमलबजावणी सुनिश्चित करण्यासाठी महापालिकेच्या शिक्षण विभागाने समन्वय समितीची स्थापना केली असून, तिच्या मार्गदर्शनाखाली सर्व शाळा, विद्यालये आणि महाविद्यालयांमध्ये नियोजनबद्ध पद्धतीने हा उपक्रम राबविण्यात येणार आहे. संबंधित संस्थांनी उपक्रमांचे आयोजन करून त्याचा अहवाल शिक्षण विभागाकडे सादर करण्याच्या सूचनाही देण्यात आल्या आहेत. या उपक्रमासाठी ‘मानगाव पॅटर्न’चे प्रमुख संविधान अभ्यासक नूर खान पठाण हे शिक्षकांना विनामूल्य मार्गदर्शन करणार असून, संविधानातील विविध कलमे विद्यार्थ्यांपर्यंत सोप्या व प्रभावी पद्धतीने पोहोचविण्यासाठी विशेष प्रशिक्षणही देणार आहेत. *”भारतीय संविधान ही आपल्या लोकशाहीची पायाभरणी आहे. विद्यार्थ्यांना लहान वयापासून संविधानातील मूल्ये, अधिकार आणि कर्तव्यांची जाणीव करून देणे ही काळाची गरज आहे. ‘घर घर संविधान’ उपक्रमामुळे विद्यार्थ्यांमध्ये संविधानाविषयी आदर, लोकशाही मूल्यांबाबत जागरूकता आणि जबाबदार नागरिकत्वाची भावना अधिक दृढ होईल, असा विश्वास आहे.”* *रवि लांडगे* *महापौर, पिंपरी चिंचवड महानगरपालिका* *“विद्यार्थ्यांना दररोज संविधानातील एका कलमाची माहिती त्यांच्या मातृभाषेत समजावून सांगण्याचा हा उपक्रम अत्यंत परिणामकारक ठरणार आहे. चार लाख विद्यार्थ्यांपर्यंत संविधानाचा संदेश पोहोचविण्याच्या या अभियानामुळे शालेय स्तरावर संविधान साक्षरतेची मजबूत पायाभरणी होईल. शिक्षणासोबत सामाजिक जाणीव निर्माण करण्यासाठी हा उपक्रम निश्चितच मोलाचा ठरेल.”* •*रविना अंगोळकर* *सभापती, शिक्षण समिती* *”भारतीय संविधान हे आपल्या लोकशाही व्यवस्थेचा पाया असून त्यामधील समता, स्वातंत्र्य, बंधुता आणि न्याय ही मूल्ये विद्यार्थ्यांच्या मनात रुजविणे अत्यंत आवश्यक आहे. ‘घर घर संविधान’ या उपक्रमाच्या माध्यमातून विद्यार्थी, पालक आणि समाजामध्ये संविधानाविषयी जागरूकता निर्माण होईल. महापालिकेच्या शिक्षण विभागामार्फत हा उपक्रम प्रभावीपणे राबवून प्रत्येक विद्यार्थ्यापर्यंत संविधानाचा विचार आणि लोकशाही मूल्ये पोहोचविण्यासाठी आम्ही कटिबद्ध आहोत.”* – *डॉ. विजय सूर्यवंशी* *आयुक्त, पिंपरी-चिंचवड महानगरपालिका*

City Mirror News

Media house पिंपरी चिंचवड, पुणे, महाराष्ट्र•

8 hrs ago

पिंपरी-चिंचवड महापालिकेच्या शिक्षण विभागाकडून ‘घर घर संविधान’ उपक्रमाचा उद्यापासून प्रारंभ *दररोज चार लाख विद्यार्थ्यांना संविधानातील एका कलमाची माहिती; मराठी, हिंदी, इंग्रजी व उर्दू माध्यमांच्या शाळांमध्ये राबविण्यात येणार उपक्रम* पिंपरी ता. ३१ भारतीय संविधानातील समता, स्वातंत्र्य, बंधुता आणि न्याय या मूल्यांचा प्रसार विद्यार्थ्यांपर्यंत प्रभावीपणे पोहोचविण्यासाठी पिंपरी-चिंचवड महानगरपालिकेच्या शिक्षण विभागामार्फत ‘घर घर संविधान’ हा अभिनव उपक्रम उद्या, दि. १ ऑगस्ट २०२६ पासून सुरू होत आहे. या उपक्रमाचा शुभारंभ सकाळी ११.०० वाजता वाल्हेकरवाडी येथील महापालिका शाळेत करण्यात येणार आहे. महाराष्ट्र शासनाच्या मार्गदर्शक सूचनांनुसार राबविण्यात येणाऱ्या या उपक्रमांतर्गत महापालिकेच्या तसेच सर्व व्यवस्थापनाच्या मराठी, हिंदी, इंग्रजी आणि उर्दू माध्यमांच्या शाळांमध्ये दररोज संविधानातील एका कलमाचे वाचन आणि त्याचा अर्थ विद्यार्थ्यांना समजावून सांगण्यात येणार आहे. या माध्यमातून शहरातील सुमारे ४ लाख विद्यार्थ्यांमध्ये संविधानाविषयी जागरूकता निर्माण करण्यात येणार आहे. संविधानाच्या प्रस्तावनेचे सामूहिक वाचन, मूलभूत अधिकार व कर्तव्यांविषयी जनजागृती, संविधान मूल्यांवर आधारित विविध शैक्षणिक उपक्रम तसेच विद्यार्थी आणि पालकांचा सहभाग वाढविण्यासाठी विशेष कार्यक्रमांचेही आयोजन करण्यात येणार आहे. उपक्रमाची प्रभावी अंमलबजावणी सुनिश्चित करण्यासाठी महापालिकेच्या शिक्षण विभागाने समन्वय समितीची स्थापना केली असून, तिच्या मार्गदर्शनाखाली सर्व शाळा, विद्यालये आणि महाविद्यालयांमध्ये नियोजनबद्ध पद्धतीने हा उपक्रम राबविण्यात येणार आहे. संबंधित संस्थांनी उपक्रमांचे आयोजन करून त्याचा अहवाल शिक्षण विभागाकडे सादर करण्याच्या सूचनाही देण्यात आल्या आहेत. या उपक्रमासाठी ‘मानगाव पॅटर्न’चे प्रमुख संविधान अभ्यासक नूर खान पठाण हे शिक्षकांना विनामूल्य मार्गदर्शन करणार असून, संविधानातील विविध कलमे विद्यार्थ्यांपर्यंत सोप्या व प्रभावी पद्धतीने पोहोचविण्यासाठी विशेष प्रशिक्षणही देणार आहेत. *”भारतीय संविधान ही आपल्या लोकशाहीची पायाभरणी आहे. विद्यार्थ्यांना लहान वयापासून संविधानातील मूल्ये, अधिकार आणि कर्तव्यांची जाणीव करून देणे ही काळाची गरज आहे. ‘घर घर संविधान’ उपक्रमामुळे विद्यार्थ्यांमध्ये संविधानाविषयी आदर, लोकशाही मूल्यांबाबत जागरूकता आणि जबाबदार नागरिकत्वाची भावना अधिक दृढ होईल, असा विश्वास आहे.”* *रवि लांडगे* *महापौर, पिंपरी चिंचवड महानगरपालिका* *“विद्यार्थ्यांना दररोज संविधानातील एका कलमाची माहिती त्यांच्या मातृभाषेत समजावून सांगण्याचा हा उपक्रम अत्यंत परिणामकारक ठरणार आहे. चार लाख विद्यार्थ्यांपर्यंत संविधानाचा संदेश पोहोचविण्याच्या या अभियानामुळे शालेय स्तरावर संविधान साक्षरतेची मजबूत पायाभरणी होईल. शिक्षणासोबत सामाजिक जाणीव निर्माण करण्यासाठी हा उपक्रम निश्चितच मोलाचा ठरेल.”* •*रविना अंगोळकर* *सभापती, शिक्षण समिती* *”भारतीय संविधान हे आपल्या लोकशाही व्यवस्थेचा पाया असून त्यामधील समता, स्वातंत्र्य, बंधुता आणि न्याय ही मूल्ये विद्यार्थ्यांच्या मनात रुजविणे अत्यंत आवश्यक आहे. ‘घर घर संविधान’ या उपक्रमाच्या माध्यमातून विद्यार्थी, पालक आणि समाजामध्ये संविधानाविषयी जागरूकता निर्माण होईल. महापालिकेच्या शिक्षण विभागामार्फत हा उपक्रम प्रभावीपणे राबवून प्रत्येक विद्यार्थ्यापर्यंत संविधानाचा विचार आणि लोकशाही मूल्ये पोहोचविण्यासाठी आम्ही कटिबद्ध आहोत.”* – *डॉ. विजय सूर्यवंशी* *आयुक्त, पिंपरी-चिंचवड महानगरपालिका*