महाराष्ट्र राज्याचे अन्न सुरक्षा आयुक्त तुकाराम मुंडे यांच्या मार्गदर्शनाखाली राज्यात प्रतिबंधित अन्नपदार्थांच्या विक्रीविरुद्ध सुरू असलेल्या तीव्र मोहिमेचा भाग म्हणून, अन्न व औषध प्रशासन (FDA), अकोला पथकाने तेल्हारा परिसरात एक मोठी आणि यशस्वी कारवाई केली आहे. या कारवाईत ११ लाख १९ हजार ४८४ रुपये किमतीचा प्रतिबंधित गुटखा, पानमसाला आणि त्यांच्या वाहतुकीसाठी वापरलेले चारचाकी वाहन जप्त करण्यात आले आहे. सार्वजनिक आरोग्याच्या हितासाठी गुटखा, पानमसाला, सुगंधित तंबाखू, सुगंधित सुपारी व तत्सम तंबाखूजन्य पदार्थांचे उत्पादन, साठा, वितरण आणि विक्री यावर कायदेशीर प्रतिबंध घालण्यात आलेला आहे. एफडीए, अकोला पथकाला एका गुप्त बातमीदारामार्फत माहिती मिळाली होती की, तेल्हारा शहरात विक्रीसाठी मोठ्या प्रमाणावर प्रतिबंधित अन्नपदार्थांचा साठा एका चारचाकी वाहनातून आणला जात आहे. या माहितीवर त्वरित कार्यवाही करत पथकाने माळेगाव ते तेल्हारा रस्त्यावर सापळा रचला. गस्तीदरम्यान, संशयास्पद वाहन क्रमांक एमएच ४० एसी ५०४७ थांबवून त्याची तपासणी केली असता, त्यात मोठ्या प्रमाणात सुगंधित गुटखा आणि पानमसाल्याचा साठा आढळून आला. जप्त केलेल्या गुटख्याची व पानमसाल्याची किंमत ६ लाख १९ हजार ४८४ रुपये असून, वाहतुकीसाठी वापरलेले सुमारे ५ लाख रुपये किमतीचे चारचाकी वाहनही पथकाने जप्त केले आहे. हा सर्व मुद्देमाल तेल्हारा पोलिसांच्या स्वाधीन करण्यात आला असून, वाहन चालक देवीलाल सज्जनलाल जैस्वाल (वय ३३, रा. लाडणापूर, ता. संग्रामपूर, जि. बुलढाणा) आणि इतर दोन व्यक्तींविरुद्ध तेल्हारा पोलीस ठाण्यात अन्न सुरक्षा व मानदे कायद्यानुसार गुन्हा दाखल करण्यात आला आहे. सदरची धडक कारवाई अन्न व औषध प्रशासन, अकोला विभागाचे सहायक आयुक्त देवानंद वीर यांच्या थेट मार्गदर्शनाखाली पार पडली, ज्यात अन्न सुरक्षा अधिकारी रवींद्र सोळंके, के.एच. बोरटेत आणि अमरावती विभागाचे अन्न सुरक्षा अधिकारी (दक्षता) एस.ए. सुर्यवंशी यांनी महत्त्वाची भूमिका बजावली. अन्न व औषध प्रशासनाने जाहीर आवाहन केले आहे की, नागरिकांच्या आरोग्याशी खेळणाऱ्या अशा प्रतिबंधित अन्नपदार्थांची निर्मिती, साठा किंवा विक्री करणाऱ्यांची गय केली जाणार नाही. प्रशासनाने यापुढेही जिल्ह्यात गुटखा व सुगंधित तंबाखू विक्री करणाऱ्या समाजकंटकांविरुद्ध अशीच कठोर आणि दंडात्मक कारवाई सातत्याने सुरू ठेवण्याचा इशारा दिला आहे.

Anil dandi

Farmer बाळापूर, अकोला, महाराष्ट्र•

3 hrs ago

महाराष्ट्र राज्याचे अन्न सुरक्षा आयुक्त तुकाराम मुंडे यांच्या मार्गदर्शनाखाली राज्यात प्रतिबंधित अन्नपदार्थांच्या विक्रीविरुद्ध सुरू असलेल्या तीव्र मोहिमेचा भाग म्हणून, अन्न व औषध प्रशासन (FDA), अकोला पथकाने तेल्हारा परिसरात एक मोठी आणि यशस्वी कारवाई केली आहे. या कारवाईत ११ लाख १९ हजार ४८४ रुपये किमतीचा प्रतिबंधित गुटखा, पानमसाला आणि त्यांच्या वाहतुकीसाठी वापरलेले चारचाकी वाहन जप्त करण्यात आले आहे. सार्वजनिक आरोग्याच्या हितासाठी गुटखा, पानमसाला, सुगंधित तंबाखू, सुगंधित सुपारी व तत्सम तंबाखूजन्य पदार्थांचे उत्पादन, साठा, वितरण आणि विक्री यावर कायदेशीर प्रतिबंध घालण्यात आलेला आहे. एफडीए, अकोला पथकाला एका गुप्त बातमीदारामार्फत माहिती मिळाली होती की, तेल्हारा शहरात विक्रीसाठी मोठ्या प्रमाणावर प्रतिबंधित अन्नपदार्थांचा साठा एका चारचाकी वाहनातून आणला जात आहे. या माहितीवर त्वरित कार्यवाही करत पथकाने माळेगाव ते तेल्हारा रस्त्यावर सापळा रचला. गस्तीदरम्यान, संशयास्पद वाहन क्रमांक एमएच ४० एसी ५०४७ थांबवून त्याची तपासणी केली असता, त्यात मोठ्या प्रमाणात सुगंधित गुटखा आणि पानमसाल्याचा साठा आढळून आला. जप्त केलेल्या गुटख्याची व पानमसाल्याची

किंमत ६ लाख १९ हजार ४८४ रुपये असून, वाहतुकीसाठी वापरलेले सुमारे ५ लाख रुपये किमतीचे चारचाकी वाहनही पथकाने जप्त केले आहे. हा सर्व मुद्देमाल तेल्हारा पोलिसांच्या स्वाधीन करण्यात आला असून, वाहन चालक देवीलाल सज्जनलाल जैस्वाल (वय ३३, रा. लाडणापूर, ता. संग्रामपूर, जि. बुलढाणा) आणि इतर दोन व्यक्तींविरुद्ध तेल्हारा पोलीस ठाण्यात अन्न सुरक्षा व मानदे कायद्यानुसार गुन्हा दाखल करण्यात आला आहे. सदरची धडक कारवाई अन्न व औषध प्रशासन, अकोला विभागाचे सहायक आयुक्त देवानंद वीर यांच्या थेट मार्गदर्शनाखाली पार पडली, ज्यात अन्न सुरक्षा अधिकारी रवींद्र सोळंके, के.एच. बोरटेत आणि अमरावती विभागाचे अन्न सुरक्षा अधिकारी (दक्षता) एस.ए. सुर्यवंशी यांनी महत्त्वाची भूमिका बजावली. अन्न व औषध प्रशासनाने जाहीर आवाहन केले आहे की, नागरिकांच्या आरोग्याशी खेळणाऱ्या अशा प्रतिबंधित अन्नपदार्थांची निर्मिती, साठा किंवा विक्री करणाऱ्यांची गय केली जाणार नाही. प्रशासनाने यापुढेही जिल्ह्यात गुटखा व सुगंधित तंबाखू विक्री करणाऱ्या समाजकंटकांविरुद्ध अशीच कठोर आणि दंडात्मक कारवाई सातत्याने सुरू ठेवण्याचा इशारा दिला आहे.