তামুলপুৰত নাবাৰ্ড আৰু বিষ্ণুজ্যোতি জনকল্যাণ সমিতিৰ উদ্যোগত কাঠফুলা খেতিৰ প্ৰশিক্ষণ কৰ্মশালা আৰম্ভ: মহিলা স্বাৱলম্বী কৰাৰ লক্ষ্য তামুলপুৰত নাবাৰ্ড আৰু বিষ্ণুজ্যোতি জনকল্যাণ সমিতিৰ উদ্যোগত কাঠফুলা খেতিৰ প্ৰশিক্ষণ কৰ্মশালা আৰম্ভ: মহিলা স্বাৱলম্বী কৰাৰ লক্ষ্য ====================================== -গ্ৰাম্য অৰ্থনীতি সবলীকৰণ আৰু মহিলাসকলক স্বনিৰ্ভৰশীল কৰি তোলাৰ লক্ষ্যৰে ৰাষ্ট্ৰীয় কৃষি আৰু গ্ৰামীণ বিকাশ বেংক (নাবাৰ্ড)ৰ সহযোগত তথা নলবাৰী জিলাৰ অগ্ৰণী স্বেচ্ছাসেৱী অনুষ্ঠান ‘বিষ্ণুজ্যোতি জনকল্যাণ সমিতি’ৰ উদ্যোগত আজিৰ পৰা তামুলপুৰ জিলাৰ কলবাৰী গাঁৱত এটি ফলপ্ৰসূ পদক্ষেপ গ্ৰহণ কৰা হয়। জিলাখনৰ ২০টা আত্মসহায়ক গোটৰ মুঠ ১২০ গৰাকী উদ্যামী মহিলাক সামৰি আজিৰে পৰা আনুষ্ঠানিকভাৱে শুভাৰম্ভ কৰা হয় ‘জীৱিকা উদ্যোগ উন্নয়ন প্ৰকল্প’ (LEDP)। বিশেষকৈ কাঠফুলা খেতি আৰু ইয়াৰ পৰা উৎপাদিত বিভিন্ন সামগ্ৰী প্ৰস্তুতকৰণৰ জৰিয়তে মহিলাসকলক অৰ্থনৈতিকভাৱে স্বাৱলম্বী কৰাৰ উদ্দেশ্যে হাতত লোৱা এই ডেৰ বছৰীয়া প্ৰকল্পটোৰ অধীনত প্ৰথম পৰ্যায়ত ৩০ জনকৈ মহিলাক লৈ গঠিত চাৰিটা গোটক পৃথক পৃথককৈ ১০ দিনীয়াকৈ বিস্তৃত প্ৰশিক্ষণ প্ৰদান কৰা হ’ব। কেৱল প্ৰশিক্ষণতে সীমাবদ্ধ নাথাকি, এই কাৰ্যসূচীৰ অংশ হিচাপে মহিলাসকলক উন্নত মানৰ কাঠফুলা খেতিৰ অভিজ্ঞতা আহৰণৰ বাবে দুটা গোটত বিভক্ত কৰি এক প্ৰদৰ্শনীমূলক ভ্ৰমণৰো ব্যৱস্থা কৰা হ’ব যাতে তেওঁলোকে ব্যৱহাৰিক জ্ঞান লাভ কৰি নিজ গৃহত এই খেতি কৰিবলৈ অনুপ্ৰাণিত হয়। ইয়াৰ উপৰি, প্ৰশিক্ষণৰ অন্তত মহিলাসকলে যাতে নিজাকৈ উৎপাদন আৰম্ভ কৰিব পাৰে, তাৰ বাবে প্ৰকল্পৰ ফালৰ পৰা এটি প্ৰদৰ্শনী গোট (Demonstration Unit) প্ৰদান কৰা হ’ব। আজিৰ এই শুভাৰম্ভণি অনুষ্ঠানত নাবাৰ্ডৰ তামুলপুৰ জিলা উন্নয়ন প্ৰবন্ধক উৎপল বেজবৰুৱা, মহকুমা কৃষি বিষয়া নিৰোদ কুমাৰ নাথ, কৃষি উন্নয়ন বিষয়া খৌমস্বৰ বসুমতাৰী আৰু অসম ৰাজ্যিক গ্ৰামীণ জীৱিকা অভিযানৰ তামুলপুৰ খণ্ডৰ বিচি ৰাণা চহৰীয়া উপস্থিত থাকি মহিলাসকলক আধুনিক কৃষি পদ্ধতি আৰু স্ব-নিয়োজনৰ বিভিন্ন দিশ সম্পৰ্কে মূল্যবান পৰামৰ্শ তথা দিহা-পৰামৰ্শ আগবঢ়ায়। সমগ্ৰ অনুষ্ঠানটি অতি সুচাৰুৰূপে পৰিচালনা কৰে বিষ্ণুজ্যোতি জনকল্যাণ সমিতিৰ সম্পাদক পৰেশ ৰাজবংশীয়ে। এই প্ৰকল্পই অনাগত দিনত তামুলপুৰৰ গ্ৰাম্য মহিলাসকলৰ বাবে উপাৰ্জনৰ এক নতুন পথ প্ৰশস্ত কৰিব বুলি উদ্যোক্তাসকলে আশা প্ৰকাশ কৰিছে।

NAlive24

Local News Reporter তামুলপুৰ, তামুলপুৰ, অসম•

2 hrs ago

তামুলপুৰত নাবাৰ্ড আৰু বিষ্ণুজ্যোতি জনকল্যাণ সমিতিৰ উদ্যোগত কাঠফুলা খেতিৰ প্ৰশিক্ষণ কৰ্মশালা আৰম্ভ: মহিলা স্বাৱলম্বী কৰাৰ লক্ষ্য তামুলপুৰত নাবাৰ্ড আৰু বিষ্ণুজ্যোতি জনকল্যাণ সমিতিৰ উদ্যোগত কাঠফুলা খেতিৰ প্ৰশিক্ষণ কৰ্মশালা আৰম্ভ: মহিলা স্বাৱলম্বী কৰাৰ লক্ষ্য ====================================== -গ্ৰাম্য অৰ্থনীতি সবলীকৰণ আৰু মহিলাসকলক স্বনিৰ্ভৰশীল কৰি তোলাৰ লক্ষ্যৰে ৰাষ্ট্ৰীয় কৃষি আৰু গ্ৰামীণ বিকাশ বেংক (নাবাৰ্ড)ৰ সহযোগত তথা নলবাৰী জিলাৰ অগ্ৰণী স্বেচ্ছাসেৱী অনুষ্ঠান ‘বিষ্ণুজ্যোতি জনকল্যাণ সমিতি’ৰ উদ্যোগত আজিৰ পৰা তামুলপুৰ জিলাৰ কলবাৰী গাঁৱত এটি ফলপ্ৰসূ পদক্ষেপ গ্ৰহণ কৰা হয়। জিলাখনৰ ২০টা আত্মসহায়ক গোটৰ মুঠ ১২০ গৰাকী উদ্যামী মহিলাক সামৰি আজিৰে পৰা আনুষ্ঠানিকভাৱে শুভাৰম্ভ কৰা হয় ‘জীৱিকা উদ্যোগ উন্নয়ন প্ৰকল্প’ (LEDP)। বিশেষকৈ কাঠফুলা

খেতি আৰু ইয়াৰ পৰা উৎপাদিত বিভিন্ন সামগ্ৰী প্ৰস্তুতকৰণৰ জৰিয়তে মহিলাসকলক অৰ্থনৈতিকভাৱে স্বাৱলম্বী কৰাৰ উদ্দেশ্যে হাতত লোৱা এই ডেৰ বছৰীয়া প্ৰকল্পটোৰ অধীনত প্ৰথম পৰ্যায়ত ৩০ জনকৈ মহিলাক লৈ গঠিত চাৰিটা গোটক পৃথক পৃথককৈ ১০ দিনীয়াকৈ বিস্তৃত প্ৰশিক্ষণ প্ৰদান কৰা হ’ব। কেৱল প্ৰশিক্ষণতে সীমাবদ্ধ নাথাকি, এই কাৰ্যসূচীৰ অংশ হিচাপে মহিলাসকলক উন্নত মানৰ কাঠফুলা খেতিৰ অভিজ্ঞতা আহৰণৰ বাবে দুটা গোটত বিভক্ত কৰি এক প্ৰদৰ্শনীমূলক ভ্ৰমণৰো ব্যৱস্থা কৰা হ’ব যাতে তেওঁলোকে ব্যৱহাৰিক জ্ঞান লাভ কৰি নিজ গৃহত এই খেতি কৰিবলৈ অনুপ্ৰাণিত হয়। ইয়াৰ উপৰি, প্ৰশিক্ষণৰ অন্তত মহিলাসকলে যাতে নিজাকৈ উৎপাদন আৰম্ভ কৰিব পাৰে, তাৰ বাবে প্ৰকল্পৰ

ফালৰ পৰা এটি প্ৰদৰ্শনী গোট (Demonstration Unit) প্ৰদান কৰা হ’ব। আজিৰ এই শুভাৰম্ভণি অনুষ্ঠানত নাবাৰ্ডৰ তামুলপুৰ জিলা উন্নয়ন প্ৰবন্ধক উৎপল বেজবৰুৱা, মহকুমা কৃষি বিষয়া নিৰোদ কুমাৰ নাথ, কৃষি উন্নয়ন বিষয়া খৌমস্বৰ বসুমতাৰী আৰু অসম ৰাজ্যিক গ্ৰামীণ জীৱিকা অভিযানৰ তামুলপুৰ খণ্ডৰ বিচি ৰাণা চহৰীয়া উপস্থিত থাকি মহিলাসকলক আধুনিক কৃষি পদ্ধতি আৰু স্ব-নিয়োজনৰ বিভিন্ন দিশ সম্পৰ্কে মূল্যবান পৰামৰ্শ তথা দিহা-পৰামৰ্শ আগবঢ়ায়। সমগ্ৰ অনুষ্ঠানটি অতি সুচাৰুৰূপে পৰিচালনা কৰে বিষ্ণুজ্যোতি জনকল্যাণ সমিতিৰ সম্পাদক পৰেশ ৰাজবংশীয়ে। এই প্ৰকল্পই অনাগত দিনত তামুলপুৰৰ গ্ৰাম্য মহিলাসকলৰ বাবে উপাৰ্জনৰ এক নতুন পথ প্ৰশস্ত কৰিব বুলি উদ্যোক্তাসকলে আশা প্ৰকাশ কৰিছে।