कात्रज घाट परिसरात जैव वैद्यकीय आणि इतर घनकचऱ्याच्या वाढत्या समस्येने पर्यावरण आणि जैवविविधतेला गंभीर धोका निर्माण झाला आहे. या गंभीर स्थितीवर मात करण्यासाठी 'स्वच्छ संरक्षण अभियानांतर्गत' येथे दोन दिवसीय विशेष स्वच्छता मोहीम राबवण्यात आली. या मोहिमेदरम्यान सुमारे ५० ते ५५ मेट्रिक टन कचरा उचलण्यात आल्याची माहिती महापालिकेने दिली आहे. मात्र, घाटातील कचऱ्याच्या समस्येची नेमकी जबाबदारी कोणाची, हा प्रश्न अजूनही अनुत्तरितच आहे. शहरातील काही नागरिक महापालिका हद्दीपासून सुमारे तीन किलोमीटर अंतरावरील वन विभागाच्या हद्दीतील जंगल परिसरात प्लास्टिक, वैद्यकीय कचरा आणि इतर घनकचरा टाकतात. या संदर्भात महापालिकेच्या आरोग्य विभागाने स्पष्ट केले आहे की, कचरा टाकला जाणारा परिसर महापालिकेच्या हद्दीबाहेर असून तो वन विभागाच्या अखत्यारीत येतो. यामुळे नियमित साफसफाई किंवा कारवाई करण्यास त्यांना मर्यादा येत आहेत. कचरा समस्येवरून अधिकाऱ्यांमध्ये जबाबदारीची 'टोलवा टोलवी' सुरू असल्याचे दिसून येत आहे. याचबरोबर, वैद्यकीय संघटनांनी कचरा संकलन व्यवस्थेत त्रुटी असल्याचा आरोप केला आहे.

पत्रकार सुधाकर गायकवाड

Advertising agency Pune City, Maharashtra•

22 hrs ago

कात्रज घाट परिसरात जैव वैद्यकीय आणि इतर घनकचऱ्याच्या वाढत्या समस्येने पर्यावरण आणि जैवविविधतेला गंभीर धोका निर्माण झाला आहे. या गंभीर स्थितीवर मात करण्यासाठी 'स्वच्छ संरक्षण अभियानांतर्गत' येथे दोन दिवसीय विशेष स्वच्छता मोहीम राबवण्यात आली. या मोहिमेदरम्यान सुमारे ५० ते ५५ मेट्रिक टन कचरा उचलण्यात आल्याची माहिती महापालिकेने दिली आहे. मात्र, घाटातील कचऱ्याच्या समस्येची नेमकी जबाबदारी कोणाची, हा प्रश्न अजूनही अनुत्तरितच आहे. शहरातील काही नागरिक महापालिका हद्दीपासून सुमारे तीन किलोमीटर अंतरावरील वन विभागाच्या हद्दीतील जंगल परिसरात प्लास्टिक, वैद्यकीय कचरा आणि इतर घनकचरा टाकतात. या संदर्भात महापालिकेच्या आरोग्य विभागाने स्पष्ट केले आहे की, कचरा टाकला जाणारा परिसर महापालिकेच्या हद्दीबाहेर असून तो वन विभागाच्या अखत्यारीत येतो. यामुळे नियमित साफसफाई किंवा कारवाई करण्यास त्यांना मर्यादा येत आहेत. कचरा समस्येवरून अधिकाऱ्यांमध्ये जबाबदारीची 'टोलवा टोलवी' सुरू असल्याचे दिसून येत आहे. याचबरोबर, वैद्यकीय संघटनांनी कचरा संकलन व्यवस्थेत त्रुटी असल्याचा आरोप केला आहे.