भोरचा सुपुत्र कु. श्लोक पराग भेलके याने राष्ट्रीय स्तरावरील १२ व्या नॅशनल रँकिंग ओपन नॅशनल चॅम्पियनशिप स्पर्धेत महाराष्ट्राचे प्रतिनिधित्व करत घवघवीत यश मिळवले आहे. रांची (झारखंड) येथे १७ ते २० जून २०२६ दरम्यान झालेल्या या स्पर्धेत श्लोकने दोन सुवर्ण आणि एक रौप्यपदक पटकावून आपल्या भोर शहराचा गौरव वाढवला. भोर येथे जन्मलेला आणि वाढलेला तसेच पुणे येथील चॅम्पियन्स स्केटिंग क्लबमध्ये प्रशिक्षण घेत असलेल्या श्लोकने अंडर ८ ते १० वर्षे वयोगटात उत्कृष्ट कामगिरी करत ५०० मीटर रेसमध्ये सुवर्णपदक, २०० मीटर रिंक रेसमध्ये सुवर्णपदक आणि ३०० मीटर रोड रेसमध्ये रौप्यपदक जिंकले. विशेष म्हणजे, सलग दुसऱ्या राष्ट्रीय स्पर्धेत त्याने पदकांची कमाई केली असून, यापूर्वी चेन्नई येथे झालेल्या राष्ट्रीय स्पर्धेतही त्याने पदक जिंकून महाराष्ट्राचा मान उंचावला होता. श्लोकच्या या अपूर्व यशाबद्दल त्याचे आई-वडील, प्रशिक्षक, चॅम्पियन्स स्केटिंग क्लबचे सदस्य, भोरकर नागरिक आणि सर्व हितचिंतकांकडून त्याचे मनःपूर्वक अभिनंदन करण्यात आले आहे. त्याच्या पुढील वाटचालीस शुभेच्छा देताना, राष्ट्रीय स्तरावरील ही सुवर्ण झेप भविष्यात भारताचा तिरंगा जागतिक स्तरावर फडकवो, अशी सदिच्छा व्यक्त करण्यात आली आहे.

पत्रकार विक्रम शिंदे

Reporter भोर, पुणे, महाराष्ट्र•

7 hrs ago

भोरचा सुपुत्र कु. श्लोक पराग भेलके याने राष्ट्रीय स्तरावरील १२ व्या नॅशनल रँकिंग ओपन नॅशनल चॅम्पियनशिप स्पर्धेत महाराष्ट्राचे प्रतिनिधित्व करत घवघवीत यश मिळवले आहे. रांची (झारखंड) येथे १७ ते २० जून २०२६ दरम्यान झालेल्या या स्पर्धेत श्लोकने दोन सुवर्ण आणि एक रौप्यपदक पटकावून आपल्या भोर शहराचा गौरव वाढवला. भोर येथे जन्मलेला आणि वाढलेला तसेच पुणे येथील चॅम्पियन्स स्केटिंग क्लबमध्ये प्रशिक्षण घेत असलेल्या श्लोकने अंडर ८ ते १० वर्षे वयोगटात उत्कृष्ट कामगिरी करत ५०० मीटर रेसमध्ये सुवर्णपदक, २०० मीटर रिंक रेसमध्ये सुवर्णपदक आणि ३०० मीटर रोड रेसमध्ये रौप्यपदक जिंकले. विशेष म्हणजे, सलग दुसऱ्या राष्ट्रीय स्पर्धेत त्याने पदकांची कमाई केली असून, यापूर्वी चेन्नई येथे झालेल्या राष्ट्रीय स्पर्धेतही त्याने पदक जिंकून महाराष्ट्राचा मान उंचावला होता. श्लोकच्या या अपूर्व यशाबद्दल त्याचे आई-वडील, प्रशिक्षक, चॅम्पियन्स स्केटिंग क्लबचे सदस्य, भोरकर नागरिक आणि सर्व हितचिंतकांकडून त्याचे मनःपूर्वक अभिनंदन करण्यात आले आहे. त्याच्या पुढील वाटचालीस शुभेच्छा देताना, राष्ट्रीय स्तरावरील ही सुवर्ण झेप भविष्यात भारताचा तिरंगा जागतिक स्तरावर फडकवो, अशी सदिच्छा व्यक्त करण्यात आली आहे.