કેશોદ શહેરમાં વિકાસના મોટા દાવાઓ વચ્ચે તાજેતરમાં બનેલો એક રોડ હવે ચર્ચાનો મુખ્ય વિષય બન્યો છે. કેશોદ-માંગરોળ રોડ પર આંબાવાડી વિસ્તારથી ઇન્દ્રપ્રસ્થ એપાર્ટમેન્ટ સુધી બનાવવામાં આવેલા આ રોડને પૂર્ણ થયાને આશરે પંદર દિવસ જેટલો સમય વીતી ગયો હોવા છતાં, તેમાં અનેક ખામીઓ યથાવત જોવા મળી રહી છે. સ્થળ પર રોડની સાઈડમાં ખુલ્લા બ્લોક પડેલા છે, કેટલીક જગ્યાએ રોડનું લેવલ અસમાન છે, અને ગટરના ચેમ્બરના ઢાંકણાં પણ રોડની સપાટી સાથે યોગ્ય રીતે સેટ કરવામાં આવ્યા નથી. આ બધી ખામીઓને કારણે વાહનચાલકો માટે અકસ્માતનું જોખમ સતત વધી રહ્યું છે. સ્થાનિકોમાં આ કામગીરી સામે રોષ જોવા મળી રહ્યો છે, કારણ કે જ્યારે રોડનું કામ ચાલી રહ્યું હતું, ત્યારે વિસ્તારના નવા ચૂંટાયેલા પ્રતિનિધિઓ સ્થળ મુલાકાતો કરી વિકાસના કામોની પ્રસિદ્ધિ મેળવવા માટે ફોટોગ્રાફી કરાવતા જોવા મળ્યા હતા. જોકે, હવે કામની ગુણવત્તા સામે ઉભા થયેલા સવાલો અંગે કોઈ જવાબ આપવા તૈયાર નથી તેવી ચર્ચા લોકોમાં થઈ રહી છે. સ્થાનિકો પ્રશ્ન ઉઠાવી રહ્યા છે કે જો રોડનું કામ પૂર્ણ થઈ ગયું હોય તો ખુલ્લા બ્લોક અને અન્ય ખામીઓ કેમ દૂર કરવામાં આવી નથી, અને જો કામ અધૂરું હતું તો તેને પૂર્ણ થયાનું ચિત્ર કેમ ઊભું કરવામાં આવ્યું. હાલ રાત્રિના સમયે ખુલ્લા બ્લોક, અસમતલ ગટરના ઢાંકણાં અને બેદરકારીપૂર્વક છોડવામાં આવેલી સાઈડ સેટિંગ ગંભીર અકસ્માતને આમંત્રણ આપી શકે તેવી સ્થિતિ છે. લોકોમાં એવી સખત લાગણી છે કે વિકાસના કામોમાં ગુણવત્તા કરતાં દેખાવને વધુ મહત્વ અપાઈ રહ્યું છે. આશરે પંદર દિવસમાં જ નવા રોડની પોલ ખુલ્લી પડી જતાં સમગ્ર કામગીરી સામે પ્રશ્નાર્થ સર્જાયો છે. જો આવનારા દિવસોમાં કોઈ નિર્દોષ વાહનચાલક અકસ્માતનો ભોગ બને તો તેની જવાબદારી કોન્ટ્રાક્ટર, નગરપાલિકા કે પછી કામ દરમિયાન માત્ર ફોટા પડાવી વિકાસના દાવા કરનાર જવાબદારોમાંથી કોણ સ્વીકારશે, તે એક મોટો સવાલ છે. હવે જોવાનું એ રહેશે કે જવાબદાર તંત્ર તાત્કાલિક ખામીઓ દૂર કરીને લોકોની સુરક્ષા સુનિશ્ચિત કરે છે કે પછી કોઈ મોટા અકસ્માતની રાહ જોવામાં આવશે.

જગદીશ યાદવ

Local News Reporter Keshod, Junagadh•

10 hrs ago

કેશોદ શહેરમાં વિકાસના મોટા દાવાઓ વચ્ચે તાજેતરમાં બનેલો એક રોડ હવે ચર્ચાનો મુખ્ય વિષય બન્યો છે. કેશોદ-માંગરોળ રોડ પર આંબાવાડી વિસ્તારથી ઇન્દ્રપ્રસ્થ એપાર્ટમેન્ટ સુધી બનાવવામાં આવેલા આ રોડને પૂર્ણ થયાને આશરે પંદર દિવસ જેટલો સમય વીતી ગયો હોવા છતાં, તેમાં અનેક ખામીઓ યથાવત જોવા મળી રહી છે. સ્થળ પર રોડની સાઈડમાં ખુલ્લા બ્લોક પડેલા છે, કેટલીક જગ્યાએ રોડનું લેવલ અસમાન છે, અને ગટરના ચેમ્બરના ઢાંકણાં પણ રોડની સપાટી સાથે યોગ્ય રીતે સેટ

કરવામાં આવ્યા નથી. આ બધી ખામીઓને કારણે વાહનચાલકો માટે અકસ્માતનું જોખમ સતત વધી રહ્યું છે. સ્થાનિકોમાં આ કામગીરી સામે રોષ જોવા મળી રહ્યો છે, કારણ કે જ્યારે રોડનું કામ ચાલી રહ્યું હતું, ત્યારે વિસ્તારના નવા ચૂંટાયેલા પ્રતિનિધિઓ સ્થળ મુલાકાતો કરી વિકાસના કામોની પ્રસિદ્ધિ મેળવવા માટે ફોટોગ્રાફી કરાવતા જોવા મળ્યા હતા. જોકે, હવે કામની ગુણવત્તા સામે ઉભા થયેલા સવાલો અંગે કોઈ જવાબ આપવા તૈયાર નથી તેવી ચર્ચા લોકોમાં થઈ રહી છે. સ્થાનિકો પ્રશ્ન ઉઠાવી

રહ્યા છે કે જો રોડનું કામ પૂર્ણ થઈ ગયું હોય તો ખુલ્લા બ્લોક અને અન્ય ખામીઓ કેમ દૂર કરવામાં આવી નથી, અને જો કામ અધૂરું હતું તો તેને પૂર્ણ થયાનું ચિત્ર કેમ ઊભું કરવામાં આવ્યું. હાલ રાત્રિના સમયે ખુલ્લા બ્લોક, અસમતલ ગટરના ઢાંકણાં અને બેદરકારીપૂર્વક છોડવામાં આવેલી સાઈડ સેટિંગ ગંભીર અકસ્માતને આમંત્રણ આપી શકે તેવી સ્થિતિ છે. લોકોમાં એવી સખત લાગણી છે કે વિકાસના કામોમાં ગુણવત્તા કરતાં દેખાવને વધુ મહત્વ અપાઈ રહ્યું છે.

આશરે પંદર દિવસમાં જ નવા રોડની પોલ ખુલ્લી પડી જતાં સમગ્ર કામગીરી સામે પ્રશ્નાર્થ સર્જાયો છે. જો આવનારા દિવસોમાં કોઈ નિર્દોષ વાહનચાલક અકસ્માતનો ભોગ બને તો તેની જવાબદારી કોન્ટ્રાક્ટર, નગરપાલિકા કે પછી કામ દરમિયાન માત્ર ફોટા પડાવી વિકાસના દાવા કરનાર જવાબદારોમાંથી કોણ સ્વીકારશે, તે એક મોટો સવાલ છે. હવે જોવાનું એ રહેશે કે જવાબદાર તંત્ર તાત્કાલિક ખામીઓ દૂર કરીને લોકોની સુરક્ષા સુનિશ્ચિત કરે છે કે પછી કોઈ મોટા અકસ્માતની રાહ જોવામાં આવશે.