ଅନୁଗୋଳ ଜିଲ୍ଲାର କିଶୋରନଗର ବ୍ଲକ ଅନ୍ତର୍ଗତ ବଇଣ୍ଡାଠାରେ ସ୍ଥାପିତ ୧୦ଟି ସିସି କ୍ୟାମେରା ଗତ ଏକ ବର୍ଷ ହେବ ଅଚଳ ହୋଇପଡ଼ିଛି, ଯାହାକୁ ମରାମତି କରାଯାଉ ନ ଥିବାରୁ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଏ ସମ୍ପର୍କରେ ପୂର୍ବରୁ ଜିଲ୍ଲା ଏସପିଙ୍କ ନିକଟରେ ଅଭିଯୋଗ କରାଯାଇଥିଲେ ମଧ୍ୟ କୌଣସି ପଦକ୍ଷେପ ନିଆଯାଇ ନ ଥିବାରୁ ଶୁକ୍ରବାର ବଇଣ୍ଡାବାସୀ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି। ଗ୍ରାମବାସୀଙ୍କ କହିବାନୁସାରେ, ଆଠମଲ୍ଲିକ ଉପଖଣ୍ଡର ବ୍ୟାବସାୟିକ କେନ୍ଦ୍ର ଭାବରେ ବଇଣ୍ଡା ପରିଚିତ। ଏଠାରେ ରେଳ ଷ୍ଟେସନ ଥିବାରୁ ଅଞ୍ଚଳରେ ସର୍ବଦା ଗହଳି ଲାଗିରହିଥାଏ। ଏହି ପରିସ୍ଥିତିକୁ ଦୃଷ୍ଟିରେ ରଖି ଜିଲ୍ଲା ପୋଲିସ ବିଭାଗ ପକ୍ଷରୁ ୧୦ଟି ସ୍ଥାନରେ ସିସି କ୍ୟାମେରା ଲଗାଯାଇଥିଲା। ତେବେ ଗତ ବର୍ଷେ ହେବ ଉକ୍ତ କ୍ୟାମେରାଗୁଡ଼ିକ ସମ୍ପୂର୍ଣ୍ଣ ଅଚଳ ହୋଇପଡ଼ିଛି ଏବଂ ତାରଗୁଡ଼ିକ କାଟି ଦିଆଯାଇଛି। ଜିଲ୍ଲା ପୋଲିସ ପକ୍ଷରୁ ଏହାର ମରାମତି କରାଯାଉ ନାହିଁ, ଯାହାକୁ ନେଇ ଗ୍ରାମବାସୀ ଜିଲ୍ଲା ପୋଲିସର ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ। ବଇଣ୍ଡା ଗ୍ରାମବାସୀ ତୁରନ୍ତ ଅଚଳ କ୍ୟାମେରାଗୁଡ଼ିକୁ ମରାମତି କରିବା ପାଇଁ ଦାବି କରିଛନ୍ତି। ଏହି ପ୍ରସଙ୍ଗରେ ବଇଣ୍ଡା ଫାଣ୍ଡି ଅଧିକାରୀ ତପନ କୁମାର ରାଏ କହିଛନ୍ତି ଯେ ସିସି କ୍ୟାମେରା ମରାମତି ପାଇଁ ଜିଲ୍ଲା ପୋଲିସ ଅଧିକାରୀଙ୍କୁ ଅବଗତ କରାଯିବ।

Kishore nagar Shuru

Local News Reporter କିଶୋରନଗର, ଅନୁଗୁଳ, ଓଡ଼ିଶା•

7 hrs ago

ଅନୁଗୋଳ ଜିଲ୍ଲାର କିଶୋରନଗର ବ୍ଲକ ଅନ୍ତର୍ଗତ ବଇଣ୍ଡାଠାରେ ସ୍ଥାପିତ ୧୦ଟି ସିସି କ୍ୟାମେରା ଗତ ଏକ ବର୍ଷ ହେବ ଅଚଳ ହୋଇପଡ଼ିଛି, ଯାହାକୁ ମରାମତି କରାଯାଉ ନ ଥିବାରୁ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଏ ସମ୍ପର୍କରେ ପୂର୍ବରୁ ଜିଲ୍ଲା ଏସପିଙ୍କ ନିକଟରେ ଅଭିଯୋଗ କରାଯାଇଥିଲେ ମଧ୍ୟ କୌଣସି ପଦକ୍ଷେପ ନିଆଯାଇ ନ ଥିବାରୁ ଶୁକ୍ରବାର ବଇଣ୍ଡାବାସୀ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି। ଗ୍ରାମବାସୀଙ୍କ କହିବାନୁସାରେ, ଆଠମଲ୍ଲିକ ଉପଖଣ୍ଡର ବ୍ୟାବସାୟିକ କେନ୍ଦ୍ର ଭାବରେ ବଇଣ୍ଡା ପରିଚିତ। ଏଠାରେ ରେଳ ଷ୍ଟେସନ ଥିବାରୁ ଅଞ୍ଚଳରେ ସର୍ବଦା ଗହଳି ଲାଗିରହିଥାଏ। ଏହି ପରିସ୍ଥିତିକୁ ଦୃଷ୍ଟିରେ ରଖି ଜିଲ୍ଲା ପୋଲିସ ବିଭାଗ ପକ୍ଷରୁ ୧୦ଟି ସ୍ଥାନରେ ସିସି କ୍ୟାମେରା ଲଗାଯାଇଥିଲା। ତେବେ ଗତ ବର୍ଷେ ହେବ ଉକ୍ତ କ୍ୟାମେରାଗୁଡ଼ିକ ସମ୍ପୂର୍ଣ୍ଣ ଅଚଳ ହୋଇପଡ଼ିଛି ଏବଂ ତାରଗୁଡ଼ିକ କାଟି ଦିଆଯାଇଛି। ଜିଲ୍ଲା ପୋଲିସ ପକ୍ଷରୁ ଏହାର ମରାମତି କରାଯାଉ ନାହିଁ, ଯାହାକୁ ନେଇ ଗ୍ରାମବାସୀ ଜିଲ୍ଲା ପୋଲିସର ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ। ବଇଣ୍ଡା ଗ୍ରାମବାସୀ ତୁରନ୍ତ ଅଚଳ କ୍ୟାମେରାଗୁଡ଼ିକୁ ମରାମତି କରିବା ପାଇଁ ଦାବି କରିଛନ୍ତି। ଏହି ପ୍ରସଙ୍ଗରେ ବଇଣ୍ଡା ଫାଣ୍ଡି ଅଧିକାରୀ ତପନ କୁମାର ରାଏ କହିଛନ୍ତି ଯେ ସିସି କ୍ୟାମେରା ମରାମତି ପାଇଁ ଜିଲ୍ଲା ପୋଲିସ ଅଧିକାରୀଙ୍କୁ ଅବଗତ କରାଯିବ।