ऊसाला पाणी भरताना विजेचा धक्का; शेतकऱ्याचा दुर्दैवी मृत्यू ऊसाला पाणी भरताना विजेचा धक्का; शेतकऱ्याचा दुर्दैवी मृत्यू.. आंबेगाव तालुक्यातील चांडोली बुद्रुक येथे ऊसाच्या पिकाला पाणी भरताना विजेचा धक्का बसून एका शेतकऱ्याचा मृत्यू झाल्याची हृदयद्रावक घटना सोमवारी सकाळी साडेसातच्या सुमारास घडली. सुरेश पांडुरंग थोरात (वय ४४) असे मृत शेतकऱ्याचे नाव आहे. मिळालेल्या माहितीनुसार, थोरात हे सकाळी सात वाजताच्या सुमारास वीज आल्यानंतर आपल्या शेतातील ऊस पिकाला पाणी भरण्यासाठी गेले होते. त्यांनी वीज पंप सुरू करून शेतात पाणी सोडले. पाणी देत असताना शेतातील वीज वाहक लोखंडी खांबाजवळ ते गेले असता, काही दिवसांपूर्वी केबल तुटल्यामुळे त्या खांबात वीज प्रवाह उतरला होता. याच खांबाला थोरात यांचा स्पर्श झाल्याने त्यांना जोरदार विजेचा धक्का बसला आणि ते जागीच कोसळले. घटनेदरम्यान ते काही वेळ खांबाला चिकटलेल्या अवस्थेतच होते. सकाळच्या वेळी मॉर्निंग वॉकसाठी आलेले वामन तुळशीराम थोरात यांनी हा प्रकार पाहून आरडाओरडा केला. त्यानंतर ग्रामस्थ घटनास्थळी जमा झाले. ग्रामस्थांनी तातडीने थोरात यांना मंचर येथील खासगी रुग्णालयात नेले. तेथील डॉक्टरांनी पुढील उपचारासाठी उपजिल्हा रुग्णालयात पाठविले, मात्र तेथे डॉक्टरांनी त्यांना उपचारापूर्वीच मृत घोषित केले. दरम्यान, संबंधित वीज खांब काही दिवसांपूर्वी वाहनाच्या धडकेत आडवा झाला होता. याबाबत वारंवार तक्रारी करूनही वीज वितरण कंपनीकडून दुरुस्ती करण्यात आली नसल्याचा आरोप ग्रामस्थांनी केला आहे. या घटनेनंतर संतप्त ग्रामस्थांनी वीज वितरण कंपनीच्या निष्काळजीपणावर तीव्र संताप व्यक्त केला. घटना समजताच मोठ्या संख्येने ग्रामस्थांनी उपजिल्हा रुग्णालय व मंचर पोलीस ठाण्याकडे धाव घेतली. जोपर्यंत मृताच्या कुटुंबीयांना योग्य भरपाई मिळत नाही, तोपर्यंत मृतदेह ताब्यात न घेण्याचा निर्णय ग्रामस्थांनी घेतला आहे. मृत सुरेश थोरात यांच्या पश्चात आई-वडील, पत्नी आणि दोन लहान मुले असा परिवार असून, या घटनेमुळे परिसरात शोककळा पसरली आहे. ग्रामस्थांनी वीज वितरण कंपनीकडून तत्काळ भरपाई देण्याची मागणी केली आहे.

पत्रकार ओमप्रकाश उढाण

घनसावंगी, जालना, महाराष्ट्र•

12 hrs ago

ऊसाला पाणी भरताना विजेचा धक्का; शेतकऱ्याचा दुर्दैवी मृत्यू ऊसाला पाणी भरताना विजेचा धक्का; शेतकऱ्याचा दुर्दैवी मृत्यू.. आंबेगाव तालुक्यातील चांडोली बुद्रुक येथे ऊसाच्या पिकाला पाणी भरताना विजेचा धक्का बसून एका शेतकऱ्याचा मृत्यू झाल्याची हृदयद्रावक घटना सोमवारी सकाळी साडेसातच्या सुमारास घडली. सुरेश पांडुरंग थोरात (वय ४४) असे मृत शेतकऱ्याचे नाव आहे. मिळालेल्या माहितीनुसार, थोरात हे सकाळी सात वाजताच्या सुमारास वीज आल्यानंतर आपल्या शेतातील ऊस पिकाला पाणी भरण्यासाठी गेले होते. त्यांनी वीज पंप सुरू करून शेतात पाणी सोडले. पाणी देत असताना शेतातील वीज वाहक लोखंडी खांबाजवळ ते गेले असता, काही दिवसांपूर्वी केबल तुटल्यामुळे त्या खांबात वीज प्रवाह उतरला होता. याच खांबाला थोरात यांचा स्पर्श झाल्याने त्यांना जोरदार विजेचा धक्का बसला आणि ते जागीच कोसळले. घटनेदरम्यान ते काही वेळ खांबाला चिकटलेल्या अवस्थेतच होते. सकाळच्या वेळी मॉर्निंग वॉकसाठी आलेले वामन तुळशीराम थोरात यांनी हा प्रकार पाहून आरडाओरडा केला. त्यानंतर ग्रामस्थ घटनास्थळी जमा झाले. ग्रामस्थांनी तातडीने थोरात यांना मंचर येथील खासगी रुग्णालयात नेले. तेथील डॉक्टरांनी पुढील उपचारासाठी उपजिल्हा रुग्णालयात पाठविले, मात्र तेथे डॉक्टरांनी त्यांना उपचारापूर्वीच मृत घोषित केले. दरम्यान, संबंधित वीज खांब काही दिवसांपूर्वी वाहनाच्या धडकेत आडवा झाला होता. याबाबत वारंवार तक्रारी करूनही वीज वितरण कंपनीकडून दुरुस्ती करण्यात आली नसल्याचा आरोप ग्रामस्थांनी केला आहे. या घटनेनंतर संतप्त ग्रामस्थांनी वीज वितरण कंपनीच्या निष्काळजीपणावर तीव्र संताप व्यक्त केला. घटना समजताच मोठ्या संख्येने ग्रामस्थांनी उपजिल्हा रुग्णालय व मंचर पोलीस ठाण्याकडे धाव घेतली. जोपर्यंत मृताच्या कुटुंबीयांना योग्य भरपाई मिळत नाही, तोपर्यंत मृतदेह ताब्यात न घेण्याचा निर्णय ग्रामस्थांनी घेतला आहे. मृत सुरेश थोरात यांच्या पश्चात आई-वडील, पत्नी आणि दोन लहान मुले असा परिवार असून, या घटनेमुळे परिसरात शोककळा पसरली आहे. ग्रामस्थांनी वीज वितरण कंपनीकडून तत्काळ भरपाई देण्याची मागणी केली आहे.