କନ୍ଧମାଳ ଜିଲ୍ଲାର ଖଜୁରୀପଡା ଥାନା ଅନ୍ତର୍ଗତ ବଲସ୍କୁମ୍ପା ନିକଟ ପିଲା ସାଲୁଙ୍କି ଡ୍ୟାମରେ ଗାଧୋଉଥିବା ବେଳେ ଗୋଡ ଖସିଯିବାରୁ ଦୁଇ କଲେଜ ଛାତ୍ର ପାଣିରେ ବୁଡ଼ିଯାଇଛନ୍ତି। ଏହି ଦୁର୍ଭାଗ୍ୟପୂର୍ଣ୍ଣ ଘଟଣାରେ ଜଣେ ଛାତ୍ରଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇ ଚିକିତ୍ସିତ ହେଉଛନ୍ତି। ମୃତକ ଛାତ୍ର ହେଲେ ୧୭ ବର୍ଷୀୟ ସୀତାଂଶୁ ଶେଖର ନାୟକ, ଯିଏ ଫୁଲବାଣୀର ପିଅନପଡା ସାହିର ଶୁଭେନ୍ଦୁ ନାୟକଙ୍କ ପୁଅ। ଗୁରୁତର ଆହତ ହୋଇଥିବା ୧୯ ବର୍ଷୀୟ ଆଦିତ୍ୟ ପାତ୍ର ଫୁଲବାଣୀ ବ୍ରାହ୍ମଣ ସାହିର ବୋଲି ଜଣାପଡ଼ିଛି। କଲେଜ୍ ଛୁଟି ଥିବାରୁ ମୋଟ ଛଅ ଜଣ ସାଙ୍ଗ ପିଲା ସାଲୁଙ୍କି ଡ୍ୟାମ ବୁଲିବାକୁ ଯାଇଥିଲେ ଏବଂ ସେଠାରେ ଗାଧୋଉଥିବା ସମୟରେ ଏହି ଅଘଟଣ ଘଟିଥିଲା। ଡ୍ୟାମରେ ବୁଡ଼ିଯାଇଥିବା ଦୁଇ ଛାତ୍ରଙ୍କ ମଧ୍ୟରୁ ପ୍ରଥମେ ଜଣଙ୍କୁ ଉଦ୍ଧାର କରାଯାଇଥିଲା, କିନ୍ତୁ ଅନ୍ୟ ଜଣଙ୍କର ପତ୍ତା ମିଳି ନ ଥିଲା। ଖବର ପାଇ ଫୁଲବାଣୀ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଖୋଜ ଛାତ୍ରଙ୍କୁ ଗଭୀର ପାଣିରୁ ଉଦ୍ଧାର କରି ଫୁଲବାଣୀ ମେଡିକାଲକୁ ନେଇଥିଲେ, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖଜୁରୀପଡା ଥାନା ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଫୁଲବାଣୀ ମେଡିକାଲକୁ ପଠାଇଛି। ପ୍ରଥମେ ଉଦ୍ଧାର କରାଯାଇଥିବା ଛାତ୍ର ଆଦିତ୍ୟ ପାତ୍ରଙ୍କ ଛାତିରେ ପାଣି ଜମିଯାଇ ଗୁରୁତର ଥିବାରୁ ତାଙ୍କୁ ଭୁବନେଶ୍ୱର ମେଡିକାଲକୁ ସ୍ଥାନାନ୍ତର କରାଯାଇଛି। ମୃତକ ସୀତାଂଶୁଙ୍କ ବାପା ଜଣେ ବରିଷ୍ଠ କିରାଣୀ ଏବଂ ସେ ପୁଅକୁ ଉଚ୍ଚ ଶିକ୍ଷା ପାଇଁ ଭୁବନେଶ୍ୱରର ଏକ ଘରୋଇ ଇଞ୍ଜିନିୟରିଂ କଲେଜରେ ପାଠ ପଢାଉଥିଲେ। ପୁଅର ମୃତ୍ୟୁ ଖବର ପାଇ ପରିବାର ଲୋକେ ଗଭୀର ଦୁଃଖରେ ଭାଙ୍ଗି ପଡ଼ିଛନ୍ତି। ଏହି ଅଭାବନୀୟ ତଥା ଦୁଃଖଦ ଘଟଣା ଯୋଗୁଁ ଫୁଲବାଣୀ ସହରରେ ଶୋକର ଛାୟା ଖେଳିଯାଇଛି।

Baidyanath nayak

Agistment service Phulabani, Kandhamal•

2 hrs ago

କନ୍ଧମାଳ ଜିଲ୍ଲାର ଖଜୁରୀପଡା ଥାନା ଅନ୍ତର୍ଗତ ବଲସ୍କୁମ୍ପା ନିକଟ ପିଲା ସାଲୁଙ୍କି ଡ୍ୟାମରେ ଗାଧୋଉଥିବା ବେଳେ ଗୋଡ ଖସିଯିବାରୁ ଦୁଇ କଲେଜ ଛାତ୍ର ପାଣିରେ ବୁଡ଼ିଯାଇଛନ୍ତି। ଏହି ଦୁର୍ଭାଗ୍ୟପୂର୍ଣ୍ଣ ଘଟଣାରେ ଜଣେ ଛାତ୍ରଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇ ଚିକିତ୍ସିତ ହେଉଛନ୍ତି। ମୃତକ ଛାତ୍ର ହେଲେ ୧୭ ବର୍ଷୀୟ ସୀତାଂଶୁ ଶେଖର ନାୟକ, ଯିଏ ଫୁଲବାଣୀର ପିଅନପଡା ସାହିର ଶୁଭେନ୍ଦୁ ନାୟକଙ୍କ ପୁଅ। ଗୁରୁତର ଆହତ ହୋଇଥିବା ୧୯ ବର୍ଷୀୟ ଆଦିତ୍ୟ ପାତ୍ର ଫୁଲବାଣୀ ବ୍ରାହ୍ମଣ ସାହିର ବୋଲି ଜଣାପଡ଼ିଛି। କଲେଜ୍ ଛୁଟି ଥିବାରୁ ମୋଟ ଛଅ ଜଣ ସାଙ୍ଗ ପିଲା ସାଲୁଙ୍କି ଡ୍ୟାମ ବୁଲିବାକୁ ଯାଇଥିଲେ ଏବଂ ସେଠାରେ ଗାଧୋଉଥିବା ସମୟରେ ଏହି ଅଘଟଣ ଘଟିଥିଲା। ଡ୍ୟାମରେ ବୁଡ଼ିଯାଇଥିବା ଦୁଇ ଛାତ୍ରଙ୍କ ମଧ୍ୟରୁ ପ୍ରଥମେ ଜଣଙ୍କୁ ଉଦ୍ଧାର କରାଯାଇଥିଲା, କିନ୍ତୁ ଅନ୍ୟ ଜଣଙ୍କର ପତ୍ତା ମିଳି ନ ଥିଲା। ଖବର ପାଇ ଫୁଲବାଣୀ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଖୋଜ ଛାତ୍ରଙ୍କୁ ଗଭୀର ପାଣିରୁ ଉଦ୍ଧାର କରି ଫୁଲବାଣୀ ମେଡିକାଲକୁ ନେଇଥିଲେ, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖଜୁରୀପଡା ଥାନା ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଫୁଲବାଣୀ ମେଡିକାଲକୁ ପଠାଇଛି। ପ୍ରଥମେ ଉଦ୍ଧାର କରାଯାଇଥିବା ଛାତ୍ର ଆଦିତ୍ୟ ପାତ୍ରଙ୍କ ଛାତିରେ ପାଣି ଜମିଯାଇ ଗୁରୁତର ଥିବାରୁ ତାଙ୍କୁ ଭୁବନେଶ୍ୱର ମେଡିକାଲକୁ ସ୍ଥାନାନ୍ତର କରାଯାଇଛି। ମୃତକ ସୀତାଂଶୁଙ୍କ ବାପା ଜଣେ ବରିଷ୍ଠ କିରାଣୀ ଏବଂ ସେ ପୁଅକୁ ଉଚ୍ଚ ଶିକ୍ଷା ପାଇଁ ଭୁବନେଶ୍ୱରର ଏକ ଘରୋଇ ଇଞ୍ଜିନିୟରିଂ କଲେଜରେ ପାଠ ପଢାଉଥିଲେ। ପୁଅର ମୃତ୍ୟୁ ଖବର ପାଇ ପରିବାର ଲୋକେ ଗଭୀର ଦୁଃଖରେ ଭାଙ୍ଗି ପଡ଼ିଛନ୍ତି। ଏହି ଅଭାବନୀୟ ତଥା ଦୁଃଖଦ ଘଟଣା ଯୋଗୁଁ ଫୁଲବାଣୀ ସହରରେ ଶୋକର ଛାୟା ଖେଳିଯାଇଛି।