मतदार यादी विशेष सखोल पुनरिक्षणाच्या पूर्वतयारीसाठी जिल्हाधिकारी कार्यालयात प्रशिक्षण संपन्न निर्धारित मुदतीत, समन्वयाने काम पूर्ण करावे – जिल्हाधिकारी संजयसिंह चव्हाण परभणी (प्रतिनिधी) : भारत निवडणूक आयोगाच्या निर्देशानुसार देशातील 9 राज्ये आणि 3 केंद्रशासित प्रदेशांमध्ये मतदार याद्यांचा विशेष सखोल पुनरिक्षण (SIR) कार्यक्रम राबविण्यात येत असून, महाराष्ट्रातही एप्रिल 2026 मध्ये हा कार्यक्रम सुरू होण्याची शक्यता आहे. या पार्श्वभूमीवर पूर्वतयारीसाठी जिल्हाधिकारी कार्यालयातील नियोजन सभागृहात दिनांक 11 फेब्रुवारी रोजी प्रशिक्षणाचे आयोजन करण्यात आले. प्रशिक्षणास सेलू उपविभागीय अधिकारी शैलेश लाहोटी, पाथरी उपविभागीय अधिकारी संगीता चव्हाण, गंगाखेड उपविभागीय अधिकारी जिवराज डापकर, परभणी उपविभागीय अधिकारी उदयसिंह भोसले यांच्यासह सर्व संबंधित अधिकारी व कर्मचारी उपस्थित होते. प्रशिक्षणात विशेष सखोल पुनरिक्षण कार्यक्रम अंतर्गत 2002 च्या अंतिम मतदार यादीतील मतदारांचे 2025 च्या मतदार यादीशी मॅपिंग करण्याबाबत सविस्तर मार्गदर्शन देण्यात आले. तसेच 2002 च्या यादीत नाव नसलेल्या मतदारांचे त्यांच्या आई-वडील अथवा आजी-आजोबा यांच्या नोंदीशी बीएलओ अॅपच्या माध्यमातून ऑनलाईन मॅपिंग कसे करावे याचे प्रात्यक्षिक दाखविण्यात आले. याशिवाय मतदार यादीतील दुबार नोंदी, अस्पष्ट किंवा मानवी नसलेली छायाचित्रे यांची पडताळणी करून आवश्यक ती कार्यवाही करण्याबाबत ऑनलाईन पद्धतीने मार्गदर्शन करण्यात आले. मतदान केंद्रांचे सुसूत्रीकरण करताना एका केंद्रावर 1200 पेक्षा जास्त मतदार जोडले जाणार नाहीत याची दक्षता घेऊन सुसूत्रीकरणाचे प्रस्ताव 15 मार्च 2026 पर्यंत तयार करण्याचे सूचनाही दिल्या गेल्या. भारत निवडणूक आयोगाने बीएलओ ॲपमध्ये मतदारांना संबंधित बीएलओंना कॉल करण्याची सुविधा उपलब्ध करून दिली असून, कॉल बुक झाल्यानंतर अर्जदारास प्रतिसाद देण्यासाठी कॉल बॅक करण्याची कार्यपद्धती देखील प्रात्यक्षिकाद्वारे दाखविण्यात आली. बीएलओ आर. एस. शिरसेवाड यांनी दुबार नोंदीबाबत कार्यवाही करण्याचे प्रात्यक्षिक सादर केले. आगामी विशेष सखोल पुनरिक्षणासाठी मोठ्या प्रमाणात कर्मचाऱ्यांची आवश्यकता असल्यामुळे बीएलओंना सहाय्य करण्यासाठी गावपातळीवरील कर्मचारी, संगणक ऑपरेटर व इतर कर्मचाऱ्यांची नियुक्ती करण्याबाबत जिल्हाधिकारी व जिल्हा निवडणूक अधिकारी संजयसिंह चव्हाण यांनी मार्गदर्शन केले. उपजिल्हा निवडणूक अधिकारी अरुणा संगेवार यांनी पीपीटीद्वारे उपस्थितांना प्रशिक्षण दिले. या प्रशिक्षणास जिल्ह्यातील सर्व मतदार नोंदणी अधिकारी, उपविभागीय अधिकारी, सहायक मतदार नोंदणी अधिकारी, तहसीलदार, गटविकास अधिकारी, मुख्याधिकारी, गटशिक्षण अधिकारी, निवडणूक नायब तहसीलदार तसेच बीएलओ सुपरवायझर उपस्थित होते.

Kapil Ashokrao Shinde

मानवत, परभणी, महाराष्ट्र•

3 hrs ago

मतदार यादी विशेष सखोल पुनरिक्षणाच्या पूर्वतयारीसाठी जिल्हाधिकारी कार्यालयात प्रशिक्षण संपन्न निर्धारित मुदतीत, समन्वयाने काम पूर्ण करावे – जिल्हाधिकारी संजयसिंह चव्हाण परभणी (प्रतिनिधी) : भारत निवडणूक आयोगाच्या निर्देशानुसार देशातील 9 राज्ये आणि 3 केंद्रशासित प्रदेशांमध्ये मतदार याद्यांचा विशेष सखोल पुनरिक्षण (SIR) कार्यक्रम राबविण्यात येत असून, महाराष्ट्रातही एप्रिल 2026 मध्ये हा कार्यक्रम सुरू होण्याची शक्यता आहे. या पार्श्वभूमीवर पूर्वतयारीसाठी जिल्हाधिकारी कार्यालयातील नियोजन सभागृहात दिनांक 11 फेब्रुवारी रोजी प्रशिक्षणाचे आयोजन करण्यात आले. प्रशिक्षणास सेलू उपविभागीय अधिकारी शैलेश लाहोटी, पाथरी उपविभागीय अधिकारी संगीता चव्हाण, गंगाखेड उपविभागीय अधिकारी जिवराज डापकर, परभणी उपविभागीय अधिकारी उदयसिंह भोसले यांच्यासह सर्व संबंधित अधिकारी व कर्मचारी उपस्थित होते. प्रशिक्षणात विशेष सखोल पुनरिक्षण कार्यक्रम अंतर्गत 2002 च्या अंतिम मतदार यादीतील मतदारांचे 2025 च्या मतदार यादीशी मॅपिंग करण्याबाबत सविस्तर मार्गदर्शन देण्यात आले. तसेच 2002 च्या यादीत नाव नसलेल्या मतदारांचे त्यांच्या आई-वडील अथवा आजी-आजोबा यांच्या नोंदीशी बीएलओ अॅपच्या माध्यमातून ऑनलाईन मॅपिंग कसे करावे याचे प्रात्यक्षिक दाखविण्यात आले. याशिवाय मतदार यादीतील दुबार नोंदी, अस्पष्ट किंवा मानवी

नसलेली छायाचित्रे यांची पडताळणी करून आवश्यक ती कार्यवाही करण्याबाबत ऑनलाईन पद्धतीने मार्गदर्शन करण्यात आले. मतदान केंद्रांचे सुसूत्रीकरण करताना एका केंद्रावर 1200 पेक्षा जास्त मतदार जोडले जाणार नाहीत याची दक्षता घेऊन सुसूत्रीकरणाचे प्रस्ताव 15 मार्च 2026 पर्यंत तयार करण्याचे सूचनाही दिल्या गेल्या. भारत निवडणूक आयोगाने बीएलओ ॲपमध्ये मतदारांना संबंधित बीएलओंना कॉल करण्याची सुविधा उपलब्ध करून दिली असून, कॉल बुक झाल्यानंतर अर्जदारास प्रतिसाद देण्यासाठी कॉल बॅक करण्याची कार्यपद्धती देखील प्रात्यक्षिकाद्वारे दाखविण्यात आली. बीएलओ आर. एस. शिरसेवाड यांनी दुबार नोंदीबाबत कार्यवाही करण्याचे प्रात्यक्षिक सादर केले. आगामी विशेष सखोल पुनरिक्षणासाठी मोठ्या प्रमाणात कर्मचाऱ्यांची आवश्यकता असल्यामुळे बीएलओंना सहाय्य करण्यासाठी गावपातळीवरील कर्मचारी, संगणक ऑपरेटर व इतर कर्मचाऱ्यांची नियुक्ती करण्याबाबत जिल्हाधिकारी व जिल्हा निवडणूक अधिकारी संजयसिंह चव्हाण यांनी मार्गदर्शन केले. उपजिल्हा निवडणूक अधिकारी अरुणा संगेवार यांनी पीपीटीद्वारे उपस्थितांना प्रशिक्षण दिले. या प्रशिक्षणास जिल्ह्यातील सर्व मतदार नोंदणी अधिकारी, उपविभागीय अधिकारी, सहायक मतदार नोंदणी अधिकारी, तहसीलदार, गटविकास अधिकारी, मुख्याधिकारी, गटशिक्षण अधिकारी, निवडणूक नायब तहसीलदार तसेच बीएलओ सुपरवायझर उपस्थित होते.